51 ਹਜ਼ਾਰ ਤੋਂ ਵੱਧ ਗ੍ਰਿਫ਼ਤਾਰੀਆਂ, 36 ਹਜ਼ਾਰ ਤੋਂ ਵੱਧ FIRs… “ਯੁੱਧ ਨਸ਼ਿਆਂ ਵਿਰੁੱਧ” ਮੁਹਿੰਮ ਦਾ ਇੱਕ ਸਾਲ ਪੂਰਾ

ਪੰਜਾਬ ‘ਚ ‘ਯੁੱਧ ਨਸ਼ਿਆਂ ਵਿਰੁੱਧ’ ਮੁਹਿੰਮ ਨੂੰ ਇੱਕ ਸਾਲ ਪੂਰਾ ਹੋ ਚੁੱਕਿਆ ਹੈ। 1 ਮਾਰਚ, 2025 ਨੂੰ ਸ਼ੁਰੂ ਹੋਈ ਇਹ ਮੁਹਿੰਮ ਨਾਲ ਪੰਜਾਬ ਸਰਕਾਰ ਨੂੰ ਨਸ਼ਿਆਂ ‘ਤੇ ਕਾਬੂ ਪਾਉਣ ‘ਚ ਵੱਡੀ ਸਫਲਤਾ ਮਿਲੀ ਹੈ। ਮੁਹਿੰਮ ਦਾ ਇੱਕ ਸਾਲ ਪੂਰਾ ਹੋਣ ‘ਤੇ ਸਰਕਾਰ ਨੇ ਦਾਅਵਾ ਕੀਤਾ ਹੈ ਮੁੱਖ ਮੰਤਰੀ ਭਗਵੰਮ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਨੇ ਦਾਅਵਾ ਕੀਤਾ ਹੈ ਕਿ ਇਹ ਡਰੱਗ ਨੈੱਟਵਰਕ ‘ਤੇ ਸਭ ਤੋਂ ਵੱਡਾ ਪ੍ਰਹਾਰ ਹੈ।

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇੱਕ ਸਾਲ ‘ਚ ਇਸ ਮੁਹਿੰਮ ਦੀ ਸਫਲਤਾ ‘ਤੇ ਸਰਕਾਰੀ ਅੰਕੜੇ ਜਾਰੀ ਕੀਤੇ ਹਨ। ਉਨ੍ਹਾਂ ਸੋਸ਼ਲ ਮੀਡੀਆ ਪਲੈਟਫਾਰਮ ਐਕਸ ‘ਤੇ ਪੋਸਟ ਕਰਦੇ ਹੋਏ, ਇਸ ਮੁਹਿੰਮ ਰਾਹੀਂ ਨਸ਼ੇ ਦੇ ਵਿਰੁੱਧ ਕਾਰਵਾਈ ਦੇ ਅੰਕੜੇ ਜਾਰੀ ਕੀਤੇ ਹਨ।

51,000 ਤੋਂ ਵੱਧ ਗੈਂਗਸਟਰ ਕਾਬੂ, 36,000 ਤੋਂ ਵੱਧ FIRs

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਪੋਸਟ ਕਰਦੇ ਹੋਏ ਦੱਸਿਆ ਕਿ ਇਸ ਮੁਹਿੰਮ ਤਹਿਤ 51,648 ਨਸ਼ਾ ਤਸਕਰ ਕਾਬੂ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ 36,178 ਮਾਮਲੇ (ਐਫਆਈਆਰ) ਦਰਜ ਕੀਤੇ ਗਏ ਹਨ। ਉੱਥੇ ਹੀ, ਇਸ ਮੁਹਿੰਮ ਦੇ ਚੱਲਦੇ ਵੱਡੇ ਤਦਾਦ ‘ਚ ਨਸ਼ਾ ਵੀ ਜ਼ਬਤ ਕੀਤਾ ਗਿਆ ਹੈ।

ਹੁਣ ਤੱਕ ਇਸ ਮੁਹਿੰਮ ਤਹਿਤ 49 ਲੱਖ ਤੋਂ ਵੱਧ ਨਸ਼ੀਲੀਆਂ ਗੋਲੀਆਂ ਤੇ ਕੈਪਸੂਲ ਜ਼ਬਤ ਕੀਤੇ ਜਾ ਚੁੱਕੇ ਹਨ। ਤੇ 16.70 ਕਰੋੜ ਦੀ ਡਰੱਗ ਮਨੀ ਬਰਾਮਦ ਕੀਤੀ ਜਾ ਚੁੱਕੀ ਹੈ। ਸੀਐਮ ਮਾਨ ਦਾ ਕਹਿਣਾ ਹੈ ਕਿ ਪੰਜਾਬ ਦੀ ਜਵਾਨੀ ਬਚਾਉਣ ਦੇ ਲਈ ਸਾਡੀ ਜੰਗ ਬਿਨਾਂ ਰੁਕੇ ਜਾਰੀ ਰਹੇਗੀ। ਉਨ੍ਹਾਂ ਨੇ ਕਿਹਾ ਹੈ ਕਿ ਪੰਜਾਬ ਸਰਕਾਰ ਦੀ ਜ਼ੀਰੋ ਟਾਲਰੈਂਸ ਨੀਤੀ ਦੇ ਨਤੀਜੇ ਸਾਰਿਆਂ ਦੇ ਸਾਹਮਣੇ ਹਨ।

“ਯੁੱਧ ਨਸ਼ਿਆਂ ਵਿਰੁੱਧ” ਮੁਹਿੰਮ ਦੇ ਇੱਕ ਸਾਲ ਪੂਰਾ ਹੋਣ ‘ਤੇ ਪੰਜਾਬ ਵਿੱਚ ਡਰੱਗ ਨੈੱਟਵਰਕ ‘ਤੇ ਸਭ ਤੋਂ ਵੱਡਾ ਪ੍ਰਹਾਰ! ਪਿਛਲੇ ਇੱਕ ਸਾਲ (ਮਾਰਚ 2025 – ਫਰਵਰੀ 2026) ਵਿੱਚ ਸਾਡੀ ਜ਼ੀਰੋ ਟਾਲਰੈਂਸ ਨੀਤੀ ਦੇ ਨਤੀਜੇ ਸਭ ਦੇ ਸਾਹਮਣੇ ਹਨ:

ਇਹ ਵੀ ਪੜ੍ਹੋ

ਕਣਕ ਦੀ ਖਰੀਦ 'ਤੇ ਪੰਜਾਬ 'ਚ ਕੇਂਦਰ ਨੇ ਦਿੱਤੀ ਰਿਆਇਤ, 70 ਫੀਸਦੀ ਤੱਕ ਬਦਰੰਗ ਕਣਕ

ਚੰਡੀਗੜ੍ਹ 'ਚ 'ਨਸ਼ਾ ਭਗਾਓ-ਬੱਲਾ ਘੁੰਮਾਓ' ਗਲੀ ਕ੍ਰਿਕਟ ਟੂਰਨਾਮੈਂਟ ਦੀ ਸ਼ੁਰੂਆਤ

ਕੀ 2027 ਦੀਆਂ ਪੰਜਾਬ ਚੋਣਾਂ 'ਚ ਵਿਧਾਨ ਸਭਾ ਸੀਟਾਂ ਵਧਣਗੀਆਂ? ਜਾਣੋ

36,178 ਮੁਕੱਦਮੇ (FIRs) ਦਰਜ 51,648 ਨਸ਼ਾ ਤਸਕਰ ਗ੍ਰਿਫਤਾਰ 2277 ਕਿੱਲੋ ਹੈਰੋਇਨ (Heroin) ਬਰਾਮਦ pic.twitter.com/sAFvcSJ6cR — Bhagwant Mann (@BhagwantMann) March 2, 2026

ਵੱਡੀ ਮਾਤਰਾ ‘ਚ ਨਸ਼ਾ ਬਰਾਮਦ

• ਹੋਰਇਨ- 2276.98 ਕਿੱਲੋ
• ਭੁੱਕੀ/ਚੂਰਾ ਪੋਸਤ- 22,299.40 ਕਿੱਲੋ
• ਅਫੀਮ- 686.26 ਕਿੱਲੋ
• ਗਾਂਜਾ- 807.96 ਕਿੱਲੋ
• ਗੋਲੀਆਂ/ਕੈਪਸੂਲ- 49,02,575
• ਟੀਕੇ- 1,985
• ਆਈਸ ਡਰੱਗ- 36.47 ਕਿੱਲੋ
• ਨਸ਼ੀਲਾ ਪਾਊਡਰ- 42.93 ਕਿੱਲੋ
• ਚਰਸ- 68.15 ਕਿੱਲੋ
• ਕੋਕੀਨ- 4.46 ਕਿੱਲੋ
• ਸਮੈਕ- 0.27 ਕਿੱਲੋ