ਨੈਸ਼ਨਲ ਖਿਡਾਰੀ ਨਹੀਂ ਕਰੇਗਾ ਪੱਲੇਦਾਰੀ, ਪਰਮਜੀਤ ਕੁਮਾਰ ਨੂੰ ਕੋਚ ਦੀ ਨੌਕਰੀ ਦੇਵੇਗੀ ਪੰਜਾਬ ਸਰਕਾਰ

ਚੰਡੀਗੜ੍ਹ। ਹਾਕੀ ਖਿਡਾਰੀ ਪਰਮਜੀਤ ਕੁਮਾਰ ਦੀ ਪੱਲੇਦਾਰੀ ਕਰਦੇ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹੁਣ ਪੰਜਾਬ ਸਰਕਾਰ ਨੇ ਉਸਦੀ ਬਾਂਹ ਫੜ੍ਹੀ ਹੈ। ਹਾਕੀ ਖਿਡਾਰੀ ਨੂੰ ਨੌਕਰੀ ਦੇਣ ਦਾ ਐਲਾਨ ਕੀਤਾ ਹੈ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਹਾਕੀ ਖਿਡਾਰੀ ਪਰਮਜੀਤ ਕੁਮਾਰ ਨੂੰ ਆਪਣੇ ਦਫ਼ਤਰ ਬੁਲਾਇਆ ਗਿਆ। ਮੁੱਖ ਮੰਤਰੀ ਭਗਵੰਤ ਮਾਨ ਨਾਲ ਪਰਮਜੀਤ ਕੁਮਾਰ ਨੇ ਮੁਲਾਕਾਤ ਕੀਤੀ। ਇਸ ਮੌਕੇ ਹਾਕੀ ਖਿਡਾਰੀ ਪਰਮਜੀਤ ਕੁਮਾਰ ਨੇ ਆਪਣੇ ਵੱਲੋਂ ਖੇਡੇ ਗਏ ਮੈਚਾਂ ਬਾਰੇ ਜਾਣਕਾਰੀ ਦਿੱਤੀ।

ਮੁੱਖ ਮੰਤਰੀ ਨੇ ਦਿੱਤਾ ਨੌਕਰੀ ਦਾ ਭਰੋਸਾ

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਮੁਲਾਕਾਤ ਦੌਰਾਨ ਪਰਮਜੀਤ ਕੁਮਾਰ ਨੂੰ ਫਰੀਦਕੋਟ ਵਿਖੇ ਕੋਚ ਦੀ ਨੌਕਰੀ ਦੇਣ ਦਾ ਭਰੋਸਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਖੇਡ ਵਿਭਾਗ ਨੇ ਕਾਗਜੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ, ਛੇਤੀ ਹੀ ਸਾਰੀ ਕਾਰਵਾਈ ਕਰਕੇ ਤੁਹਾਨੂੰ ਬੁਲਾਇਆ ਜਾਵੇਗਾ। ਪਰਮਜੀਤ ਕੁਮਾਰ ਪਰਿਵਾਰ ਦੇ ਪਾਲਣ-ਪੋਸ਼ਣ ਲਈ ਚੌਲਾਂ ਦੀਆਂ ਬੋਰੀਆਂ ਢੌਣ ਲਈ ਮਜਬੂਰ ਸੀ। ਇਸ ਖਿਡਾਰੀ ਨੂੰ ਇੱਕ ਬੋਰੀ ਲੋਡਿੰਗ-ਅਨਲੋਡਿੰਗ ਦੇ ਸਿਰਫ਼ 1.25 ਰੁਪਏ ਮਿਲਦੇ ਸਨ। ਸਾਲ 2012 ਵਿੱਚ ਪਰਮਜੀਤ ਦੇ ਖੱਬਾ ਤੇ ਸੱਟ ਲੱਗਣ ਤੋਂ ਬਾਅਦ ਉਸ ਨੇ ਰਾਜ ਪੱਧਰ ਅਤੇ ਸਥਾਨਕ ਪੱਧਰ ‘ਤੇ ਹਾਕੀ ਖੇਡੀ ਅਤੇ ਸਾਲ 2015 ਤੋਂ ਬਾਅਦ ਹਾਕੀ ਪੂਰੀ ਤਰ੍ਹਾਂ ਖੁੰਝ ਗਈ। ਇਸ ਤੋਂ ਬਾਅਦ ਉਹ ਪਲੇਦਾਰ ਵਜੋਂ ਕੰਮ ਕਰਨ ਲੱਗਾ। ਇਸ ਸਮੇਂ ਉਹ ਆਪਣੀ ਪਤਨੀ ਅਤੇ ਪੁੱਤਰ ਨਾਲ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦਾ ਹੈ।

ਬਚਪਨ ਗਰੀਬੀ ਚ ਹੰਢਾਇਆ, ਹਾਕੀ ਕਿੱਟ ਖਰੀਦਣ ਲਈ ਨਹੀਂ ਸਨ ਪੈਸੇ

ਪਰਮਜੀਤ ਕੁਮਾਰ ਦਾ ਕਹਿਣਾ ਹੈ ਕਿ ਜਦੋਂ ਉਹ ਪਟਿਆਲਾ ਦੇ ਸਾਈ ਸੈਂਟਰ ਲਈ ਚੁਣਿਆ ਗਿਆ ਤਾਂ ਉਸ ਕੋਲ ਹਾਕੀ ਕਿੱਟ ਖਰੀਦਣ ਲਈ ਵੀ ਪੈਸੇ ਨਹੀਂ ਸਨ। ਪਰਮਜੀਤ ਨੇ ਹੋਸਟਲ ਵਿਚ ਰਹਿੰਦਿਆਂ ਭਾਰਤ ਲਈ ਖੇਡਣ ਦਾ ਸੁਪਨਾ ਦੇਖਿਆ। ਪਰਮਜੀਤ ਜੂਨੀਅਰ ਨੈਸ਼ਨਲਜ਼ ਵਿੱਚ ਸਾਈ ਦੀਆਂ ਸੰਯੁਕਤ ਟੀਮਾਂ ਲਈ ਖੇਡਿਆ।

ਭਾਰਤੀ ਜੂਨੀਅਰ ਟੀਮ ਦਾ ਵੀ ਹਿੱਸਾ ਰਿਹਾ ਹੈ ਪਰਮਜੀਤ

ਉਸ ਨੇ ਪੈਪਸੂ ਟੀਮ ਅਤੇ ਪੰਜਾਬ ਟੀਮ ਲਈ ਦੋ ਰਾਸ਼ਟਰੀ ਤਗਮੇ ਹਾਸਲ ਕੀਤੇ ਅਤੇ ਬੰਗਲਾਦੇਸ਼ ਵਿੱਚ ਹੋਣ ਵਾਲੇ 2007 ਵਿੱਚ ਜੂਨੀਅਰ ਏਸ਼ੀਆ ਕੱਪ ਲਈ ਨਾਮਜ਼ਦ ਭਾਰਤੀ ਜੂਨੀਅਰ ਟੀਮ ਦਾ ਵੀ ਹਿੱਸਾ ਸੀ। ਪਰਮਜੀਤ ਕੁਮਾਰ ਨੇ ਦਿੱਲੀ ਵਿੱਚ ਭਾਰਤੀ ਜੂਨੀਅਰ ਟੀਮ ਨਾਲ ਨਹਿਰੂ ਇੰਟਰਨੈਸ਼ਨਲ ਟੂਰਨਾਮੈਂਟ ਵਿੱਚ ਖੇਡਿਆ। ਪਰਮਜੀਤ ਕੁਮਾਰ ਫਰੀਦਕੋਟ ਵਿੱਚ ਵੱਡਾ ਹੋਇਆ ਅਤੇ ਸਰਕਾਰੀ ਬਿਜੇਂਦਰ ਕਾਲਜ ਵਿੱਚ ਕੋਚ ਬਲਤੇਜ ਇੰਦਪਾਲ ਸਿੰਘ ਬੱਬੂ ਦੁਆਰਾ ਹਾਕੀ ਦੀ ਸ਼ੁਰੂਆਤ ਕੀਤੀ। ਬਾਅਦ ਵਿੱਚ ਬਲਜਿੰਦਰ ਸਿੰਘ ਤੋਂ ਕੋਚਿੰਗ ਲਈ ਅਤੇ 2004 ਵਿੱਚ ਪਰਮਜੀਤ ਨੂੰ NIS, ਪਟਿਆਲਾ ਵਿਖੇ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ ਦੇ ਸਿਖਲਾਈ ਕੇਂਦਰ ਲਈ ਚੁਣਿਆ ਗਿਆ ਅਤੇ ਫਿਰ 2007 ਵਿੱਚ ਐਨ.ਆਈ.ਐੱਸ., ਪਟਿਆਲਾ ਵਿਖੇ ਹਾਕੀ ਲਈ ਸੈਂਟਰ ਆਫ਼ ਐਕਸੀਲੈਂਸ ਲਈ ਚੁਣਿਆ ਗਿਆ ਸੀ।

ਪੁਲਿਸ ਲਈ ਵੀ ਖੇਡੀ ਹਾਕੀ

ਪਰਮਜੀਤ ਨੇ ਪੰਜਾਬ ਪੁਲਿਸ ਅਤੇ ਪੰਜਾਬ ਰਾਜ ਬਿਜਲੀ ਬੋਰਡ ਲਈ ਤਿੰਨ ਸਾਲ ਦਾ ਕਾਨਟਰੈਕਟ ਕਰਕੇ ਹਾਕੀ ਖੇਡੀ। ਪਟਿਆਲਾ ਵਿੱਚ ਆਪਣੇ ਸਮੇਂ ਦੌਰਾਨ ਪਰਮਜੀਤ ਅੰਡਰ-16 ਅਤੇ ਅੰਡਰ-18 ਹਾਕੀ ਨੈਸ਼ਨਲਜ਼ ਵਿੱਚ ਸਾਈ ਦੀ ਸੰਯੁਕਤ ਟੀਮ ਦਾ ਹਿੱਸਾ ਰਿਹਾ ਜਿੱਥੇ ਟੀਮ ਨੇ ਆਂਧਰਾ ਪ੍ਰਦੇਸ਼ ਦੇ ਗੁੰਟੂਰ ਵਿੱਚ ਅੰਡਰ-16 ਨੈਸ਼ਨਲਜ਼ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ।