ਹਿੰਦੂ ਨੇਤਾ ਸੰਦੀਪ ਥਾਪਰ ਨੂੰ ਮਿਲਣ ਪਹੁੰਚੇ ਰਾਜਾ ਵੜਿੰਗ, ਪਰਿਵਾਰ ਨੇ ਜਤਾਈ ਨਰਾਜ਼ਗੀ
ਵੜਿੰਗ ਦੇ ਆਉਣ ਨੂੰ ਲੈਕੇ ਸੰਦੀਪ ਥਾਪਰ ਗੋਰਾ ਨੇ ਆਪਣੀ ਨਰਾਜ਼ਗੀ ਦਿਖਾਈ ਹੈ।ਉਹਨਾਂ ਕਿਹਾ ਕਿ ਵੜਿੰਗ ਕਰੀਬ 3 ਤੋਂ 5 ਮਿੰਟ ਤੱਕ ਉਨ੍ਹਾਂ ਦੇ ਘਰ ਰੁਕੇ। ਰਾਜਾ ਵੜਿੰਗ ਨੇ ਪਾਣੀ ਵੀ ਨਹੀਂ ਪੀਤਾ। ਥਾਪਰ ਨੇ ਕਿਹਾ ਕਿ ਸਾਂਸਦ ਹੋਣ ਦੇ ਨਾਤੇ ਵੜਿੰਗ ਨੂੰ ਉਸ ਦਿਨ ਲੁਧਿਆਣਾ ਆਉਣਾ ਚਾਹੀਦਾ ਸੀ, ਜਿਸ ਦਿਨ ਉਨ੍ਹਾਂ 'ਤੇ ਹਮਲਾ ਕੀਤਾ ਸੀ।
ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਅਤੇ ਲੁਧਿਆਣਾ ਤੋਂ ਸੰਸਦ ਮੈਂਬਰ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਲੋਕ ਸਭਾ ਦੇ ਇਜ਼ਲਾਸ ਤੋਂ ਬਾਅਦ ਵਾਪਿਸ ਸ਼ਹਿਰ ਪਰਤ ਆਏ ਹਨ। ਵੀਰਵਾਰ ਰਾਤ ਨੂੰ ਉਹ ਸ਼ਿਵ ਸੈਨਾ ਆਗੂ ਸੰਦੀਪ ਗੋਰਾ ਥਾਪਰ ਦੇ ਨੌਘਾਰਾ ਸਥਿਤ ਘਰ ਉਨ੍ਹਾਂ ਦਾ ਹਾਲ-ਚਾਲ ਪੁੱਛਣ ਪਹੁੰਚੇ। ਵੜਿੰਗ ਥਾਪਰ ਦੀ ਰਿਹਾਇਸ਼ ‘ਤੇ ਮਹਿਜ਼ 5 ਮਿੰਟ ਰੁਕੇ।
ਵੜਿੰਗ ਜ਼ਿਆਦਾ ਸਮਾਂ ਨਾ ਰੁਕਦੇ ਹੋਏ ਉੱਥੋ ਚਲੇ ਗਏ। ਜਿਵੇਂ ਹੀ ਉਨ੍ਹਾਂ ਨੂੰ ਪੱਤਰਕਾਰਾਂ ਵੱਲੋਂ ਸੰਦੀਪ ਗੋਰਾ ਥਾਪਰ ਦੀ ਸਿਹਤ ਬਾਰੇ ਪੁੱਛ-ਪੜਤਾਲ ਕਰਨ ਅਤੇ ਸੰਸਦ ਮੈਂਬਰ ਦਾ ਸ਼ਹਿਰ ਵਿੱਚ ਕੋਈ ਸਥਾਈ ਦਫ਼ਤਰ ਨਾ ਹੋਣ ਸਬੰਧੀ ਸਵਾਲ ਕੀਤੇ ਗਏ ਤਾਂ ਵੜਿੰਗ ਪੱਤਰਕਾਰਾਂ ਨੂੰ ਟਾਲਦੇ ਹੋਏ ਚਲੇ ਗਏ।
ਘਟਨਾ ਵਾਲੇ ਦਿਨ ਆਉਂਦੇ ਵੜਿੰਗ- ਸੰਦੀਪ ਥਾਪਰ
ਵੜਿੰਗ ਦੇ ਆਉਣ ਨੂੰ ਲੈਕੇ ਸੰਦੀਪ ਥਾਪਰ ਗੋਰਾ ਨੇ ਆਪਣੀ ਨਰਾਜ਼ਗੀ ਦਿਖਾਈ ਹੈ।ਉਹਨਾਂ ਕਿਹਾ ਕਿ ਵੜਿੰਗ ਕਰੀਬ 3 ਤੋਂ 5 ਮਿੰਟ ਤੱਕ ਉਨ੍ਹਾਂ ਦੇ ਘਰ ਰੁਕੇ। ਰਾਜਾ ਵੜਿੰਗ ਨੇ ਪਾਣੀ ਵੀ ਨਹੀਂ ਪੀਤਾ। ਥਾਪਰ ਨੇ ਕਿਹਾ ਕਿ ਸਾਂਸਦ ਹੋਣ ਦੇ ਨਾਤੇ ਵੜਿੰਗ ਨੂੰ ਉਸ ਦਿਨ ਲੁਧਿਆਣਾ ਆਉਣਾ ਚਾਹੀਦਾ ਸੀ, ਜਿਸ ਦਿਨ ਉਨ੍ਹਾਂ ‘ਤੇ ਹਮਲਾ ਕੀਤਾ ਸੀ।
ਅੱਜ ਵੀ ਵੜਿੰਗ ਨਾਲ ਕੋਈ ਖਾਸ ਗੱਲਬਾਤ ਨਹੀਂ ਹੋਈ। ਬੱਸ ਇਹ ਪੁੱਛਿਆ ਕਿ ਤੁਸੀਂ ਉਹਨਾਂ ਦੇ ਖਿਲਾਫ ਕੀ ਕੁੱਝ ਕਿਹਾ ਸੀ। ਥਾਪਰ ਨੇ ਕਿਹਾ ਕਿ ਮੇਰਾ ਜਵਾਬ ਸੀ ਕਿ ਮੇਰੇ ਵੱਲੋਂ ਫੇਸਬੁੱਕ ਅਤੇ ਅਖਬਾਰਾਂ ‘ਚ ਦਿੱਤੇ ਬਿਆਨ ਅਜੇ ਵੀ ਰਿਕਾਰਡ ‘ਤੇ ਹਨ। ਜੇ ਮੈਂ ਕੁਝ ਗਲਤ ਕਿਹਾ ਹੈ ਤਾਂ ਮੈਨੂੰ ਦੱਸੋ।
ਵੜਿੰਗ ਨੇ ਨਹੀਂ ਦਿੱਤਾ ਕੋਈ ਭਰੋਸਾ- ਸੰਦੀਪ ਥਾਪਰ
ਜਦੋਂ ਪੱਤਰਕਾਰਾਂ ਨੇ ਥਾਪਰ ਨੂੰ ਪੁੱਛਿਆ ਕਿ ਕੀ ਵੜਿੰਗ ਨੇ ਪਰਿਵਾਰ ਨੂੰ ਕੋਈ ਆਰਥਿਕ ਮਦਦ ਦੇਣ ਦਾ ਭਰੋਸਾ ਦਿੱਤਾ ਹੈ ਤਾਂ ਥਾਪਰ ਨੇ ਜਵਾਬ ਦਿੱਤਾ ਕਿ ਵੜਿੰਗ ਨੇ ਪਰਿਵਾਰ ਨੂੰ ਕੋਈ ਭਰੋਸਾ ਨਹੀਂ ਦਿੱਤਾ। ਤੁਹਾਨੂੰ ਦੱਸ ਦੇਈਏ ਕਿ ਬੇਸ਼ੱਕ ਸੰਸਦ ਮੈਂਬਰ ਗੋਰਾ ਥਾਪਰ ਦਾ ਹਾਲ ਜਾਣਨ ਲਈ ਉਨ੍ਹਾਂ ਦੇ ਘਰ ਪਹੁੰਚੇ ਪਰ ਪਰਿਵਾਰ ਅਜੇ ਵੀ ਸੰਸਦ ਮੈਂਬਰ ਵੜਿੰਗ ਤੋਂ ਨਿਰਾਸ਼ ਹੈ।
