ਤਰਸੇਮ ਸਿੰਘ ਸੇਮਾ ਦੇ ਟਿਕਾਣੇ ‘ਤੇ ਪੁਲਿਸ ਦੀ ਰੇਡ, 10.71 ਲੱਖ ਰੁਪਏ ਦੀ ਨਕਦੀ, ਨਾਜਾਇਜ਼ ਸ਼ਰਾਬ, ਹੁੱਕਾ-ਚਿਲਮ ਬਰਾਮਦ
ਪੁਲਿਸ ਮੁਤਾਬਕ ਤਲਾਸ਼ੀ ਦੌਰਾਨ ਮੁਲਜ਼ਮ ਕੋਲੋਂ 8 ਬੋਤਲ ਬਲੈਕ ਲੇਬਲ, 10 ਬੋਤਲ ਬੈਲੇਨਟਾਈਨ ਵਿਸਕੀ ਤੇ 4 ਬੋਤਲ ਜੇਮਿਸਨ ਵਿਸਕੀ ਬਰਾਮਦ ਕੀਤੀ ਗਈ। ਇਸ ਤੋਂ ਇਲਾਵਾ 3 ਹੁੱਕਾ-ਚਿਲਮ ਤੇ 3 ਹੁੱਕਾ ਪਾਈਪ ਵੀ ਪੁਲਿਸ ਨੇ ਕਬਜ਼ੇ 'ਚ ਲਏ ਹਨ। ਪੁਲਿਸ ਨੇ ਇੱਕ ਬੈਗ 'ਚੋਂ 10,71,990 ਰੁਪਏ ਦੀ ਭਾਰਤੀ ਕਰੰਸੀ ਵੀ ਬਰਾਮਦ ਕੀਤੀ ਹੈ।
ਜਲੰਧਰ ਕਮਿਸ਼ਨਰੇਟ ਪੁਲਿਸ ਨੇ ਸ਼ਹਿਰ ਦੇ ਕਥਿਤ ਤੌਰ ‘ਤੇ ਨਾਮੀ ਤਸਕਰ ਤਰਸੇਮ ਸਿੰਘ ਉਰਫ਼ ਸੇਮਾ ਦੇ ਟਿਕਾਣੇ ‘ਤੇ ਰੇਡ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਨੇ ਮੁਲਜ਼ਮ ਕੋਲੋਂ 10.71 ਲੱਖ ਰੁਪਏ ਦੀ ਨਕਦੀ, ਵਿਦੇਸ਼ੀ ਸ਼ਰਾਬ, ਹੁੱਕਾ-ਚਿਲਮ, ਮੋਬਾਈਲ ਫੋਨ ਤੇ ਸੋਨੇ ਦੇ ਗਹਿਣੇ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਹੈ।
ਏਡੀਸੀਪੀ ਜ਼ੋਨ-2 ਮਾਧਵੀ ਸ਼ਰਮਾ ਨੇ ਦੱਸਿਆ ਕਿ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਐਕਸਾਈਜ਼ ਇੰਸਪੈਕਟਰ ਮਨਜੀਤ ਸਿੰਘ ਤੇ ਥਾਣਾ ਬਸਤੀ ਬਾਵਾ ਖੇਲ ਦੀ ਪੁਲਿਸ ਟੀਮ ਨੇ 30 ਅਗਸਤ ਨੂੰ ਬਾਬਾ ਕਾਹਨਦਾਸ ਨਗਰ, ਗਲੀ ਨੰਬਰ 1, ਮਕਾਨ ਨੰਬਰ 3 ਵਿਖੇ ਕਾਰਵਾਈ ਕੀਤੀ। ਇਸ ਦੌਰਾਨ ਤਰਸੇਮ ਸਿੰਘ ਉਰਫ਼ ਸੇਮਾ, ਪੁੱਤਰ ਬੂਆ ਦਾਸ, ਨੂੰ ਕਾਬੂ ਕੀਤਾ ਗਿਆ।
ਵਿਦੇਸ਼ੀ ਸ਼ਰਾਬ ਤੇ ਹੁੱਕਾ-ਚਿਲਮ ਬਰਾਮਦ
ਪੁਲਿਸ ਮੁਤਾਬਕ ਤਲਾਸ਼ੀ ਦੌਰਾਨ ਮੁਲਜ਼ਮ ਕੋਲੋਂ 8 ਬੋਤਲ ਬਲੈਕ ਲੇਬਲ, 10 ਬੋਤਲ ਬੈਲੇਨਟਾਈਨ ਵਿਸਕੀ ਤੇ 4 ਬੋਤਲ ਜੇਮਿਸਨ ਵਿਸਕੀ ਬਰਾਮਦ ਕੀਤੀ ਗਈ। ਇਸ ਤੋਂ ਇਲਾਵਾ 3 ਹੁੱਕਾ-ਚਿਲਮ ਤੇ 3 ਹੁੱਕਾ ਪਾਈਪ ਵੀ ਪੁਲਿਸ ਨੇ ਕਬਜ਼ੇ ‘ਚ ਲਏ ਹਨ। ਪੁਲਿਸ ਨੇ ਇੱਕ ਬੈਗ ‘ਚੋਂ 10,71,990 ਰੁਪਏ ਦੀ ਭਾਰਤੀ ਕਰੰਸੀ ਵੀ ਬਰਾਮਦ ਕੀਤੀ ਹੈ।
ਮੋਬਾਈਲ ਫ਼ੋਨ ਤੇ ਸੋਨੇ ਦੇ ਗਹਿਣੇ ਵੀ ਜ਼ਬਤ
ਬਰਾਮਦਗੀ ‘ਚ ਇੱਕ ਐਪਲ ਮੋਬਾਈਲ, ਇੱਕ ਐਪਲ ਟੈਬਲੇਟ, ਇੱਕ ਸੈਮਸੰਗ ਮੋਬਾਈਲ, ਇੱਕ ਸੈਮਸੰਗ ਕੀਪੈਡ ਫੋਨ ਤੇ ਇੱਕ ਵੀਵੋ ਮੋਬਾਈਲ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਪੁਲਿਸ ਨੇ ਦੋ ਸੋਨੇ ਦੇ ਬਰੇਸਲੈਟ ਤੇ ਚਾਰ ਸੋਨੇ ਦੀਆਂ ਅੰਗੂਠੀਆਂ ਵੀ ਕਬਜ਼ੇ ‘ਚ ਲਈਆਂ ਹਨ।
ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ
ਥਾਣਾ ਬਸਤੀ ਬਾਵਾ ਖੇਲ ‘ਚ ਮੁਲਜ਼ਮ ਖ਼ਿਲਾਫ਼ ਐਕਸਾਈਜ਼ ਐਕਟ, ਕੋਟਪਾ (COTPA) ਐਕਟ ਦੀਆਂ ਧਾਰਾਵਾਂ 4-ਏ ਤੇ 21-ਏ ਤੇ ਬੀਐਨਐਸ ਦੀ ਧਾਰਾ 318(4) ਤਹਿਤ ਐੱਫਆਈਆਰ ਨੰਬਰ 252 ਦਰਜ ਕੀਤੀ ਗਈ ਹੈ। ਪੁਲਿਸ ਦੀ ਮੁੱਢਲੀ ਜਾਂਚ ਮੁਤਾਬਕ ਤਰਸੇਮ ਸਿੰਘ ਉਰਫ਼ ਸੇਮਾ ਖ਼ਿਲਾਫ਼ ਪਹਿਲਾਂ ਵੀ ਥਾਣਾ ਬਸਤੀ ਬਾਵਾ ਖੇਲ ‘ਚ ਕੁੱਟ-ਮਾਰ, ਚੋਰੀ ਤੇ ਐਕਸਾਈਜ਼ ਐਕਟ ਨਾਲ ਸਬੰਧਤ ਘੱਟੋ-ਘੱਟ 6 ਅਪਰਾਧਿਕ ਮਾਮਲੇ ਦਰਜ ਹਨ।
ਇਹ ਵੀ ਪੜ੍ਹੋ
ਫ਼ਿਲਹਾਲ ਪੁਲਿਸ ਮੁਲਜ਼ਮ ਕੋਲੋਂ ਪੁੱਛਗਿੱਛ ਕਰ ਰਹੀ ਹੈ। ਜਾਂਚ ‘ਚ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਬਰਾਮਦ ਕੀਤੀ ਗਈ ਵਿਦੇਸ਼ੀ ਸ਼ਰਾਬ ਉਹ ਕਿੱਥੋਂ ਲਿਆਉਂਦਾ ਸੀ ਤੇ 10.71 ਲੱਖ ਰੁਪਏ ਦੀ ਨਕਦੀ ਦਾ ਸਰੋਤ ਕੀ ਹੈ।