ਪੰਜਾਬ ਵਿੱਚ ਕਈ Trains ਹੋਈਆਂ Divert: ਰਾਜਪੁਰਾ ਨੇੜੇ ਟੁੱਟੀ HD ਤਾਰ, 2 ਘੰਟੇ ਸਰਹਿੰਦ ਸਟੇਸ਼ਨ ‘ਤੇ ਖੜ੍ਹੀ ਰਹੀ ਸ਼ਤਾਬਦੀ
ਐਚਡੀ ਤਾਰ ਟੁੱਟਣ ਕਾਰਨ ਸ਼ਤਾਬਦੀ ਐਕਸਪ੍ਰੈਸ ਨੂੰ ਰਾਜਪੁਰਾ ਨੇੜੇ ਇੱਕ ਗੰਭੀਰ ਤਕਨੀਕੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ। ਜਿਸ ਨੂੰ ਠੀਕ ਕਰਨ ਵਿੱਚ ਬਹੁਤ ਟਾਈਮ ਲਗਿਆ। ਸਿਰਫ਼ ਸ਼ਤਾਬਦੀ ਐਕਸਪ੍ਰੈਸ ਹੀ ਨਹੀਂ ਸਗੋਂ ਹੋਰ ਵੀ ਕਈ ਰੇਲਗੱਡੀਆਂ ਵੀ ਪ੍ਰਭਾਵਿਤ ਹੋਈਆਂ।ਸਾਹਨੇਵਾਲ ਰੇਲਵੇ ਸਟੇਸ਼ਨ ਤੋਂ ਕਈ ਸਾਰੀਆਂ ਰੇਲਗੱਡੀਆਂ ਦੇ ਰੂਟ ਨੂੰ Divert ਕਰ ਦਿੱਤਾ ਗਿਆ ਹੈ।
ਪੰਜਾਬ ਵਿੱਚ ਅੱਜ ਸਾਹਨੇਵਾਲ ਰੇਲਵੇ ਸਟੇਸ਼ਨ ਤੋਂ ਕਈ ਸਾਰੀਆਂ ਰੇਲਗੱਡੀਆਂ ਦੇ ਰੂਟ ਨੂੰ Divert ਕਰ ਦਿੱਤਾ ਗਿਆ ਹੈ। ਜੋ ਚੰਡੀਗੜ੍ਹ ਰਾਹੀਂ ਜਾ ਰਹੀਆਂ ਹਨ। ਅੰਮ੍ਰਿਤਸਰ ਤੋਂ ਨਵੀਂ ਦਿੱਲੀ ਜਾ ਰਹੀ ਸ਼ਤਾਬਦੀ ਐਕਸਪ੍ਰੈਸ ਲਗਭਗ 2 ਘੰਟੇ ਦੀ ਦੇਰੀ ਨਾਲ ਚੱਲੀ। ਇਸ ਦੇਰੀ ਦਾ ਕਾਰਨ ਸਰਹਿੰਦ ਰੇਲਵੇ ਸਟੇਸ਼ਨ ‘ਤੇ ਟ੍ਰੇਨ ਦਾ ਰੁਕਣਾ ਦੱਸਿਆ ਜਾ ਰਿਹਾ ਹੈ।
ਰਾਜਪੁਰਾ ਨੇੜੇ ਟੁੱਟੀ ਐਚਡੀ ਤਾਰ
ਸ਼ਤਾਬਦੀ ਐਕਸਪ੍ਰੈਸ ਨੂੰ ਰਾਜਪੁਰਾ ਨੇੜੇ ਇੱਕ ਗੰਭੀਰ ਤਕਨੀਕੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ। ਐਚਡੀ ਤਾਰ ਟੁੱਟਣ ਕਾਰਨ ਰੇਲਗੱਡੀ ਅੱਗੇ ਨਹੀਂ ਵਧ ਸਕੀ, ਅਤੇ ਇਸਨੂੰ ਠੀਕ ਕਰਨ ਵਿੱਚ ਲਗਭਗ ਡੇਢ ਘੰਟਾ ਲੱਗਿਆ। ਇਸ ਕਾਰਨ ਸਿਰਫ਼ ਸ਼ਤਾਬਦੀ ਐਕਸਪ੍ਰੈਸ ਹੀ ਨਹੀਂ ਸਗੋਂ ਕਈ ਹੋਰ ਰੇਲਗੱਡੀਆਂ ਵੀ ਪ੍ਰਭਾਵਿਤ ਹੋਈਆਂ।
ਇਹ ਰੇਲਗੱਡੀਆਂ ਪ੍ਰਭਾਵਿਤ ਹੋਈਆਂ
ਸਾਹਨੇਵਾਲ ਤੋਂ ਲੰਘਣ ਵਾਲੀਆਂ ਬਹੁਤ ਸਾਰੀਆਂ ਰੇਲਗੱਡੀਆਂ ਨੂੰ ਦਿੱਲੀ ਵੱਲ ਮੋੜ ਦਿੱਤਾ ਗਿਆ, ਜਿਸ ਕਾਰਨ ਯਾਤਰੀਆਂ ਨੂੰ ਵਾਧੂ ਸਮਾਂ ਅਤੇ ਅਸੁਵਿਧਾ ਦਾ ਸਾਹਮਣਾ ਕਰਨਾ ਪਿਆ। ਪਤਾ ਲੱਗਾ ਹੈ ਕਿ ਸ਼ਤਾਬਦੀ 12014, 12716 ਸੱਚਖੰਡ ਐਕਸਪ੍ਰੈੱਸ, 14618 ਪੂਰਨੀਆ ਕੋਟ ਜਨ ਸੇਵਾ ਐਕਸਪ੍ਰੈੱਸ, 12054 ਹਰਿਦੁਆਰ ਜਨ ਸ਼ਤਾਬਦੀ ਅਤੇ 15708 ਅਮਰਪਾਲੀ ਐਕਸਪ੍ਰੈੱਸ ਨੂੰ ਡਾਇਵਰਟ ਕੀਤਾ ਗਿਆ ਹੈ।
ਰੇਲਵੇ ਅਧਿਕਾਰੀਆਂ ਨੇ ਦਿੱਤੀ ਜਾਣਕਾਰੀ
ਇੱਕ ਰੇਲਵੇ ਅਧਿਕਾਰੀ ਦੇ ਅਨੁਸਾਰ, ਸਮੱਸਿਆ ਦੇ ਹੱਲ ਹੋਣ ਤੋਂ ਬਾਅਦ ਰੇਲਗੱਡੀਆਂ ਆਮ ਵਾਂਗ ਚੱਲਣ ਦੇ ਯੋਗ ਹੋ ਗਈਆਂ ਸਨ, ਪਰ ਇਸ ਘਟਨਾ ਕਾਰਨ ਪੰਜਾਬ ਅਤੇ ਦਿੱਲੀ ਵਿਚਕਾਰ ਯਾਤਰਾ ਕਰਨ ਵਾਲੇ ਰੇਲ ਯਾਤਰੀਆਂ ਨੂੰ ਭਾਰੀ ਅਸੁਵਿਧਾ ਹੋਈ। ਸ਼ਤਾਬਦੀ ਐਕਸਪ੍ਰੈਸ ਵਰਗੀਆਂ ਵੱਡੀਆਂ ਰੇਲਗੱਡੀਆਂ ਦੇ ਦੇਰੀ ਨਾਲ ਯਾਤਰੀਆਂ ਦੇ ਸ਼ਡਿਊਲ ‘ਤੇ ਅਸਰ ਪਿਆ ਹੈ ਅਤੇ ਰੇਲਵੇ ਪ੍ਰਸ਼ਾਸਨ ਨੂੰ ਇਸ ਸਥਿਤੀ ਨਾਲ ਨਜਿੱਠਣ ਲਈ ਜਲਦੀ ਹੀ ਸੁਧਾਰਾਤਮਕ ਉਪਾਅ ਕਰਨ ਦੀ ਲੋੜ ਹੈ।
ਇਹ ਵੀ ਪੜ੍ਹੋ- ਜਲੰਧਰ ਚ ਹੋਈ ਫਾਇਰਿੰਗ, ਵਿਅਕਤੀ ਨੂੰ ਗੋਲੀ ਮਾਰਨ ਤੋਂ ਬਾਅਦ ਹਮਲਾਵਰ ਫਰਾਰ, ਹਾਲਤ ਗੰਭੀਰ
ਇਹ ਵੀ ਪੜ੍ਹੋ
ਰੇਲਵੇ ਪ੍ਰਸ਼ਾਸਨ ਦਾ ਦਾਅਵਾ ਹੈ ਕਿ ਹੋਰ ਰੇਲਗੱਡੀਆਂ ਦਾ ਸੰਚਾਲਨ ਜਲਦੀ ਹੀ ਸੁਚਾਰੂ ਢੰਗ ਨਾਲ ਬਹਾਲ ਕਰ ਦਿੱਤਾ ਜਾਵੇਗਾ ਤਾਂ ਜੋ ਯਾਤਰੀਆਂ ਨੂੰ ਹੋਰ ਮੁਸ਼ਕਲਾਂ ਦਾ ਸਾਹਮਣਾ ਨਾ ਕਰਨਾ ਪਵੇ।
