GST ਮੋਬਾਈਲ ਵਿੰਗ ਜਲੰਧਰ ਨੇ 3 ਕਰੋੜ 82 ਲੱਖ ਰੁਪਏ ਦਾ ਸੋਨਾ ਕੀਤਾ ਜ਼ਬਤ
ਲੰਧਰ ਦੇ ਮੋਬਾਇਲ ਵਿੰਗ ਨੇ ਚੌਕਸੀ ਦਿਖਾਉਂਦੇ ਹੋਏ ਵੱਡੀ ਮਾਤਰਾ 'ਚ ਗੈਰ-ਕਾਨੂੰਨੀ ਤੌਰ 'ਤੇ ਲਿਆਂਦਾ ਜਾ ਰਿਹਾ ਸੋਨਾ ਫੜਿਆ ਹੈ। ਜਲੰਧਰ ਮੋਬਾਈਲ ਵਿੰਗ ਦੇ ਏ.ਈ.ਟੀ.ਸੀ ਕਮਲਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮੰਗਲਵਾਰ ਰਾਤ ਨੂੰ ਠੋਸ ਸੂਚਨਾ ਮਿਲੀ ਸੀ ਕਿ ਸ਼ਾਹਕੋਟ ਇਲਾਕੇ 'ਚ ਨਾਜਾਇਜ਼ ਤੌਰ 'ਤੇ ਸੋਨਾ ਸਪਲਾਈ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਇਸ ਦੀ ਜ਼ਿੰਮੇਵਾਰੀ ਈ.ਟੀ.ਓ ਸੁਖਜੀਤ ਸਿੰਘ ਨੂੰ ਸੌਂਪੀ ਅਤੇ ਸੁਖਜੀਤ ਸਿੰਘ ਤੁਰੰਤ ਸ਼ਾਹਕੋਟ ਪੁੱਜੇ
ਲੋਕ ਸਭਾ ਚੋਣਾਂ ਦੌਰਾਨ ਚੋਣ ਜ਼ਾਬਤਾ ਲਾਗੂ ਹੈ ਅਤੇ ਸਾਰੇ ਵਿਭਾਗ ਸਮਾਜ ਵਿਰੋਧੀ ਗਤੀਵਿਧੀਆਂ ‘ਤੇ ਲਗਾਤਾਰ ਨਜ਼ਰ ਰੱਖ ਰਹੇ ਹਨ। ਜਿਸ ਦੇ ਤਹਿਤ ਜਲੰਧਰ ਦੇ ਮੋਬਾਇਲ ਵਿੰਗ ਨੇ ਚੌਕਸੀ ਦਿਖਾਉਂਦੇ ਹੋਏ ਵੱਡੀ ਮਾਤਰਾ ‘ਚ ਗੈਰ-ਕਾਨੂੰਨੀ ਤੌਰ ‘ਤੇ ਲਿਆਂਦਾ ਜਾ ਰਿਹਾ ਸੋਨਾ ਫੜਿਆ ਹੈ।
ਦੋ ਵਿਅਤਕੀਆਂ ਤੋਂ 5.5 ਕਿਲੋ ਸੋਨਾ ਬਰਾਮਦ
ਜਲੰਧਰ ਮੋਬਾਈਲ ਵਿੰਗ ਦੇ ਏ.ਈ.ਟੀ.ਸੀ ਕਮਲਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮੰਗਲਵਾਰ ਰਾਤ ਨੂੰ ਠੋਸ ਸੂਚਨਾ ਮਿਲੀ ਸੀ ਕਿ ਸ਼ਾਹਕੋਟ ਇਲਾਕੇ ‘ਚ ਨਾਜਾਇਜ਼ ਤੌਰ ‘ਤੇ ਸੋਨਾ ਸਪਲਾਈ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਇਸ ਦੀ ਜ਼ਿੰਮੇਵਾਰੀ ਈ.ਟੀ.ਓ ਸੁਖਜੀਤ ਸਿੰਘ ਨੂੰ ਸੌਂਪੀ ਅਤੇ ਸੁਖਜੀਤ ਸਿੰਘ ਤੁਰੰਤ ਸ਼ਾਹਕੋਟ ਪੁੱਜੇ ਅਤੇ ਉਥੇ ਮਿਲੀ ਸੂਚਨਾ ਦੇ ਆਧਾਰ ‘ਤੇ ਰਾਤ ਸਾਢੇ ਅੱਠ ਵਜੇ ਦੇ ਕਰੀਬ ਇੱਕ ਵੈਗਨਰ ਕਾਰ ਨੂੰ ਰੋਕਿਆ।
ਜਿਸ ਵਿੱਚ ਦੋ ਵਿਅਕਤੀ ਬੈਠੇ ਸਨ, ਜਿਨ੍ਹਾਂ ਕੋਲੋਂ 5.5 ਕਿਲੋ ਸੋਨਾ ਬਰਾਮਦ ਹੋਇਆ। ਪਰ ਉਸ ਕੋਲ ਸੋਨੇ ਨਾਲ ਸਬੰਧਤ ਕੋਈ ਠੋਸ ਦਸਤਾਵੇਜ਼ ਨਹੀਂ ਸੀ, ਸਿਰਫ਼ ਚਲਾਨ ਸੀ ਜੋ ਸਹੀ ਨਹੀਂ ਪਾਇਆ ਗਿਆ। ਈਟੀਓ ਸੁਖਜੀਤ ਸਿੰਘ ਉਸ ਨੂੰ ਮੋਬਾਈਲ ਵਿੰਗ ਜਲੰਧਰ ਲੈ ਆਏ।
ਏਈਟੀਸੀ ਕਮਲਪ੍ਰੀਤ ਸਿੰਘ ਨੇ ਦੱਸਿਆ ਕਿ ਵੱਡੀ ਮਾਤਰਾ ਵਿੱਚ ਸੋਨਾ ਜ਼ਬਤ ਕੀਤਾ ਗਿਆ ਹੈ। ਜਿਸ ਦਾ ਵਜ਼ਨ 5.5 ਕਿਲੋ ਹੈ ਅਤੇ ਇਸ ਦੀ ਕੀਮਤ 3 ਕਰੋੜ 82 ਲੱਖ ਰੁਪਏ ਦੇ ਕਰੀਬ ਹੈ। ਉਕਤ ਵਿਅਕਤੀਆਂ ਕੋਲ ਸੋਨੇ ਨਾਲ ਸਬੰਧਤ ਕੋਈ ਠੋਸ ਦਸਤਾਵੇਜ਼ ਨਹੀਂ ਸਨ, ਜਿਸ ਕਾਰਨ ਇਹ ਸੋਨਾ ਸੀਲ ਕਰਕੇ ਸਰਕਾਰੀ ਖ਼ਜ਼ਾਨੇ ਵਿੱਚ ਜਮ੍ਹਾਂ ਕਰਵਾ ਦਿੱਤਾ ਗਿਆ। ਲੁਧਿਆਣਾ ਦਾ ਇਹ ਸੋਨਾ ਵਪਾਰੀ ਸ਼ਾਹਕੋਟ ਸਪਲਾਈ ਕਰਨ ਆਇਆ ਸੀ। ਪੂਰੇ ਮਾਮਲੇ ਦੀ ਜਾਣਕਾਰੀ ਚੋਣ ਕਮਿਸ਼ਨ ਅਤੇ ਆਮਦਨ ਕਰ ਵਿਭਾਗ ਨੂੰ ਦੇ ਦਿੱਤੀ ਗਈ ਹੈ ਅਤੇ ਵਿਭਾਗ ਆਪਣੇ ਪੱਧਰ ‘ਤੇ ਇਸ ‘ਤੇ ਕਾਰਵਾਈ ਕਰ ਰਿਹਾ ਹੈ।
ਏ.ਈ.ਟੀ.ਸੀ ਕਮਲਪ੍ਰੀਤ ਸਿੰਘ ਨੇ ਕਿਹਾ ਕਿ ਭਵਿੱਖ ਵਿੱਚ ਵੀ ਸਮਾਜ ਵਿਰੋਧੀ ਅਨਸਰਾਂ ਅਤੇ ਗਤੀਵਿਧੀਆਂ ਤੇ ਸਖ਼ਤ ਨਜ਼ਰ ਰੱਖੀ ਜਾਵੇਗੀ ਅਤੇ ਅਜਿਹੇ ਲੋਕਾਂ ਨੂੰ ਕਿਸੇ ਵੀ ਹਾਲਤ ਵਿੱਚ ਬਖਸ਼ਿਆ ਨਹੀਂ ਜਾਵੇਗਾ।
ਇਹ ਵੀ ਪੜ੍ਹੋ: ਮਿਸ਼ਨ AAP 13-0 ਵਿੱਚ ਪਹੁੰਚੇ ਸਿਰਫ 12 ਉਮੀਦਵਾਰ, CM ਮਾਨ ਨੇ ਕਿਹਾ- ਵਿਰੋਧੀ ਪੈਸੇ ਦੇਣਗੇ, ਰੱਖ ਲੈਣਾ ਪਰ ਵੋਟ ਆਪ ਨੂੰ ਪਾਉਣਾ
