ਅੱਜ ਲੁਧਿਆਣਾ ਦੌਰੇ ਤੇ ਮੁੱਖ ਮੰਤਰੀ ਮਾਨ, ਪਾਕਿਸਤਾਨ ਦੇ ਹਮਲੇ ਵਿੱਚ ਜਖ਼ਮੀ ਲੋਕਾਂ ਦਾ ਜਾਣਨਗੇ ਹਾਲ
14 May 2025 10:53 AM
Ludhiana visit CM Mann: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅੱਜ ਲੁਧਿਆਣਾ ਵਿੱਚ ਵਿਕਾਸ ਪ੍ਰੋਜੈਕਟਾਂ ਦਾ ਉਦਘਾਟਨ ਕਰਨਗੇ, ਜਿਸ ਵਿੱਚ ਚਾਂਦ ਸਿਨੇਮਾ ਓਵਰਬ੍ਰਿਜ ਵੀ ਸ਼ਾਮਿਲ ਹੈ। ਉਹ ਪਾਕਿਸਤਾਨੀ ਡਰੋਨ ਹਮਲੇ ਵਿੱਚ ਜ਼ਖ਼ਮੀ ਹੋਏ ਵਿਅਕਤੀ ਨੂੰ ਵੀ ਮਿਲਣਗੇ। ਇਹ ਦੌਰਾ ਪਹਿਲਾਂ ਕਈ ਵਾਰ ਮੁਲਤਵੀ ਕੀਤਾ ਗਿਆ ਸੀ। ਲੋਕਾਂ ਨੂੰ ਇਸ ਪੁਲ ਦੇ ਉਦਘਾਟਨ ਦੀ 15 ਸਾਲਾਂ ਤੋਂ ਉਡੀਕ ਸੀ।
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਬੀਤੀ ਦੇਰ ਸ਼ਾਮ ਲੁਧਿਆਣਾ ਪਹੁੰਚੇ। ਅੱਜ ਉਹ ਕਈ ਵਿਕਾਸ ਕਾਰਜਾਂ ਦਾ ਉਦਘਾਟਨ ਵੀ ਕਰਨਗੇ। ਇਸ ਤੋਂ ਇਲਾਵਾ ਉਹ ਉਸ ਵਿਅਕਤੀ ਨੂੰ ਵੀ ਮਿਲ ਸਕਦਾ ਹੈ ਜੋ ਪਾਕਿਸਤਾਨ ਵੱਲੋਂ ਭੇਜੇ ਗਏ ਡਰੋਨ ਧਮਾਕੇ ਵਿੱਚ ਜ਼ਖਮੀ ਹੋਇਆ ਸੀ ਅਤੇ ਹੁਣ ਲੁਧਿਆਣਾ ਦੇ ਡੀਐਮਸੀ ਹਸਪਤਾਲ ਵਿੱਚ ਦਾਖਲ ਹੈ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ, ਮੁੱਖ ਮੰਤਰੀ ਦਾ ਦੌਰਾ ਤਿੰਨ ਵਾਰ ਰੱਦ ਕੀਤਾ ਜਾ ਚੁੱਕਾ ਹੈ।
ਜੇਕਰ ਅੱਜ ਦੇ ਮੁੱਖ ਸਮਾਗਮ ਦੀ ਗੱਲ ਕਰ ਲਈ ਜਾਵੇ ਤਾਂ ਮੁੱਖ ਮੰਤਰੀ ਭਗਵੰਤ ਮਾਨ ਸਵੇਰੇ ਸਾਢੇ 11 ਵਜੇ ਉੱਤਰੀ ਹਲਕੇ ਵਿੱਚ ਬੁੱਢਾ ਦਰਿਆ ਨੇੜੇ ਬਣੇ ਚਾਂਦ ਸਿਨੇਮਾ ਓਵਰਬ੍ਰਿਜ ਦਾ ਉਦਘਾਟਨ ਹੈ। ਸਥਾਨਕ ਲੋਕ ਪਿਛਲੇ 15 ਸਾਲਾਂ ਤੋਂ ਇਸ ਪੁਲ ਦੇ ਖੁੱਲ੍ਹਣ ਦੀ ਉਡੀਕ ਕਰ ਰਹੇ ਸਨ। ਇਸ ਤੋਂ ਇਲਾਵਾ, ਅੰਬੇਡਕਰ ਭਵਨ ਵਿੱਚ ਨਵੇਂ ਆਡੀਟੋਰੀਅਮ ਅਤੇ ਸਪੋਰਟਸ ਪਾਰਕ ਦਾ ਉਦਘਾਟਨ ਵੀ ਪ੍ਰਸਤਾਵਿਤ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ
2 ਵਾਰ ਪ੍ਰੋਗਰਾਮ ਹੋਇਆ ਮੁਲਤਵੀ
ਮੁੱਖ ਮੰਤਰੀ ਦਾ ਇਹ ਦੌਰਾ ਪਹਿਲਾਂ ਐਤਵਾਰ ਨੂੰ ਹੋਣਾ ਤੈਅ ਸੀ। ਫਿਰ ਇਸਨੂੰ ਸੋਮਵਾਰ ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਮੰਗਲਵਾਰ ਨੂੰ ਵੀ ਰੱਦ ਕਰ ਦਿੱਤਾ ਗਿਆ ਹੈ। ਕੱਲ੍ਹ, ਚਾਂਦ ਸਿਨੇਮਾ ਨੇੜੇ ਵਾਲੀ ਥਾਂ ‘ਤੇ ਸਵੇਰ ਤੋਂ ਹੀ ਟੈਂਟ ਲਗਾ ਕੇ ਸਟੇਜ ਤਿਆਰ ਕੀਤੀ ਗਈ ਸੀ। ਓਵਰਬ੍ਰਿਜ ਦੇ ਉਦਘਾਟਨ ਲਈ ਮੁੱਖ ਮੰਤਰੀ ਦੇ ਨਾਮ ਵਾਲਾ ਪੱਥਰ ਵੀ ਲਗਾਇਆ ਗਿਆ ਸੀ।