Punjabi News Photo Gallery Sports Photo tanvi sharma wins taipei open super 300 badminton title record know in punjabi

Taipei Open: ਤਨਵੀ ਸ਼ਰਮਾ ਬਣੀ ਸਭ ਤੋਂ ਘੱਟ ਉਮਰ ਦੀ ਚੈਂਪੀਅਨ, 214 ਹਫ਼ਤੇ ਨੰਬਰ-1 ਰਹੀ ਖਿਡਾਰਨ ਦਾ ਤੋੜਿਆ ਰਿਕਾਰਡ

Updated On:

03 Aug 2026 10:28 AM IST

ਭਾਰਤ ਦੀ 17 ਸਾਲਾ ਬੈਡਮਿੰਟਨ ਖਿਡਾਰਨ ਤਨਵੀ ਸ਼ਰਮਾ ਨੇ ਵੀਅਤਨਾਮ ਦੀ ਗੁਏਨ ਥੁਈ ਲਿਨ੍ਹ ਨੂੰ ਹਰਾ ਕੇ ਤਾਈਪੇ ਓਪਨ ਸੁਪਰ 300 ਦਾ ਖ਼ਿਤਾਬ ਜਿੱਤ ਲਿਆ ਹੈ। ਉਹ 18 ਸਾਲਾਂ ਬਾਅਦ ਇਹ ਖ਼ਿਤਾਬ ਜਿੱਤਣ ਵਾਲੀ ਪਹਿਲੀ ਭਾਰਤੀ ਅਤੇ ਸਭ ਤੋਂ ਘੱਟ ਉਮਰ ਦੀ ਚੈਂਪੀਅਨ ਬਣੀ, ਜਿਸ ਨੇ ਤਾਈ ਜੂ ਯਿੰਗ ਦਾ ਰਿਕਾਰਡ ਤੋੜਿਆ।

ਭਾਰਤ ਦੀ ਤਨਵੀ ਸ਼ਰਮਾ ਨੇ ਤਾਈਪੇ ਓਪਨ ਸੁਪਰ 300 ਦਾ ਖ਼ਿਤਾਬ ਜਿੱਤ ਲਿਆ ਹੈ। ਉਨ੍ਹਾਂ ਨੇ ਇਸ ਪ੍ਰਤੀਯੋਗਤਾ ਦਾ ਫ਼ਾਈਨਲ ਮੁਕਾਬਲਾ ਸਿਰਫ਼ 36 ਮਿੰਟਾਂ ਵਿੱਚ ਜਿੱਤਿਆ। ਫ਼ਾਈਨਲ ਵਿੱਚ ਤਨਵੀ ਨੇ ਵੀਅਤਨਾਮ ਦੀ ਛੇਵੀਂ ਸੀਡ ਪ੍ਰਾਪਤ ਗੁਏਨ ਥੁਈ ਲਿਨ੍ਹ ਨੂੰ ਸਿੱਧੇ ਸੈੱਟਾਂ ਵਿੱਚ 21-16, 21-16 ਨਾਲ ਹਰਾਇਆ। ਤਨਵੀ ਸ਼ਰਮਾ ਦਾ ਇਹ ਪਹਿਲਾ ਬੀ.ਡਬਲਿਊ.ਐੱਫ. (BWF) ਵਰਲਡ ਟੂਰ ਟਾਈਟਲ ਹੈ। (Photo: PTI)

2 / 5

ਤਾਈਪੇ ਓਪਨ ਸੁਪਰ 300 ਦਾ ਖ਼ਿਤਾਬ ਜਿੱਤਣ ਵਾਲੀ ਤਨਵੀ ਸ਼ਰਮਾ ਸਭ ਤੋਂ ਘੱਟ ਉਮਰ ਦੀ ਬੈਡਮਿੰਟਨ ਖਿਡਾਰਨ ਬਣ ਗਈ ਹੈ। 17 ਸਾਲ 222 ਦਿਨਾਂ ਦੀ ਉਮਰ ਵਿੱਚ ਚੈਂਪੀਅਨ ਬਣ ਕੇ ਉਨ੍ਹਾਂ ਨੇ ਇਸ ਮਾਮਲੇ ਵਿੱਚ ਤਾਈਵਾਨ ਦੀ ਤਾਈ ਜੂ ਯਿੰਗ ਦਾ ਰਿਕਾਰਡ ਤੋੜਿਆ ਹੈ, ਜਿਨ੍ਹਾਂ ਨੇ 18 ਸਾਲ ਅਤੇ 85 ਦਿਨਾਂ ਦੀ ਉਮਰ ਵਿੱਚ ਇਹ ਖ਼ਿਤਾਬ ਜਿੱਤਿਆ ਸੀ। BWF ਮਹਿਲਾ ਸਿੰਗਲਜ਼ ਰੈਂਕਿੰਗ ਵਿੱਚ 214 ਹਫ਼ਤਿਆਂ ਤੱਕ ਨੰਬਰ 1 'ਤੇ ਰਹਿਣ ਵਾਲੀ ਤਾਈ ਜੂ ਯਿੰਗ ਨੇ ਪਿਛਲੇ ਸਾਲ ਨਵੰਬਰ ਵਿੱਚ ਹੀ 31 ਸਾਲ ਦੀ ਉਮਰ ਵਿੱਚ ਬੈਡਮਿੰਟਨ ਨੂੰ ਅਲਵਿਦਾ ਕਿਹਾ ਹੈ। (Photo: PTI)

3 / 5

ਤਾਈਪੇ ਓਪਨ ਸੁਪਰ 300 ਦਾ ਖ਼ਿਤਾਬ 18 ਸਾਲਾਂ ਦੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਕਿਸੇ ਭਾਰਤੀ ਸ਼ਟਲਰ ਨੇ ਜਿੱਤਿਆ ਹੈ। ਇਸ ਨੂੰ ਆਖ਼ਰੀ ਵਾਰ ਸਾਇਨਾ ਨੇਹਵਾਲ ਨੇ ਸਾਲ 2008 ਵਿੱਚ ਜਿੱਤਿਆ ਸੀ। (Photo: PTI)

4 / 5

ਤਨਵੀ ਨੇ ਬੈਡਮਿੰਟਨ ਦਾ ਪਹਿਲਾ ਪਾਠ ਬਚਪਨ ਵਿੱਚ ਹੀ ਆਪਣੀ ਮਾਂ ਤੋਂ ਸਿੱਖਿਆ ਸੀ। ਤਾਈਪੇ ਓਪਨ ਲਈ ਉਨ੍ਹਾਂ ਨੇ ਪਾਰਕ ਤੈਈ ਸੰਗ ਤੋਂ ਕੋਚਿੰਗ ਲਈ ਸੀ, ਜੋ ਕਿ ਪੀ.ਵੀ. ਸਿੰਧੂ ਦੇ ਵੀ ਪੁਰਾਣੇ ਮੈਂਟਰ ਰਹਿ ਚੁੱਕੇ ਹਨ। (Photo: PTI)

5 / 5

ਤਨਵੀ ਸ਼ਰਮਾ ਤਾਈਪੇ ਓਪਨ ਦੀ ਸਭ ਤੋਂ ਨੌਜਵਾਨ ਚੈਂਪੀਅਨ ਬਣ ਕੇ ਬਹੁਤ ਖ਼ੁਸ਼ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਯਕੀਨ ਨਹੀਂ ਸੀ ਕਿ ਉਹ ਖ਼ਿਤਾਬ ਜਿੱਤ ਲੈਣਗੇ। ਪਰ ਉਨ੍ਹਾਂ ਨੇ ਆਪਣਾ ਸਭ ਤੋਂ ਬਿਹਤਰ ਪ੍ਰਦਰਸ਼ਨ ਕਰਨ ਦਾ ਖ਼ੁਦ ਨਾਲ ਵਾਅਦਾ ਕੀਤਾ ਸੀ। ਉਹ ਇੱਕ-ਇੱਕ ਕਦਮ, ਇੱਕ-ਇੱਕ ਮੈਚ ਕਰਕੇ ਅੱਗੇ ਵਧੇ ਅਤੇ ਉਨ੍ਹਾਂ ਨੂੰ ਸਫ਼ਲਤਾ ਮਿਲੀ। (Photo: PTI)

Unable to load recommendations.

LIVETV

Tag :

ਗਾਲ ਟੈਸਟ ਨੂੰ ਸਫਲ ਬਣਾਉਣ ‘ਚ 130 ਗ੍ਰਾਊਂਡ ਸਟਾਫ਼ ਦਾ ਵੱਡਾ ਯੋਗਦਾਨ, ਜਾਣੋ ਕਿੰਨੀ ਹੈ ਤਨਖਾਹ?

ਭਾਰਤ ਅਤੇ ਪਾਕਿਸਤਾਨ ਦੇ ਹਾਕੀ ਖਿਡਾਰੀਆਂ ਦੀ ਤਨਖਾਹ ਕਿੰਨੀ ਹੁੰਦੀ ਹੈ?

IND vs SL: ਗਾਲ ਟੈਸਟ ‘ਚ ਡਿਕਵੇਲਾ ਦੀ ਸ਼ਾਨਦਾਰ ਪਾਰੀ, ਪਰ ਸੈਂਕੜੇ ਦਾ ਸੁਪਨਾ ਫਿਰ ਟੁੱਟਿਆ

Football: ਰਿਟਾਇਰਮੈਂਟ ਲਈ ਤਿਆਰ ਰੋਨਾਲਡੋ? ਵਿਆਹ ਤੋਂ ਬਾਅਦ ਕਰੀਅਰ ਨੂੰ ਲੈ ਕੇ ਕ੍ਰਿਸਟਿਆਨੋ ਦਾ ਵੱਡਾ ਐਲਾਨ

Bangladesh vs Australia: ਬੰਗਲਾਦੇਸ਼ ਦੀ ਇਤਿਹਾਸਕ ਜਿੱਤ ਨੇ ਕਿਵੇਂ ਵਧਾਈ ਪਾਕਿਸਤਾਨ ਦੀ ਨਮੋਸ਼ੀ?