Punjabi News Photo Gallery Sports Photo asian games 2026 india wins historic medals in seven sports for first time know in punjabi

Asian Games 2026: ਇਨ੍ਹਾਂ 7 ਖੇਡਾਂ ‘ਚ ਭਾਰਤ ਨੇ ਪਹਿਲੀ ਵਾਰ ਜਿੱਤਿਆ ਤਗ਼ਮਾ, ਜਪਾਨ ‘ਚ ਰਚਿਆ ਇਤਿਹਾਸ

TV9 Punjabi

Published:

04 Oct 2026 17:30 PM IST

ਏਸ਼ੀਅਨ ਗੇਮਜ਼ 2026 ਵਿੱਚ ਭਾਰਤ ਨੇ 36 ਖੇਡਾਂ ਵਿੱਚ ਹਿੱਸਾ ਲੈ ਕੇ ਇਤਿਹਾਸ ਰਚਿਆ। ਦੇਸ਼ ਨੇ ਐੱਮਐੱਮਏ, ਸਾਫ਼ਟ ਟੈਨਿਸ, ਸ਼ੂਟਿੰਗ ਸਕੀਟ, ਰੋਇੰਗ, ਪੋਲ ਵਾਲਟ, ਸੇਪਕ ਟਕਰਾਅ ਅਤੇ ਸੇਲਿੰਗ ਸਮੇਤ 7 ਅਜਿਹੀਆਂ ਖੇਡਾਂ ਵਿੱਚ ਪਹਿਲੀ ਵਾਰ ਤਗ਼ਮੇ ਜਿੱਤੇ, ਜਿਨ੍ਹਾਂ ਵਿੱਚ ਪਹਿਲਾਂ ਕਦੇ ਕੋਈ ਮੈਡਲ ਨਹੀਂ ਮਿਲਿਆ ਸੀ। ਜਪਾਨ ਵਿੱਚ ਭਾਰਤੀ ਖਿਡਾਰੀਆਂ ਦਾ ਪ੍ਰਦਰਸ਼ਨ ਬੇਹੱਦ ਸ਼ਾਨਦਾਰ ਰਿਹਾ।

ਏਸ਼ੀਅਨ ਗੇਮਜ਼ 2026 ਵਿੱਚ 43 ਖੇਡਾਂ ਕਰਵਾਈਆਂ ਗਈਆਂ। ਭਾਰਤ ਨੇ ਉਨ੍ਹਾਂ ਵਿੱਚੋਂ 36 ਖੇਡਾਂ ਵਿੱਚ ਹਿੱਸਾ ਲਿਆ, ਜਿਨ੍ਹਾਂ ਵਿੱਚੋਂ 7 ਉਹ ਖੇਡਾਂ ਰਹੀਆਂ ਜਿਨ੍ਹਾਂ ਵਿੱਚ ਭਾਰਤ ਨੇ ਇਤਿਹਾਸ ਬਦਲਦਿਆਂ ਪਹਿਲੀ ਵਾਰ ਤਗ਼ਮਾ ਜਿੱਤਿਆ। ਆਓ ਨਜ਼ਰ ਮਾਰਦੇ ਹਾਂ ਕਿ ਉਹ 7 ਖੇਡਾਂ ਕਿਹੜੀਆਂ ਹਨ। (Photo: PTI)

2 / 8

MMA ਯਾਨੀ ਮਿਕਸਡ ਮਾਰਸ਼ਲ ਆਰਟਸ: ਭਾਰਤ ਦੀ ਸੁਚਿਕਾ ਤਾਰੀਆਲ ਨੇ ਇਸ ਖੇਡ ਵਿੱਚ ਭਾਰਤ ਨੂੰ ਏਸ਼ੀਅਨ ਗੇਮਜ਼ ਦਾ ਪਹਿਲਾ ਤਗ਼ਮਾ ਦਿਵਾਇਆ। ਸੁਚਿਕਾ ਨੇ ਮਹਿਲਾਵਾਂ ਦੇ 60 ਕਿੱਲੋ ਵਰਗ ਵਿੱਚ ਕਾਂਸੀ ਦਾ ਤਗ਼ਮਾ (ਬਰੌਂਜ਼ ਮੈਡਲ) ਜਿੱਤਿਆ। (Photo: PTI)

3 / 8

ਸਾਫ਼ਟ ਟੈਨਿਸ: ਇਹ ਉਹ ਖੇਡ ਹੈ ਜਿਸ ਦਾ ਨਾਂ ਜੈ ਮੀਣਾ ਦੇ ਜਿੱਤੇ ਤਗ਼ਮੇ ਨੇ ਪੂਰੇ ਭਾਰਤ ਵਿੱਚ ਮਸ਼ਹੂਰ ਕਰ ਦਿੱਤਾ। ਜੈ ਮੀਣਾ ਨੇ ਕਾਂਸੀ ਦਾ ਤਗ਼ਮਾ ਜਿੱਤ ਕੇ ਸਾਫ਼ਟ ਟੈਨਿਸ ਵਿੱਚ ਭਾਰਤ ਨੂੰ ਏਸ਼ੀਅਨ ਗੇਮਜ਼ ਦਾ ਪਹਿਲਾ ਮੈਡਲ ਦਿਵਾਇਆ। (Photo: PTI)

4 / 8

ਸ਼ੂਟਿੰਗ ਸਕੀਟ ਈਵੈਂਟ: ਭਾਰਤ ਨੇ ਏਸ਼ੀਅਨ ਗੇਮਜ਼ ਵਿੱਚ ਬਹੁਤ ਸਾਰੇ ਅਤੇ ਹਰ ਰੰਗ ਦੇ ਤਗ਼ਮੇ ਜਿੱਤੇ ਹਨ। ਪਰ ਇਸ ਦੇ ਸਕੀਟ ਈਵੈਂਟ ਵਿੱਚ ਕੋਈ ਤਗ਼ਮਾ ਪਹਿਲੀ ਵਾਰ ਜਪਾਨ ਦੇ ਆਈਚੀ-ਨਾਗੋਆ ਵਿੱਚ ਜਿੱਤਿਆ ਗਿਆ। ਮਾਹੇਸ਼ਵਰੀ ਚੌਹਾਨ, ਪਰੀਨਾਜ਼ ਧਾਲੀਵਾਲ ਅਤੇ ਰਾਇਜ਼ਾ ਢਿੱਲੋਂ ਨੇ ਮਹਿਲਾ ਸਕੀਟ ਟੀਮ ਈਵੈਂਟ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ। ਇਸ ਤੋਂ ਬਾਅਦ ਪਰੀਨਾਜ਼ ਧਾਲੀਵਾਲ ਨੇ ਅਨੰਤਜੀਤ ਸਿੰਘ ਨਾਲ ਮਿਲ ਕੇ ਮਿਕਸਡ ਟੀਮ ਈਵੈਂਟ ਵਿੱਚ ਵੀ ਕਾਂਸੀ ਦਾ ਤਗ਼ਮਾ ਹਾਸਲ ਕੀਤਾ। ਇਸ ਤਰ੍ਹਾਂ ਭਾਰਤ ਨੇ ਏਸ਼ੀਅਨ ਗੇਮਜ਼ ਵਿੱਚ ਨਿਸ਼ਾਨੇਬਾਜ਼ੀ ਦੇ ਸਕੀਟ ਈਵੈਂਟ ਅੰਦਰ ਪਹਿਲੀ ਵਾਰ ਤਗ਼ਮੇ ਜਿੱਤੇ। (Photo: PTI)

5 / 8

ਰੋਇੰਗ (ਪੁਰਸ਼ ਡਬਲਜ਼ ਸਕਲਜ਼): ਭਾਰਤ ਨੇ ਇਸ ਵਾਰ ਏਸ਼ੀਅਨ ਗੇਮਜ਼ ਵਿੱਚ ਰੋਇੰਗ ਦੇ ਪੁਰਸ਼ ਡਬਲਜ਼ ਸਕਲਜ਼ ਵਿੱਚ ਪਹਿਲੀ ਵਾਰ ਕੋਈ ਤਗ਼ਮਾ ਜਿੱਤਿਆ ਹੈ। ਭਾਰਤ ਲਈ ਇਹ ਤਗ਼ਮਾ ਸਤਨਾਮ ਸਿੰਘ ਅਤੇ ਸਲਮਾਨ ਖ਼ਾਨ ਨੇ ਮਿਲ ਕੇ ਜਿੱਤਿਆ। (Photo: PTI)

6 / 8

ਪੋਲ ਵਾਲਟ: ਭਾਰਤ ਨੇ ਏਸ਼ੀਅਨ ਗੇਮਜ਼ ਵਿੱਚ ਅਥਲੈਟਿਕਸ ਅੰਦਰ ਕਈ ਤਗ਼ਮੇ ਜਿੱਤੇ ਹਨ। ਪਰ ਇਸ ਦੇ ਪੋਲ ਵਾਲਟ ਈਵੈਂਟ ਵਿੱਚ ਪਹਿਲੀ ਵਾਰ ਕੋਈ ਤਗ਼ਮਾ ਜਪਾਨ ਦੇ ਆਈਚੀ-ਨਾਗੋਆ ਵਿੱਚ ਜਿੱਤਿਆ। ਭਾਰਤ ਲਈ ਮਹਿਲਾਵਾਂ ਦੇ ਪੋਲ ਵਾਲਟ ਈਵੈਂਟ ਵਿੱਚ ਇਹ ਕਾਂਸੀ ਦਾ ਤਗ਼ਮਾ ਬਾਰਾਨਿਕਾ ਏਲਾਨਗੋਵਾਨ ਨੇ ਜਿੱਤਿਆ। (Photo: PTI)

7 / 8

ਸੇਪਕ ਟਕਰਾਅ: ਆਮ ਤੌਰ ’ਤੇ ਭਾਰਤ ਵਿੱਚ ਅਜਿਹੀਆਂ ਖੇਡਾਂ ਬਾਰੇ ਲੋਕਾਂ ਨੂੰ ਬਹੁਤ ਘੱਟ ਜਾਣਕਾਰੀ ਹੁੰਦੀ ਹੈ। ਅਜਿਹੇ ਵਿੱਚ ਇਸ ਵਿੱਚ ਤਗ਼ਮੇ ਦੀ ਉਮੀਦ ਕਰਨਾ ਤਾਂ ਦੂਰ ਦੀ ਗੱਲ ਹੈ। ਪਰ, ਇਸ ਵਾਰ ਏਸ਼ੀਅਨ ਗੇਮਜ਼ ਵਿੱਚ ਭਾਰਤ ਨੇ ਆਪਣਾ ਪਹਿਲਾ ਤਗ਼ਮਾ ਸੇਪਕ ਟਕਰਾਅ ਵਿੱਚ ਵੀ ਜਿੱਤਿਆ ਹੈ। ਭਾਰਤ ਨੇ ਪੁਰਸ਼ ਕੁਆਡਰੈਂਟ ਈਵੈਂਟ ਵਿੱਚ ਕਾਂਸੀ ਦਾ ਤਗ਼ਮਾ ਹਾਸਲ ਕੀਤਾ। (Photo: PTI)

8 / 8

ਸੇਲਿੰਗ: ਭਾਰਤ ਨੇ ਇਸ ਵਾਰ ਏਸ਼ੀਅਨ ਗੇਮਜ਼ ਵਿੱਚ ਆਪਣਾ ਪਹਿਲਾ ਤਗ਼ਮਾ ਸੇਲਿੰਗ ਵਿੱਚ ਵੀ ਜਿੱਤਿਆ। ਭਾਰਤ ਲਈ ਇਤਿਹਾਸ ਰਚਦਿਆਂ ਇਹ ਕਾਮਯਾਬੀ ਨੇਥਰਾ ਕੁਮਾਨਨ ਨੇ ਮਹਿਲਾਵਾਂ ਦੇ ਡਿੰਗੀ ਈਵੈਂਟ ਵਿੱਚ ਹਾਸਲ ਕੀਤੀ। (Photo: PTI)

Unable to load recommendations.

LIVETV

Tag :

Vaibhav Sooryavanshi ਨੇ ਰਚਿਆ ਨਵਾਂ ਇਤਿਹਾਸ, TIME ਦੀ ਵੱਡੀ ਲਿਸਟ ‘ਚ ਹੋਏ ਸ਼ਾਮਲ

Asian Games 2026: ਗੁਲਵੀਰ ਸਿੰਘ ਨੇ ਜਿੱਤਿਆ ਲਗਾਤਾਰ ਦੂਜਾ ਸਿਲਵਰ ਮੈਡਲ

Asian Games: ਸੋਨੇ ਤੋਂ ਖੁੰਝੇ ਅਨਾਹਤ ਸਿੰਘ, ਸਿਲਵਰ ਜਿੱਤ ਕੇ ਰਚਿਆ ਇਤਿਹਾਸ

ਸੈਮੀਫਾਈਨਲ ‘ਚ ਭਾਰਤ-ਪਾਕਿਸਤਾਨ ਦੀ ਟੱਕਰ, ਕ੍ਰਿਕਟ ਤੋਂ ਪਹਿਲਾਂ ਇਸ ਖੇਡ ਵਿੱਚ ਹੋਵੇਗਾ ਆਹਮੋ-ਸਾਹਮਣਾ

ਇੰਗਲੈਂਡ ਦੇ ਇਸ ਕ੍ਰਿਕਟਰ ਨੂੰ ਹੋਵੇਗੀ ਉਮਰ ਕੈਦ? ਬਲਾਤਕਾਰ ਦੇ 2 ਮਾਮਲਿਆਂ ਵਿੱਚ ਆਰੋਪੀ