Punjabi News Photo Gallery Lifestyle Photo international yoga day 2026 what is hot yoga which can be a problem in summer know in punjabi

International Yoga Day 2026: ਕੀ ਹੈ ਹੌਟ ਯੋਗਾ? ਜੋ ਗਰਮੀਆਂ ਚ ਬਣ ਸਕਦਾ ਹੈ ਮੁਸੀਬਤ?

TV9 Punjabi

Published:

21 Jun 2026 13:31 PM IST

International Yoga Day 2026: ਯੋਗ ਕਰਨ ਦੇ ਕਈ ਅਜਿਹੇ ਤਰੀਕੇ ਹਨ, ਜਿਨ੍ਹਾਂ ਦੇ ਨਾਮ ਬਾਰੇ ਵੀ ਜ਼ਿਆਦਾਤਰ ਲੋਕ ਨਹੀਂ ਜਾਣਦੇ। ਇਨ੍ਹਾਂ ਵਿੱਚੋਂ ਇੱਕ ਹੌਟ ਯੋਗਾ (Hot Yoga) ਹੈ, ਜਿਸ ਵਿੱਚ ਸਰੀਰ ਤੇ ਇੱਕ ਵੱਖਰੇ ਤਰ੍ਹਾਂ ਦਾ ਦਬਾਅ ਪੈਦਾ ਕੀਤਾ ਜਾਂਦਾ ਹੈ। ਆਓ ਜਾਣੀਏ ਕਿ ਹੌਟ ਯੋਗਾ ਕੀ ਹੁੰਦਾ ਹੈ ਅਤੇ ਗਰਮੀਆਂ ਦੇ ਮੌਸਮ ਵਿੱਚ ਇਸ ਨੂੰ ਕਰਨਾ ਕਈ ਵਾਰ ਕਿਉਂ ਨੁਕਸਾਨਦਾਇਕ ਸਾਬਤ ਹੋ ਸਕਦਾ ਹੈ।

ਯੋਗ ਇੱਕ ਅਜਿਹੀ ਵਿਧੀ ਹੈ ਜੋ ਤਿੱਖੀ ਗਰਮੀ ਵਿੱਚ ਵੀ ਸਾਡੇ ਸਰੀਰ ਨੂੰ ਠੰਢਾ ਅਤੇ ਸੰਤੁਲਿਤ ਰੱਖਣ ਵਿੱਚ ਮਦਦ ਕਰ ਸਕਦੀ ਹੈ। ਪਰ ਇਸ ਦੀ ਇੱਕ ਕਿਸਮ ਹੌਟ ਯੋਗਾ ਨੂੰ ਗਰਮੀਆਂ ਵਿੱਚ ਕਰਨ ਤੋਂ ਪਹਿਲਾਂ ਕਈ ਗੱਲਾਂ ਦਾ ਖ਼ਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਆਓ ਜਾਣੀਏ ਕਿ ਹੌਟ ਯੋਗਾ ਕੀ ਹੁੰਦਾ ਹੈ ਅਤੇ ਤਿੱਖੀ ਗਰਮੀ ਵਿੱਚ ਇਸ ਨੂੰ ਕਰਨ ਤੋਂ ਕਿਉਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਜੇਕਰ ਕੋਈ ਵਿਅਕਤੀ ਅਜਿਹੀ ਸਥਿਤੀ ਵਿੱਚ ਇਸ ਨੂੰ ਅਜ਼ਮਾਉਂਦਾ ਹੈ, ਤਾਂ ਇਸ ਨਾਲ ਸਰੀਰ ਨੂੰ ਕਿਹੜੇ ਨੁਕਸਾਨ ਹੋ ਸਕਦੇ ਹਨ, ਆਓ ਇਸ ਬਾਰੇ ਵੀ ਜਾਣਦੇ ਹਾਂ।

2 / 6

ਕੀ ਹੈ ਹੌਟ ਯੋਗਾ- ਹੌਟ ਯੋਗਾ, ਯੋਗ ਦੀ ਇੱਕ ਅਜਿਹੀ ਵਿਧੀ ਹੈ ਜਿਸ ਵਿੱਚ ਸਰੀਰ ਵਿੱਚੋਂ ਵੱਧ ਤੋਂ ਵੱਧ ਪਸੀਨਾ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ। ਇਸ ਦਾ ਅਭਿਆਸ ਆਮ ਤੌਰ ‘ਤੇ 35 ਤੋਂ 40 ਡਿਗਰੀ ਸੈਲਸੀਅਸ ਤਾਪਮਾਨ ਵਾਲੇ ਬੰਦ ਕਮਰੇ ਵਿੱਚ ਕਰਵਾਇਆ ਜਾਂਦਾ ਹੈ। ਇਸ ਦੇ ਜਰੀਏ ਸਰੀਰ ਵਿੱਚ ਲਚਕਤਾ ਲਿਆਉਣ ਦੀ ਵੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ। ਹਾਲਾਂਕਿ, ਭਿਆਨਕ ਗਰਮੀ, ਲੂ ਜਾਂ ਹੀਟਵੇਵ ਦੇ ਦੌਰਾਨ ਹੌਟ ਯੋਗਾ ਕਰਨ ਨਾਲ ਕਈ ਸਿਹਤ ਸੰਬੰਧੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

3 / 6

ਸਰੀਰ ਦਾ ਤਾਪਮਾਨ ਵਧਣਾ – ਤਿੱਖੀ ਗਰਮੀ ਵਿੱਚ ਸਰੀਰ ਪਹਿਲਾਂ ਹੀ ਬਾਹਰੀ ਤਾਪਮਾਨ ਦਾ ਸਾਹਮਣਾ ਕਰ ਰਿਹਾ ਹੁੰਦਾ ਹੈ। ਅਜਿਹੇ ਮੌਸਮ ਵਿੱਚ ਹੌਟ ਯੋਗਾ ਕਰਨ ਨਾਲ ਸਰੀਰ ਦਾ ਅੰਦਰੂਨੀ ਤਾਪਮਾਨ ਹੋਰ ਵੱਧ ਸਕਦਾ ਹੈ। ਇਸ ਕਾਰਨ ਹੀਟ ਸਟ੍ਰੈੱਸ, ਸਿਰ ਦਰਦ, ਚੱਕਰ ਆਉਣਾ ਅਤੇ ਬੇਚੈਨੀ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।

4 / 6

ਦਿਲ ਦੀ ਧੜਕਣ ਵੱਧਣਾ – ਗਰਮ ਕਮਰੇ ਵਿੱਚ ਹੌਟ ਯੋਗਾ ਕਰਨ ਨਾਲ ਦਿਲ ‘ਤੇ ਵਾਧੂ ਦਬਾਅ ਪੈਂਦਾ ਹੈ, ਕਿਉਂਕਿ ਸਰੀਰ ਨੂੰ ਠੰਢਾ ਰੱਖਣ ਲਈ ਦਿਲ ਨੂੰ ਵੱਧ ਮਿਹਨਤ ਕਰਨੀ ਪੈਂਦੀ ਹੈ। ਇਸ ਕਾਰਨ ਕੁਝ ਲੋਕਾਂ ਦਾ ਹੌਟ ਰੇਟ ਤੇਜ਼ ਹੋ ਸਕਦਾ ਹੈ ਜਾਂ ਬਲੱਡ ਪ੍ਰੈਸ਼ਰ ਵਿੱਚ ਉਤਾਰ-ਚੜ੍ਹਾਅ ਆ ਸਕਦਾ ਹੈ। ਜਿਨ੍ਹਾਂ ਲੋਕਾਂ ਨੂੰ ਪਹਿਲਾਂ ਤੋਂ ਦਿਲ ਨਾਲ ਸੰਬੰਧਿਤ ਕੋਈ ਸਮੱਸਿਆ ਹੈ, ਉਨ੍ਹਾਂ ਨੂੰ ਭੁੱਲ ਕੇ ਵੀ ਹੌਟ ਯੋਗਾ ਦਾ ਇਹ ਤਰੀਕਾ ਨਹੀਂ ਅਪਣਾਉਣਾ ਚਾਹੀਦਾ।

5 / 6

ਡੀਹਾਈਡ੍ਰੇਸ਼ਨ ਦਾ ਖ਼ਤਰਾ – ਹੌਟ ਯੋਗਾ ਕਰਨ ਦਾ ਮੁੱਖ ਉਦੇਸ਼ ਸਰੀਰ ਵਿੱਚੋਂ ਵੱਧ ਤੋਂ ਵੱਧ ਪਸੀਨਾ ਕੱਢਣਾ ਹੁੰਦਾ ਹੈ, ਪਰ ਮਾਹਿਰਾਂ ਦੇ ਮੁਤਾਬਕ ਕਈ ਵਾਰ ਇਹ ਡੀਹਾਈਡ੍ਰੇਸ਼ਨ ਦਾ ਕਾਰਨ ਵੀ ਬਣ ਸਕਦਾ ਹੈ। ਜੇਕਰ ਤੁਸੀਂ ਹੌਟ ਯੋਗਾ ਕਰਦੇ ਹੋ, ਤਾਂ ਸਰੀਰ ਵਿੱਚ ਪਾਣੀ ਦੀ ਕਮੀ ਨਾ ਹੋਣ ਦਿਓ ਅਤੇ ਪਾਣੀ ਜਾਂ ਹੋਰ ਹਾਈਡ੍ਰੇਟਿੰਗ ਪੇਅ ਪਦਾਰਥਾਂ ਰਾਹੀਂ ਇਲੈਕਟ੍ਰੋਲਾਈਟਸ ਦਾ ਸੰਤੁਲਨ ਬਣਾਈ ਰੱਖੋ।

6 / 6

ਚੱਕਰ ਆਉਣਾ ਜਾਂ ਬੇਹੋਸ਼ੀ – ਗਰਮੀਆਂ ਵਿੱਚ ਜੇਕਰ ਸਰੀਰ ਵਿੱਚੋਂ ਪਸੀਨੇ ਰਾਹੀਂ ਬਹੁਤ ਜ਼ਿਆਦਾ ਪਾਣੀ ਨਿਕਲ ਜਾਂਦਾ ਹੈ, ਤਾਂ ਖਣਿਜ ਤੱਤਾਂ (ਮਿਨਰਲਜ਼) ਦੀ ਕਮੀ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਹੌਟ ਯੋਗਾ ਕਰਨ ਨਾਲ ਚੱਕਰ ਆ ਸਕਦੇ ਹਨ ਜਾਂ ਵਿਅਕਤੀ ਬੇਹੋਸ਼ ਵੀ ਹੋ ਸਕਦਾ ਹੈ। ਮਾਹਿਰਾਂ ਦੇ ਅਨੁਸਾਰ, ਇਸ ਕਾਰਨ ਬਲੱਡ ਪ੍ਰੈਸ਼ਰ ਘੱਟ ਹੋ ਸਕਦਾ ਹੈ, ਜਿਸ ਨਾਲ ਚੱਕਰ ਆਉਣ ਜਾਂ ਬੇਹੋਸ਼ੀ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।

Unable to load recommendations.

LIVETV

Tag :

ਪਾਣੀ ਪੀਣ ਦੇ ਬਾਵਜੂਦ ਵਾਰ-ਵਾਰ ਲੱਗਦੀ ਹੈ ਪਿਆਸ? ਇਨ੍ਹਾਂ ਬਿਮਾਰੀਆਂ ਦਾ ਹੋ ਸਕਦਾ ਹੈ ਸੰਕੇਤ

ਬਰਸਾਤ ‘ਚ ਚਾਹ-ਪਕੌੜੇ ਕਿਤੇ ਵਧਾ ਨਾ ਦੇਣ ਭਾਰ! ਰੋਜ਼ਾਨਾ ਸਵੇਰੇ ਕਰੋ ਇਹ 5 ਯੋਗ ਆਸਣ

ਬਰਸਾਤ ‘ਚ ਘਰ ਤੋਂ ਆਉਂਦੀ ਸੀਲਨ ਦੀ ਬਦਬੂ, ਇਹ 5 ਆਸਾਨ ਤਰੀਕੇ ਕਰਨਗੇ ਦੂਰ

ਬਿਨਾਂ ਕਿਸੇ ਮਸ਼ੀਨ ਦੇ ਸੋਫੇ ‘ਤੇ ਜੰਮੀ ਧੂੜ, ਪਸੀਨੇ ਦੀ ਰਹਿੰਦ-ਖੂੰਹਦ ਅਤੇ ਧੱਬੇ ਇੰਝ ਕਰੋ ਸਾਫ਼

ਸਰੀਰ ਨੂੰ ਲੱਗੇਗਾ ਖਾਧਾ-ਪੀਤਾ, ਗੱਟ ਹੈਲਥ ਨੂੰ ਦਰੁਸਤ ਰੱਖਣ ਲਈ ਅਪਣਾਓ ਇਹ 5 ਆਸਾਨ ਆਦਤਾਂ