Punjabi News Photo Gallery Lifestyle Photo international tiger day 2026 indias most famous tiger reserves where you will get an exciting jungle safari experience with natural beauty know in punjabi

International Tiger Day 2026: ਭਾਰਤ ਦੇ ਸਭ ਤੋਂ ਮਸ਼ਹੂਰ ਟਾਈਗਰ ਰਿਜ਼ਰਵ, ਜਿੱਥੇ ਕੁਦਰਤੀ ਖੂਬਸੂਰਤੀ ਨਾਲ ਮਿਲੇਗਾ ਰੋਮਾਂਚਕ ਜੰਗਲ ਸਫਾਰੀ ਦਾ ਤਜਰਬਾ

TV9 Punjabi

Updated On:

29 Jul 2026 15:28 PM IST

International Tiger Day 2026: ਹਰ ਸਾਲ 29 ਜੁਲਾਈ ਨੂੰ ਅੰਤਰਰਾਸ਼ਟਰੀ ਟਾਈਗਰ ਦਿਵਸ (International Tiger Day) ਮਨਾਇਆ ਜਾਂਦਾ ਹੈ। ਭਾਰਤ ਵਿੱਚ ਕਈ ਅਜਿਹੇ ਟਾਈਗਰ ਰਿਜ਼ਰਵ ਹਨ, ਜਿੱਥੇ ਘੁੰਮਣ ਦਾ ਅਨੁਭਵ ਹੀ ਵੱਖਰਾ ਹੁੰਦਾ ਹੈ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਉੱਥੋਂ ਦੀ ਮਨਮੋਹਕ ਕੁਦਰਤੀ ਸੁੰਦਰਤਾ ਅਤੇ ਜੰਗਲੀ ਜੀਵਾਂ ਨਾਲ ਭਰਪੂਰ ਮਾਹੌਲ ਹੈ। ਆਓ ਜਾਣਦੇ ਹਾਂ ਭਾਰਤ ਦੇ ਕੁਝ ਪ੍ਰਸਿੱਧ ਟਾਈਗਰ ਰਿਜ਼ਰਵਾਂ ਬਾਰੇ।

ਭਾਰਤ ਵਿੱਚ ਟਾਈਗਰ ਦੀ ਘਟਦੀ ਗਿਣਤੀ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ। ਸਿਰਫ਼ ਭਾਰਤ ਹੀ ਨਹੀਂ, ਸਗੋਂ ਪੂਰੀ ਦੁਨੀਆ ਵਿੱਚ ਇਸ ਸ਼ਾਨਦਾਰ ਜੰਗਲੀ ਜੀਵ ਦੀ ਸੰਭਾਲ ਲਈ ਲਗਾਤਾਰ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਇਸੇ ਮਕਸਦ ਨਾਲ ਹਰ ਸਾਲ 29 ਜੁਲਾਈ ਨੂੰ ਅੰਤਰਰਾਸ਼ਟਰੀ ਟਾਈਗਰ ਦਿਵਸ (International Tiger Day) ਮਨਾਇਆ ਜਾਂਦਾ ਹੈ। ਇਸ ਦਿਨ ਦਾ ਉਦੇਸ਼ ਟਾਈਗਰ ਦੀ ਘੱਟਦੀ ਗਿਣਤੀ ਨੂੰ ਰੋਕਣਾ ਅਤੇ ਉਨ੍ਹਾਂ ਦੇ ਕੁਦਰਤੀ ਆਵਾਸ ਦੀ ਸੁਰੱਖਿਆ ਪ੍ਰਤੀ ਲੋਕਾਂ ਵਿੱਚ ਜਾਗਰੂਕਤਾ ਫੈਲਾਉਣਾ ਹੈ

2 / 7

ਕਿਹਾ ਜਾਂਦਾ ਹੈ ਕਿ ਜੇਕਰ ਭਾਰਤ ਦਾ ਰਾਸ਼ਟਰੀ ਜਾਨਵਰ ਬਾਘ ਕਿਸੇ ਜੰਗਲ ਵਿੱਚ ਸੁਰੱਖਿਅਤ ਹੈ, ਤਾਂ ਇਸ ਦਾ ਮਤਲਬ ਹੈ ਕਿ ਉਸ ਖੇਤਰ ਦਾ ਪੂਰਾ ਈਕੋਸਿਸਟਮ ਸਿਹਤਮੰਦ ਅਤੇ ਸੰਤੁਲਿਤ ਹੈ। ਭਾਰਤ ਵਿੱਚ ਬਾਘਾਂ ਦੀ ਸੁਰੱਖਿਆ ਲਈ ਪ੍ਰੋਜੈਕਟ ਟਾਈਗਰ ਵਰਗੀਆਂ ਮਹੱਤਵਪੂਰਨ ਪਹਿਲਾਂ ਕੀਤੀਆਂ ਗਈਆਂ ਹਨ। ਆਧੁਨਿਕ ਨਿਗਰਾਨੀ ਤਕਨੀਕਾਂ ਅਤੇ ਸਥਾਨਕ ਲੋਕਾਂ ਦੀ ਭਾਗੀਦਾਰੀ ਕਾਰਨ ਦੇਸ਼ ਵਿੱਚ ਬਾਘਾਂ ਦੀ ਗਿਣਤੀ ਵਿੱਚ ਵਾਧਾ ਦਰਜ ਕੀਤਾ ਗਿਆ ਹੈ। ਆਓ ਜਾਣਦੇ ਹਾਂ ਭਾਰਤ ਦੇ ਕੁਝ ਪ੍ਰਸਿੱਧ ਟਾਈਗਰ ਰਿਜ਼ਰਵਾਂ ਬਾਰੇ...

3 / 7

ਜਿਮ ਕਾਰਬੇਟ ਟਾਈਗਰ ਰਿਜ਼ਰਵ, ਉੱਤਰਾਖੰਡ – ਜੰਗਲ ਸਫਾਰੀ ਦੇ ਨਾਲ ਐਡਵੈਂਚਰ ਦਾ ਰੋਮਾਂਚਕ ਤਜਰਬਾ ਲੈਣਾ ਚਾਹੁੰਦੇ ਹੋ ਤਾਂ ਜਿਮ ਕਾਰਬੇਟ ਟਾਈਗਰ ਰਿਜ਼ਰਵ ਸਭ ਤੋਂ ਵਧੀਆ ਥਾਵਾਂ ਵਿੱਚੋਂ ਇੱਕ ਹੈ। ਇੱਥੇ ਸਵੇਰੇ ਅਤੇ ਸ਼ਾਮ ਨੂੰ ਜੀਪ ਸਫਾਰੀ ਕਰਵਾਈ ਜਾਂਦੀ ਹੈ, ਜਿਸ ਦੌਰਾਨ ਸੰਘਣੇ ਜੰਗਲ, ਰਾਮਗੰਗਾ ਦਰਿਆ ਅਤੇ ਮਨਮੋਹਕ ਘਾਟੀਆਂ ਦੇ ਨਜ਼ਾਰੇ ਸੈਲਾਨੀਆਂ ਦਾ ਦਿਲ ਜਿੱਤ ਲੈਂਦੇ ਹਨ। ਇਸ ਟਾਈਗਰ ਰਿਜ਼ਰਵ ਦੀ ਯਾਤਰਾ ਦੌਰਾਨ ਤੁਸੀਂ ਕਾਰਬੇਟ ਮਿਊਜ਼ੀਅਮ ਵੀ ਘੁੰਮ ਸਕਦੇ ਹੋ। ਇਸ ਤੋਂ ਇਲਾਵਾ ਰਾਮਗੰਗਾ ਦਰਿਆ ਦੇ ਕਿਨਾਰੇ ਕੁਝ ਸਮਾਂ ਬਿਤਾਉਣ ਦਾ ਅਨੁਭਵ ਵੀ ਬੇਹੱਦ ਖ਼ਾਸ ਹੁੰਦਾ ਹੈ।

4 / 7

ਰਣਥੰਭੌਰ ਟਾਈਗਰ ਰਿਜ਼ਰਵ, ਰਾਜਸਥਾਨ – ਰਾਜਸਥਾਨ ਵਿੱਚ ਸਥਿਤ ਇਹ ਟਾਈਗਰ ਰਿਜ਼ਰਵ ਬਾਘਾਂ ਨੂੰ ਆਸਾਨੀ ਨਾਲ ਦੇਖਣ (Tiger Sighting) ਲਈ ਬਹੁਤ ਮਸ਼ਹੂਰ ਹੈ। ਇੱਥੇ ਜੰਗਲ ਸਫਾਰੀ ਦੌਰਾਨ ਰਣਥੰਭੌਰ ਕਿਲ੍ਹੇ ਦੇ ਦਰਸ਼ਨ ਸੈਰ ਦੇ ਰੋਮਾਂਚ ਨੂੰ ਹੋਰ ਵੀ ਵਧਾ ਦਿੰਦੇ ਹਨ। ਜੇਕਰ ਤੁਸੀਂ ਜੰਗਲੀ ਜੀਵਾਂ ਨੂੰ ਨੇੜੇ ਤੋਂ ਦੇਖਣਾ ਅਤੇ ਕੁਦਰਤ ਦੀ ਗੋਦ ਵਿੱਚ ਯਾਤਰਾ ਦਾ ਪੂਰਾ ਆਨੰਦ ਲੈਣਾ ਚਾਹੁੰਦੇ ਹੋ, ਤਾਂ ਰਣਥੰਭੌਰ ਟਾਈਗਰ ਰਿਜ਼ਰਵ ਇੱਕ ਸ਼ਾਨਦਾਰ ਮੰਜ਼ਿਲ ਹੈ।

5 / 7

ਬਾਂਦੀਪੁਰ ਟਾਈਗਰ ਰਿਜ਼ਰਵ, ਕਰਨਾਟਕ – ਜੇਕਰ ਤੁਸੀਂ ਭੱਜਦੌੜ ਭਰੀ ਜ਼ਿੰਦਗੀ ਤੋਂ ਦੂਰ ਇੱਕ ਛੋਟੀ ਅਤੇ ਸੁਕੂਨਭਰੀ ਯਾਤਰਾ ਕਰਨਾ ਚਾਹੁੰਦੇ ਹੋ, ਤਾਂ ਕਰਨਾਟਕ ਦਾ ਬਾਂਦੀਪੁਰ ਟਾਈਗਰ ਰਿਜ਼ਰਵ ਤੁਹਾਡੇ ਲਈ ਬਿਹਤਰੀਨ ਟ੍ਰੈਵਲ ਡੈਸਟਿਨੇਸ਼ਨ ਹੋ ਸਕਦਾ ਹੈ। ਇੱਥੋਂ ਦੀ ਸ਼ਾਂਤੀ, ਹਰਿਆਲੀ ਅਤੇ ਪੰਛੀਆਂ ਦੀਆਂ ਮਿੱਠੀਆਂ ਆਵਾਜ਼ਾਂ ਸੈਲਾਨੀਆਂ ਨੂੰ ਇੱਕ ਵੱਖਰਾ ਹੀ ਅਨੁਭਵ ਦਿੰਦੀਆਂ ਹਨ। ਜੇਕਰ ਤੁਸੀਂ ਊਟੀ ਦੀ ਯਾਤਰਾ 'ਤੇ ਜਾ ਰਹੇ ਹੋ, ਤਾਂ ਇਸ ਟਾਈਗਰ ਰਿਜ਼ਰਵ ਦੀ ਸੈਰ ਕਰਨਾ ਬਿਲਕੁਲ ਨਾ ਭੁੱਲੋ।

6 / 7

ਕਾਨ੍ਹਾ ਟਾਈਗਰ ਰਿਜ਼ਰਵ, ਮੱਧ ਪ੍ਰਦੇਸ਼ – ਜੇਕਰ ਤੁਸੀਂ ਕੁਦਰਤੀ ਸੁੰਦਰਤਾ ਦੇ ਦਰਮਿਆਨ ਕੁਝ ਸੁਕੂਨ ਭਰੇ ਪਲ ਬਿਤਾਉਣਾ ਚਾਹੁੰਦੇ ਹੋ, ਤਾਂ ਕਾਨ੍ਹਾ ਟਾਈਗਰ ਰਿਜ਼ਰਵ ਦੀ ਸੈਰ ਜ਼ਰੂਰ ਕਰੋ। ਇੱਥੇ ਦੀ ਜੰਗਲ ਸਫਾਰੀ ਦਾ ਅਨੁਭਵ ਕੁਝ ਵੱਖਰਾ ਹੈ, ਕਿਉਂਕਿ ਇਹ ਵਿਸ਼ਾਲ ਘਾਹ ਦੇ ਮੈਦਾਨਾਂ ਅਤੇ ਸੰਘਣੇ ਜੰਗਲਾਂ ਵਿੱਚੋਂ ਲੰਘਦੀ ਹੈ। ਇਹ ਮਨਮੋਹਕ ਨਜ਼ਾਰੇ ਕਿਸੇ ਫ਼ਿਲਮੀ ਦ੍ਰਿਸ਼ ਤੋਂ ਘੱਟ ਨਹੀਂ ਲੱਗਦੇ ਅਤੇ ਸੈਲਾਨੀਆਂ ਨੂੰ ਇੱਕ ਯਾਦਗਾਰ ਤਜਰਬਾ ਦਿੰਦੇ ਹਨ।

7 / 7

ਸੁੰਦਰਬਨ ਟਾਈਗਰ ਰਿਜ਼ਰਵ, ਪੱਛਮੀ ਬੰਗਾਲ – ਜੇਕਰ ਤੁਸੀਂ ਰਵਾਇਤੀ ਜੰਗਲ ਸਫਾਰੀ ਦਾ ਵਿਲੱਖਣ ਅਨੁਭਵ ਲੈਣਾ ਚਾਹੁੰਦੇ ਹੋ, ਤਾਂ ਸੁੰਦਰਬਨ ਟਾਈਗਰ ਰਿਜ਼ਰਵ ਇੱਕ ਸ਼ਾਨਦਾਰ ਟ੍ਰੈਵਲ ਡੈਸਟਿਨੇਸ਼ਨ ਹੈ। ਇੱਥੇ ਜੰਗਲ ਦੀ ਸੈਰ ਜੀਪ ਦੀ ਬਜਾਏ ਕਿਸ਼ਤੀ ਰਾਹੀਂ ਕਰਵਾਈ ਜਾਂਦੀ ਹੈ, ਜੋ ਮੈਂਗਰੋਵ ਜੰਗਲਾਂ ਦੇ ਵਿਚਕਾਰੋਂ ਲੰਘਦੀ ਹੈ। ਕੁਦਰਤੀ ਸੁੰਦਰਤਾ ਦਾ ਇਹ ਨਜ਼ਾਰਾ ਬੇਹੱਦ ਅਨੋਖਾ ਅਤੇ ਮਨਮੋਹਕ ਹੁੰਦਾ ਹੈ। ਕੁਦਰਤ ਪ੍ਰੇਮੀਆਂ ਅਤੇ ਫੋਟੋਗ੍ਰਾਫੀ ਦੇ ਸ਼ੌਕੀਨਾਂ ਲਈ ਇਹ ਇੱਕ ਬਿਹਤਰੀਨ ਥਾਂ ਹੈ।

Unable to load recommendations.

LIVETV

Tag :

ਬਿਨਾਂ ਕਿਸੇ ਮਸ਼ੀਨ ਦੇ ਸੋਫੇ ‘ਤੇ ਜੰਮੀ ਧੂੜ, ਪਸੀਨੇ ਦੀ ਰਹਿੰਦ-ਖੂੰਹਦ ਅਤੇ ਧੱਬੇ ਇੰਝ ਕਰੋ ਸਾਫ਼

ਸਰੀਰ ਨੂੰ ਲੱਗੇਗਾ ਖਾਧਾ-ਪੀਤਾ, ਗੱਟ ਹੈਲਥ ਨੂੰ ਦਰੁਸਤ ਰੱਖਣ ਲਈ ਅਪਣਾਓ ਇਹ 5 ਆਸਾਨ ਆਦਤਾਂ

ਰੈਸਟੋਰੈਂਟ ਦਾ ਖਾਣਾ ਖਾਣ ਤੋਂ ਪਹਿਲਾਂ ਇਨ੍ਹਾਂ 7 ਗੱਲਾਂ ਦੀ ਕਰੋ ਜਾਂਚ, ਨਹੀਂ ਤਾਂ ਹੋ ਸਕਦੀਆਂ ਹਨ ਸਿਹਤ ਨਾਲ ਜੁੜੀਆਂ ਸਮੱਸਿਆਵਾਂ

World Elephant Day: ਭਾਰਤ ਦੀ ਇਹ ਜਗ੍ਹਾ ਹੈ ਹਾਥੀਆਂ ਦਾ ਸਵਰਗ, ਘੁੰਮਣ ਲਈ ਬੈਸਟ, ਇੰਝ ਪਹੁੰਚੋ

Sugar Damage Skin: ਸਰੀਰ ਹੀ ਨਹੀਂ, ਸਕਿਨ ਦੀ ਵੀ ਦੁਸ਼ਮਣ ਹੈ ਚਿੱਟੀ ਚੀਨੀ, ਡਰਮੈਟੋਲੋਜਿਸਟ ਤੋਂ ਜਾਣੋ ਸੱਚਾਈ