Punjabi News Photo Gallery Lifestyle Photo how to improve gut health probiotic foods fiber rich diet digestion tips know in punjabi

ਸਰੀਰ ਨੂੰ ਲੱਗੇਗਾ ਖਾਧਾ-ਪੀਤਾ, ਗੱਟ ਹੈਲਥ ਨੂੰ ਦਰੁਸਤ ਰੱਖਣ ਲਈ ਅਪਣਾਓ ਇਹ 5 ਆਸਾਨ ਆਦਤਾਂ

TV9 Punjabi

Published:

16 Aug 2026 17:47 PM IST

ਆਂਦਰਾਂ ਦੀ ਸਿਹਤ (ਗੱਟ ਹੈਲਥ) ਸੁਧਾਰਨ ਲਈ ਰੋਜ਼ਾਨਾ ਖ਼ੁਰਾਕ ਵਿੱਚ ਦਹੀਂ ਵਰਗੇ ਪ੍ਰੋਬਾਇਓਟਿਕਸ ਅਤੇ ਸਾਬਤ ਅਨਾਜ ਵਰਗਾ ਫਾਈਬਰ ਸ਼ਾਮਲ ਕਰੋ। ਤਣਾਅ ਤੋਂ ਬਚਣ ਲਈ 7-8 ਘੰਟਿਆਂ ਦੀ ਨੀਂਦ ਲਓ। ਖਾਣੇ ਮਗਰੋਂ 10 ਮਿੰਟ ਦੀ ਸੈਰ ਅਤੇ ਲੋੜੀਂਦਾ ਪਾਣੀ ਪੀਣ ਨਾਲ ਪਾਚਨ ਕਿਰਿਆ ਦਰੁਸਤ ਰਹਿੰਦੀ ਹੈ ਅਤੇ ਕਬਜ਼ ਤੋਂ ਛੁਟਕਾਰਾ ਮਿਲਦਾ ਹੈ।

ਗੱਟ ਹੈਲਥ (ਆਂਦਰਾਂ ਦੀ ਸਿਹਤ) ਨੂੰ ਠੀਕ ਰੱਖਣ ਲਈ ਆਪਣੀ ਖ਼ੁਰਾਕ ਵਿੱਚ ਪ੍ਰੋਬਾਇਓਟਿਕ ਫੂਡਜ਼ ਜ਼ਰੂਰ ਸ਼ਾਮਲ ਕਰੋ। ਇਨ੍ਹਾਂ ਵਿੱਚ ਚੰਗੇ ਬੈਕਟੀਰੀਆ (ਗੁੱਡ ਬੈਕਟੀਰੀਆ) ਹੁੰਦੇ ਹਨ ਜੋ ਤੁਹਾਡੀਆਂ ਆਂਦਰਾਂ ਨੂੰ ਤੰਦਰੁਸਤ ਰੱਖ ਕੇ ਭੋਜਨ ਨੂੰ ਸਹੀ ਢੰਗ ਨਾਲ ਪਚਾਉਣ ਦੇ ਨਾਲ-ਨਾਲ ਪੋਸ਼ਕ ਤੱਤਾਂ ਨੂੰ ਸਰੀਰ ਵਿੱਚ ਸੋਖਣ 'ਚ ਮਦਦ ਕਰਦੇ ਹਨ। ਤੁਸੀਂ ਰੋਜ਼ਾਨਾ ਫਰਮੈਂਟ ਕੀਤੀਆਂ ਚੀਜ਼ਾਂ ਜਿਵੇਂ ਕਿ ਦਹੀਂ-ਲੱਸੀ ਜਾਂ ਥੋੜ੍ਹਾ ਜਿਹਾ ਅਚਾਰ, ਕਿਮਚੀ, ਕੈਫ਼ਿਰ, ਸਾਓਰਕ੍ਰਾਊਟ ਵਰਗੀਆਂ ਚੀਜ਼ਾਂ ਸੀਮਤ ਮਾਤਰਾ ਵਿੱਚ ਲੈ ਸਕਦੇ ਹੋ। (All Image: Getty Images)

2 / 5

ਆਂਦਰਾਂ ਨੂੰ ਦਰੁਸਤ ਰੱਖਣ ਲਈ ਬਹੁਤ ਜ਼ਰੂਰੀ ਹੈ ਕਿ ਤੁਸੀਂ ਆਪਣੀ ਖ਼ੁਰਾਕ ਵਿੱਚ ਫਾਈਬਰ ਨਾਲ ਭਰਪੂਰ ਚੀਜ਼ਾਂ ਸ਼ਾਮਲ ਕਰੋ। ਇਸ ਨਾਲ ਪੇਟ ਵੀ ਲੰਬੇ ਸਮੇਂ ਤੱਕ ਭਰਿਆ ਰਹਿੰਦਾ ਹੈ, ਜਿਸ ਨਾਲ ਤੁਸੀਂ ਗ਼ੈਰ-ਸਿਹਤਮੰਦ (ਅਨਹੈਲਦੀ) ਚੀਜ਼ਾਂ ਖਾਣ ਤੋਂ ਬਚਦੇ ਹੋ। ਇਹ ਪਾਚਨ ਕਿਰਿਆ ਵਿੱਚ ਵੀ ਮਦਦ ਕਰਦਾ ਹੈ। ਖ਼ਾਸ ਕਰਕੇ ਸਵੇਰ ਦੇ ਨਾਸ਼ਤੇ ਵਿੱਚ ਤੁਹਾਨੂੰ ਫਾਈਬਰ ਨਾਲ ਭਰਪੂਰ ਚੀਜ਼ਾਂ ਜਿਵੇਂ ਕਿ ਸਾਬਤ ਅਨਾਜ, ਨਾਸ਼ਪਾਤੀ, ਚੀਆ ਸੀਡਜ਼ ਅਤੇ ਅਲਸੀ ਦੇ ਬੀਜ (ਫਲੈਕਸ ਸੀਡਜ਼) ਖਾਣੇ ਚਾਹੀਦੇ ਹਨ।

3 / 5

ਤਣਾਅ ਤੁਹਾਡੇ ਪਾਚਨ ਅਤੇ ਆਂਦਰਾਂ ਦੀ ਸਿਹਤ ਦੋਵਾਂ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਜੇਕਰ ਤੁਸੀਂ ਦੇਰ ਰਾਤ ਤੱਕ ਜਾਗਦੇ ਹੋ ਤਾਂ ਇਹ ਵੀ ਤਣਾਅ ਦਾ ਕਾਰਨ ਬਣਦਾ ਹੈ। ਖ਼ਾਸ ਕਰਕੇ ਸਵੇਰੇ ਤੁਹਾਡਾ ਮੂਡ ਠੀਕ ਨਹੀਂ ਰਹਿੰਦਾ, ਜਿਸ ਕਾਰਨ ਪੇਟ ਵੀ ਚੰਗੀ ਤਰ੍ਹਾਂ ਸਾਫ਼ ਨਹੀਂ ਹੋ ਪਾਉਂਦਾ। ਸਹੀ ਸਮੇਂ 'ਤੇ ਸੌਣ ਦੀ ਆਦਤ ਪਾਓ ਅਤੇ 7-8 ਘੰਟਿਆਂ ਦੀ ਪੂਰੀ ਨੀਂਦ ਲਓ।

4 / 5

ਖਾਣਾ ਖਾਣ ਤੋਂ ਬਾਅਦ ਨਿਯਮਿਤ ਤੌਰ 'ਤੇ 10 ਮਿੰਟ ਤੱਕ ਸੈਰ ਕਰਨੀ ਬੇਹੱਦ ਜ਼ਰੂਰੀ ਹੈ। ਇਹ ਨਾ ਸਿਰਫ਼ ਆਂਦਰਾਂ ਵਿੱਚ ਪਾਚਨ ਪ੍ਰਕਿਰਿਆ ਨੂੰ ਠੀਕ ਰੱਖਦੀ ਹੈ, ਸਗੋਂ ਭਾਰ ਨੂੰ ਕੰਟਰੋਲ ਵਿੱਚ ਰੱਖਣ ਲਈ ਵੀ ਬਹੁਤ ਜ਼ਰੂਰੀ ਹੈ। ਇਸ ਨਾਲ ਤੁਸੀਂ ਰੋਜ਼ਾਨਾ ਹੋਣ ਵਾਲੀਆਂ ਸਮੱਸਿਆਵਾਂ ਜਿਵੇਂ ਕਿ ਪੇਟ ਦਾ ਭਾਰੀਪਣ, ਗੈਸ ਅਤੇ ਪੇਟ ਦਰਦ ਤੋਂ ਵੀ ਬਚੇ ਰਹਿੰਦੇ ਹੋ।

5 / 5

ਨਿਯਮਿਤ ਤੌਰ 'ਤੇ ਸਹੀ ਮਾਤਰਾ ਵਿੱਚ ਪਾਣੀ ਪੀਣਾ ਤੁਹਾਡੀ ਗੱਟ ਹੈਲਥ ਨੂੰ ਠੀਕ ਰੱਖਣ ਲਈ ਬੇਹੱਦ ਜ਼ਰੂਰੀ ਹੈ। ਪਾਣੀ ਪਾਚਨ ਐਂਜ਼ਾਈਮਾਂ ਨਾਲ ਮਿਲ ਕੇ ਭੋਜਨ ਨੂੰ ਛੋਟੇ ਕਣਾਂ ਵਿੱਚ ਵੰਡਦਾ ਹੈ, ਜਿਸ ਨਾਲ ਭੋਜਨ ਆਸਾਨੀ ਨਾਲ ਪਚ ਜਾਂਦਾ ਹੈ ਅਤੇ ਮਲ ਤਿਆਗ ਵਿੱਚ ਆਸਾਨੀ ਹੁੰਦੀ ਹੈ। ਇਸ ਨਾਲ ਕਬਜ਼ ਦੀ ਸਮੱਸਿਆ ਨਹੀਂ ਹੁੰਦੀ।

Unable to load recommendations.

LIVETV

Tag :

World Elephant Day: ਭਾਰਤ ਦੀ ਇਹ ਜਗ੍ਹਾ ਹੈ ਹਾਥੀਆਂ ਦਾ ਸਵਰਗ, ਘੁੰਮਣ ਲਈ ਬੈਸਟ, ਇੰਝ ਪਹੁੰਚੋ

Sugar Damage Skin: ਸਰੀਰ ਹੀ ਨਹੀਂ, ਸਕਿਨ ਦੀ ਵੀ ਦੁਸ਼ਮਣ ਹੈ ਚਿੱਟੀ ਚੀਨੀ, ਡਰਮੈਟੋਲੋਜਿਸਟ ਤੋਂ ਜਾਣੋ ਸੱਚਾਈ

High Protein Diet Side Effects: ਹਾਈ ਪ੍ਰੋਟੀਨ ਡਾਈਟ ਕਿਵੇਂ ਬਣ ਜਾਂਦੀ ਹੈ ਕਬਜ਼ ਦਾ ਕਾਰਨ? ਮਾਹਿਰਾਂ ਤੋਂ ਜਾਣੋ

ਮਾਨਸੂਨ ‘ਚ ਦਹੀ ਖਾਣਾ ਚਾਹੀਦਾ ਹੈ ਜਾਂ ਨਹੀਂ? ਜਾਣੋ ਕੀ ਇਸ ਨਾਲ ਵਧਦਾ ਹੈ ਸਰਦੀ-ਖੰਘ ਦਾ ਖ਼ਤਰਾ

ਗਰਭ ਅਵਸਥਾ ਦੇ ਪਹਿਲੇ 3 ਮਹੀਨੇ ਕਿਉਂ ਹੁੰਦੇ ਹਨ ਸਭ ਤੋਂ ਅਹਿਮ? ਜਾਣੋ ਸਹੀ ਡਾਇਟ ਅਤੇ ਜ਼ਰੂਰੀ ਸਾਵਧਾਨੀਆਂ