Punjabi News Photo Gallery Lifestyle Photo diwali flower rangoli ideas easy home entrance staircase wall corner know in punjabi

ਦਹਿਲੀਜ਼ ਤੋਂ ਕੰਧਾਂ ਦੇ ਕੋਨਿਆਂ ਤੱਕ, ਦੀਵਾਲੀ ‘ਤੇ ਫੁੱਲਾਂ ਨਾਲ ਬਣਾਓ ਇਹ ਖ਼ੂਬਸੂਰਤ ਰੰਗੋਲੀ ਡਿਜ਼ਾਈਨ

TV9 Punjabi

Published:

08 Nov 2026 16:51 PM IST

ਦੀਵਾਲੀ ਮੌਕੇ ਘਰ ਦੀ ਦਹਿਲੀਜ਼, ਪੌੜੀਆਂ ਅਤੇ ਕੰਧਾਂ ਦੇ ਕੋਨਿਆਂ ਨੂੰ ਗੇਂਦੇ, ਗੁਲਾਬ ਅਤੇ ਅੰਬ ਦੇ ਪੱਤਿਆਂ ਨਾਲ ਸਜਾਓ। ਬਿਨਾਂ ਜ਼ਿਆਦਾ ਜਗ੍ਹਾ ਘੇਰੇ, ਪਿਰਾਮਿਡ ਕਰਵ, ਚੌਰਸ ਬਲਾਕ ਅਤੇ ਤਿਕੋਣੇ ਫੁੱਲਦਾਰ ਪੈਟਰਨਾਂ ਵਿਚਕਾਰ ਦੀਵੇ ਜਗਾ ਕੇ ਘਰ ਦੀ ਖ਼ੂਬਸੂਰਤੀ ਨੂੰ ਚਾਰ ਚੰਨ ਲਗਾਏ ਜਾ ਸਕਦੇ ਹਨ।

ਘਰ ਦੇ ਵਿਹੜੇ ਜਾਂ ਦਰਵਾਜ਼ੇ ਦੇ ਵਿਚਕਾਰ ਰੰਗੋਲੀ ਬਣਾਉਣ ਦੀ ਥਾਂ ਨਹੀਂ ਹੈ, ਤਾਂ ਕੰਧ ਦੇ ਕੰਢੇ ਤੁਸੀਂ ਫੁੱਲਾਂ ਨਾਲ ਅਜਿਹਾ ਡਿਜ਼ਾਈਨ ਤਿਆਰ ਕਰ ਸਕਦੇ ਹੋ। ਕੰਧ ਦੇ ਕੰਢੇ 'ਤੇ ਪੀਲੇ ਅਤੇ ਸੰਤਰੀ ਰੰਗ ਦੇ ਗੇਂਦੇ ਦੇ ਫੁੱਲਾਂ ਨੂੰ ਕੰਟ੍ਰਾਸਟ ਵਿੱਚ ਲਗਾਓ। ਇਸ ਤੋਂ ਬਾਅਦ ਹਾਫ਼ ਕਰਵ (ਅੱਧਾ ਘੇਰਾ) ਬਣਾਉਂਦੇ ਹੋਏ ਇੱਕ ਪਿਰਾਮਿਡ ਵਰਗਾ ਪੈਟਰਨ ਤਿਆਰ ਕਰ ਲਓ। ਅੰਬ ਜਾਂ ਪਾਨ ਦੇ ਪੱਤਿਆਂ ਨਾਲ ਡਿਜ਼ਾਈਨ ਨੂੰ ਪੂਰਾ ਕਰੋ। ਹਰ ਕਰਵ ਦੇ ਵਿਚਕਾਰ ਗੋਲ ਘੇਰਾ ਬਣਾ ਕੇ ਉਸ ਵਿੱਚ ਜਗਦਾ ਹੋਇਆ ਦੀਵਾ ਰੱਖੋ। (Images:thedipalidiaries/insta)

2 / 6

ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਤੁਸੀਂ ਫੁੱਲਾਂ ਨਾਲ ਇਹ ਖ਼ੂਬਸੂਰਤ ਡਿਜ਼ਾਈਨ ਬਣਾ ਸਕਦੇ ਹੋ। ਇਸ ਵਿੱਚ ਫੁੱਲਾਂ ਦੇ ਨਾਲ-ਨਾਲ ਰੰਗਾਂ ਜਾਂ ਗੁਲਾਲ ਦੀ ਵਰਤੋਂ ਵੀ ਹੋਵੇਗੀ। ਪਹਿਲਾਂ ਚਾਕ ਨਾਲ ਇੱਕ ਚੌੜੀ ਪੱਟੀ ਬਣਾ ਲਓ ਅਤੇ ਫਿਰ ਇਸ ਵਿੱਚ ਚੌਰਸ ਖਾਨੇ (ਬਲਾਕ) ਬਣਾ ਕੇ ਰੰਗ ਅਤੇ ਫੁੱਲ ਭਰ ਦਿਓ। ਇਸ ਵਿੱਚ ਸਵਾਸਤਿਕ ਜਾਂ ਦੀਵੇ ਦਾ ਡਿਜ਼ਾਈਨ ਬਣਾਓ ਅਤੇ ਇਸ ਦੇ ਉੱਪਰ ਸਾਬਤ ਫੁੱਲਾਂ ਨਾਲ ਗੋਲਾਕਾਰ ਆਕਾਰ ਬਣਾ ਕੇ ਇਸ ਨੂੰ ਮੁਕੰਮਲ ਕਰੋ। ਰਾਤ ਵੇਲੇ ਇਸ ਨੂੰ ਦੀਵਿਆਂ ਨਾਲ ਸਜਾਓ।

3 / 6

ਘਰ ਦੀਆਂ ਪੌੜੀਆਂ 'ਤੇ ਅਕਸਰ ਜਾਂ ਤਾਂ ਬਹੁਤ ਘੱਟ ਸਜਾਵਟ ਕੀਤੀ ਜਾਂਦੀ ਹੈ ਜਾਂ ਫਿਰ ਉਨ੍ਹਾਂ ਵੱਲ ਬਿਲਕੁਲ ਧਿਆਨ ਨਹੀਂ ਦਿੱਤਾ ਜਾਂਦਾ, ਪਰ ਦੀਵਾਲੀ ਦੀਆਂ ਫ਼ੋਟੋਆਂ ਲਈ ਇਹ ਤੁਹਾਡੀ ਸਭ ਤੋਂ ਬਿਹਤਰੀਨ ਥਾਂ ਬਣ ਸਕਦੀ ਹੈ। ਬਸ ਸਜਾਵਟ 'ਤੇ ਥੋੜ੍ਹਾ ਜਿਹਾ ਧਿਆਨ ਦਿਓ। ਤੁਸੀਂ ਪੌੜੀਆਂ ਦੇ ਕੋਨਿਆਂ 'ਤੇ ਗੁਲਾਬ ਅਤੇ ਗੇਂਦੇ ਦੇ ਫੁੱਲਾਂ ਨਾਲ ਹਾਫ਼ ਕਰਵ ਬਣਾ ਸਕਦੇ ਹੋ। ਨਾਲ ਹੀ ਚਿੱਟੇ ਫੁੱਲਾਂ ਦੀ ਵਰਤੋਂ ਵੀ ਕਰੋ ਅਤੇ ਸ਼ਾਮ ਨੂੰ ਇਨ੍ਹਾਂ 'ਤੇ ਦੀਵੇ ਜਗਾ ਦਿਓ।

4 / 6

ਕੰਧ ਦੇ ਕਿਨਾਰੇ ਵਾਲੇ ਡਿਜ਼ਾਈਨ ਲਈ ਤੁਸੀਂ ਇਨ੍ਹਾਂ ਤਸਵੀਰਾਂ ਤੋਂ ਆਈਡੀਆ ਲੈ ਸਕਦੇ ਹੋ। ਵੱਖ-ਵੱਖ ਰੰਗਾਂ ਦੇ ਸਾਬਤ ਫੁੱਲਾਂ ਨਾਲ ਕੰਧ ਦੇ ਕੰਢੇ 'ਤੇ ਇੱਕ ਸਿੱਧੀ ਸਾਧਾਰਨ ਲਾਈਨ ਬਣਾ ਦਿਓ ਜਾਂ ਫਿਰ ਇੱਕ ਲੰਮੀ ਮਾਲਾ ਬਣਾ ਕੇ ਕੰਧ ਦੇ ਨਾਲ ਲਗਾ ਦਿਓ। ਇਸ ਵਿੱਚ ਵਿਚਕਾਰ-ਵਿਚਕਾਰ ਪਾਨ, ਅੰਬ ਜਾਂ ਅਸ਼ੋਕ ਦੇ ਪੱਤੇ ਲਗਾ ਦਿਓ। ਦੂਜੇ ਡਿਜ਼ਾਈਨ ਵਿੱਚ ਤੁਸੀਂ ਗੇਂਦੇ ਦੇ ਦੋ ਰੰਗਾਂ ਦੇ ਫੁੱਲਾਂ ਦੀਆਂ ਪੱਤੀਆਂ ਨਾਲ ਘੁਮਾਵਦਾਰ (ਕਰਵ) ਡਿਜ਼ਾਈਨ ਬਣਾ ਸਕਦੇ ਹੋ। ਉੱਪਰ ਵੱਲ ਪੱਤਿਆਂ ਦੀ ਸ਼ਕਲ ਬਣਾਓ ਜਾਂ ਫਿਰ ਅੰਬ ਤੇ ਗੁੜਹਲ ਦੇ ਪੱਤੇ ਹੀ ਲਗਾ ਦਿਓ।

5 / 6

ਦੀਵਾਰ ਦੇ ਕਿਨਾਰਿਆਂ ਜਾਂ ਕੋਨਿਆਂ ਲਈ ਇਸ ਤਰ੍ਹਾਂ ਦੇ ਡਿਜ਼ਾਈਨ ਬਿਲਕੁਲ ਢੁਕਵੇਂ ਰਹਿਣਗੇ, ਜੋ ਬਿਲਕੁਲ ਸਾਧਾਰਨ ਹਨ ਅਤੇ ਘਰ ਦੀ ਖ਼ੂਬਸੂਰਤੀ ਨੂੰ ਵੀ ਚਾਰ ਚੰਨ ਲਗਾ ਦੇਣਗੇ। ਕੁਝ ਗੇਂਦੇ ਦੇ ਫੁੱਲਾਂ ਨੂੰ ਤੋੜ ਲਓ। ਇਸ ਨਾਲ ਕੰਧ ਦੇ ਕਿਨਾਰੇ ਤਿਕੋਣ ਬਣਾਓ ਅਤੇ ਸੰਤਰੀ ਰੰਗ ਦੇ ਗੇਂਦੇ ਦੇ ਫੁੱਲਾਂ ਨਾਲ ਆਊਟਲਾਈਨ ਕਰ ਦਿਓ।

6 / 6

ਘਰ ਦੀ ਚੁਗਾਠ 'ਤੇ ਤੁਸੀਂ ਫੁੱਲਾਂ ਨਾਲ ਇਹ ਸਰਲ ਡਿਜ਼ਾਈਨ ਵੀ ਬਣਾ ਸਕਦੇ ਹੋ। ਬਸ ਇੱਕ ਚੌੜੀ ਪੱਟੀ ਬਣਾਉਣੀ ਹੈ। ਪਹਿਲਾਂ ਚਾਕ ਨਾਲ ਤਿਕੋਣੇ ਪੈਟਰਨ ਬਣਾ ਲਓ ਅਤੇ ਫਿਰ ਇਸ ਨੂੰ ਫੁੱਲਾਂ ਦੀਆਂ ਪੱਤੀਆਂ ਨਾਲ ਭਰ ਦਿਓ। ਵੱਖਰੇ ਰੰਗ ਦੇ ਫੁੱਲਾਂ ਨਾਲ ਉੱਪਰ ਦੀ ਸਾਦੀ ਪੱਟੀ ਬਣਾਓ। ਬਸ ਇਸੇ ਤਰ੍ਹਾਂ ਤੁਹਾਡੇ ਘਰ ਦੀ ਦਹਿਲੀਜ਼ ਦੀ ਖ਼ੂਬਸੂਰਤੀ ਹੋਰ ਵਧ ਜਾਵੇਗੀ।

Unable to load recommendations.

LIVETV

Tag :

AQI 400 ਪਾਰ ਹੋਣ ‘ਤੇ ਘਰੋਂ ਬਾਹਰ ਕਸਰਤ ਕਰਨ ਤੋਂ ਕਰੋ ਪਰਹੇਜ਼, ਜਾਣੋ ਕਾਰਨ

ਕੀ ਸੱਚਮੁੱਚ ਸੱਪ ਆਪਣੇ ਰਹਿਣ ਲਈ ਬਿੱਲ ਨਹੀਂ ਬਣਾਉਂਦੇ? ਜਾਣੋ ਕਿੱਥੇ ਬਣਾਉਂਦੇ ਹਨ ਆਪਣਾ ਟਿਕਾਣਾ

ਬਾਜਰੇ ਦੀ ਰੋਟੀ ਕਣਕ ਨਾਲੋਂ ਕਿੰਨੀ ਫਾਇਦੇਮੰਦ? ਜਾਣੋ ਇਸ ‘ਚ ਮੌਜੂਦ ਪੌਸ਼ਟਿਕ ਤੱਤਾਂ ਦੇ ਫਾਇਦੇ

ਧਨਤੇਰਸ ‘ਤੇ ਬਣਾਓ ਫੁੱਲਾਂ ਅਤੇ ਪੱਤਿਆਂ ਦੀ ਰੰਗੋਲੀ, ਇੱਥੇ ਦੇਖੋ ਖੂਬਸੂਰਤ ਤੇ ਆਸਾਨ ਡਿਜ਼ਾਈਨ

ਗੁੰਮ ਹੋਣ ‘ਤੇ ਕੀ ਕਰਨਾ ਹੈ? ਬੱਚਿਆਂ ਨੂੰ ਬਚਪਨ ਤੋਂ ਹੀ ਜ਼ਰੂਰ ਸਿਖਾਓ ਇਹ ਸੇਫ਼ਟੀ ਰੂਲਜ਼