Punjabi News Photo Gallery Health Photo brushing is not enough follow these 5 tips to keep your teeth and gums healthy know in punjabi

ਬੁਰਸ਼ ਕਰਨਾ ਹੀ ਨਹੀਂ ਹੈ ਕਾਫ਼ੀ, ਦੰਦਾਂ-ਮਸੂੜਿਆਂ ਨੂੰ ਤੰਦਰੁਸਤ ਰੱਖਣ ਲਈ ਅਪਣਾਓ ਇਹ 5 ਟਿਪਸ

TV9 Punjabi

Published:

22 Jun 2026 17:15 PM IST

Healthy Teeth: ਦੰਦਾਂ ਅਤੇ ਮਸੂੜਿਆਂ ਦੇ ਸੜਨ ਨੂੰ ਰੋਕਣ ਲਈ ਦਿਨ ਵਿੱਚ ਦੋ ਵਾਰ ਬੁਰਸ਼ ਕਰਨਾ ਕਾਫ਼ੀ ਨਹੀਂ ਹੈ। ਤੁਹਾਨੂੰ ਕੁਝ ਹੋਰ ਸੁਝਾਵਾਂ ਦੀ ਵੀ ਪਾਲਣਾ ਕਰਨੀ ਚਾਹੀਦੀ ਹੈ, ਨਹੀਂ ਤਾਂ, ਨਿਯਮਤ ਟੂਥਬਰੱਸ਼ ਕਰਨ ਨਾਲ ਵੀ, ਤੁਹਾਡੇ ਦੰਦ ਖਰਾਬ ਹੋ ਸਕਦੇ ਹਨ ਅਤੇ ਮਸੂੜਿਆਂ ਦੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।

ਮੂੰਹ ਦੀ ਸਫ਼ਾਈ (Oral Hygiene) ਬਣਾਈ ਰੱਖਣ ਅਤੇ ਦੰਦਾਂ ਵਿੱਚ ਕੀੜਾ (Cavity) ਲੱਗਣ ਤੋਂ ਬਚਾਅ ਲਈ ਦੰਦਾਂ ਨੂੰ ਬੁਰਸ਼ ਕਰਨਾ ਬਹੁਤ ਜ਼ਰੂਰੀ ਹੈ, ਪਰ ਲੋੜ ਤੋਂ ਵੱਧ ਬੁਰਸ਼ ਕਰਨਾ ਤੁਹਾਡੇ ਦੰਦਾਂ ਅਤੇ ਮਸੂੜਿਆਂ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਦੰਦਾਂ ਨੂੰ ਬਹੁਤ ਜ਼ੋਰ ਨਾਲ ਰਗੜਨਾ, ਲੰਬੇ ਸਮੇਂ ਤੱਕ ਬੁਰਸ਼ ਕਰਦੇ ਰਹਿਣਾ ਜਾਂ ਦਿਨ ਵਿੱਚ ਕਈ ਵਾਰ ਬੁਰਸ਼ ਕਰਨੀਆਂ ਆਦਤਾਂ ਮਸੂੜਿਆਂ ਵਿੱਚ ਸੋਜ ਅਤੇ ਜਲਣ ਦਾ ਕਾਰਨ ਬਣ ਸਕਦੀਆਂ ਹਨ। ਇਸ ਨਾਲ ਦੰਦਾਂ ਦੀ ਉੱਪਰੀ ਸੁਰੱਖਿਆ ਪਰਤ, ਜਿਸਨੂੰ ਇਨੇਮਲ (Enamel) ਕਿਹਾ ਜਾਂਦਾ ਹੈ, ਨੂੰ ਵੀ ਨੁਕਸਾਨ ਪਹੁੰਚ ਸਕਦਾ ਹੈ। (Image: Getty Images)

2 / 6

ਦੰਦਾਂ ਨੂੰ ਬੁਰਸ਼ ਕਰਨ ਦੇ ਬਾਵਜੂਦ ਕਈ ਵਾਰ ਖਾਣੇ ਦੇ ਬਾਰੀਕ ਕਣ ਦੰਦਾਂ ਦੀਆਂ ਦਰਾਰਾਂ ਅਤੇ ਦੰਦਾਂ ਦੇ ਵਿਚਕਾਰ ਫਸੇ ਰਹਿ ਜਾਂਦੇ ਹਨ। ਇਸ ਲਈ ਸਿਰਫ਼ ਬੁਰਸ਼ ਕਰਨਾ ਹੀ ਕਾਫ਼ੀ ਨਹੀਂ, ਸਗੋਂ ਫਲਾਸਿੰਗ (Flossing) ਕਰਨਾ ਵੀ ਬਹੁਤ ਜ਼ਰੂਰੀ ਹੈ। ਹਾਲਾਂਕਿ, ਜ਼ਿਆਦਾਤਰ ਲੋਕ ਇਸ ਕਦਮ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਜਦੋਂ ਦੰਦਾਂ ਵਿੱਚ ਫਸਿਆ ਖਾਣਾ ਬਾਹਰ ਨਹੀਂ ਨਿਕਲਦਾ, ਤਾਂ ਉਹ ਬੈਕਟੀਰੀਆ ਦੇ ਸੰਪਰਕ ਵਿੱਚ ਆ ਕੇ ਸੜਨ ਪੈਦਾ ਕਰ ਸਕਦਾ ਹੈ, ਜਿਸ ਨਾਲ ਦੰਦਾਂ ਵਿੱਚ ਕੀੜਾ ਲੱਗਣ, ਮੂੰਹ ਦੀ ਬਦਬੂ ਅਤੇ ਮਸੂੜਿਆਂ ਦੀਆਂ ਸਮੱਸਿਆਵਾਂ ਦਾ ਖਤਰਾ ਵੱਧ ਜਾਂਦਾ ਹੈ। (Image: Getty Images)

3 / 6

ਬੁਰਸ਼ ਜਾਂ ਫਲਾਸ ਕਰਨ ਤੋਂ ਬਾਅਦ ਵੀ ਕਈ ਵਾਰ ਮੂੰਹ ਦੇ ਕੋਨਿਆਂ ਵਿੱਚ ਖਾਣੇ ਦੇ ਬਾਰੀਕ ਕਣ ਰਹਿ ਜਾਂਦੇ ਹਨ ਅਤੇ ਬੈਕਟੀਰੀਆ ਵੀ ਪੂਰੀ ਤਰ੍ਹਾਂ ਸਾਫ਼ ਨਹੀਂ ਹੁੰਦੇ। ਇਸ ਸਮੱਸਿਆ ਤੋਂ ਬਚਣ ਲਈ ਮਾਊਥਵਾਸ਼ (Mouthwash) ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਹ ਤਰਲ ਪਦਾਰਥ ਮੂੰਹ ਵਿੱਚ ਮੌਜੂਦ ਬੈਕਟੀਰੀਆ ਨੂੰ ਘਟਾਉਣ ਵਿੱਚ ਮਦਦ ਕਰਦਾ ਹੈ, ਜਿਸ ਨਾਲ ਦੰਦਾਂ ਵਿੱਚ ਕੈਵਿਟੀ ਦਾ ਖਤਰਾ ਘੱਟ ਹੁੰਦਾ ਹੈ ਅਤੇ ਮੂੰਹ ਦੀ ਬਦਬੂ ਤੋਂ ਵੀ ਰਾਹਤ ਮਿਲਦੀ ਹੈ। (Image: Getty Images)

4 / 6

ਦੰਦਾਂ ਦੀ ਸਫ਼ਾਈ ਕਰਨ ਦੇ ਨਾਲ-ਨਾਲ ਜੀਭ ਨੂੰ ਸਾਫ਼ ਰੱਖਣਾ ਵੀ ਬਹੁਤ ਜ਼ਰੂਰੀ ਹੈ। ਕਈ ਵਾਰ ਲੋਕ ਇਸ ਕਦਮ ਨੂੰ ਪੂਰੀ ਤਰ੍ਹਾਂ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ ਜਾਂ ਫਿਰ ਬੁਰਸ਼ ਦੇ ਪਿਛਲੇ ਹਿੱਸੇ ਨਾਲ ਹੀ ਜੀਭ ਸਾਫ਼ ਕਰ ਲੈਂਦੇ ਹਨ। ਇਸ ਕਾਰਨ ਜੀਭ 'ਤੇ ਜਮੀ ਗੰਦਗੀ, ਬੈਕਟੀਰੀਆ ਅਤੇ ਮਰੇ ਹੋਏ ਸੈੱਲ ਪੂਰੀ ਤਰ੍ਹਾਂ ਸਾਫ਼ ਨਹੀਂ ਹੋ ਪਾਂਦੇ। ਨਤੀਜੇ ਵਜੋਂ ਮੂੰਹ ਦੀ ਬਦਬੂ ਅਤੇ ਹੋਰ ਮੂੰਹ ਸੰਬੰਧੀ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। (Image: Getty Images)

5 / 6

ਦੰਦਾਂ ਅਤੇ ਮਸੂੜਿਆਂ ਨੂੰ ਸਿਹਤਮੰਦ ਬਣਾਈ ਰੱਖਣ ਲਈ, ਆਪਣੇ ਟੂਥਬਰਸ਼ ਦੀ ਸਹੀ ਦੇਖਭਾਲ ਕਰਨਾ ਵੀ ਬਹੁਤ ਜ਼ਰੂਰੀ ਹੈ। ਬੁਰਸ਼ ਨੂੰ ਧੋਣ ਤੋਂ ਬਾਅਦ ਇਸਨੂੰ ਵਾਸ਼ ਵੇਸ਼ਿਨ ਦੇ ਕੋਲ ਨਹੀਂ ਰੱਖਣਾ ਚਾਹੀਦਾ, ਕਿਉਂਕਿ ਉੱਥੇ ਮੌਜੂਦ ਨਮੀ ਅਤੇ ਕੀਟਾਣੂ ਬੁਰਸ਼ 'ਤੇ ਲੱਗ ਸਕਦੇ ਹਨ। ਟੂਥਬਰਸ਼ ਨੂੰ ਵਰਤੋਂ ਤੋਂ ਬਾਅਦ ਚੰਗੀ ਤਰ੍ਹਾਂ ਸੁੱਕਣ ਦਿਓ ਅਤੇ ਫਿਰ ਇਸਨੂੰ ਇਸਦੇ ਕਵਰ ਵਿੱਚ ਬੰਦ ਕਰਕੇ ਰੱਖੋ। ਇਸ ਤੋਂ ਇਲਾਵਾ, ਸਫ਼ਾਈ ਅਤੇ ਪ੍ਰਭਾਵਸ਼ਾਲੀ ਵਰਤੋਂ ਲਈ ਹਰ ਢਾਈ ਤੋਂ ਤਿੰਨ ਮਹੀਨੇ ਬਾਅਦ ਆਪਣਾ ਟੂਥਬਰਸ਼ ਬਦਲਦੇ ਰਹਿਣਾ ਚਾਹੀਦਾ ਹੈ। (Image: Getty Images)

6 / 6

ਦੰਦਾਂ ਅਤੇ ਮਸੂੜਿਆਂ ਨੂੰ ਸਿਹਤਮੰਦ ਰੱਖਣ ਲਈ ਖਾਣ-ਪੀਣ ਦੀਆਂ ਆਦਤਾਂ ਦਾ ਧਿਆਨ ਰੱਖਣਾ ਵੀ ਬਹੁਤ ਜ਼ਰੂਰੀ ਹੈ। ਕੋਲਡ ਡ੍ਰਿੰਕਸ ਅਤੇ ਸੋਡਾ ਵਰਗੇ ਪੇਅ ਪਦਾਰਥ ਦੰਦਾਂ ਦੇ ਇਨੇਮਲ (Enamel) ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਨ੍ਹਾਂ ਵਿੱਚ ਚੀਨੀ ਦੀ ਮਾਤਰਾ ਕਾਫ਼ੀ ਜ਼ਿਆਦਾ ਹੁੰਦੀ ਹੈ ਅਤੇ ਐਸਿਡ ਵੀ ਮੌਜੂਦ ਹੁੰਦਾ ਹੈ, ਜੋ ਦੰਦਾਂ ਵਿੱਚ ਸੜਨ ਅਤੇ ਕੈਵਿਟੀ ਦਾ ਕਾਰਨ ਬਣ ਸਕਦਾ ਹੈ। ਇਸ ਤੋਂ ਇਲਾਵਾ, ਮਿੱਠੀਆਂ ਅਤੇ ਚਿਪਚਿਪੀਆਂ ਚੀਜ਼ਾਂ ਖਾਣ ਤੋਂ ਬਾਅਦ ਮੂੰਹ ਨੂੰ ਚੰਗੀ ਤਰ੍ਹਾਂ ਕੁਰਲੀ ਕਰਨੀ ਚਾਹੀਦੀ ਹੈ, ਤਾਂ ਜੋ ਦੰਦਾਂ ਵਿੱਚ ਫਸੇ ਖਾਣੇ ਦੇ ਕਣ ਦੂਰ ਹੋ ਜਾਣ ਅਤੇ ਬੈਕਟੀਰੀਆ ਦੇ ਵਾਧੇ ਨੂੰ ਰੋਕਿਆ ਜਾ ਸਕੇ। (Image: Getty Images)

Unable to load recommendations.

LIVETV

Tag :

ਬਰਸਾਤ ਦੇ ਮੌਸਮ ਵਿੱਚ ਇਨਫੈਕਸ਼ਨ ਤੋਂ ਬਚਣਾ ਹੈ ਤਾਂ ਭੁੱਲ ਕੇ ਵੀ ਨਾ ਕਰੋ ਇਹ 5 ਗਲਤੀਆਂ

ਪ੍ਰੈਗਨੈਂਸੀ ਟੈਸਟ ਪਾਜ਼ੇਟਿਵ ਆਉਂਦੇ ਹੀ ਕੀ ਖਾਣਾ ਚਾਹੀਦਾ? ਜਾਣੋ ਐਕਸਪਰਟ ਦੀ ਸਲਾਹ

ਬਲੱਡ ਟੈਸਟ ਤੋਂ ਲੈ ਕੇ ਮੈਡੀਕਲ ਰਿਕਾਰਡ ਤੱਕ, ChatGPT ਹੁਣ ਸਰਲ ਭਾਸ਼ਾ ਵਿੱਚ ਦੇਵੇਗਾ ਸਿਹਤ ਨਾਲ ਜੁੜੇ ਜਵਾਬ

ਰੋਜ਼ਾਨਾ ਸਿਰਫ਼ 1-2 ਟੁਕੜੇ ਡਾਰਕ ਚਾਕਲੇਟ ਖਾਣ ਨਾਲ ਮਿਲਣਗੇ ਕਮਾਲ ਦੇ ਫਾਇਦੇ, ਦਿਲ, ਦਿਮਾਗ, ਸਕਿਨ ਅਤੇ ਭਾਰ ਰਹੇਗਾ ਕੰਟਰੋਲ

ਕੀ ਤੁਸੀਂ ਵੀ ਲੈਂਦੇ ਹੋ ਜ਼ਿਆਦਾ ਪ੍ਰੋਟੀਨ? ਗੁਰਦੇ ਦੀ ਬਿਮਾਰੀ ਵਾਲੇ ਲੋਕਾਂ ਲਈ ਇਹ ਆਦਤ ਬਣ ਸਕਦੀ ਹੈ ਖ਼ਤਰਾ