ਰੋਜ਼ਾਨਾ ਪੀ ਜਾਣ ਵਾਲੀ ਇਸ ਡਰਿੰਕ ਨਾਲ ਹੋ ਸਕਦਾ ਹੈ ਗੰਜਾਪਨ,ਸਟਡੀ ਵਿਚ ਖੁਲਾਸਾ

ਵਾਲ ਝੜਨ, ਗੰਜੇਪਣ ਜਾਂ ਕਮਜ਼ੋਰ ਵਾਲਾਂ ਦੇ ਕਾਰਨ ਤਣਾਅ, ਜੈਨੇਟਿਕਸ, ਹਾਰਮੋਨਲ ਅਸੰਤੁਲਨ ਜਾਂ ਦਵਾਈਆਂ ਦਾ ਸੇਵਨ ਹੋ ਸਕਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਰੋਜ਼ਾਨਾ ਡ੍ਰਿੰਕ ਪੀਣ ਨਾਲ ਤੁਸੀਂ ਗੰਜੇਪਨ ਦਾ ਸ਼ਿਕਾਰ ਵੀ ਹੋ ਸਕਦੇ ਹੋ। ਇਹ ਅਸੀਂ ਨਹੀਂ, ਨਿਊਟ੍ਰੀਐਂਟਸ ਜਰਨਲ ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਕਹਿ ਗਿਆ ਹੈ। ਇਸ ਡਰਿੰਕ ਨੂੰ ਪੀਣ ਦੀ ਆਦਤ ਮਰਦਾਂ ‘ਚ ਵਾਲ ਝੜਨ ਦੀ ਸਮੱਸਿਆ ਨੂੰ ਤੇਜ਼ੀ ਨਾਲ ਵਧਾ ਰਹੀ ਹੈ।

ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕਿਸ ਤਰ੍ਹਾਂ ਨਾਲ ਸਵਾਦ ਦੇ ਨਾਂ ‘ਤੇ ਤੁਸੀਂ ਆਪਣੇ ਹੀ ਵਾਲਾਂ ਦੇ ਦੁਸ਼ਮਣ ਬਣ ਰਹੇ ਹੋ। ਇਹ ਵੀ ਜਾਣੋ ਕਿ ਤੁਸੀਂ ਕਮਜ਼ੋਰ ਵਾਲਾਂ ਨੂੰ ਮਜ਼ਬੂਤ ​​ਕਿਵੇਂ ਬਣਾ ਸਕਦੇ ਹੋ।

ਐਨਰਜੀ ਡਰਿੰਕ ਹੈ ਜ਼ਹਿਰ

ਬੀਜਿੰਗ ਦੀ ਸਿੰਹੁਆ ਯੂਨੀਵਰਸਿਟੀ ਵਿਚ ਵਾਲਾਂ ਦੇ ਝੜਨ ‘ਤੇ ਇਕ ਅਧਿਐਨ ਕੀਤਾ ਗਿਆ। ਚੀਨੀ ਖੋਜਕਾਰਾਂ ਨੇ ਕਿਹਾ ਕਿ ਜੇਕਰ ਤੁਸੀਂ ਐਨਰਜੀ ਡਰਿੰਕਸ ਜਾਂ ਸੂਗਰ ਬੇਬਰੇਜੇਸ ਪੀਣ ਦੇ ਆਦੀ ਹੋ ਤਾਂ ਤੁਹਾਨੂੰ ਵਾਲਾਂ ਦੇ ਝੜਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਦਾ ਅਸਰ ਮਰਦਾਂ ਵਿਚ ਜ਼ਿਆਦਾ ਦੇਖਣ ਨੂੰ ਮਿਲਦਾ ਹੈ। ਅਧਿਐਨ ਮੁਤਾਬਕ 13 ਤੋਂ 29 ਸਾਲ ਦੀ ਉਮਰ ਵਰਗ ਇਸ ਤੋਂ ਜ਼ਿਆਦਾ ਪ੍ਰਭਾਵਿਤ ਹੋ ਰਿਹਾ ਹੈ।

ਕਿਵੇਂ ਕੀਤਾ ਗਈ ਸਟਡੀ?

ਇਸ ਅਧਿਐਨ ਵਿੱਚ 1000 ਪੁਰਸ਼ਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ। ਜਿਨ੍ਹਾਂ ਨੂੰ ਹਫ਼ਤੇ ਵਿੱਚ 3 ਲੀਟਰ ਐਨਰਜੀ ਡਰਿੰਕਸ ਪੀਣ ਦੀ ਸਲਾਹ ਦਿੱਤੀ ਗਈ। ਖੋਜ ਤੋਂ ਬਾਅਦ ਇਹ ਪਾਇਆ ਗਿਆ ਕਿ ਜੋ ਵਿਅਕਤੀ ਇੱਕ ਦਿਨ ਵਿੱਚ ਇੱਕ ਤੋਂ ਵੱਧ ਡ੍ਰਿੰਕ ਦਾ ਸੇਵਨ ਕਰਦਾ ਹੈ, ਉਸ ਵਿੱਚ ਵਾਲਾਂ ਦੇ ਝੜਨ ਦਾ ਖ਼ਤਰਾ 42 ਪ੍ਰਤੀਸ਼ਤ ਵੱਧ ਸੀ।

ਫਾਸਟ ਫੂਡ ਵੀ ਪਹੁੰਚਾਉਂਦਾ ਹੈ ਨੁਕਸਾਨ

ਅਧਿਐਨ ਵਿਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਜਿਨ੍ਹਾਂ ਲੋਕਾਂ ਨੂੰ ਫਾਸਟ ਫੂਡ ਦੀ ਆਦਤ ਹੈ ਜਾਂ ਜੋ ਸਬਜ਼ੀਆਂ ਘੱਟ ਖਾਂਦੇ ਹਨ, ਉਨ੍ਹਾਂ ਨੂੰ ਨਾ ਸਿਰਫ ਵਾਲ ਝੜਨ ਦਾ ਖ਼ਤਰਾ ਰਹਿੰਦਾ ਹੈ ਸਗੋਂ ਉਨ੍ਹਾਂ ਨੂੰ ਅਕਸਰ ਐਂਗਜ਼ਾਇਟੀ ਵੀ ਰਹਿੰਦੀ ਹੈ। ਫਾਸਟ ਜਾਂ ਜੰਕ ਫੂਡ ਕਾਰਨ ਮੋਟਾਪੇ ਦਾ ਖਤਰਾ ਰਹਿੰਦਾ ਹੈ। ਲੋਕ ਚਾਹੁੰਦੇ ਹੋਏ ਵੀ ਕੈਂਸਰ ਵਰਗੀਆਂ ਗੰਭੀਰ ਬੀਮਾਰੀਆਂ ਦਾ ਕਾਰਨ ਮੰਨੇ ਜਾਂਦੇ ਜੰਕ ਫੂਡ ਨੂੰ ਨਜ਼ਰਅੰਦਾਜ਼ ਨਹੀਂ ਕਰ ਪਾਉਂਦੇ ਹਨ।

​​ਕਿਵੇਂ ਬਣਾਇਆ ਜਾਵੇ ਵਾਲਾਂ ਨੂੰ ਮਜ਼ਬੂਤ

ਜੇਕਰ ਤੁਹਾਡੇ ਵਾਲ ਕਮਜ਼ੋਰ ਹਨ ਤਾਂ ਤੁਹਾਨੂੰ ਆਪਣੇ ਵਾਲਾਂ ਦਾ ਦੋਹਰਾ ਧਿਆਨ ਰੱਖਣਾ ਚਾਹੀਦਾ ਹੈ। ਮਾਹਿਰਾਂ ਦੀ ਸਲਾਹ ਤੋਂ ਇਲਾਵਾ ਘਰੇਲੂ ਉਪਚਾਰ ਵੀ ਅਜ਼ਮਾਓ। ਵਾਲਾਂ ਦੇ ਝੜਨ ਜਾਂ ਕਮਜ਼ੋਰ ਵਾਲਾਂ ਨੂੰ ਮਜ਼ਬੂਤ ​​ਕਰਨ ਲਈ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰੋ। ਡੈਂਡਰਫ ਵਾਲਾਂ ਦੇ ਝੜਨ ਦਾ ਮੁੱਖ ਕਾਰਨ ਹੈ ਅਤੇ ਤੁਸੀਂ ਇਸ ਨੂੰ ਨਿੰਬੂ ਅਤੇ ਦਹੀਂ ਨਾਲ ਖਤਮ ਕਰ ਸਕਦੇ ਹੋ। ਮੌਸਮ ਚਾਹੇ ਕੋਈ ਵੀ ਹੋਵੇ, ਦੁਪਹਿਰ ਨੂੰ ਨਹਾਉਣ ਤੋਂ ਪਹਿਲਾਂ ਨਿੰਬੂ-ਦਹੀਂ ਦਾ ਪੇਸਟ ਸਿਰ ਦੀ ਸਕਿਨ ‘ਤੇ ਲਗਾਓ। ਵਾਲਾਂ ਨੂੰ ਮੁਲਾਇਮ ਅਤੇ ਚਮਕਦਾਰ ਬਣਾਉਣ ਲਈ ਅੰਡੇ ਦਾ ਹੇਅਰ ਮਾਸਕ ਲਗਾਓ। ਜੇਕਰ ਤੁਸੀਂ ਸ਼ਾਕਾਹਾਰੀ ਹੋ ਤਾਂ ਤੁਸੀਂ ਭਿੰਡੀ ਦੇਪਾਣੀ ਨਾਲ ਆਪਣੇ ਵਾਲਾਂ ਨੂੰ ਚਮਕਦਾਰ ਬਣਾ ਸਕਦੇ ਹੋ।