Live Updates: ਗੁਜਰਾਤ ‘ਚ ਦਾਦਰ-ਪੋਰਬੰਦਰ ਸੌਰਾਸ਼ਟਰ ਐਕਸਪ੍ਰੈਸ ਪਟੜੀ ਤੋਂ ਉਤਰੀ, ਬਚਾਅ ਕਾਰਜ ਜਾਰੀ

ਗੁਜਰਾਤ ਵਿੱਚ ਦਾਦਰ-ਪੋਰਬੰਦਰ ਸੌਰਾਸ਼ਟਰ ਐਕਸਪ੍ਰੈਸ ਪਟੜੀ ਤੋਂ ਉਤਰੀ

ਗੁਜਰਾਤ ਦੇ ਕਿਮ ਵਿੱਚ ਦਾਦਰ-ਪੋਰਬੰਦਰ ਸੌਰਾਸ਼ਟਰ ਐਕਸਪ੍ਰੈਸ ਦੇ ਚਾਰ ਪਹੀਏ ਪਟੜੀ ਤੋਂ ਉਤਰ ਗਏ। ਪਟੜੀ ਤੋਂ ਉਤਰਨ ਤੋਂ ਬਾਅਦ ਬਹਾਲੀ ਦਾ ਕੰਮ ਚੱਲ ਰਿਹਾ ਹੈ। ਵਡੋਦਰਾ ਡਿਵੀਜ਼ਨ ਦੇ ਡਿਵੀਜ਼ਨਲ ਰੇਲਵੇ ਮੈਨੇਜਰ ਨੇ ਦੱਸਿਆ ਕਿ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ ਹਨ ਅਤੇ ਦੋਵਾਂ ਪਾਸਿਆਂ ਤੋਂ ਟਰੇਨਾਂ ਦੀ ਆਵਾਜਾਈ ਸ਼ੁਰੂ ਹੋ ਗਈ ਹੈ।

ਹਿਮਾਚਲ ‘ਚ ਬਰਫਬਾਰੀ ਕਾਰਨ 177 ਸੜਕਾਂ ਬੰਦ

ਹਿਮਾਚਲ ਪ੍ਰਦੇਸ਼ ਦੇ ਕਈ ਜ਼ਿਲ੍ਹਿਆਂ ਵਿੱਚ ਬਰਫ਼ਬਾਰੀ ਕਾਰਨ ਰਾਜ ਵਿੱਚ ਤਿੰਨ ਕੌਮੀ ਮਾਰਗਾਂ ਸਮੇਤ ਘੱਟੋ-ਘੱਟ 177 ਸੜਕਾਂ ਬੰਦ ਹਨ। ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਰਾਜ ਦੇ ਕਿਨੌਰ, ਲਾਹੌਲ ਅਤੇ ਸਪਿਤੀ, ਸ਼ਿਮਲਾ, ਕੁੱਲੂ, ਮੰਡੀ, ਚੰਬਾ ਅਤੇ ਸਿਰਮੌਰ ਜ਼ਿਲ੍ਹਿਆਂ ਦੇ ਉੱਚੇ ਇਲਾਕਿਆਂ ਵਿੱਚ ਬਰਫ਼ਬਾਰੀ ਹੋਈ ਹੈ।

ਹੈਦਰਾਬਾਦ ਦੇ ਚਿੱਕੜਪੱਲੀ ਪੁਲਿਸ ਸਟੇਸ਼ਨ ਤੋਂ ਨਿਕਲੇ ਅੱਲੂ ਅਰਜੁਨ

ਅਭਿਨੇਤਾ ਅੱਲੂ ਅਰਜੁਨ ਪੁੱਛਗਿੱਛ ਤੋਂ ਬਾਅਦ ਹੈਦਰਾਬਾਦ ਦੇ ਚਿੱਕੜਪੱਲੀ ਪੁਲਿਸ ਸਟੇਸ਼ਨ ਤੋਂ ਨਿਕਲੇ ਗਏ ਹਨ। ਆਲੂ ਅਰਜੁਨ ਸੰਧਿਆ ਥੀਏਟਰ ਕਾਂਡ ਦੇ ਸਿਲਸਿਲੇ ‘ਚ ਹੈਦਰਾਬਾਦ ਪੁਲਿਸ ਦੇ ਸਾਹਮਣੇ ਪੇਸ਼ ਹੋਇਆ ਸੀ।

ਹੁਣ 30 ਦਸੰਬਰ ਨੂੰ ਹੋਵੇਗੀ SGPC ਅੰਤਰਿੰਗ ਕਮੇਟੀ ਦੀ ਬੈਠਕ

ਐਸਜੀਪੀਸੀ ਦੇ ਪ੍ਰਧਾਨ ਦੇ ਰੁਝੇਵਿਆਂ ਕਾਰਨ 23 ਦਸੰਬਰ ਨੂੰ ਹੋਣ ਵਾਲੀ ਅੰਤਰਿੰਗ ਕਮੇਟੀ ਦੀ ਬੈਠਕ ਰੱਦ ਕੀਤੀ ਗਈ ਸੀ। ਦੱਸ ਦਈਏ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਬੈਠਕ ਹੁਣ 30 ਦਸੰਬਰ ਨੂੰ ਹੋਵੇਗੀ।

‘ਇੱਕ ਦੇਸ਼, ਇੱਕ ਚੋਣ’ ‘ਤੇ 8 ਜਨਵਰੀ ਨੂੰ JPC ਦੀ ਬੈਠਕ

‘ਇੱਕ ਦੇਸ਼, ਇੱਕ ਚੋਣ’ ‘ਤੇ ਸੰਯੁਕਤ ਸੰਸਦੀ ਕਮੇਟੀ (ਜੇਪੀਸੀ) ਦੀ ਮੀਟਿੰਗ 8 ਜਨਵਰੀ 2025 ਨੂੰ ਹੋਵੇਗੀ।

The meeting of the Joint Parliamentary Committee (JPC) on ‘One Nation One Election’ is to take place on 8th January 2025. pic.twitter.com/zSA0fEeHEg

— ANI (@ANI) December 24, 2024