ਪਾਕਿਸਤਾਨੀ ਫੌਜ ਦਾ ਕਮਾਂਡਰ ਹਾਸ਼ਿਮ ਮੂਸਾ ਕਿਵੇਂ ਬਣਿਆ ਕਸ਼ਮੀਰ ਦਾ ਸਭ ਤੋਂ ਖੂੰਖਾਰ ਅੱਤਵਾਦੀ ?
Jammu Kashmir Encounter Update: ਪਹਿਲਗਾਮ ਅੱਤਵਾਦੀ ਹਮਲੇ ਵਿੱਚ ਪਾਕਿਸਤਾਨੀ ਫੌਜ ਦੇ ਸਾਬਕਾ ਸਪੈਸ਼ਲ ਸਰਵਿਸ ਗਰੁੱਪ (SSG) ਦੇ ਸਿਪਾਹੀ ਹਾਸ਼ਿਮ ਮੂਸਾ ਦੀ ਭੂਮਿਕਾ ਦਾ ਖੁਲਾਸਾ ਹੋਇਆ ਹੈ। ਮੂਸਾ ਨੂੰ ਪਾਕਿਸਤਾਨੀ ਫੌਜ ਨੇ ਬਰਖਾਸਤ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਉਹ ਲਸ਼ਕਰ-ਏ-ਤੋਇਬਾ ਵਿੱਚ ਸ਼ਾਮਲ ਹੋ ਗਿਆ। ਉਹ ਖੁਫੀਆ ਕਾਰਵਾਈਆਂ ਵਿੱਚ ਮਾਹਰ ਸੀ ਅਤੇ ਅਕਤੂਬਰ 2024 ਦੇ ਹਮਲਿਆਂ ਵਿੱਚ ਵੀ ਸ਼ਾਮਲ ਸੀ। ਜਾਂਚ ਵਿੱਚ ਹੋਰ ਪਾਕਿਸਤਾਨੀ ਅੱਤਵਾਦੀਆਂ ਦੀ ਸ਼ਮੂਲੀਅਤ ਦੇ ਸੰਕੇਤ ਮਿਲੇ ਹਨ।
ਹਾਸ਼ਿਮ ਮੂਸਾ ਕਿਵੇਂ ਬਣਿਆ ਸਭ ਤੋਂ ਖੂੰਖਾਰ ਅੱਤਵਾਤੀ?
ਭਾਰਤੀ ਸੁਰੱਖਿਆ ਬਲਾਂ ਨੂੰ ਸੋਮਵਾਰ ਨੂੰ ਇੱਕ ਵੱਡੀ ਸਫਲਤਾ ਮਿਲੀ ਹੈ। ਮਹਾਦੇਵ ਘਾਟੀ ਵਿੱਚ ਇੱਕ ਮੁਕਾਬਲੇ ਵਿੱਚ, ਭਾਰਤੀ ਫੌਜ ਨੇ ਪਹਿਲਗਾਮ ਹਮਲੇ ਵਿੱਚ ਸ਼ਾਮਲ ਤਿੰਨ ਅੱਤਵਾਦੀਆਂ ਨੂੰ ਖਤਮ ਕਰ ਦਿੱਤਾ ਹੈ। ਸੂਤਰਾਂ ਨੇ ਮੰਗਲਵਾਰ ਨੂੰ ਦੱਸਿਆ ਕਿ 22 ਅਪ੍ਰੈਲ ਨੂੰ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਦੇ ਸਬੰਧ ਵਿੱਚ ਏਜੰਸੀਆਂ ਦੁਆਰਾ ਪਛਾਣੇ ਗਏ ਦੋ ਪਾਕਿਸਤਾਨੀ ਅੱਤਵਾਦੀਆਂ ਵਿੱਚੋਂ ਇੱਕ, ਹਾਸ਼ਿਮ ਮੂਸਾ, ਪਾਕਿਸਤਾਨੀ ਫੌਜ ਦੇ ਸਪੈਸ਼ਲ ਫੋਰਸਿਜ਼ ਦਾ ਸਾਬਕਾ ਸਿਪਾਹੀ ਹੈ।
ਰਿਪੋਰਟਾਂ ਦੇ ਅਨੁਸਾਰ, ਪਾਕਿਸਤਾਨੀ ਫੌਜ ਨੇ ਮੂਸਾ ਨੂੰ ਆਪਣੇ ਰੈਂਕ ਤੋਂ ਬਰਖਾਸਤ ਕਰ ਦਿੱਤਾ, ਜਿਸ ਤੋਂ ਬਾਅਦ ਉਹ ਪਾਬੰਦੀਸ਼ੁਦਾ ਅੱਤਵਾਦੀ ਸਮੂਹ ਲਸ਼ਕਰ-ਏ-ਤੋਇਬਾ (LeT) ਵਿੱਚ ਸ਼ਾਮਲ ਹੋ ਗਿਆ। ਮੰਨਿਆ ਜਾਂਦਾ ਹੈ ਕਿ ਉਸਨੇ ਸਤੰਬਰ 2023 ਵਿੱਚ ਭਾਰਤ ਵਿੱਚ ਘੁਸਪੈਠ ਕੀਤੀ ਸੀ ਅਤੇ ਸ਼੍ਰੀਨਗਰ ਦੇ ਨੇੜੇ ਕਸ਼ਮੀਰ ਦੇ ਬਡਗਾਮ ਜ਼ਿਲ੍ਹੇ ਨੂੰ ਆਪਣੇ ਆਪ੍ਰੇਸ਼ਨ ਖੇਤਰ ਵਜੋਂ ਚੁਣਿਆ ਸੀ। ਜਿਸ ਤੋਂ ਬਾਅਦ ਉਸਨੂੰ ਕਸ਼ਮੀਰ ਦਾ ਸਭ ਤੋਂ ਭਿਆਨਕ ਅੱਤਵਾਦੀ ਮੰਨਿਆ ਜਾਣ ਲੱਗਾ।
ਸੁਰੱਖਿਆ ਏਜੰਸੀਆਂ ਦੇ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ, ‘ਇੰਡੀਅਨ ਐਕਸਪ੍ਰੈਸ‘ ਨਿਊਜ਼ ਨੇ ਰਿਪੋਰਟ ਦਿੱਤੀ ਕਿ ਮੂਸਾ ਨੂੰ ਪਾਕਿਸਤਾਨੀ ਫੌਜ ਦੇ ਸਪੈਸ਼ਲ ਸਰਵਿਸ ਗਰੁੱਪ (SSG) ਨੇ ਲਸ਼ਕਰ ਵਿੱਚ ਸ਼ਾਮਲ ਹੋਣ ਅਤੇ ਅੱਤਵਾਦੀ ਸੰਗਠਨ ਦੀ ਕਸ਼ਮੀਰ ਮੁਹਿੰਮ ਨੂੰ ਮਜ਼ਬੂਤ ਕਰਨ ਲਈ ਕਿਹਾ ਹੋ ਹੋਵੇਗਾ।
ਖੁਫੀਆ ਕਾਰਵਾਈਆਂ ਵਿੱਚ ਮਾਹਰ ਸੀ ਮੂਸਾ
ਟ੍ਰੇਂਡ ਪੈਰਾ ਕਮਾਂਡੋ ਮੂਸਾ ਨੂੰ ਅਨਕੰਨਵੈਸ਼ਨਲ ਵਾਰਫੇਅਰ ਅਤੇ ਖੁਫੀਆ ਆਪ੍ਰੇਸ਼ਨ ਵਿੱਚ ਮਾਹਰ ਮੰਨਿਆ ਜਾਂਦਾ ਸੀ। ਇੱਕ ਸੀਨੀਅਰ ਸੁਰੱਖਿਆ ਅਧਿਕਾਰੀ ਨੇ ਕਿਹਾ ਕਿ ਅਜਿਹੇ ਸਿਖਲਾਈ ਪ੍ਰਾਪਤ ਕਮਾਂਡੋ ਆਮ ਤੌਰ ‘ਤੇ ਅਤਿ-ਆਧੁਨਿਕ ਹਥਿਆਰਾਂ ਨੂੰ ਸੰਭਾਲਣ ਵਿੱਚ ਮਾਹਰ ਹੁੰਦੇ ਹਨ, ਨਾਲ ਹੀ ਉੱਚ ਨੇਵੀਗੇਸ਼ਨ ਅਤੇ ਬਚਾਅ ਹੁਨਰਾਂ ਨਾਲ ਹੱਥੋਪਾਈ ਵਾਲੀ ਲੜਾਈ ਵਿੱਚ ਮਾਹਰ ਹੁੰਦੇ ਹਨ।
ਕਿਵੇਂ ਹੋਇਆ SSG ਬੈਕਗ੍ਰਾਉਂਡ ਦਾ ਖੁਲਾਸਾ?
ਸੂਤਰਾਂ ਅਨੁਸਾਰ, ਮੂਸਾ ਦੇ SSG ਬੈਕਗ੍ਰਾਉਂਡ ਦਾ ਖੁਲਾਸਾ 14 ਓਵਰਗ੍ਰਾਊਂਡ ਵਰਕਰਸ (OGWs) ਵਿੱਚੋਂ ਇੱਕ ਦੁਆਰਾ ਕੀਤਾ ਗਿਆ ਸੀ ਜਿਨ੍ਹਾਂ ਤੋਂ ਜਾਂਚਕਰਤਾਵਾਂ ਨੇ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਸ਼ੱਕੀ ਵਜੋਂ ਪੁੱਛਗਿੱਛ ਕੀਤੀ ਸੀ। ਇਨ੍ਹਾਂ OGWs ‘ਤੇ ਸ਼ੱਕ ਹੈ ਕਿ ਉਹ ਪਾਕਿਸਤਾਨੀ ਅੱਤਵਾਦੀਆਂ ਨੂੰ ਜ਼ਰੂਰੀ ਰਸਦ ਪਹੁੰਚਾਉਂਦੇ ਸਨ ਅਤੇ ਅੱਤਵਾਦੀ ਸਥਾਨ ਦੀ ਜਾਸੂਸੀ ਵਿੱਚ ਮਦਦ ਕਰਦੇ ਸਨ।
ਇਹ ਵੀ ਪੜ੍ਹੋ
ਸੁਰੱਖਿਆ ਸੂਤਰਾਂ ਨੇ ਕਿਹਾ ਕਿ ਪਾਕਿਸਤਾਨੀ ਫੌਜ ਅਤੇ ISI ਦੀ ਭੂਮਿਕਾ ਹੁਣ ਸਪੱਸ਼ਟ ਹੋ ਗਈ ਹੈ ਕਿਉਂਕਿ ਅਕਤੂਬਰ 2024 ਵਿੱਚ ਵਾਦੀ ਵਿੱਚ ਹੋਏ ਹਮਲਿਆਂ ਵਿੱਚ ਵੀ ਇਸੇ ਤਰ੍ਹਾਂ ਦੇ ਪੈਟਰਨ ਦੇਖੇ ਗਏ ਸਨ, ਜਿਸ ਵਿੱਚ 6 ਗੈਰ-ਸਥਾਨਕ, ਇੱਕ ਡਾਕਟਰ, ਦੋ ਭਾਰਤੀ ਫੌਜ ਦੇ ਜਵਾਨ ਅਤੇ ਦੋ ਫੌਜ ਦੇ ਕੁਲੀ ਮਾਰੇ ਗਏ ਸਨ। ਮੂਸਾ 2024 ਵਿੱਚ ਤਿੰਨ ਹਮਲਿਆਂ ਵਿੱਚ ਵੀ ਸ਼ਾਮਲ ਸੀ।
ਅੱਗੇ ਹੋ ਸਕਦੇ ਹਨ ਹੋਰ ਖੁਲਾਸੇ
ਹਾਲਾਂਕਿ ਹੁਣ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਦੋ ਪਾਕਿਸਤਾਨੀ ਅੱਤਵਾਦੀ ਮੂਸਾ ਅਤੇ ਅਲੀ ਭਾਈ ਅਤੇ ਦੋ ਸਥਾਨਕ ਅੱਤਵਾਦੀ ਆਦਿਲ ਥੋਕਰ ਅਤੇ ਆਸਿਫ ਸ਼ੇਖ ਪਹਿਲਗਾਮ ਅੱਤਵਾਦੀ ਹਮਲੇ ਵਿੱਚ ਸਿੱਧੇ ਤੌਰ ‘ਤੇ ਸ਼ਾਮਲ ਸਨ, OGWs ਤੋਂ ਪੁੱਛਗਿੱਛ ਨੇ ਹੋਰ ਪਾਕਿਸਤਾਨੀ ਅੱਤਵਾਦੀਆਂ ਦੀ ਸ਼ਮੂਲੀਅਤ ਦੇ ਸੰਕੇਤ ਮਿਲੇ ਹਨ, ਜਿਸਦਾ ਖੁਲਾਸਾ ਅੱਗੇ ਦੀ ਜਾਂਚ ਵਿੱਚ ਹੋ ਸਕਦਾ ਹੈ।