Ajit Pawar Death: ਮਹਾਰਾਸ਼ਟਰ ਦੇ ਡਿਪਟੀ ਸੀਐਮ ਅਜੀਤ ਪਵਾਰ ਦਾ ਕਿਵੇਂ ਤੇ ਕਿੱਥੇ ਹੋਇਆ ਜਹਾਜ਼ ਕਰੈਸ਼, ਜਾਣੋ ਪੂਰੀ ਡਿਟੇਲ
Ajit Pawar Plane Crash: ਐਨਸੀਪੀ ਮੁਖੀ ਅਜਿਤ ਪਵਾਰ ਹੁਣ ਇਸ ਦੁਨੀਆ 'ਚ ਨਹੀਂ ਰਹੇ। ਉਨ੍ਹਾਂ ਦੀ ਬਾਰਾਮਤੀ 'ਚ ਇੱਕ ਜਹਾਜ਼ ਹਾਦਸੇ 'ਚ ਮੌਤ ਹੋ ਗਈ। 66 ਸਾਲਾ ਅਜਿਤ ਪਵਾਰ ਚੋਣ ਪ੍ਰਚਾਰ ਲਈ ਬਾਰਾਮਤੀ ਜਾ ਰਹੇ ਸਨ। ਜਹਾਜ਼ 'ਚ ਸਵਾਰ ਸਾਰੇ ਪੰਜ ਲੋਕਾਂ ਦੀ ਹਾਦਸੇ 'ਚ ਮੌਤ ਹੋ ਗਈ। ਹਾਦਸਾ ਕਦੋਂ, ਕਿਵੇਂ ਤੇ ਕਿੱਥੇ ਹੋਇਆ, ਇਸ ਬਾਰੇ ਪੂਰੇ ਵੇਰਵੇ ਜਾਣੋ।
ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਅਜਿਤ ਪਵਾਰ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੀ ਬੁੱਧਵਾਰ ਨੂੰ ਬਾਰਾਮਤੀ ‘ਚ ਇੱਕ ਜਹਾਜ਼ ਹਾਦਸੇ ‘ਚ ਮੌਤ ਹੋ ਗਈ। ਅਜਿਤ ਪਵਾਰ 66 ਸਾਲ ਦੇ ਸਨ। ਉਨ੍ਹਾਂ ਦੀ ਮੌਤ ਨੇ ਦੇਸ਼ ਭਰ ‘ਚ ਸਦਮੇ ਦੀ ਲਹਿਰ ਫੈਲਾ ਦਿੱਤੀ ਹੈ। ਅਜਿਤ ਪਵਾਰ ਚੋਣ ਪ੍ਰਚਾਰ ਲਈ ਬਾਰਾਮਤੀ ਜਾ ਰਹੇ ਸਨ। ਇਹ ਘਟਨਾ ਲੈਂਡਿੰਗ ਦੌਰਾਨ ਵਾਪਰੀ। ਹਾਦਸੇ ‘ਚ ਜਹਾਜ਼ ‘ਚ ਸਵਾਰ ਪੰਜ ਲੋਕਾਂ ਦੀ ਮੌਤ ਹੋ ਗਈ। ਰਿਪੋਰਟਾਂ ਅਨੁਸਾਰ, ਇਹ ਅਜਿਤ ਪਵਾਰ ਦਾ ਨਿੱਜੀ ਜਹਾਜ਼ ਸੀ।
ਹਾਦਸਾ ਕਦੋਂ, ਕਿਵੇਂ ਅਤੇ ਕਿੱਥੇ ਹੋਇਆ?
ਮਿਤੀ: 28 ਜਨਵਰੀ, 2026
ਏਅਰਕ੍ਰਾਫਟ ਟਾਈਮ: ਲੀਅਰਜੈੱਟ 45
ਹਵਾਈ ਜਹਾਜ਼ ਰਜਿਸਟ੍ਰੇਸ਼ਨ: VT-SSK
ਹਾਦਸਾ ਕਿੱਥੇ ਹੋਇਆ: ਬਾਰਾਮਤੀ ਹਵਾਈ ਅੱਡਾ
ਇਹ ਵੀ ਪੜ੍ਹੋ
ਸਵਾਰ ਲੋਕਾਂ ਦੀ ਗਿਣਤੀ: 5, ਚਾਲਕ ਦਲ ਸਮੇਤ
ਜਹਾਜ਼ ਬਾਰੇ ਜਾਣੋ
ਲੀਅਰਜੈੱਟ 45 ਇੱਕ ਮੱਧਮ ਆਕਾਰ ਦਾ ਬਿਜਨਸ ਜੈੱਟ ਹੈ, ਜਿਸ ਨੂੰ ਬੰਬਾਰਡੀਅਰ ਏਅਰੋਸਪੇਸ (1998-2009) ਦੁਆਰਾ ਨਿਰਮਿਤ ਕੀਤਾ ਗਿਆ ਸੀ। ਇਸ ਦੀ ਰੇਂਜ 2,000 ਤੋਂ 2,235 ਨੌਟੀਕਲ ਮੀਲ ਹੈ। ਇਸ ਅੱਠ ਯਾਤਰੀਆਂ ਤੱਕ ਬੈਠ ਸਕਦੇ ਹਨ ਤੇ ਉੱਚ ਗਤੀ (ਮੈਕ 0.78-0.81) ਦੇ ਸਮਰੱਥ ਹੈ। ਦੋ ਹਨੀਵੈੱਲ TFE731 ਇੰਜਣਾਂ ਦੁਆਰਾ ਸੰਚਾਲਿਤ, ਇਹ 51,000 ਫੁੱਟ ਦੀ ਵੱਧ ਤੋਂ ਵੱਧ ਉਚਾਈ ਤੱਕ ਉੱਡ ਸਕਦਾ ਹੈ ਤੇ ਆਪਣੀ ਗਤੀ ਤੇ ਕੁਸ਼ਲ, ਆਰਾਮਦਾਇਕ ਕੈਬਿਨ ਲਈ ਜਾਣਿਆ ਜਾਂਦਾ ਹੈ।
ਚਸ਼ਮਦੀਦ ਨੇ ਕੀ ਕਿਹਾ?
ਮੌਕੇ ‘ਤੇ ਮੌਜੂਦ ਇੱਕ ਚਸ਼ਮਦੀਦ ਨੇ ਕਿਹਾ, “ਮੈਂ ਇਸ ਨੂੰ ਆਪਣੀਆਂ ਅੱਖਾਂ ਨਾਲ ਦੇਖਿਆ। ਇਹ ਸੱਚਮੁੱਚ ਬਹੁਤ ਦੁਖਦਾਈ ਹੈ। ਜਦੋਂ ਜਹਾਜ਼ ਹੇਠਾਂ ਉਤਰ ਰਿਹਾ ਸੀ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਇਹ ਹਾਦਸਾਗ੍ਰਸਤ ਹੋ ਜਾਵੇਗਾ ਤੇ ਇਹ ਕ੍ਰੈਸ਼ ਹੋ ਗਿਆ। ਫਿਰ ਇੱਕ ਧਮਾਕਾ ਹੋਇਆ। ਇੱਕ ਵੱਡਾ ਧਮਾਕਾ। ਇਸ ਤੋਂ ਬਾਅਦ, ਅਸੀਂ ਇੱਥੇ ਭੱਜੇ ਤੇ ਦੇਖਿਆ ਕਿ ਜਹਾਜ਼ ਨੂੰ ਅੱਗ ਲੱਗ ਗਈ ਸੀ।” ਜਹਾਜ਼ ‘ਚ ਚਾਰ ਜਾਂ ਪੰਜ ਧਮਾਕੇ ਹੋਏ ਤੇ ਲੋਕ ਇੱਥੇ ਆਏ ਤੇ ਸਵਾਰ ਲੋਕਾਂ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ। ਅੱਗ ਇੰਨੀ ਤੇਜ਼ ਸੀ ਕਿ ਲੋਕ ਮਦਦ ਨਹੀਂ ਕਰ ਸਕੇ। ਅਜੀਤ ਪਵਾਰ ਜਹਾਜ਼ ‘ਚ ਸਨ ਤੇ ਇਹ ਸਾਡੇ ਲਈ ਬਹੁਤ ਦੁਖਦਾਈ ਹੈ। ਮੈਂ ਇਸ ਨੂੰ ਸ਼ਬਦਾਂ ‘ਚ ਬਿਆਨ ਨਹੀਂ ਕਰ ਸਕਦਾ।
ਜਹਾਜ਼ ਵਿੱਚ ਕੌਣ ਸੀ?
ਅਜਿਤ ਪਵਾਰ
ਪਾਇਲਟ
ਇੱਕ ਪੀਐਸਓ
ਮਰਨ ਵਾਲੇ ਯਾਤਰੀਆਂ ਦੇ ਨਾਮ ਕੀ ਹਨ?
ਅਜਿਤ ਪਵਾਰ
ਵਿਦੀਪ ਜਾਧਵ
ਪਿੰਕੀ ਮਾਲੀ
