‘ਮੈਂ 100 ਵਾਰ ਇਹੀ ਕਹਾਂਗਾ..’, ਖੜਗੇ ਨੇ ਰਾਜ ਸਭਾ ‘ਚ RSS ਨੂੰ ਲੈ ਕੇ ਦਿੱਤਾ ਅਜਿਹਾ ਬਿਆਨ ਕਿ ਮਚ ਗਿਆ ਹੰਗਾਮਾ
Mallikarjun Kharge on RSS: ਕਾਂਗਰਸ ਨੇਤਾ ਮੱਲਿਕਾਰਜੁਨ ਖੜਗੇ ਦੇ ਬਿਆਨ 'ਤੇ ਰਾਜ ਸਭਾ 'ਚ ਹੰਗਾਮਾ ਹੋਇਆ। ਰਾਸ਼ਟਰਪਤੀ ਦੇ ਭਾਸ਼ਣ 'ਤੇ ਧੰਨਵਾਦ ਮਤੇ 'ਤੇ ਚਰਚਾ ਦੌਰਾਨ ਖੜਗੇ ਨੇ ਕਿਹਾ ਕਿ ਆਰਐਸਐਸ ਦੀ ਵਿਚਾਰਧਾਰਾ ਦੇਸ਼ ਲਈ ਖਤਰਨਾਕ ਹੈ। ਇਸ 'ਤੇ ਸਦਨ 'ਚ ਹੰਗਾਮਾ ਹੋ ਗਿਆ। ਖੜਗੇ ਨੇ ਕਿਹਾ ਕਿ ਗੋਡਸੇ ਨੂੰ ਭੜਕਾ ਕੇ ਗਾਂਧੀ ਦੀ ਹੱਤਿਆ ਕਰਵਾਈ ਗਈ ਸੀ। ਚੇਅਰਮੈਨ ਨੇ ਖੜਗੇ ਦੇ ਬਿਆਨ 'ਤੇ ਸੰਘ ਦਾ ਬਚਾਅ ਕੀਤਾ। ਚੇਅਰਮੈਨ ਨੇ ਕਿਹਾ, ਕੀ ਆਰਐਸਐਸ ਦਾ ਮੈਂਬਰ ਹੋਣਾ ਗੁਨਾਹ ਹੈ? ਆਰਐਸਐਸ ਦਾ ਦੇਸ਼ ਲਈ ਬਹੁਤ ਯੋਗਦਾਨ ਹੈ।
ਮੱਲਿਕਾਰਜੁਨ ਖੜਗੇ
ਕਾਂਗਰਸ ਨੇਤਾ ਮੱਲਿਕਾਰਜੁਨ ਖੜਗੇ ਦੇ ਬਿਆਨ ‘ਤੇ ਰਾਜ ਸਭਾ ‘ਚ ਹੰਗਾਮਾ ਹੋ ਗਿਆ। ਰਾਸ਼ਟਰਪਤੀ ਦੇ ਭਾਸ਼ਣ ‘ਤੇ ਧੰਨਵਾਦ ਮਤੇ ‘ਤੇ ਚਰਚਾ ਦੌਰਾਨ ਖੜਗੇ ਨੇ ਕਿਹਾ ਕਿ ਆਰਐਸਐਸ ਇੱਕ ਮਨੂਵਾਦੀ ਸੰਗਠਨ ਹੈ। ਇਸ ਦੀ ਵਿਚਾਰਧਾਰਾ ਦੇਸ਼ ਲਈ ਖਤਰਨਾਕ ਹੈ। RSS ਭਾਰਤ ਦੀਆਂ ਸੰਸਥਾਵਾਂ ‘ਤੇ ਕਬਜ਼ਾ ਕਰ ਰਿਹਾ ਹੈ, ਇਹ ਦੇਸ਼ ਲਈ ਚਿੰਤਾ ਦਾ ਵਿਸ਼ਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਸੰਘ ਵਾਲਿਆਂ ਨੇ ਗਾਂਧੀ ਦਾ ਕਤਲ ਕੀਤਾ ਸੀ।
ਖੜਗੇ ਨੇ ਕਿਹਾ ਕਿ ਗੋਡਸੇ ਨੂੰ ਭੜਕਾ ਕੇ ਗਾਂਧੀ ਦੀ ਹੱਤਿਆ ਕਰਵਾਈ ਗਈ ਸੀ। ਚੇਅਰਮੈਨ ਨੇ ਖੜਗੇ ਦੇ ਬਿਆਨ ‘ਤੇ ਸੰਘ ਦਾ ਬਚਾਅ ਕੀਤਾ। ਚੇਅਰਮੈਨ ਨੇ ਕਿਹਾ, ਕੀ ਆਰਐਸਐਸ ਦਾ ਮੈਂਬਰ ਹੋਣਾ ਗੁਨਾਹ ਹੈ? ਆਰਐਸਐਸ ਦਾ ਦੇਸ਼ ਲਈ ਬਹੁਤ ਯੋਗਦਾਨ ਹੈ।
ਖੜਗੇ ਨੂੰ ਆਰਐਸਐਸ ਬਾਰੇ ਜਾਣਕਾਰੀ ਨਹੀਂ – ਨੱਡਾ
ਜੇਪੀ ਨੱਡਾ ਨੇ ਖੜਗੇ ਦੇ ਇਸ ਬਿਆਨ ਨੂੰ ਰਿਕਾਰਡ ਤੋਂ ਹਟਾਉਣ ਦੀ ਮੰਗ ਕੀਤੀ ਹੈ। ਨੱਡਾ ਨੇ ਕਿਹਾ ਕਿ ਖੜਗੇ ਦਾ ਬਿਆਨ ਗੈਰ-ਜ਼ਿੰਮੇਵਾਰਾਨਾ ਹੈ। ਨੱਡਾ ਨੇ ਕਿਹਾ ਕਿ ਖੜਗੇ ਨੂੰ ਆਰਐਸਐਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਉਨ੍ਹਾਂ ਦਾ ਬਿਆਨ ਨਿੰਦਣਯੋਗ ਅਤੇ ਤੱਥਾਂ ਤੋਂ ਪਰੇ ਹੈ। ਨੱਡਾ ਦੀ ਮੰਗ ‘ਤੇ ਚੇਅਰਮੈਨ ਨੇ ਖੜਗੇ ਦੇ ਬਿਆਨ ਨੂੰ ਰਿਕਾਰਡ ਤੋਂ ਹਟਾਉਣ ਦੇ ਹੁਕਮ ਦਿੱਤੇ ਹਨ। ਇਸ ਤੋਂ ਬਾਅਦ ਖੜਗੇ ਦੇ ਬਿਆਨ ਨੂੰ ਰਿਕਾਰਡ ਤੋਂ ਹਟਾ ਦਿੱਤਾ ਗਿਆ।
ਰਾਜ ਸਭਾ ‘ਚ ਕੀ ਬੋਲੇ ਖੜਗੇ?
ਰਾਜ ਸਭਾ ‘ਚ ਖੜਗੇ ਨੇ ਮੋਦੀ ਸਰਕਾਰ ‘ਤੇ ਤਿੱਖਾ ਹਮਲਾ ਬੋਲਿਆ। ਰਾਸ਼ਟਰਪਤੀ ਦੇ ਭਾਸ਼ਣ ‘ਤੇ ਚਰਚਾ ਦੌਰਾਨ ਖੜਗੇ ਨੇ ਕਿਹਾ ਕਿ ਰਾਸ਼ਟਰਪਤੀ ਦਾ ਭਾਸ਼ਣ ਚੋਣ ਭਾਸ਼ਣ ਸੀ। ਉਨ੍ਹਾਂ ਦੇ ਭਾਸ਼ਣ ਵਿਚ ਨਾ ਤਾਂ ਕੋਈ ਵਿਜ਼ਨ ਸੀ ਅਤੇ ਨਾ ਹੀ ਕੋਈ ਦਿਸ਼ਾ। ਉਨ੍ਹਾਂ ਦੇ ਸੰਬੋਧਨ ਵਿੱਚ ਦਲਿਤਾਂ, ਘੱਟ ਗਿਣਤੀ ਵਰਗਾਂ ਅਤੇ ਪਛੜੀਆਂ ਸ਼੍ਰੇਣੀਆਂ ਲਈ ਕੁਝ ਵੀ ਨਹੀਂ ਸੀ। ਪ੍ਰਧਾਨ ਮੰਤਰੀ ਮੋਦੀ ਨੇ ਕੁਝ ਦਾ ਵਿਕਾਸ ਕੀਤਾ ਅਤੇ ਗਰੀਬਾਂ ਨੂੰ ਤਬਾਹ ਕਰ ਦਿੱਤਾ। ਉਹ 14 ਦੇਸ਼ਾਂ ਵਿੱਚ ਗਏ ਪਰ ਮਨੀਪੁਰ ਨਹੀਂ ਗਏ। ਖੜਗੇ ਨੇ ਕਿਹਾ ਕਿ ਸਾਨੂੰ ਹੰਕਾਰੀ ਕਹਿਣ ਵਾਲਿਆਂ ਦਾ ਹੰਕਾਰ ਟੁੱਟ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਧਿਰ ਜਨਤਾ ਦੀ ਗੱਲ ਕਰਦੀ ਹੈ।
ਲੋਕਤੰਤਰ ਵਿੱਚ ਸੰਵਿਧਾਨ ਅਤੇ ਲੋਕ ਸਭ ਤੇ ਭਾਰੀ
ਖੜਗੇ ਨੇ ਕਿਹਾ ਕਿ ਲੋਕਤੰਤਰ ‘ਚ ਜਨਤਾ ਹਰ ਚੀਜ਼ ਸਭਾ ਤੇ ਭਾਰੀ ਹੈ। ਪੀਐਮ ਮੋਦੀ ਨੇ ਕਿਹਾ ਸੀ, ‘ਇੱਕ ਅਕੇਲਾ ਸਭ ਤੇ ਭਾਰੀ’। ਮੈਂ ਪੁੱਛਣਾ ਚਾਹੁੰਦਾ ਹਾਂ, ਅੱਜ ਉਹ ਇੱਕਲੇ ਕਿੰਨੇ ਭਾਰੀ ਹਨ? ਉਨ੍ਹਾਂ ਕਿਹਾ ਕਿ ਸੰਵਿਧਾਨ ਅਤੇ ਦੇਸ਼ ਦੀ ਜਨਤਾ ਹਰ ਚੀਜ਼ ‘ਤੇ ਭਾਰੀ ਹੈ। ਇਸ ਦੌਰਾਨ ਉਨ੍ਹਾਂ ਮਹਾਪੁਰਖਾਂ ਦੀਆਂ ਮੂਰਤੀਆਂ ਹਟਾਉਣ ਦਾ ਮੁੱਦਾ ਵੀ ਉਠਾਇਆ। ਖੜਗੇ ਨੇ ਕਿਹਾ ਕਿ ਸੰਸਦ ‘ਚੋਂ ਮਹਾਪੁਰਖਾਂ ਦੀਆਂ ਮੂਰਤੀਆਂ ਹਟਾ ਦਿੱਤੀਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : ਅੱਜ ਤੋਂ ਲਾਗੂ ਹੋਏ 3 ਨਵੇਂ ਕ੍ਰਿਮੀਨਲ ਲਾਅ, 10 ਮੁੱਖ ਨੁਕਤਿਆਂ ਚ ਜਾਣੋ ਬਦਲਾਅ
ਉਨ੍ਹਾਂ ਕਿਹਾ ਕਿ ਗਾਂਧੀ, ਬਾਬਾ ਸਾਹਿਬ, ਸ਼ਿਵਾਜੀ ਦੀਆਂ ਮੂਰਤੀਆਂ ਹਟਾ ਦਿੱਤੀਆਂ ਗਈਆਂ ਹਨ। ਬਾਬਾ ਸਾਹਿਬ ਦੀ ਮੂਰਤੀ ਲਗਾਉਣਾ ਜਰੂਰੀ ਹੈ। ਉਨ੍ਹਾਂ ਨੇ ਸਮਾਜਿਕ ਨਿਆਂ ਲਈ ਕੰਮ ਕੀਤਾ। ਬਾਬਾ ਸਾਹਿਬ ਦਾ ਅਪਮਾਨ ਨਾ ਕਰੋ। ਉਨ੍ਹਾਂ ਦਾ ਅਪਮਾਨ 50 ਕਰੋੜ ਐਸਸੀ-ਐਸਟੀ ਲੋਕਾਂ ਦਾ ਅਪਮਾਨ ਹੋਵੇਗਾ।।