ਹਵਾਈ ਸੈਨਾ ਦੇ ਨਵੇਂ ਮੁਖੀ ਬਣੇ ਏਅਰ ਮਾਰਸ਼ਲ ਅਮਰਪ੍ਰੀਤ ਸਿੰਘ, 30 ਸਤੰਬਰ ਤੋਂ ਸੰਭਾਲਣਗੇ ਚਾਰਜ
ਏਅਰ ਮਾਰਸ਼ਲ ਅਮਰ ਪ੍ਰੀਤ ਸਿੰਘ ਭਾਰਤੀ ਹਵਾਈ ਸੈਨਾ ਦੇ ਨਵੇਂ ਮੁਖੀ ਹੋਣਗੇ। ਉਹ 30 ਸਤੰਬਰ ਨੂੰ ਅਹੁਦਾ ਸੰਭਾਲਣਗੇ। ਅਮਰ ਪ੍ਰੀਤ ਸਿੰਘ ਏਅਰ ਮਾਰਸ਼ਲ ਵਿਵੇਕ ਰਾਮ ਚੌਧਰੀ ਦੀ ਥਾਂ ਲੈਣਗੇ, ਜੋ 30 ਸਤੰਬਰ ਨੂੰ ਸੇਵਾਮੁਕਤ ਹੋ ਰਹੇ ਹਨ।
ਅਮਰ ਪ੍ਰੀਤ ਸਿੰਘ ਹੁਣ ਤੱਕ ਹਵਾਈ ਸੈਨਾ ਦੇ ਉਪ ਮੁਖੀ ਦੇ ਅਹੁਦੇ ‘ਤੇ ਸਨ। ਹਵਾਈ ਸੈਨਾ ਵਿੱਚ ਇਹ ਦੂਜਾ ਸਭ ਤੋਂ ਮਹੱਤਵਪੂਰਨ ਅਹੁਦਾ ਹੈ। ਅਮਰ ਪ੍ਰੀਤ ਸਿੰਘ ਕੋਲ ਰੋਟਰੀ ਵਿੰਗ ਏਅਰਕ੍ਰਾਫਟ ‘ਤੇ 5 ਹਜ਼ਾਰ ਘੰਟੇ ਤੋਂ ਵੱਧ ਉਡਾਣ ਦਾ ਤਜਰਬਾ ਹੈ। ਉਨ੍ਹਾਂ ਨੇ ਉਪ ਮੁਖੀ ਬਣਨ ਤੋਂ ਪਹਿਲਾਂ ਆਪਰੇਸ਼ਨਲ ਫਾਈਟਰ ਸਕੁਐਡਰਨ ਅਤੇ ਫਰੰਟਲਾਈਨ ਏਅਰ ਬੇਸ ਦੀ ਕਮਾਂਡ ਵੀ ਕੀਤੀ ਹੈ।
ਏਅਰ ਮਾਰਸ਼ਲ ਅਮਰਪ੍ਰੀਤ ਸਿੰਘ ਦਾ ਜਨਮ 27 ਅਕਤੂਬਰ 1964 ਨੂੰ ਹੋਇਆ ਸੀ। ਅਮਰ ਪ੍ਰੀਤ ਸਿੰਘ 21 ਦਸੰਬਰ 1984 ਨੂੰ ਏਅਰ ਫੋਰਸ ਅਕੈਡਮੀ ਡੁੰਡੀਗਲ ਤੋਂ ਭਾਰਤੀ ਹਵਾਈ ਸੈਨਾ ਵਿੱਚ ਤਾਇਨਾਤ ਸਨ। ਉਹ 40 ਸਾਲਾਂ ਤੋਂ ਹਵਾਈ ਸੈਨਾ ਦੀ ਸੇਵਾ ਕਰ ਰਹੇ ਹਨ। ਏਅਰ ਮਾਰਸ਼ਲ ਅਮਰ ਪ੍ਰੀਤ ਸਿੰਘ ਨੇ ਨੈਸ਼ਨਲ ਡਿਫੈਂਸ ਅਕੈਡਮੀ ਖੜਕਵਾਸਲਾ ਅਤੇ ਏਅਰ ਫੋਰਸ ਅਕੈਡਮੀ ਡੁੰਡੀਗਲ ਤੋਂ ਟ੍ਰੈਨਿੰਗ ਲਈ ਹੈ। ਅਮਰ ਪ੍ਰੀਤ ਸਿੰਘ ਡਿਫੈਂਸ ਸਰਵਿਸਿਜ਼ ਸਟਾਫ ਕਾਲਜ, ਵੈਲਿੰਗਟਨ ਦੇ ਸਾਬਕਾ ਵਿਦਿਆਰਥੀ ਵੀ ਰਹੇ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਨੈਸ਼ਨਲ ਡਿਫੈਂਸ ਕਾਲਜ, ਨਵੀਂ ਦਿੱਲੀ ਤੋਂ ਵੀ ਟ੍ਰੈਨਿੰਗ ਲਈ ਹੈ। ਉਨ੍ਹਾਂ ਨੇ ਹਾਲ ਹੀ ਵਿੱਚ 59 ਸਾਲ ਦੀ ਉਮਰ ਵਿੱਚ ਤੇਜਸ ਉਡਾਣ ਭਰੀ ਸੀ।
ਵੀਆਰ ਚੌਧਰੀ ਪਿਛਲੇ ਸਾਲ ਚੀਫ ਏਅਰ ਮਾਰਸ਼ਲ ਬਣੇ ਸਨ
ਵਿਵੇਕ ਰਾਮ ਚੌਧਰੀ ਸਤੰਬਰ 2023 ਵਿੱਚ ਏਅਰ ਮਾਰਸ਼ਲ ਦੇ ਮੁਖੀ ਬਣੇ ਸੀ। ਉਹ ਨੈਸ਼ਨਲ ਡਿਫੈਂਸ ਅਕੈਡਮੀ (NDA) ਦਾ ਸਾਬਕਾ ਵਿਦਿਆਰਥੀ ਹਨ ਅਤੇ ਡਿਫੈਂਸ ਸਰਵਿਸਿਜ਼ ਸਟਾਫ ਕਾਲਜ ਦਾ ਗ੍ਰੈਜੂਏਟ ਵੀ ਹਨ। 1 ਜੁਲਾਈ 2023 ਨੂੰ, ਉਨ੍ਹਾਂ ਨੂੰ ਏਅਰ ਮਾਰਸ਼ਲ ਹਰਜੀਤ ਸਿੰਘ ਅਰੋੜਾ ਦੀ ਥਾਂ ‘ਤੇ ਵਾਇਸ ਚੀਫ਼ ਆਫ਼ ਏਅਰ ਸਟਾਫ਼ ਬਣਾਇਆ ਗਿਆ।
ਇਹ ਵੀ ਪੜ੍ਹੋ- ਦਿੱਲੀ ਦੀ ਨਵੀਂ ਮੁੱਖ ਮੰਤਰੀ ਬਣੀ ਆਤਿਸ਼ੀ, LG ਨੇ ਚੁਕਾਈ ਸਹੁੰ
ਦਸੰਬਰ 1982 ਵਿੱਚ, ਚੌਧਰੀ ਨੂੰ ਹਵਾਈ ਸੈਨਾ ਦੀ ਲੜਾਕੂ ਸਟ੍ਰੀਮ ਵਿੱਚ ਇੱਕ ਫਾਈਟਰ ਪਾਇਲਟ ਵਜੋਂ ਕਮਿਸ਼ਨਿੰਗ ਦਿੱਤੀ ਗਈ ਸੀ। ਉਨ੍ਹਾਂ ਕੋਲ ਮਿਗ-21, ਮਿਗ-23MF, ਮਿਗ-29 ਅਤੇ Su-30MKI ਵਰਗੇ ਲੜਾਕੂ ਜਹਾਜ਼ ਉਡਾਉਣ ਦਾ ਤਜਰਬਾ ਹੈ। ਹਵਾਈ ਸੈਨਾ ਵਿੱਚ ਆਪਣੀ ਸੇਵਾ ਦੌਰਾਨ ਉਹ ਹੁਣ ਤੱਕ 3800 ਘੰਟੇ ਤੋਂ ਵੱਧ ਲੜਾਕੂ ਜਹਾਜ਼ ਉਡਾ ਚੁੱਕੇ ਹਨ।