Live Updates: ਈਰਾਨ ਦੇ ਯਜ਼ਦ ‘ਚ ਇਜ਼ਰਾਈਲ ਦਾ ਵੱਡਾ ਹਮਲਾ

ਇਜ਼ਰਾਈਲ ਨੇ ਈਰਾਨ ਦੇ ਯਜ਼ਦ ਸ਼ਹਿਰ ‘ਤੇ ਇੱਕ ਵੱਡਾ ਹਮਲਾ ਕੀਤਾ ਹੈ, ਜਿੱਥੇ ਕਥਿਤ ਤੌਰ ‘ਤੇ ਈਰਾਨੀ ਬੈਲਿਸਟਿਕ ਮਿਜ਼ਾਈਲਾਂ ਦਾ ਭੰਡਾਰ ਹੈ।

ਸੋਸ਼ਲ ਮੀਜੀਆ ਇਨਫਲੂਐਂਸਰ ਨੈਨਸੀ ਗਰਵੇਵਾਲ ਦਾ ਕੈਨੇਡਾ ‘ਚ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਹੈ। ਕਾਤਲ ਨੇ ਉਸ ਦੇ ਘਰ ਅੰਦਰ ਵੜ ਕੇ ਇਸ ਕਤਲ ਨੂੰ ਅੰਜ਼ਾਮ ਦਿੱਤਾ। ਨੈਨਸੀ ਦੀਆਂ ਕਈ ਵੀਡੀਓਜ਼ ‘ਤੇ ਵਿਵਾਦ ਹੋ ਚੁੱਕਿਆ ਸੀ।

ਮਾਰੀਸ਼ਸ ਦੇ ਵਿਦੇਸ਼ ਮਾਮਲਿਆਂ, ਖੇਤਰੀ ਏਕੀਕਰਨ ਤੇ ਅੰਤਰਰਾਸ਼ਟਰੀ ਵਪਾਰ ਮੰਤਰੀ, ਧਨੰਜੈ ਰਾਮਫੁਲ, ਦਿੱਲੀ ਪਹੁੰਚ ਗਏ ਹਨ। ਉਹ ਰਾਇਸੀਨਾ ਡਾਇਲਾਗ 2026 ‘ਚ ਹਿੱਸਾ ਲੈਣ ਲਈ ਦਿੱਲੀ ‘ਚ ਹਨ। ਉਨ੍ਹਾਂ ਦੀ ਫੇਰੀ ਦੇ ਸੰਬੰਧ ‘ਚ, ਵਿਦੇਸ਼ ਮੰਤਰਾਲੇ ਨੇ ਟਵੀਟ ਕੀਤਾ, “ਭਾਰਤ ਤੇ ਮਾਰੀਸ਼ਸ ਵਿਚਕਾਰ ਇੱਕ ਸਥਾਈ ਭਾਈਵਾਲੀਹੈ ਜੋ ਸੱਭਿਆਚਾਰ-ਵਿਰਾਸਤ ਤੇ ਮਜ਼ਬੂਤ ਸਬੰਧਾਂ ‘ਤੇ ਅਧਾਰਤ ਹੈ।”

ਇਜ਼ਰਾਈਲੀ ਹਵਾਈ ਸੈਨਾ (IAF) ਨੇ ਟਵੀਟ ਕੀਤਾ, “IDF ਨੂੰ ਪਤਾ ਲੱਗਾ ਹੈ ਕਿ ਕੁਝ ਸਮਾਂ ਪਹਿਲਾਂ, ਈਰਾਨ ਤੋਂ ਇਜ਼ਰਾਈਲੀ ਖੇਤਰ ਵੱਲ ਮਿਜ਼ਾਈਲਾਂ ਦਾਗੀਆਂ ਗਈਆਂ ਸਨ। ਸਾਡੇ ਰੱਖਿਆ ਪ੍ਰਣਾਲੀਆਂ ਖ਼ਤਰੇ ਨੂੰ ਰੋਕਣ ਲਈ ਕੰਮ ਕਰ ਰਹੀਆਂ ਹਨ। ਜਨਤਾ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਆਪਣੀ ਜ਼ਿੰਮੇਵਾਰੀ ਸਮਝਣ ਤੇ ਨਿਰਦੇਸ਼ਾਂ ਅਨੁਸਾਰ ਕੰਮ ਕਰਨ, ਕਿਉਂਕਿ ਇਸ ਨਾਲ ਉਨ੍ਹਾਂ ਦੀਆਂ ਜਾਨਾਂ ਬਚ ਸਕਦੀਆਂ ਹਨ।”