World Cancer day: ਕੈਂਸਰ ਦੇ ਇਹ ਸ਼ੁਰੂਆਤੀ ਲੱਛਣ ਭੁੱਲ ਕੇ ਵੀ ਨਾ ਕਰੋ ਨਜ਼ਰਅੰਦਾਜ਼, ਸਮੇਂ ਸਿਰ ਪਛਾਣ ਹੀ ਹੈ ਅਸਲੀ ਬਚਾਅ

4 ਫਰਵਰੀ (ਬੁੱਧਵਾਰ) ਨੂੰ ਦੁਨੀਆ ਭਰ ਵਿੱਚ ਵਿਸ਼ਵ ਕੈਂਸਰ ਦਿਵਸ (World Cancer Day) ਮਨਾਇਆ ਜਾਵੇਗਾ। ਇਸ ਦਿਨ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਕੈਂਸਰ ਵਰਗੀ ਗੰਭੀਰ ਬਿਮਾਰੀ ਬਾਰੇ ਜਾਗਰੂਕ ਕਰਨਾ ਅਤੇ ਸਮੇਂ ਸਿਰ ਜਾਂਚ ਦੀ ਮਹੱਤਤਾ ਨੂੰ ਉਜਾਗਰ ਕਰਨਾ ਹੈ। ਕੈਂਸਰ ਇੱਕ ਅਜਿਹੀ ਬਿਮਾਰੀ ਹੈ ਜੋ ਜੇਕਰ ਸ਼ੁਰੂਆਤੀ ਪੜਾਅ ਵਿੱਚ ਪਤਾ ਨਾ ਲੱਗੇ ਤਾਂ ਜਾਨ ਲਈ ਖ਼ਤਰਨਾਕ ਸਾਬਤ ਹੋ ਸਕਦੀ ਹੈ।

ਭਾਰਤ ਵਿੱਚ ਅਜੇ ਵੀ ਕੈਂਸਰ ਦੇ ਬਹੁਤ ਸਾਰੇ ਮਾਮਲੇ ਉਸ ਵੇਲੇ ਸਾਹਮਣੇ ਆਉਂਦੇ ਹਨ ਜਦੋਂ ਬਿਮਾਰੀ ਆਖ਼ਰੀ ਜਾਂ ਅਗਲੇ ਪੜਾਅ ਵਿੱਚ ਪਹੁੰਚ ਚੁੱਕੀ ਹੁੰਦੀ ਹੈ। ਐਸੇ ਵਿੱਚ ਮਰੀਜ਼ ਦੀ ਜ਼ਿੰਦਗੀ ਨੂੰ ਲੰਬਾ ਖਿੱਚਣਾ ਕਾਫ਼ੀ ਮੁਸ਼ਕਲ ਹੋ ਜਾਂਦਾ ਹੈ। ਮਾਹਿਰਾਂ ਅਨੁਸਾਰ, ਕੈਂਸਰ ਨਾਲ ਲੜਨ ਦਾ ਸਭ ਤੋਂ ਪ੍ਰਭਾਵਸ਼ਾਲੀ ਤਰੀਕਾ ਇਹ ਹੈ ਕਿ ਇਸਦੀ ਪਛਾਣ ਸਮੇਂ ਸਿਰ ਹੋ ਜਾਵੇ। ਇਸ ਲਈ ਜ਼ਰੂਰੀ ਹੈ ਕਿ ਲੋਕਾਂ ਨੂੰ ਕੈਂਸਰ ਦੇ ਸ਼ੁਰੂਆਤੀ ਲੱਛਣਾਂ ਬਾਰੇ ਪੂਰੀ ਜਾਣਕਾਰੀ ਹੋਵੇ।

ਕੈਂਸਰ ਦੇ ਆਮ ਸ਼ੁਰੂਆਤੀ ਲੱਛਣ

ਗਾਜ਼ੀਆਬਾਦ ਸਥਿਤ ਮੈਕਸ ਹਸਪਤਾਲ ਦੇ ਪ੍ਰਸਿੱਧ ਔਨਕੋਲੋਜਿਸਟ ਡਾ. ਰੋਹਿਤ ਕਪੂਰ ਦੱਸਦੇ ਹਨ ਕਿ ਕੁਝ ਅਜਿਹੇ ਲੱਛਣ ਹੁੰਦੇ ਹਨ ਜੋ ਲਗਭਗ ਹਰ ਕਿਸਮ ਦੇ ਕੈਂਸਰ ਵਿੱਚ ਸ਼ੁਰੂਆਤੀ ਦੌਰ ਵਿੱਚ ਨਜ਼ਰ ਆ ਸਕਦੇ ਹਨ।

ਬਿਨਾਂ ਕਾਰਨ ਵਜ਼ਨ ਘਟਣਾ

ਡਾ. ਕਪੂਰ ਮੁਤਾਬਕ, ਕੈਂਸਰ ਦਾ ਸਭ ਤੋਂ ਆਮ ਲੱਛਣ ਬਿਨਾਂ ਕਿਸੇ ਵਜ੍ਹਾ ਦੇ ਵਜ਼ਨ ਦਾ ਘਟਣਾ ਹੈ। ਜੇਕਰ ਕੋਈ ਵਿਅਕਤੀ ਡਾਇਟਿੰਗ ਨਹੀਂ ਕਰ ਰਿਹਾ, ਨਾ ਹੀ ਜਿਮ ਜਾਂ ਵਿਆਯਾਮ ਕਰ ਰਿਹਾ ਹੈ, ਰੋਜ਼ਾਨਾ ਦੀ ਰੁਟੀਨ ਵੀ ਪਹਿਲਾਂ ਵਾਂਗ ਹੀ ਹੈ ਅਤੇ ਕੋਈ ਹੋਰ ਬਿਮਾਰੀ ਜਿਵੇਂ ਥਾਇਰਾਇਡ ਆਦਿ ਨਹੀਂ ਹੈ, ਫਿਰ ਵੀ ਵਜ਼ਨ ਘਟ ਰਿਹਾ ਹੈ, ਤਾਂ ਇਹ ਚਿੰਤਾ ਦਾ ਵਿਸ਼ਾ ਹੋ ਸਕਦਾ ਹੈ। ਇਹ ਲੱਛਣ ਖ਼ਾਸ ਕਰਕੇ ਪੇਟ, ਫੇਫੜਿਆਂ ਅਤੇ ਅਗਨਾਸ਼ੇ (ਪੈਨਕ੍ਰੀਅਸ) ਦੇ ਕੈਂਸਰ ਵਿੱਚ ਅਕਸਰ ਵੇਖਿਆ ਜਾਂਦਾ ਹੈ।

ਲਗਾਤਾਰ ਥਕਾਵਟ ਅਤੇ ਕਮਜ਼ੋਰੀ

ਜੇਕਰ ਨੀਂਦ ਪੂਰੀ ਲੈਣ ਅਤੇ ਖੁਰਾਕ ਠੀਕ ਹੋਣ ਦੇ ਬਾਵਜੂਦ ਵੀ ਸਰੀਰ ਵਿੱਚ ਬਹੁਤ ਜ਼ਿਆਦਾ ਥਕਾਵਟ ਮਹਿਸੂਸ ਹੁੰਦੀ ਰਹੇ ਅਤੇ ਆਰਾਮ ਕਰਨ ਤੋਂ ਬਾਅਦ ਵੀ ਕਮਜ਼ੋਰੀ ਦੂਰ ਨਾ ਹੋਵੇ, ਤਾਂ ਇਹ ਕੈਂਸਰ ਦਾ ਸੰਕੇਤ ਹੋ ਸਕਦਾ ਹੈ। ਡਾਕਟਰ ਦੱਸਦੇ ਹਨ ਕਿ ਇਹ ਲੱਛਣ ਖ਼ਾਸ ਤੌਰ ਤੇ ਬਲੱਡ ਕੈਂਸਰ ਵਿੱਚ ਪਾਏ ਜਾਂਦੇ ਹਨ। ਇਸਦੇ ਨਾਲ ਹੀ ਜੇ ਸਰੀਰ ਦੇ ਕਿਸੇ ਹਿੱਸੇ ਵਿੱਚ ਦਰਦ ਲਗਾਤਾਰ ਬਣਿਆ ਰਹੇ ਅਤੇ ਦਵਾਈ ਜਾਂ ਆਰਾਮ ਨਾਲ ਵੀ ਘੱਟ ਨਾ ਹੋਵੇ, ਤਾਂ ਇਸਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ।

ਇਹ ਵੀ ਪੜ੍ਹੋ

ਕੀ ਹੈ ਪਤੰਜਲੀ ਇਮਿਊਨੋਚਾਰਜ ? ਕਿਵੇਂ ਕਰਦਾ ਹੈ ਕੰਮ

ਕੀ ਹੈ ਪਤੰਜਲੀ ਲੋਹਾਸਵ ਸਿਰਪ? ਕਿਵੇਂ ਕਰਦਾ ਹੈ ਕੰਮ, ਸਵਾਮੀ ਰਾਮਦੇਵ ਤੋਂ ਜਾਣੋ

ਕੈਂਸਰ ਦਾ ਵੱਧਦ ਖਤਰਾ... ਆਯੁਰਵੇਦ ਕਿੰਨਾ ਫਾਇਦੇਮੰਦ? ਸਵਾਮੀ ਰਾਮਦੇਵ ਨੇ ਦੱਸਿਆ

ਸਕਿਨ ਵਿੱਚ ਅਸਧਾਰਣ ਬਦਲਾਅ

ਚਮੜੀ ਵਿੱਚ ਹੋਣ ਵਾਲੇ ਕੁਝ ਬਦਲਾਅ ਵੀ ਕੈਂਸਰ ਦੇ ਸ਼ੁਰੂਆਤੀ ਲੱਛਣ ਹੋ ਸਕਦੇ ਹਨ। ਜਿਵੇਂ ਸਰੀਰ ਤੇ ਗਾਂਠ ਬਣ ਜਾਣਾ, ਤਿਲ ਦੇ ਰੰਗ ਜਾਂ ਆਕਾਰ ਵਿੱਚ ਬਦਲਾਅ ਆਉਣਾ, ਜਾਂ ਚਮੜੀ ਤੇ ਬਣਿਆ ਕੋਈ ਜ਼ਖ਼ਮ ਲੰਬੇ ਸਮੇਂ ਤੱਕ ਠੀਕ ਨਾ ਹੋਣਾ। ਇਸ ਤੋਂ ਇਲਾਵਾ ਮਲ ਦੇ ਰਸਤੇ ਖੂਨ ਆਉਣਾ, ਮੂੰਹ ਵਿੱਚ ਛਾਲੇ ਜੋ ਜਲਦੀ ਠੀਕ ਨਾ ਹੋਣ, ਵਾਰ-ਵਾਰ ਕਬਜ਼ ਦੀ ਸਮੱਸਿਆ, ਜਾਂ ਲਗਾਤਾਰ ਪਚਨ ਸੰਬੰਧੀ ਦਿੱਕਤਾਂ ਰਹਿਣਾ ਵੀ ਕੈਂਸਰ ਦੇ ਸੰਕੇਤ ਹੋ ਸਕਦੇ ਹਨ।

ਡਾ. ਰੋਹਿਤ ਕਪੂਰ ਇਹ ਵੀ ਸਪੱਸ਼ਟ ਕਰਦੇ ਹਨ ਕਿ ਹਰ ਲੱਛਣ ਦਾ ਮਤਲਬ ਕੈਂਸਰ ਨਹੀਂ ਹੁੰਦਾ, ਪਰ ਜੇ ਇਹ ਸਮੱਸਿਆਵਾਂ ਇੱਕ ਮਹੀਨੇ ਤੋਂ ਵੱਧ ਸਮੇਂ ਤੱਕ ਬਣੀਆਂ ਰਹਿਣ, ਤਾਂ ਬਿਨਾਂ ਦੇਰੀ ਕੀਤੇ ਡਾਕਟਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।

ਕੈਂਸਰ ਤੋਂ ਬਚਾਅ ਲਈ ਕੀ ਕਰੀਏ

ਮਾਹਿਰਾਂ ਮੁਤਾਬਕ, ਕੁਝ ਸਧਾਰਣ ਆਦਤਾਂ ਅਪਣਾ ਕੇ ਕੈਂਸਰ ਦੇ ਖ਼ਤਰੇ ਨੂੰ ਕਾਫ਼ੀ ਹੱਦ ਤੱਕ ਘਟਾਇਆ ਜਾ ਸਕਦਾ ਹੈ।

ਸੰਤੁਲਿਤ ਅਤੇ ਪੌਸ਼ਟਿਕ ਖੁਰਾਕ ਲਵੋ

ਹਰ ਰੋਜ਼ ਨਿਯਮਿਤ ਵਿਆਯਾਮ ਕਰੋ

ਮਾਨਸਿਕ ਤਣਾਅ ਤੋਂ ਦੂਰ ਰਹਿਣ ਦੀ ਕੋਸ਼ਿਸ਼ ਕਰੋ

ਸ਼ਰਾਬ ਅਤੇ ਧੂਮਰਪਾਨ ਤੋਂ ਪੂਰੀ ਤਰ੍ਹਾਂ ਬਚੋ