ਮਹਿੰਗੀਆਂ ਦਵਾਈਆਂ ਨਹੀਂ, ਇਸ ਪੌਦੇ ਨਾਲ ਵੀ ਘੱਟ ਹੋ ਸਕਦੀ ਸਰੀਰ ਵਿੱਚ ਇੰਨਫਲੇਮੇਸ਼ਨ, ਪਤੰਜਲੀ ਦੀ ਰਿਸਰਚ
24 Apr 2025 14:15 PM
Patanjali Research on Inflammation: ਜੇਕਰ ਸਰੀਰ ਵਿੱਚ ਇੰਨਫਲੇਮੇਸ਼ਨ ਲੰਬੇ ਸਮੇਂ ਤੱਕ ਬਣੀ ਰਹੇ, ਤਾਂ ਇਹ ਕਈ ਅੰਗਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ। ਐਲੋਪੈਥੀ ਵਿੱਚ ਇੰਨਫਲੇਮੇਸ਼ਨ ਨੂੰ ਘਟਾਉਣ ਲਈ ਦਵਾਈ ਦਿੱਤੀ ਜਾਂਦੀ ਹੈ। ਪਰ ਬਰਡੌਕ ਪੌਦੇ ਵਿੱਚ ਪਾਇਆ ਜਾਣ ਵਾਲਾ ਆਰਕਟੀਜੇਨਿਨ ਸਰੀਰ ਵਿੱਚੋਂ ਇੰਨਫਲੇਮੇਸ਼ਨ ਨੂੰ ਘਟਾ ਸਕਦਾ ਹੈ। ਇਹ ਦਾਅਵਾ ਪਤੰਜਲੀ ਦੀ ਰਿਸਰਚ ਵਿੱਚ ਕੀਤਾ ਗਿਆ ਹੈ।
ਪਤੰਜਲੀ ਦੀ ਰਿਸਰਚ 'ਚ ਵੱਡਾ ਦਾਅਵਾ
ਇੰਨਫਲੇਮੇਸ਼ਨ (ਸੋਜ) ਸਰੀਰ ਵਿੱਚ ਇੱਕ ਆਮ ਪ੍ਰਕਿਰਿਆ ਹੈ। ਇਹ ਸੱਟ, ਲਾਗ ਜਾਂ ਹੋਰ ਨੁਕਸਾਨ ਕਰਕੇ ਸਰੀਰ ਵਿੱਚ ਹੁੰਦਾ ਹੈ। ਪਰ ਜੇਕਰ ਇੰਨਫਲੇਮੇਸ਼ਨ ਲੰਬੇ ਸਮੇਂ ਤੱਕ ਬਣੀ ਰਹੇ, ਤਾਂ ਇਹ ਖ਼ਤਰਨਾਕ ਹੋ ਸਕਦੀ ਹੈ। ਇਸ ਨਾਲ ਦਿਲ ਦੀ ਬਿਮਾਰੀ ਤੋਂ ਲੈ ਕੇ ਗਠੀਏ ਤੱਕ ਦਾ ਖ਼ਤਰਾ ਹੁੰਦਾ ਹੈ। ਐਲੋਪੈਥੀ ਵਿੱਚ ਸੋਜ ਨੂੰ ਘਟਾਉਣ ਲਈ ਦਵਾਈਆਂ ਦਿੱਤੀਆਂ ਜਾਂਦੀਆਂ ਹਨ। ਹਾਲਾਂਕਿ, ਇਹਨਾਂ ਦੇ ਕਈ ਮਾੜੇ ਪ੍ਰਭਾਵ ਵੀ ਹੋ ਸਕਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਬਰਡੌਕ ਪੌਦੇ ਵਿੱਚ ਪਾਇਆ ਜਾਣ ਵਾਲਾ ਆਰਕਟੀਜੇਨਿਨ ਸਰੀਰ ਵਿੱਚੋਂ ਇੰਨਫਲੇਮੇਸ਼ਨ ਨੂੰ ਵੀ ਘਟਾ ਸਕਦਾ ਹੈ। ਇਹ ਪੌਦਾ ਦੇਸ਼ ਦੇ ਕਈ ਖੇਤਰਾਂ ਵਿੱਚ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਇਹ ਇੰਨਫਲੇਮੇਸ਼ਨ ਕਾਰਨ ਹੋਣ ਵਾਲੀ ਕਿਸੇ ਵੀ ਬਿਮਾਰੀ ਨੂੰ ਵੀ ਕੰਟਰੋਲ ਕਰ ਸਕਦਾ ਹੈ। ਇਹ ਜਾਣਕਾਰੀ ਪਤੰਜਲੀ ਹਰਬਲ ਖੋਜ ਵਿਭਾਗ, ਪਤੰਜਲੀ ਖੋਜ ਸੰਸਥਾ, ਹਰਿਦੁਆਰ ਦੀ ਖੋਜ ਤੋਂ ਸਾਹਮਣੇ ਆਈ ਹੈ।
ਇਹ ਰਿਸਰਚ ਗੈਵਿਨ ਪਬਲਿਸ਼ਰਜ਼ ਜਰਨਲ ਵਿੱਚ ਪ੍ਰਕਾਸ਼ਿਤ ਹੋਈ ਹੈ। ਇਸ ਰਿਸਰਚ ਦੇ ਮੁੱਖ ਖੋਜਕਰਤਾ ਪਤੰਜਲੀ ਦੇ ਆਚਾਰਿਆ ਬਾਲਕ੍ਰਿਸ਼ਨ ਹਨ। ਰਿਸਰਚ ਵਿੱਚ ਦੱਸਿਆ ਗਿਆ ਹੈ ਕਿ ਆਰਕਟੀਜੇਨਿਨ ਇੱਕ ਕੁਦਰਤੀ ਲਿਗਨਿਨ ਮਿਸ਼ਰਣ ਹੈ ਜੋ ਬਹੁਤ ਸਾਰੇ ਪੌਦਿਆਂ ,ਖਾਸ ਕਰਕੇ ਬਰਡੌਕ (Arctium lappa)ਵਿੱਚ ਪਾਇਆ ਜਾਂਦਾ ਹੈ। ਇਸ ਤੋਂ ਇਲਾਵਾ, ਇਹ ਸੌਸਲਸੁਰਿਆ ਇਨਵੋਲੂਕ੍ਰਾਟਾ ਵਰਗੇ ਪੌਦਿਆਂ ਵਿੱਚ ਵੀ ਪਾਇਆ ਜਾਂਦਾ ਹੈ। ਆਰਕਟੀਜੇਨਿਨ ਵਿੱਚ ਐਂਟੀ-ਇੰਫਲੇਮੇਟਰੀ, ਐਂਟੀ-ਵਾਇਰਲ ਗੁਣ ਹੁੰਦੇ ਹਨ। ਇਸ ਵਿੱਚ ਐਂਟੀਆਕਸੀਡੈਂਟ ਗੁਣ ਵੀ ਹੁੰਦੇ ਹਨ ਜੋ ਸਰੀਰ ਵਿੱਚ ਮੌਜੂਦ ਫ੍ਰੀ ਰੈਡੀਕਲਸ ਨੂੰ ਬੇਅਸਰ ਕਰ ਸਕਦੇ ਹਨ ਅਤੇ ਸਰੀਰ ਵਿੱਚ ਸੈੱਲਸ ਨੂੰ ਤੇਜ਼ੀ ਨਾਲ ਵਧਣ ਤੋਂ ਰੋਕ ਸਕਦੇ ਹਨ।
ਇੰਨਫਲੇਮੇਸ਼ਨ ਸਰੀਰ ਲਈ ਕਿਵੇਂ ਖ਼ਤਰਨਾਕ ਹੈ?
ਜੇਕਰ ਸਰੀਰ ਵਿੱਚ ਸੋਜ ਲੰਬੇ ਸਮੇਂ ਤੱਕ ਬਣੀ ਰਹਿੰਦੀ ਹੈ, ਤਾਂ ਇਹ ਗਠੀਆ, ਅਲਜ਼ਾਈਮਰ, ਪਾਰਕਿੰਸਨਸੰਸ, ਦਿਲ ਦੀ ਬਿਮਾਰੀ ਅਤੇ ਨਿਊਰੋ-ਡੀਜਨਰੇਟਿਵ ਡਿਸਆਰਡਰ ਦਾ ਕਾਰਨ ਬਣ ਸਕਦੀ ਹੈ। ਰਿਸਰਚ ਚ ਸਾਹਮਣੇ ਆਇਆ ਹੈ ਕਿ ਆਰਕਟੀਜੇਨਿਨ ਸਰੀਰ ਵਿੱਚ NF-κB ਨੂੰ ਰੋਕਦਾ ਹੈ, ਜਿਸ ਨਾਲ ਸੋਜ ਘੱਟ ਜਾਂਦੀ ਹੈ। ਆਰਕਟੀਜੇਨਿਨ ਪ੍ਰੋ-ਇਨਫਲੇਮੇਟਰੀ ਸਾਈਟੋਕਾਈਨ ਨੂੰ ਵੀ ਘਟਾਉਂਦਾ ਹੈ। ਇਹ ਆਕਸੀਡੇਟਿਵ ਸਟ੍ਰੈਸ ਨੂੰ ਵੀ ਘੱਟ ਕਰਦਾ ਹੈ। ਇਹ ਕਈ ਤਰ੍ਹਾਂ ਦੇ ਐਨਜ਼ਾਈਮਾਂ ਨੂੰ ਵੀ ਕੰਟਰੋਲ ਕਰਦਾ ਹੈ। ਇਸ ਨਾਲ ਸਰੀਰ ਵਿੱਚ ਇੰਨਫਲੇਮੇਸ਼ਨ ਨੂੰ ਘੱਟ ਹੋਣ ਲੱਗਦੀ ਹੈ। ਇਹ ਕਮੀ ਜੋੜਾਂ ਦੇ ਦਰਦ ਤੋਂ ਰਾਹਤ ਪ੍ਰਦਾਨ ਕਰਦੀ ਹੈ ਅਤੇ ਨਿਊਰੋ-ਡੀਜਨਰੇਟਿਵ ਵਿਕਾਰ ਦੇ ਜੋਖਮ ਨੂੰ ਵੀ ਘਟਾਉਂਦੀ ਹੈ।
ਭਵਿੱਖ ਦੀ ਦਿਸ਼ਾ ਕੀ ਹੈ?
ਰਿਸਰਚ ਵਿੱਚ ਕਿਹਾ ਗਿਆ ਹੈ ਕਿ ਇਹ ਇੱਕ ਸ਼ੁਰੂਆਤੀ ਨਤੀਜਾ ਹੈ। ਇਸ ਵੇਲੇ ਇਹ ਰਿਸਰਚ ਚੂਹਿਆਂ ‘ਤੇ ਕੀਤੀ ਗਈ ਹੈ। ਅਜਿਹੀ ਸਥਿਤੀ ਵਿੱਚ, ਆਰਕਟੀਜੇਨਿਨ ਦੇ ਫਾਇਦਿਆਂ ਬਾਰੇ ਵੱਡੇ ਪੱਧਰ ‘ਤੇ ਕਲੀਨਿਕਲ ਟਰਾਇਲ ਕਰਨ ਦੀ ਜ਼ਰੂਰਤ ਹੈ। ਆਰਕਟੀਜੇਨਿਨ ਦੇ ਫਾਰਮਾਕੋਕਾਇਨੇਟਿਕਸ ‘ਤੇ ਵੀ ਹੋਰ ਰਿਸਰਚ ਦੀ ਲੋੜ ਹੈ। ਇਸਦੇ ਸੁਰੱਖਿਆ ਪ੍ਰੋਫਾਈਲ ਅਤੇ ਮਨੁੱਖਾਂ ਵਿੱਚ ਇਸਦੇ ਪ੍ਰਭਾਵਾਂ ਬਾਰੇ ਹੋਰ ਜਾਣਨ ਦੀ ਲੋੜ ਹੈ।