ਚਾਰ ਸਾਲ ਛੋਟੇ ਸਪਾ ਆਗੂ ਨਾਲ ਸਵਰਾ ਭਾਸਕਰ ਨੇ ਕਰਵਾਇਆ ਵਿਆਹ, 40 ਦਿਨ ਬਾਅਦ ਕੀਤਾ ਖੁਲਾਸਾ

40 ਸਾਲ ਪੁਰਾਣੀ ਮਾਂ ਦੀ ਸਾੜ੍ਹੀ-ਗਹਿਣਿਆਂ 'ਚ ਸਵਰਾ ਨੇ ਕੀਤੀ ਕੋਰਟ ਮੈਰਿਜ, ਹੁਣ ਜਲਦ ਵੱਜੇਗੀ ਸ਼ਹਿਨਾਈ। Swara Bhaskar Fahad Ahmed Wedding Viral Picutres

Swara Bhasker Marriage: ਹਮੇਸ਼ਾ ਕਿਸੇ ਨਾ ਕਿਸੇ ਕਾਰਨ ਸੁਰਖੀਆਂ ‘ਚ ਰਹਿਣ ਵਾਲੀ ਬਾਲੀਵੁੱਡ ਅਦਾਕਾਰਾ ਸਵਰਾ ਭਾਸਕਰ ਨੇ ਵਿਆਹ ਕਰ ਲਿਆ ਹੈ। ਅਦਾਕਾਰਾ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਇੱਕ ਵੀਡੀਓ ਸ਼ੇਅਰ ਕਰਕੇ ਆਪਣੇ ਵਿਆਹ ਦੀ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਦਾ ਵਿਆਹ 6 ਜਨਵਰੀ ਨੂੰ ਹੋਇਆ ਹੈ। ਉਨ੍ਹਾਂ ਦੇ ਪਤੀ ਦਾ ਨਾਂ ਫਹਾਦ ਅਹਿਮਦ ਹੈ। ਫਹਾਦ ਦੇ ਇੰਸਟਾਗ੍ਰਾਮ ਬਾਇਓ ਤੋਂ ਪਤਾ ਚੱਲਦਾ ਹੈ ਕਿ ਉਹ ਸਮਾਜਵਾਦੀ ਪਾਰਟੀ ਨੌਜਵਾਨ ਸਭਾ ਦੇ ਸੂਬਾ ਪ੍ਰਧਾਨ ਹਨ। ਸਵਰਾ ਭਾਸਕਰ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, ”ਕਈ ਵਾਰ ਤੁਸੀਂ ਕਿਸੇ ਚੀਜ ਨੂੰ ਆਪਣੇ ਤੋਂ ਦੂਰ ਖੋਜ ਰਹੇ ਹੁੰਦੇ ਹੋ, ਪਰ ਉਹ ਚੀਜ ਹਮੇਸ਼ਾ ਤੁਹਾਡੇ ਕੋਲ ਹੀ ਹੁੰਦੀ ਹੈ। ਅਸੀਂ ਪਿਆਰ ਦੀ ਤਲਾਸ਼ ਕਰ ਰਹੇ ਸੀ, ਪਰ ਪਹਿਲਾਂ ਅਸੀਂ ਦੋਸਤ ਬਣੇ ਅਤੇ ਫਿਰ ਅਸੀਂ ਦੋਵੇਂ ਇਕ ਦੂਜੇ ਨੂੰ ਮਿੱਲ ਗਏ। ਮੇਰੇ ਦਿਲ ਵਿੱਚ ਤੁਹਾਡਾ ਸੁਆਗਤ ਹੈ ਫਹਿਦ ਅਹਿਮਦ। ਇਹ ਅਰਾਜਕ ਹੈ, ਪਰ ਇਹ ਤੁਹਾਡਾ ਹੈ।” ਅਦਾਕਾਰਾ ਨੇ ਰੈੱਡ ਹਾਰਟ ਇਮੋਜੀ ਨੂੰ ਵੀ ਡਰਾਪ ਕੀਤਾ ਹੈ।

40 ਦਿਨਾਂ ਬਾਅਦ ਕੀਤਾ ਖੁਲਾਸਾ

ਸਵਰਾ ਨੇ ਫਹਿਦ ਨਾਲ ਕੋਰਟ ਮੈਰਿਜ ਕੀਤੀ ਹੈ। ਦੋਹਾਂ ਨੇ 6 ਜਨਵਰੀ ਨੂੰ ਵਿਆਹ ਕਰਵਾਇਆ ਸੀ, ਜਿਸਦਾ ਖੁਲਾਸਾ ਹੁਣ ਸਵਰਾ ਨੇ ਲਗਭਗ 40 ਦਿਨਾਂ ਬਾਅਦ ਕੀਤਾ ਹੈ। ਅਚਾਨਕ ਵਿਆਹ ਦੀਆਂ ਖਬਰਾਂ ਨੂੰ ਲੈ ਕੇ ਸਵਰਾ ਚਰਚਾ ‘ਚ ਆ ਗਈ ਹੈ।

ਪ੍ਰੋਟੈਸਟ ‘ਚ ਹੋਈ ਸੀ ਪ੍ਰੇਮ ਕਹਾਣੀ ਦੀ ਸ਼ੁਰੂਆਤ

ਸਵਰਾ ਨੇ ਜੋ ਵੀਡੀਓ ਸ਼ੇਅਰ ਕੀਤੀ ਹੈ ਉਸ ‘ਚ ਉਸ ਦੇ ਅਤੇ ਫਹਿਦ ਦੋਵਾਂ ਦੀ ਵੀਡੀਓ ਕਲਿੱਪ ਚੱਲ ਰਹੀ ਹਨ। ਦੋਵੇਂ ਪ੍ਰੋਟੈਸਟ ‘ਚ ਭਾਸ਼ਣ ਦਿੰਦੇ ਨਜਰ ਆ ਰਹੇ ਹਨ। ਵੀਡੀਓ ਮੁਤਾਬਕ ਦੋਵਾਂ ਦੀ ਲਵ ਸਟੋਰੀ ਪ੍ਰੋਟੈਸਟ ਦੌਰਾਨ ਹੀ ਸ਼ੁਰੂ ਹੋਈ ਸੀ। ਵੀਡੀਓ ‘ਚ ਅੱਗੇ ਦੇਖਿਆ ਜਾ ਸਕਦਾ ਹੈ ਕਿ ਵਟਸਐਪ ਰਾਹੀਂ ਫਹਿਦ ਸਵਰਾ ਨੂੰ ਮਾਰਚ 2020 ‘ਚ ਆਪਣੀ ਭੈਣ ਦੇ ਵਿਆਹ ‘ਚ ਸ਼ਾਮਲ ਹੋਣ ਲਈ ਸੱਦਾ ਦਿੰਦਾ ਹੈ। ਜਿਸ ‘ਤੇ ਸਵਰਾ ਕਹਿੰਦੀ ਹੈ, ”ਯਾਰ ਮੈਂ ਬੇਵੱਸ ਹਾਂ, ਮੈਂ ਸ਼ੂਟ ਤੋਂ ਨਹੀਂ ਨਿਕਲ ਸਕਾਂਗੀ। ਇਸ ਵਾਰ ਮਾਫ ਕਰੋ ਦੋਸਤ। ਸੌਂਹ ਹੈ ਤੁਹਾਡੇ ਵਿਆਹ ਵਿੱਚ ਮੈਂ ਜਰੂਰ ਆਵਾਂਗੀ। ਪਰ ਹੁਣ ਸਵਰਾ ਨੇ ਫਹਿਦ ਨਾਲ ਹੀ ਵਿਆਹ ਕਰਵਾ ਲਿਆ ਹੈ।