Rajpal Yadav: ਤਿਹਾੜ ਜੇਲ੍ਹ ਤੋਂ ਰਿਹਾਅ ਹੋਏ ਐਕਟਰ ਰਾਜਪਾਲ ਯਾਦਵ, ਕੋਰਟ ਨੇ ਦਿੱਤੀ ਸੀ ਅੰਤਰਿਮ ਜ਼ਮਾਨਤ
Rajpal Yadav Out from Tihar Jail: ਦਿੱਲੀ ਹਾਈ ਕੋਰਟ ਨੇ ਚੈੱਕ ਬਾਊਂਸ ਮਾਮਲੇ ਦੀ ਸੁਣਵਾਈ ਕਰਦਿਆਂ ਬਾਲੀਵੁੱਡ ਅਦਾਕਾਰ ਰਾਜਪਾਲ ਯਾਦਵ ਨੂੰ ਅੰਤਰਿਮ ਜ਼ਮਾਨਤ ਦੇ ਦਿੱਤੀ ਸੀ। ਜਿਸਤੋਂ ਬਾਅਦ ਐਕਟਰ ਮੰਗਲਵਾਰ ਸ਼ਾਮ ਨੂੰ ਤਿਹਾੜ ਜੇਲ੍ਹ ਤੋਂ ਰਿਹਾਅ ਹੋ ਗਏ।
ਬਾਲੀਵੁੱਡ ਅਦਾਕਾਰ ਰਾਜਪਾਲ ਯਾਦਵ ਦੇ ਪਰਿਵਾਰ ਅਤੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਰਾਹਤ ਆਈ ਹੈ। ਅਦਾਕਾਰ ਨੂੰ ਕੱਲ੍ਹ ਅਦਾਲਤ ਵੱਲੋਂ ਅੰਤਰਿਮ ਜ਼ਮਾਨਤ ਦਿੱਤੀ ਗਈ ਸੀ। ਅੱਜ, ਉਨ੍ਹਾਂ ਨੂੰ ਤਿਹਾੜ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਗਿਆ ਹੈ। ਬਾਲੀਵੁੱਡ ਅਦਾਕਾਰ ਰਾਜਪਾਲ ਯਾਦਵ ਚੈੱਕ ਬਾਊਂਸ ਮਾਮਲੇ ਵਿੱਚ ਕਈ ਦਿਨਾਂ ਤੋਂ ਤਿਹਾੜ ਜੇਲ੍ਹ ਵਿੱਚ ਕੈਦ ਸਨ।
ਸੋਮਵਾਰ, 16 ਫਰਵਰੀ ਨੂੰ, ਦਿੱਲੀ ਹਾਈ ਕੋਰਟ ਨੇ ਰਾਜਪਾਲ ਯਾਦਵ ਨੂੰ 18 ਮਾਰਚ ਤੱਕ ਅੰਤਰਿਮ ਜ਼ਮਾਨਤ ਦੇ ਦਿੱਤੀ। ਹਾਲਾਂਕਿ, ਰਾਜਪਾਲ ਦਾ ਪਾਸਪੋਰਟ ਅਦਾਲਤ ਵਿੱਚ ਜਮ੍ਹਾ ਕਰ ਦਿੱਤਾ ਗਿਆ ਹੈ, ਜਿਸਦਾ ਮਤਲਬ ਹੈ ਕਿ ਅਦਾਕਾਰ ਇਸ ਦੌਰਾਨ ਦੇਸ਼ ਤੋਂ ਬਾਹਰ ਯਾਤਰਾ ਨਹੀਂ ਕਰ ਸਕਦੇ। ਇਸ ਤੋਂ ਇਲਾਵਾ, ਅਗਲੇ ਹੁਕਮਾਂ ਤੱਕ ਉਨ੍ਹਾਂਦੀ ਸਜ਼ਾ ‘ਤੇ ਰੋਕ ਲਗਾ ਦਿੱਤੀ ਗਈ ਹੈ।
ਕੀ ਸੀ ਮਾਮਲਾ?
ਰਾਜਪਾਲ ਯਾਦਵ ਨੇ ਆਪਣੀ ਫਿਲਮ “ਅਤਾ ਪਤਾ ਲਾਪਤਾ” ਲਈ ਇੱਕ ਕੰਪਨੀ ਤੋਂ 5 ਕਰੋੜ ਦਾ ਕਰਜ਼ਾ ਲਿਆ ਸੀ, ਅਤੇ ਕਰਜ਼ਾ ਵਾਪਸ ਕਰਨ ਵਿੱਚ ਅਸਮਰੱਥਾ ਕਾਰਨ, ਅਦਾਕਾਰ ਸਲਾਖਾਂ ਪਿੱਛੇ ਪਹੁੰਚ ਗਏ ਸਨ। ਹਾਲਾਂਕਿ, ਹੁਣ ਉਨ੍ਹਾਂ ਨੂੰ ਕੁਝ ਰਾਹਤ ਮਿਲੀ ਹੈ। ਸੋਮਵਾਰ ਨੂੰ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ, ਦਿੱਲੀ ਹਾਈ ਕੋਰਟ ਨੇ ਅਦਾਕਾਰ ਨੂੰ ਅੰਤਰਿਮ ਜ਼ਮਾਨਤ ਦੇ ਦਿੱਤੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਅੱਜ ਤਿਹਾੜ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਗਿਆ।
ਰਾਜਪਾਲ ਨੇ ਕੀ ਕਿਹਾ?
ਜੇਲ੍ਹ ਤੋਂ ਰਿਹਾਅ ਹੋਣ ਤੋਂ ਬਾਅਦ, ਅਦਾਕਾਰ ਰਾਜਪਾਲ ਯਾਦਵ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਕਿਹਾ, “ਜੇਕਰ ਤੁਹਾਨੂੰ ਕਿਸੇ ਕਾਨੂੰਨੀ ਜਾਣਕਾਰੀ ਦੀ ਲੋੜ ਹੈ, ਤਾਂ ਤੁਸੀਂ ਸਾਡੇ ਵਕੀਲ ਤੋਂ ਪ੍ਰਾਪਤ ਕਰ ਸਕਦੇ ਹੋ। ਬਾਕੀ ਮੈਂ ਇਹ ਕਹਿਣਾ ਚਾਹਾਂਗਾ ਕਿ ਮੈਂ ਬਾਲੀਵੁੱਡ ਵਿੱਚ 30 ਸਾਲਾਂ ਤੋਂ ਹਾਂ। ਪੂਰੇ ਦੇਸ਼ ਦਾ ਹਰ ਬੱਚਾ ਮੇਰੇ ਨਾਲ ਖੜ੍ਹਾ ਸੀ, ਤਾਂ ਹੀ ਮੈਂ 250 ਫਿਲਮਾਂ ਕਰ ਸਕਿਆ ਹਾਂ। ਇਹ ਕਹਾਣੀ 2012-13 ਵਿੱਚ ਸ਼ੁਰੂ ਹੋਈ ਸੀ। ਭਾਰਤੀ ਸਿਨੇਮਾ, ਜਵਾਨ ਅਤੇ ਬੁਜੁਰੱਗ, ਮੇਰੇ ਕਲੇਜੇ ਦਾ ਇੱਕ ਟੁਕੜਾ ਹੈ; ਸਾਰੇ ਮੇਰੇ ਨਾਲ ਸਨ। ਪੂਰਾ ਦੇਸ਼ ਮੇਰੇ ਨਾਲ ਸੀ।”
#WATCH | Delhi: Actor Rajpal Yadav from Tihar Jail after he was granted interim bail in a cheque bounce case by the High Court
He says, “I will complete 30 years in Bollywood in Mumbai in 2027. People from all over the country, children, old and young, are with me… The way the pic.twitter.com/Zg1sYtzB0q — ANI (@ANI) February 17, 2026ਇਹ ਵੀ ਪੜ੍ਹੋ
ਬਚਪਨ ਤੋਂ ਲੈ ਕੇ ਪਚਪਨ ਤੱਕ ਸਾਰੇ ਮੇਰੇ ਨਾਲ ਸੀ
ਰਾਜਪਾਲ ਨੇ ਅੱਗੇ ਕਿਹਾ, “ਜਦੋਂ ਵੀ ਹਾਈ ਕੋਰਟ ਨੇ ਮੈਨੂੰ ਬੁਲਾਇਆ, ਮੈਂ ਹਾਜ਼ਰ ਹੋਇਆ। ਭਵਿੱਖ ਵਿੱਚ ਜਿੱਥੇ ਵੀ ਹੁਕਮ ਹੋਣਗੇ, ਮੈਂ ਮੌਜੂਦ ਰਹਾਂਗਾ। ਮੈਂ ਕਾਨੂੰਨੀ ਸ਼ਰਤਾਂ ਦੀ ਵਿਆਖਿਆ ਨਹੀਂ ਕਰ ਸਕਦਾ। ਜਿਹੜੇ ਲੋਕ ਸੋਸ਼ਲ ਮੀਡੀਆ ‘ਤੇ ਨਹੀਂ ਹਨ, ਉਹ ਵੀ ਮੇਰੇ ਨਾਲ ਖੜ੍ਹੇ ਰਹੇ। ਸਾਡੇ ਆਪਣੇ ਆਪਸੀ ਤਾਲਮੇਲ ਹੋ ਸਕਦੇ ਹਨ, ਪਰ ਬਾਕੀਆਂ ਨਾਲ, ਸਾਡਾ ਰਿਸ਼ਤਾ ਮਨੋਰੰਜਨ ਦਾ ਹੈ। ਜਿਸ ਤਰ੍ਹਾਂ ਬਾਲੀਵੁੱਡ ਮੈਨੂੰ ਪਿਆਰ ਕਰਦਾ ਹੈ। ਜੇਕਰ ਮੇਰੇ ‘ਤੇ ਕੋਈ ਆਰੋਪ ਹਨ, ਤਾਂ ਮੈਂ ਹਰ ਜਗ੍ਹਾ ਖੜ੍ਹਾ ਹਾਂ। ਹਾਈ ਕੋਰਟ, ਮੇਰੀ ਗੱਲ ਸੁਣਨ ਲਈ ਤੁਹਾਡਾ ਧੰਨਵਾਦ।”
