ਮਨੋਰੰਜਨ ਨਿਊਜ਼। ਸਾਊਥ ਦੇ ਸੁਪਰਸਟਾਰ ਰਰਜਨੀਕਾਂਤ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ ‘ਜੇਲਰ’ ਨੂੰ ਲੈ ਕੇ ਕਾਫੀ ਚਰਚਾ ਵਿੱਚ ਹਨ। ਸਟਾਰ ਰਜਨੀਕਾਂਤ ਦੀ ਹਰ ਫਿਲਮ ਦਾ ਇੰਤਜ਼ਾਰ ਉਨ੍ਹਾਂ ਦੇ ਫੈਨਜ਼ ਬਹੁਤ ਹੀ ਬੇਸਬਰੀ ਨਾਲ ਕਰਦੇ ਹਨ। ‘ਜੇਲਰ’ ‘ਚ ਇੱਕ ਵਾਰ ਮੁੜ ਰਜਨੀਕਾਂਤ ਦਾ ਐਕਸ਼ਨ ਅਵਤਾਰ ਦੇਖਣ ਨੂੰ ਮਿਲੇਗਾ। ਇਸ ਦਾ ਅੰਦਾਜ਼ਾ ਤੁਸੀਂ ਫਿਲਮ ਦੇ ਨਵੇਂ ਗੀਤ ਦੇ ਟੀਜ਼ਰ ਤੋਂ ਲਗਾ ਸਕਦੇ ਹੋ। ‘ਜੇਲਰ’ ਦੇ ਨਵੇਂ ਗੀਤ ‘ਹੁਕੁਮ’ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ।
ਨਵੇਂ ਗੀਤ ‘ਹੁਕੁਮ’ ਦਾ ਟੀਜ਼ਰ ਰਿਲੀਜ਼
ਰਜਨੀਕਾਂਤ ਦੀ ਫਿਲਮ ਦੇ ਗੀਤ ਦੇ ਇਸ ਟੀਜ਼ਰ ‘ਤੇ ਜਨਤਾ ਆਪਣਾ ਪਿਆਰ ਦਿਖਾ ਰਹੀ ਹੈ। ਟੀਜ਼ਰ ‘ਚ ਰਜ਼ਨੀਕਾਂਤ ਐਕਸ਼ਨ ਕਰਦੇ ਨਜ਼ਰ ਆ ਰਹੇ ਹਨ। ਹੱਥਾਂ ‘ਚ ਬੰਦੂਕ ਲੈ ਕੇ ਰਜਨੀਕਾਂਤ ਦਾ ਸਵੈਗ ਦੇਖਣ ਯੋਗ ਹੈ। ਨੈਲਸਨ ਦਿਲੀਪਕੁਮਾਰ ਨਾਲ ਰਜਨੀਕਾਂਤ ਦੀ ਫਿਲਮ ‘ਜੇਲਰ’ ਇਸ ਸਾਲ ਦੀ ਸਭ ਤੋਂ ਉਡੀਕੀ ਜਾਣ ਵਾਲੀਆਂ ਫਿਲਮਾਂ ‘ਚੋਂ ਇਕ ਹੈ।
ਰਜਨੀਕਾਂਤ ਥਲਾਈਵਾ ਦੀ ਝਲਕ ਤੋਂ ਲੈ ਕੇ ਹੁਣ ਤੱਕ ਕਈ ਪ੍ਰੋਮੋਜ਼ ‘ਚ ਨਜ਼ਰ ਆ ਚੁੱਕੇ ਹਨ। ਸਾਊਥ ਮੈਗਾਸਟਾਰ ਨੇ ਆਪਣੇ ਪ੍ਰਸ਼ੰਸਕਾਂ ‘ਚ ਖਲਬਲੀ ਮਚਾ ਦਿੱਤੀ ਹੈ।
ਇਹ ਫਿਲਮ ਦਾ ਦੂਜਾ ਗੀਤ ਹੋਣ ਵਾਲਾ ਹੈ। ਇਸ ਦਾ ਸੰਗੀਤ ਨਿਰਦੇਸ਼ਕ ਅਨਿਰੁਧ ਰਵੀਚੰਦਰ ਨੇ ਦਿੱਤਾ ਹੈ। ‘ਜੇਲਰ’ ਨੈਲਸਨ ਦਿਲੀਪਕੁਮਾਰ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਇੱਕ ਸੰਪੂਰਨ ਐਕਸ਼ਨ ਮਨੋਰੰਜਨ ਫਿਲਮ ਹੈ। ਫਿਲਮ ‘ਚ ਰਜਨੀਕਾਂਤ ਮੁੱਖ ਭੂਮਿਕਾ ‘ਚ ਹਨ। ਇਸ ਦੇ ਨਾਲ ਹੀ ਫਿਲਮ ‘ਚ ਜੈਕੀ ਸ਼ਰਾਫ, ਰਾਮਿਆ ਕ੍ਰਿਸ਼ਨਨ, ਤਮੰਨਾ ਅਤੇ ਵਿਨਾਇਕਨ ਵੀ ਨਜ਼ਰ ਆਉਣ ਵਾਲੇ ਹਨ।
ਫਿਲਮ ‘ਚ ਮੋਹਨ ਲਾਲ ਕੈਮਿਓ ਕਰਨ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਫਿਲਮ ‘ਚ ਸ਼ਿਵ ਰਾਜਕੁਮਾਰ ਵੀ ਕੈਮਿਓ ਰੋਲ ਨਿਭਾਉਣਗੇ।
17 ਜੁਲਾਈ ਨੂੰ ਰਿਲੀਜ਼ ਹੋਵੇਗਾ ਪੂਰਾ ਗੀਤ
ਪੂਰਾ ਗੀਤ 17 ਜੁਲਾਈ ਨੂੰ ਰਿਲੀਜ਼ ਹੋਵੇਗਾ। ਟੀਜ਼ਰ ‘ਚ ਰਜਨੀਕਾਂਤ ਜੇਲ ਤੋਂ ਬਾਹਰ ਆਉਂਦੇ ਨਜ਼ਰ ਆ ਰਹੇ ਹਨ। ਜਿਸ ਤੋਂ ਬਾਅਦ ਧਿਆਨ ਰਿਵਾਲਵਰ ‘ਤੇ ਹੈ। ਫਿਰ ਰਜਨੀਕਾਂਤ ਦੇ ਹੱਥ ਵਿੱਚ ਇੱਕ ਬੰਦੂਕ ਵੀ ਦਿਖਾਈ ਦਿੰਦੀ ਹੈ। ਟੀਜ਼ਰ ਤੋਂ ਇੱਕ ਗੱਲ ਸਾਫ਼ ਹੈ ਕਿ ਜੇਲ੍ਹਰ ਵਿੱਚ ਕਾਫੀ ਫਾਇਰਿੰਗ ਹੋਣ ਵਾਲੀ ਹੈ। ਦੱਸ ਦਈਏ ਕਿ ਇਸ ਫਿਲਮ ਦੀ ਸ਼ੂਟਿੰਗ ਕੇਰਲ ਅਤੇ ਹੈਦਰਾਬਾਦ ‘ਚ ਕੀਤੀ ਗਈ ਹੈ। ਪੂਰੀ ਫਿਲਮ ਦੀ ਸ਼ੂਟਿੰਗ ਤਿੰਨ ਜੇਲ੍ਹਾਂ ਦੇ ਅੰਦਰ ਕੀਤੀ ਗਈ ਹੈ। ਸੁਪਰਸਟਾਰ ਰਜਨੀਕਾਂਤ ਦਾ ਕਿਰਦਾਰ ਫਿਲਮ ਦੇ ਨਾਂ ‘ਤੇ ਆਧਾਰਿਤ ਹੈ। ਫਿਲਮ ‘ਚ ਅਭਿਨੇਤਾ ਜੇਲ੍ਹਰ ਬਣੇ ਹਨ।
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼,ਮਨੋਰੰਜਨ ਦੀ ਖਬਰ,ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼,ਪਾਕਿਸਤਾਨ ਦਾ ਹਰ ਅਪਡੇਟ,ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ
