ਮੇਰਾ ਦਿਨ ਬਹੁਤ ਬੋਰਿੰਗ ਹੁੰਦਾ ਹੈ, ਮੈਂ ਕੱਛੂਕੁਮੇ ਵਾਂਗ ਹਾਂ… News9 Global Summit ਵਿੱਚ ਬੋਲੀ ਨਰਗਿਸ ਫਾਖਰੀ

News9 Global Summit : ਨਰਗਿਸ ਫਾਖਰੀ, ਜੋ ‘ਰੌਕਸਟਾਰ’, ‘ਮੈਂ ਤੇਰਾ ਹੀਰੋ’, ‘ਹਾਊਸਫੁੱਲ 5’ ਸਮੇਤ ਕਈ ਵੱਡੀਆਂ ਬਾਲੀਵੁੱਡ ਫਿਲਮਾਂ ਦਾ ਹਿੱਸਾ ਰਹਿ ਚੁੱਕੀ ਹੈ, ਉਹਨਾਂ ਨੇ ਦੇਸ਼ ਦੇ ਸਭ ਤੋਂ ਵੱਡੇ ਨਿਊਜ਼ ਨੈੱਟਵਰਕ TV9 ਦੇ ਨਿਊਜ਼ ਗਲੋਬਲ ਸੰਮੇਲਨ ਵਿੱਚ ਸ਼ਿਰਕਤ ਕੀਤੀ। ਇੱਥੇ ਉਹਨਾਂ ਨੇ ਆਪਣੇ ਕਰੀਅਰ ਤੋਂ ਲੈ ਕੇ ਆਪਣੇ ਰੋਜ਼ਾਨਾ ਦੇ ਰੁਟੀਨ ਤੱਕ ਬਹੁਤ ਸਾਰੀਆਂ ਚੀਜ਼ਾਂ ਬਾਰੇ ਗੱਲ ਕੀਤੀ। ਨਰਗਿਸ ਤੋਂ ਪੁੱਛਿਆ ਗਿਆ ਕਿ ਉਹਨਾਂ ਨੂੰ ਆਪਣੇ ਦਿਨ ਦਾ ਸਭ ਤੋਂ ਵਧੀਆ ਹਿੱਸਾ ਕੀ ਲੱਗਦਾ ਹੈ? ਜਿਸ ‘ਤੇ ਨਰਗਿਸ ਨੇ ਅੱਗੇ ਦੱਸਿਆ ਕਿ ਜਦੋਂ ਉਹ ਕੰਮ ਨਹੀਂ ਕਰਦੀ ਤਾਂ ਉਸਦਾ ਦਿਨ ਕਿਵੇਂ ਬੀਤਦਾ ਹੈ।

ਨਰਗਿਸ ਨੇ ਕਿਹਾ, “ਮੇਰਾ ਦਿਨ ਕਾਫ਼ੀ ਬੋਰਿੰਗ ਹੁੰਦਾ ਹੈ ਕਿਉਂਕਿ ਮੈਨੂੰ ਲੱਗਦਾ ਹੈ ਕਿ ਜਦੋਂ ਮੈਂ ਕੰਮ ਕਰਦੀ ਹਾਂ, ਤਾਂ ਮੈਂ ਬਹੁਤ ਸਾਰੇ ਲੋਕਾਂ ਨਾਲ ਘਿਰੀ ਰਹਿੰਦੀ ਹਾਂ। ਮੈਂ ਹਮੇਸ਼ਾ ਯਾਤਰਾ ਕਰਦੀ ਰਹਿੰਦੀ ਹਾਂ, ਲੋਕਾਂ ਨਾਲ ਗੱਲਾਂ ਕਰਦੀ ਰਹਿੰਦੀ ਹਾਂ। ਪਰ ਜਦੋਂ ਮੈਂ ਛੁੱਟੀਆਂ ‘ਤੇ ਹੁੰਦੀ ਹਾਂ, ਤਾਂ ਮੈਂ ਹੌਲੀ ਹੁੰਦੀ ਹਾਂ। ਮੈਂ ਕੱਛੂ ਵਾਂਗ ਹੌਲੀ ਹੋ ਜਾਂਦੀ ਹਾਂ।”

ਇਸ ਤਰ੍ਹਾਂ ਬੀਤਦਾ ਹੈ ਨਰਗਿਸ ਦਾ ਦਿਨ

ਨਰਗਿਸ ਨੇ ਅੱਗੇ ਕਿਹਾ, “ਮੈਂ ਸਵੇਰੇ ਜਲਦੀ ਉੱਠਦੀ ਹਾਂ। ਫਿਰ ਮੈਂ ਹੌਲੀ-ਹੌਲੀ ਆਪਣੀ ਰਸੋਈ ਵਿੱਚ ਮਸਾਲਾ ਚਾਹ ਬਣਾਉਣ ਜਾਂਦੀ ਹਾਂ। ਮੈਂ ਉੱਥੇ ਚਾਹ ਨੂੰ ਉਬਲਦੇ ਹੋਏ ਦੇਖਦੀ ਹਾਂ। ਫਿਰ ਮੈਂ ਬਾਲਕੋਨੀ ਵਿੱਚ ਬੈਠਦੀ ਹਾਂ ਅਤੇ ਬਾਹਰ ਵਾਲੀ ਜਗ੍ਹਾ ਨੂੰ ਦੇਖਦੀ ਰਹਿੰਦੀ ਹਾਂ। ਅਤੇ ਇਸ ਤਰ੍ਹਾਂ ਦਿਨ ਬੀਤਦਾ ਹੈ।”

ਨਰਗਿਸ ਨੇ 2011 ਵਿੱਚ ਨਿਰਦੇਸ਼ਕ ਇਮਤਿਆਜ਼ ਅਲੀ ਦੀ ਫਿਲਮ ‘ਰੌਕਸਟਾਰ’ ਨਾਲ ਬਾਲੀਵੁੱਡ ਵਿੱਚ ਆਪਣਾ ਡੈਬਿਊ ਕੀਤਾ ਸੀ, ਜਿਸ ਵਿੱਚ ਉਹ ਰਣਬੀਰ ਕਪੂਰ ਨਾਲ ਨਜ਼ਰ ਆਈ ਸੀ। ਫਿਲਮ ਵਿੱਚ ਦੋਵਾਂ ਦੀ ਜੋੜੀ ਨੂੰ ਬਹੁਤ ਪਸੰਦ ਕੀਤਾ ਗਿਆ ਸੀ। ਨਰਗਿਸ ਨੇ ਸਮਿਟ ਨੂੰ ਦੱਸਿਆ ਕਿ ਉਹਨਾਂ ਨੇ ਨਹੀਂ ਸੋਚਿਆ ਸੀ ਕਿ ਉਹ ‘ਰੌਕਸਟਾਰ’ ਤੋਂ ਬਾਅਦ ਫਿਲਮੀ ਦੁਨੀਆ ਵਿੱਚ ਵਾਪਸ ਆ ਸਕੇਗੀ। ਪਰ ਉਹ ਖੁਸ਼ਕਿਸਮਤ ਸੀ। ਉਹਨਾਂ ਨੂੰ ‘ਡਿਸ਼ੂਮ’, ‘ਮਦਰਾਸ ਕੈਫੇ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਮਿਲਿਆ ਅਤੇ ਉਹ ਇਹ ਕਰਦੀ ਰਹੀ।

ਇਹ ਸਿਤਾਰੇ ਵੀ ਨਿਊਜ਼9 ਸਮਿਟ ਦਾ ਹਿੱਸਾ ਹਨ

ਨਿਊਜ਼9 ਗਲੋਬਲ ਸਮਿਟ ਦੁਬਈ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਵਿਵੇਕ ਓਬਰਾਏ, ਵਿਨੀਤ ਕੁਮਾਰ ਸਿੰਘ, ਰਿਧੀ ਡੋਗਰਾ, ਸਾਇਰਸ ਬਰੋਚਾ ਵਰਗੇ ਸਿਤਾਰਿਆਂ ਨੇ ਹਿੱਸਾ ਲਿਆ। ਸਾਇਰਸ ਜਲਦੀ ਹੀ ਨਿਊਜ਼9 ‘ਤੇ Newscaustic ਨਾਮ ਦਾ ਆਪਣਾ ਸ਼ੋਅ ਵੀ ਲਿਆਉਣ ਜਾ ਰਿਹਾ ਹੈ।