Shaitaan OTT Release Date: : ਥੀਏਟਰ ਵਿੱਚ ਅਜੇ ਦੇਵਗਨ ਦੀ ਸ਼ੈਤਾਨ ਨਹੀਂ ਦੇਖੀ ਹੈ? ਇਸ ਲਈ ਹੁਣ ਇਸਨੂੰ ਘਰ ਬੈਠੇ ਦੇਖਣ ਦਾ ਮੌਕਾ, ਆ ਗਈ ਹੈ OTT ਰਿਲੀਜ਼ ਡੇਟ

pic credit: social media

ਐਕਸ਼ਨ ਤੋਂ ਲੈ ਕੇ ਕਾਮੇਡੀ ਤੱਕ ਹਰ ਤਰ੍ਹਾਂ ਦੀਆਂ ਫਿਲਮਾਂ ‘ਚ ਆਪਣਾ ਹੁਨਰ ਦਿਖਾਉਣ ਵਾਲੇ ਅਜੇ ਦੇਵਗਨ ਦੀ ਫਿਲਮ ‘ਸ਼ੈਤਾਨ’ ਨੇ ਬਾਕਸ ਆਫਿਸ ‘ਤੇ ਚੰਗਾ ਕਾਰੋਬਾਰ ਕੀਤਾ ਹੈ। ਅਜੇ ਅਤੇ ਆਰ ਮਾਧਵਨ ਦੀ ਇਹ ਫਿਲਮ ਸਾਲ 2023 ‘ਚ ਰਿਲੀਜ਼ ਹੋਈ ਗੁਜਰਾਤੀ ਫਿਲਮ ‘ਵਸ਼’ ਦਾ ਹਿੰਦੀ ਰੀਮੇਕ ਹੈ। ਫਿਲਮ ਦੀ ਸਫਲਤਾ ਤੋਂ ਬਾਅਦ ਕਿਹਾ ਜਾ ਰਿਹਾ ਹੈ ਕਿ ਇਸ ਕ੍ਰਾਈਮ ਥ੍ਰਿਲਰ ਕਹਾਣੀ ਦੇ ਪਾਰਟ 2 ਦਾ ਐਲਾਨ ਜਲਦ ਹੀ ਕੀਤਾ ਜਾਵੇਗਾ। ਪਰ ਅਜੇ ਦੇਵਗਨ ਦੇ ਉਨ੍ਹਾਂ ਪ੍ਰਸ਼ੰਸਕਾਂ ਲਈ ਇੱਕ ਖੁਸ਼ਖਬਰੀ ਹੈ ਜਿਨ੍ਹਾਂ ਨੇ ਇਹ ਫਿਲਮ ਪਹਿਲਾਂ ਨਹੀਂ ਦੇਖੀ ਹੈ। ਜਲਦ ਹੀ ਅਜੇ ਦੀ ਫਿਲਮ ‘ਸ਼ੈਤਾਨ’ OTT ‘ਤੇ ਸਟ੍ਰੀਮ ਹੋਣ ਜਾ ਰਹੀ ਹੈ।

ਸੂਤਰਾਂ ਦੀ ਮੰਨੀਏ ਤਾਂ ਅਜੇ ਦੇਵਗਨ ਦੀ ਫਿਲਮ ‘ਸ਼ੈਤਾਨ’ 3 ਮਈ 2024 ਨੂੰ ਨੈੱਟਫਲਿਕਸ ‘ਤੇ ਸਟ੍ਰੀਮ ਹੋਣ ਜਾ ਰਹੀ ਹੈ। ਇਸ ਫਿਲਮ ਦੀ ਥੀਏਟਰਿਕ ਰਿਲੀਜ਼ ਤੋਂ ਪਹਿਲਾਂ ਹੀ, OTT ਪਲੇਟਫਾਰਮ Netflix ਨੇ ‘ਸ਼ੈਤਾਨ’ ਦੇ OTT ਅਧਿਕਾਰ ਖਰੀਦ ਲਏ ਸਨ। ਹਾਲਾਂਕਿ, ਜੇਕਰ ਤੁਹਾਡੇ ਕੋਲ ਨੈੱਟਫਲਿਕਸ ਸਬਸਕ੍ਰਿਪਸ਼ਨ ਨਹੀਂ ਹੈ ਤਾਂ ਤੁਹਾਨੂੰ ਇਸ ਫਿਲਮ ਨੂੰ ਦੇਖਣ ਲਈ ਹੋਰ ਇੰਤਜ਼ਾਰ ਕਰਨਾ ਪਵੇਗਾ। ਇਸ ਫਿਲਮ ਦਾ ਨੈੱਟਫਲਿਕਸ ‘ਤੇ ਰਿਲੀਜ਼ ਹੋਣ ਦੇ 45 ਦਿਨਾਂ ਬਾਅਦ ਇਸ ਦਾ ਟੀਵੀ ਪ੍ਰੀਮੀਅਰ ਹੋ ਸਕਦਾ ਹੈ ਅਤੇ ਤੁਸੀਂ ਇਸ ਫਿਲਮ ਨੂੰ ‘ਜੀਓ ਸਿਨੇਮਾ’ ‘ਤੇ ਵੀ ਦੇਖ ਸਕਦੇ ਹੋ।

ਇੱਥੇ ਦੇਖੋ ਫਿਲਮ ‘ਸ਼ੈਤਾਨ’ ਦੀ ਇੱਕ ਝਲਕ

ਜੀਓ ‘ਤੇ ਵੀ ਆਵੇਗੀ ਇਹ ਫਿਲਮ

ਦਰਅਸਲ, ਜੀਓ ਸਟੂਡੀਓ ਨੇ ਦੇਵਗਨ ਫਿਲਮਸ ਅਤੇ ਪੈਨੋਰਮਾ ਸਟੂਡੀਓ ਦੇ ਨਾਲ ਮਿਲ ਕੇ ‘ਸ਼ੈਤਾਨ’ ਦਾ ਨਿਰਮਾਣ ਕੀਤਾ ਹੈ। ਇਹੀ ਕਾਰਨ ਹੈ ਕਿ ਨੈੱਟਫਲਿਕਸ ਅਤੇ ਟੀਵੀ ‘ਤੇ ਸਟ੍ਰੀਮ ਹੋਣ ਦੇ ਕੁਝ ਮਹੀਨਿਆਂ ਬਾਅਦ, ਇਹ ਫਿਲਮ ਜੀਓ ਐਪ ‘ਤੇ ਮੁਫਤ ਦੇਖਣ ਲਈ ਉਪਲਬਧ ਹੋਵੇਗੀ। ਪਰ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਨ ਵਾਲਿਆਂ ਨੂੰ ‘ਸ਼ੈਤਾਨ’ ਦੇਖਣ ਲਈ 3 ਮਈ ਨੂੰ ਨੈੱਟਫਲਿਕਸ ਦਾ ਰੁਖ ਕਰਨਾ ਪਵੇਗਾ।

ਹਾਲਾਂਕਿ ਇਸ ਸਬੰਧ ‘ਚ Netflix ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਫਿਲਮ ਦੀ ਗੱਲ ਕਰੀਏ ਤਾਂ ‘ਸ਼ੈਤਾਨ’ ਦੀ ਕਹਾਣੀ ਕਬੀਰ (ਅਜੈ ਦੇਵਗਨ), ਵਣਰਾਜ (ਆਰ ਮਾਧਵਨ), ਜਾਨਵੀ (ਜਾਨਕੀ ਬੋਦੀਵਾਲਾ) ਅਤੇ ਜੋਤੀ (ਜੋਤਿਕਾ) ਦੇ ਆਲੇ-ਦੁਆਲੇ ਘੁੰਮਦੀ ਹੈ।