ਅਜੰਤਾ-ਏਲੋਰਾ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 15-19 ਜਨਵਰੀ ਤੱਕ ਛਤਰਪਤੀ ਸੰਭਾਜੀਨਗਰ ਵਿਖੇ ਹੋਵੇਗਾ ਆਯੋਜਿਤ

ਅਜੰਤਾ-ਏਲੋਰਾ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2025

ਦੁਨੀਆ ਭਰ ਦੀਆਂ ਵਿਲੱਖਣ ਫਿਲਮਾਂ ਨੂੰ ਪ੍ਰਦਰਸ਼ਿਤ ਕਰਨ ਵਾਲਾ ਬਹੁ-ਉਡੀਕੀ ਪ੍ਰੋਗਰਾਮ, 10ਵਾਂ ਅਜੰਤਾ-ਏਲੋਰਾ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ (ਏਆਈਐਫਐਫ) 15 ਤੋਂ 19 ਜਨਵਰੀ, 2025 ਤੱਕ ਪੀਵੀਆਰ ਆਈਨੌਕਸ, ਪ੍ਰੋਜ਼ੋਨ ਮਾਲ, ਛਤਰਪਤੀ ਸੰਭਾਜੀਨਗਰ ਵਿਖੇ ਆਯੋਜਿਤ ਕੀਤਾ ਜਾਵੇਗਾ। ਫੈਸਟੀਵਲ ਵਿੱਚ ਕਈ ਪ੍ਰਮੁੱਖ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਕਲਾਕਾਰਾਂ ਦੇ ਭਾਗ ਲੈਣ ਦੀ ਉਮੀਦ ਹੈ।

ਮਰਾਠਵਾੜਾ ਕਲਾ, ਸੱਭਿਆਚਾਰ ਅਤੇ ਫਿਲਮ ਫਾਊਂਡੇਸ਼ਨ ਦੁਆਰਾ ਆਯੋਜਿਤ ਅਤੇ ਨਾਥ ਗਰੁੱਪ, ਮਹਾਤਮਾ ਗਾਂਧੀ ਮਿਸ਼ਨ ਅਤੇ ਯਸ਼ਵੰਤਰਾਓ ਚਵਾਨ ਕੇਂਦਰ ਦੁਆਰਾ ਪੇਸ਼ 10ਵਾਂ AIFF ਇੰਟਰਨੈਸ਼ਨਲ ਫੈਡਰੇਸ਼ਨ ਆਫ ਫਿਲਮ ਕ੍ਰਿਟਿਕਸ (FIPRESCI) ਅਤੇ ਫੈਡਰੇਸ਼ਨ ਆਫ ਫਿਲਮ ਸੋਸਾਇਟੀਜ਼ ਆਫ ਇੰਡੀਆ (FFSI) ਦੁਆਰਾ ਸਮਰਥਤ ਹੈ। ਫੈਸਟੀਵਲ ਨੂੰ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ, ਭਾਰਤ ਸਰਕਾਰ, ਨੈਸ਼ਨਲ ਫਿਲਮ ਡਿਵੈਲਪਮੈਂਟ ਕਾਰਪੋਰੇਸ਼ਨ ਲਿਮਿਟੇਡ, ਮਹਾਰਾਸ਼ਟਰ ਸਰਕਾਰ ਅਤੇ ਮਹਾਰਾਸ਼ਟਰ ਫਿਲਮ, ਰਾਜ ਅਤੇ ਸੱਭਿਆਚਾਰਕ ਵਿਕਾਸ ਨਿਗਮ ਲਿਮਿਟੇਡ ਤੋਂ ਵੀ ਸਹਾਇਤਾ ਪ੍ਰਾਪਤ ਹੈ। ਸਹਿ-ਆਯੋਜਕਾਂ ਵਿੱਚ ਸੋਲੀਟੇਅਰ ਟਾਵਰਜ਼ ਅਤੇ ਅਭਯੁਦਯਾ ਫਾਊਂਡੇਸ਼ਨ ਸ਼ਾਮਲ ਹਨ, ਜਦੋਂ ਕਿ ਐਮਜੀਐਮ ਸਕੂਲ ਆਫ਼ ਫਿਲਮ ਆਰਟਸ ਅਕਾਦਮਿਕ ਪਾਰਟਨਰ ਵਜੋਂ ਕੰਮ ਕਰਦਾ ਹੈ ਅਤੇ ਐਮਜੀਐਮ ਰੇਡੀਓ ਐਫਐਮ 90.8 ਰੇਡੀਓ ਪਾਰਟਨਰ ਹੈ।

ਸਿਨੇਮਾ ਪ੍ਰੇਮੀਆਂ ਨੂੰ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਲਈ ਮਿਲਦਾ ਹੈ ਮੰਚ

10ਵੇਂ ਅਜੰਤਾ-ਏਲੋਰਾ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਦਾ ਉਦੇਸ਼ ਵਿਸ਼ਵ ਪੱਧਰੀ ਫਿਲਮਾਂ ਨੂੰ ਪ੍ਰਦਰਸ਼ਿਤ ਕਰਨਾ, ਫਿਲਮ ਨਿਰਮਾਤਾਵਾਂ ਅਤੇ ਸਿਨੇਮਾ ਪ੍ਰੇਮੀਆਂ ਨੂੰ ਵਿਚਾਰਾਂ ਦਾ ਆਦਾਨ-ਪ੍ਰਦਾਨ ਕਰਨ ਮੰਚ ਮੁਹਇਆ ਕਰਵਾਉਣਾ ਅਤੇ ਛਤਰਪਤੀ ਸੰਭਾਜੀਨਗਰ ਅਤੇ ਮਰਾਠਵਾੜਾ ਨੂੰ ਸੱਭਿਆਚਾਰਕ ਅਤੇ ਉਤਪਾਦਨ ਕੇਂਦਰ ਵਜੋਂ ਉਤਸ਼ਾਹਿਤ ਕਰਨਾ ਹੈ। ਇਹ ਫੈਸਟਿਵਲ ਸੈਰ-ਸਪਾਟੇ ਨੂੰ ਉਤਸ਼ਾਹਿਤ ਕਰਨ, ਸਥਾਨਕ ਕਲਾਕਾਰਾਂ ਅਤੇ ਉਦਯੋਗ ਮਾਹਰਾਂ ਵਿਚਕਾਰ ਆਪਸੀ ਤਾਲਮੇਲ ਵਧਾਉਣ ਅਤੇ ਸਮਕਾਲੀ ਮਰਾਠੀ ਸਿਨੇਮਾ ਨੂੰ ਉਜਾਗਰ ਕਰਨ ਦੀ ਵੀ ਕੋਸ਼ਿਸ਼ ਕਰਦਾ ਹੈ। ਪੰਜ ਦਿਨਾਂ ਤੱਕ ਚੱਲਣ ਵਾਲੇ ਇਸ ਫੈਸਟੀਵਲ ਵਿੱਚ ਵੱਖ-ਵੱਖ ਭਾਸ਼ਾਵਾਂ ਦੀਆਂ ਨੌਂ ਫਿਲਮਾਂ ਦੇ ਨਾਲ ਭਾਰਤੀ ਸਿਨੇਮਾ ਪ੍ਰਤੀਯੋਗਤਾ ਸਮੇਤ ਕਈ ਪ੍ਰੋਗਰਾਮ ਪੇਸ਼ ਕੀਤੇ ਜਾਣਗੇ, ਜਿਸ ਦਾ ਨਿਰਣਾ ਦਰਸ਼ਕਾਂ ਦੇ ਨਾਲ-ਨਾਲ ਪੰਜ ਰਾਸ਼ਟਰੀ ਪੱਧਰ ਦੇ ਜਿਊਰੀ ਮੈਂਬਰਾਂ ਦੇ ਪੈਨਲ ਦੁਆਰਾ ਕੀਤਾ ਜਾਵੇਗਾ।

ਸਰਵੋਤਮ ਭਾਰਤੀ ਫਿਲਮ ਨੂੰ ਮਿਲੇਗਾ ਗੋਲਡਨ ਕੈਲਾਸ਼ ਅਵਾਰਡ

10ਵੇਂ ਅਜੰਤਾ-ਏਲੋਰਾ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਵਿੱਚ ਸਰਵੋਤਮ ਭਾਰਤੀ ਫਿਲਮ ਨੂੰ ਵੱਕਾਰੀ ਗੋਲਡਨ ਕੈਲਾਸ਼ ਅਵਾਰਡ ਅਤੇ 1 ਲੱਖ ਰੁਪਏ ਦਾ ਨਕਦ ਇਨਾਮ ਦਿੱਤਾ ਜਾਵੇਗਾ। ਵਧੀਕ ਪੁਰਸਕਾਰਾਂ ਵਿੱਚ ਵਿਅਕਤੀਗਤ ਸ਼੍ਰੇਣੀਆਂ ਵਿੱਚ ਸਰਵੋਤਮ ਸਕ੍ਰੀਨਪਲੇਅ ਅਤੇ ਸਰਵੋਤਮ ਅਦਾਕਾਰ (ਪੁਰਸ਼/ਮਹਿਲਾ) ਨੂੰ ਮਾਨਤਾ ਦਿੱਤੀ ਜਾਵੇਗੀ। ਫੈਸਟੀਵਲ ਦੀ 10ਵੀਂ ਵਰ੍ਹੇਗੰਢ ਮਨਾਉਣ ਲਈ, ਮਰਾਠਵਾੜਾ ਵਿੱਚ ਫਿਲਮ ਪ੍ਰੇਮੀਆਂ ਲਈ ਇੱਕ ਵਿਸ਼ੇਸ਼ ਸਮਾਗਮ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸ ਵਿੱਚ 105 ਸਾਲ ਪਹਿਲਾਂ ਬਣੀ ਦਾਦਾ ਸਾਹਿਬ ਫਾਲਕੇ ਦੀ ਮੂਕ ਫਿਲਮ ਕਾਲੀਆ ਮਰਦਨ ਦੀ ਸਕ੍ਰੀਨਿੰਗ ਦਿਖਾਈ ਜਾਵੇਗੀ। ਸਕਰੀਨਿੰਗ ਦੇ ਨਾਲ ਕੋਲਕਾਤਾ ਸਥਿਤ ਆਰਕੈਸਟਰਾ ਸਮੂਹ ਸ਼ਤਾਬਦੀਰ ਸ਼ਬਦਾ ਦੁਆਰਾ ਸਾਈਲੈਂਟ ਫਿਲਮ ਦੇ ਤਜ਼ਰਬੇ ਨੂੰ ਮੁੜ ਜੀਵੰਤ ਕਰਨ ਵਾਲਾ ਲਾਈਵ ਸੰਗੀਤ ਦੇ ਨਾਲ ਵੀ ਪੇਸ਼ ਕੀਤਾ ਜਾਵੇਗਾ।