ਮੈਂ ਗੁੱਸੇ ‘ਚ ਹਾਂ, ਸ਼ਹਿਜ਼ਾਦੇ ਦੇ ਸਲਾਹਕਾਰ ਮੇਰੇ ਲੋਕਾਂ ਦੀ ਚਮੜੀ ਦੇ ਰੰਗ ਦਾ ਅਪਮਾਨ ਕਰ ਰਹੇ… ਪਿਤਰੋਦਾ ਦੇ ਬਿਆਨ ‘ਤੇ ਬੋਲੇ ਪੀਐਮ ਮੋਦੀ
PM Modi Reaction on Sam Pitroda: ਇੰਡੀਅਨ ਓਵਰਸੀਜ਼ ਕਾਂਗਰਸ ਦੇ ਪ੍ਰਧਾਨ ਸੈਮ ਪਿਤਰੋਦਾ ਇੱਕ ਵਾਰ ਫਿਰ ਵਿਵਾਦਾਂ ਵਿੱਚ ਘਿਰ ਗਏ ਹਨ। ਉਨ੍ਹਾਂ ਨੇ ਅਜਿਹਾ ਬਿਆਨ ਦਿੱਤਾ ਹੈ, ਜਿਸ 'ਤੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਸੈਮ ਪਿਤਰੋਦਾ ਨੇ ਕਿਹਾ ਕਿ ਭਾਰਤ ਇੱਕ ਅਜਿਹਾ ਵਿਭਿੰਨਤਾ ਭਰਿਆ ਦੇਸ਼ ਹੈ, ਜਿੱਥੇ ਪੂਰਬ ਵਿੱਚ ਲੋਕ ਚੀਨੀ, ਪੱਛਮ ਦੇ ਲੋਕ ਅਰਬ ਵਰਗੇ, ਉੱਤਰ ਵਿੱਚ ਲੋਕ ਗੋਰਿਆਂ ਵਰਗੇ ਅਤੇ ਦੱਖਣ ਵਿੱਚ ਲੋਕ ਅਫਰੀਕਨ ਵਰਗੇ ਦਿਖਾਈ ਦਿੰਦੇ ਹਨ।
ਇੰਡੀਅਨ ਓਵਰਸੀਜ਼ ਕਾਂਗਰਸ ਦੇ ਪ੍ਰਧਾਨ ਸੈਮ ਪਿਤਰੋਦਾ ਦੇ ਬਿਆਨ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਉਨ੍ਹਾਂ ਨੇ ਇਕ ਇੰਟਰਵਿਊ ‘ਚ ਕਿਹਾ ਕਿ ਭਾਰਤ ਦੇ ਕਿਸ ਖੇਤਰ ਦੇ ਲੋਕ ਕਿਹੋ ਜਿਹੇ ਲੱਗਦੇ ਹਨ? ਕਾਂਗਰਸ ਨੇਤਾ ਨੇ ਕਿਹਾ ਕਿ ਭਾਰਤ ਇੱਕ ਅਜਿਹਾ ਵਿਭਿੰਨਤਾ ਵਾਲਾ ਦੇਸ਼ ਹੈ ਜਿੱਥੇ ਪੂਰਬ ਦੇ ਲੋਕ ਚੀਨੀ, ਪੱਛਮ ਦੇ ਲੋਕ ਅਰਬਾਂ ਵਰਗੇ, ਉੱਤਰ ਦੇ ਲੋਕ ਗੋਰਿਆਂ ਵਰਗੇ ਅਤੇ ਦੱਖਣ ਦੇ ਲੋਕ ਅਫਰੀਕਨ ਵਰਗੇ ਦਿਖਾਈ ਦਿੰਦੇ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਉਨ੍ਹਾਂ ਦੇ ਬਿਆਨ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ।
ਤੇਲੰਗਾਨਾ ਦੇ ਵਾਰੰਗਲ ਵਿੱਚ ਇੱਕ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ ਕਿ ਅੱਜ ਮੈਂ ਬਹੁਤ ਗੁੱਸੇ ਵਿੱਚ ਹਾਂ। ਮੇਰੇ ਨਾਲ ਦੁਰਵਿਵਹਾਰ ਹੋਇਆ, ਮੈਂ ਬਰਦਾਸ਼ਤ ਕਰ ਲਿਆ, ਪਰ ਅੱਜ ਸ਼ਹਿਜ਼ਾਦੇ (ਰਾਹੁਲ ਗਾਂਧੀ) ਦੇ ਸਲਾਹਕਾਰ ਨੇ ਜੋ ਕਿਹਾ, ਉਸ ਨਾਲ ਮੈਨੂੰ ਗੁੱਸਾ ਆਇਆ ਹੈ। ਉਹ ਮੇਰੇ ਦੇਸ਼ ਦੇ ਲੋਕਾਂ ਦੀ ਚਮੜੀ ਦੇ ਰੰਗ ਦਾ ਅਪਮਾਨ ਕਰ ਰਹੇ ਹਨ।
ਪ੍ਰਧਾਨ ਮੰਤਰੀ ਨੇ ਕਿਹਾ, ‘ਰਾਜਕੁਮਾਰ ਦੇ ਗਾਈਡ ਅੰਕਲ ਨੇ ਕਿਹਾ ਹੈ ਕਿ ਜਿਨ੍ਹਾਂ ਦਾ ਚੇਹਰਾ ਕਾਲਾ ਹੈ, ਉਹ ਅਫਰੀਕਾ ਤੋਂ ਹਨ। ਰੰਗ ਦੇ ਆਧਾਰ ‘ਤੇ ਏਨੀ ਵੱਡੀ ਗਾਲ੍ਹ ਕੱਢ ਦਿੱਤੀ। ਚਮੜੀ ਦੇ ਰੰਗ ਨੂੰ ਦੇਖ ਕੇ ਇਹ ਮੰਨ ਲਿਆ ਗਿਆ ਸੀ ਕਿ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਅਫਰੀਕਨ ਸੀ। ਇਨ੍ਹਾਂ ਦੀ ਸੋਚ ਅੱਜ ਸਾਹਮਣੇ ਆਈ ਹੈ। ਚਮੜੀ ਦਾ ਰੰਗ ਭਾਵੇਂ ਕੋਈ ਵੀ ਹੋਵੇ, ਅਸੀਂ ਸ਼੍ਰੀ ਕ੍ਰਿਸ਼ਨ ਦੀ ਪੂਜਾ ਕਰਨ ਵਾਲੇ ਲੋਕ ਹਾਂ।
#WATCH | Addressing a public gathering in Warangal, Telangana, PM Modi says “I was thinking a lot that Droupadi Murmu who has a very good reputation and is the daughter of Adiwasi family, then why is Congress trying so hard to defeat her but today I got to know the reason. I got pic.twitter.com/nPJLQ6DQ3Z
— ANI (@ANI) May 8, 2024
ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ ਕਿ ਸ਼ਹਿਜ਼ਾਦੇ, ਤੁਹਾਨੂੰ ਜਵਾਬ ਦੇਣਾ ਹੋਵੇਗਾ। ਚਮੜੀ ਦੇ ਰੰਗ ਦੇ ਆਧਾਰ ‘ਤੇ ਦੇਸ਼ ਦਾ ਅਪਮਾਨ ਜਾਂ ਆਪਣੇ ਨਾਗਰਿਕਾਂ ਦਾ ਅਪਮਾਨ ਦੇਸ਼ ਬਰਦਾਸ਼ਤ ਨਹੀਂ ਕਰੇਗਾ। ਮੋਦੀ ਇਸ ਨੂੰ ਕਦੇ ਵੀ ਬਰਦਾਸ਼ਤ ਨਹੀਂ ਕਰਨਗੇ। ਤੁਹਾਨੂੰ ਜਵਾਬ ਦੇਣਾ ਪਵੇਗਾ।
ਉੱਧਰ, ਭਾਜਪਾ ਦੇ ਬੁਲਾਰੇ ਸੁਧਾਂਸ਼ੂ ਤ੍ਰਿਵੇਦੀ ਨੇ ਸੈਮ ਪਿਤਰੋਦਾ ਦੇ ਬਿਆਨ ‘ਤੇ ਕਿਹਾ ਕਿ ਭਾਰਤ ਦੀ ਹੋਂਦ ‘ਤੇ ਸਵਾਲੀਆ ਨਿਸ਼ਾਨ ਲੱਗ ਗਿਆ ਹੈ। ਇਹ ਕਿਸੇ ਪਾਰਟੀ ਜਾਂ ਸਿਆਸਤ ਦਾ ਮਾਮਲਾ ਨਹੀਂ ਹੈ। ਪ੍ਰਧਾਨ ਮੰਤਰੀ ਦਾ ਰਾਮ ਮੰਦਰ ਜਾਣ ਤੇ ਭਾਰਤ ਦੀ ਹੋਂਦ ‘ਤੇ ਸਵਾਲ ਖੜ੍ਹਾ ਹੋ ਰਿਹਾ ਹੈ, ਅਜਿਹਾ ਪਿਤਰੋਦਾ ਦਾ ਮੰਨਣਾ ਹੈ। ਇਸ ਕਾਰਨ ਲੋਕਤੰਤਰ ਕਮਜ਼ੋਰ ਹੋ ਰਿਹਾ ਹੈ। ਭਾਜਪਾ ਨੇਤਾ ਨੇ ਕਿਹਾ ਕਿ ਜੇਕਰ ਤੁਹਾਡੇ ਦਿਮਾਗ ‘ਤੇ ਵਿਦੇਸ਼ੀ ਪਰਦਾ ਹੈ ਤਾਂ ਉਸ ਨੂੰ ਹਟਾਓ। ਹੁਣ ਪਿਤਰੋਦਾ ਰਾਮ ਮੰਦਰ ਨੂੰ ਬਦਨਾਮ ਕਰਨ ਲਈ ਸੱਤ ਸਮੁੰਦਰ ਪਾਰ ਤੋਂ ਕੰਮ ਕਰ ਰਹੇ ਹਨ।
ਇਹ ਵੀ ਪੜ੍ਹੋ – ਪੂਰਬ ਚ ਰਹਿਣ ਵਾਲੇ ਲੋਕ ਚੀਨ ਵਰਗੇ ਤੇ ਦੱਖਣੀ ਭਾਰਤ ਚ ਰਹਿਣ ਵਾਲੇ ਅਫਰੀਕੀਸੈਮ ਪਿਤਰੋਦਾ ਨੇ ਫਿਰ ਛੇੜਿਆ ਨਵਾਂ ਵਿਵਾਦ
ਕਾਂਗਰਸ ਨੇ ਕੀ ਕਿਹਾ?
ਸੈਮ ਪਿਤਰੋਦਾ ਦੇ ਬਿਆਨ ‘ਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਜੈਰਾਮ ਰਮੇਸ਼ ਨੇ ਕਿਹਾ ਕਿ ਸੈਮ ਪਿਤਰੋਦਾ ਵੱਲੋਂ ਭਾਰਤ ਦੀਆਂ ਵਿਭਿੰਨਤਾਵਾਂ ਨਾਲ ਜੋ ਸਮਾਨਤਾਵਾਂ ਦਿੱਤੀਆਂ ਗਈਆਂ ਹਨ ਉਹ ਬੇਹੱਦ ਗਲਤ ਅਤੇ ਅਸਵੀਕਾਰਨਯੋਗ ਹਨ। ਕਾਂਗਰਸ ਇਨ੍ਹਾਂ ਸਮਾਨਤਾਵਾਂ ਤੋਂ ਪੂਰੀ ਤਰ੍ਹਾਂ ਵੱਖ ਹੈ। ਦਿੱਲੀ ਕਾਂਗਰਸ ਪ੍ਰਧਾਨ ਦੇਵੇਂਦਰ ਯਾਦਵ ਨੇ ਕਿਹਾ, ਇਹ ਇਸ ਦੇਸ਼ ਦੀ ਖੂਬਸੂਰਤੀ ਹੈ। ਇੱਥੇ ਵੱਖ-ਵੱਖ ਫਿਰਕਿਆਂ, ਧਰਮਾਂ ਅਤੇ ਵੱਖ-ਵੱਖ ਭੂਗੋਲਿਕ ਸਥਿਤੀਆਂ ਦੇ ਲੋਕ ਰਹਿੰਦੇ ਹਨ। ਮੈਨੂੰ ਲਗਦਾ ਹੈ ਕਿ ਇਹ ਇਸ ਦੀ ਸੁੰਦਰਤਾ ਹੈ. ਅਸੀਂ ਮਿਲ ਕੇ ਭਾਰਤ ਬਣਾਉਂਦੇ ਹਾਂ। ਇਹ ਭਾਰਤ ਦੀ ਖੂਬਸੂਰਤੀ ਹੈ।