‘ਚਾਚਾ ਸਨ ਵਿਧਾਇਕ…’, ਝਾਰਖੰਡ ਦੇ ਜਿਸ ਮੰਤਰੀ ਦੇ ਕਰੀਬੀ ਦੇ ਘਰੋਂ ਮਿਲਿਆ ਨੋਟਾਂ ਦਾ ਅੰਬਾਰ, ਜਾਣੋ ਉਸਦੀ ਕੁੰਡਲੀ
ED Recovered Money from Jharkhand: ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਝਾਰਖੰਡ ਦੇ ਮੰਤਰੀ ਆਲਮਗੀਰ ਆਲਮ ਦੇ ਕਰੀਬੀ ਸਹਿਯੋਗੀ ਦੇ ਘਰ ਤਲਾਸ਼ੀ ਦੌਰਾਨ ਵੱਡੀ ਮਾਤਰਾ 'ਚ 'ਬੇਹਿਸਾਬ' ਨਕਦੀ ਬਰਾਮਦ ਕੀਤੀ ਹੈ। ਇਸ ਤੋਂ ਬਾਅਦ ਉਹ ਭਾਜਪਾ ਦੇ ਨਿਸ਼ਾਨੇ 'ਤੇ ਆ ਗਏ ਹਨ। ਭਾਜਪਾ ਨੇ ਕਾਂਗਰਸ ਅਤੇ ਰਾਹੁਲ ਗਾਂਧੀ 'ਤੇ ਹਮਲਾ ਬੋਲਿਆ ਹੈ। ਆਲਮਗੀਰ ਆਲਮ ਪਾਕੁੜ ਸੀਟ ਤੋਂ ਵਿਧਾਇਕ ਹਨ।
ਲੋਕ ਸਭਾ ਚੋਣਾਂ ਦੇ ਵਿਚਕਾਰ ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਝਾਰਖੰਡ ਦੇ ਰਾਂਚੀ ਵਿੱਚ ਵੱਡੀ ਕਾਰਵਾਈ ਕੀਤੀ ਹੈ। ਉਸ ਨੇ ਸੂਬੇ ਦੇ ਪੇਂਡੂ ਵਿਕਾਸ ਮੰਤਰੀ ਦੇ ਨਿੱਜੀ ਸਕੱਤਰ ਸੰਜੀਵ ਲਾਲ ਦੇ ਘਰੇਲੂ ਨੌਕਰ ਅਤੇ ਸੀਨੀਅਰ ਸੂਬਾ ਕਾਂਗਰਸ ਆਗੂ ਆਲਮਗੀਰ ਆਲਮ ਦੇ ਘਰੋਂ ਭਾਰੀ ਮਾਤਰਾ ਵਿੱਚ ਨਕਦੀ ਬਰਾਮਦ ਕੀਤੀ ਹੈ। ਈਡੀ ਦੇ ਅਧਿਕਾਰੀਆਂ ਨੂੰ ਇੰਨੀ ਜ਼ਿਆਦਾ ਨਕਦੀ ਮਿਲੀ ਹੈ ਕਿ ਇਸ ਨੂੰ ਗਿਣਨ ‘ਚ ਕਈ ਘੰਟੇ ਲੱਗ ਜਾਣਗੇ। ਇਹ ਨਕਦੀ ਹੱਥਾਂ ਨਾਲ ਨਹੀਂ, ਮਸ਼ੀਨਾਂ ਨਾਲ ਗਿਣੀ ਜਾਵੇਗੀ।
ਈਡੀ ਦੀ ਕਾਰਵਾਈ ਦੇ ਵੀਡੀਓ ਸਾਹਮਣੇ ਆਏ ਹਨ, ਜਿਨ੍ਹਾਂ ਵਿੱਚ ਅਧਿਕਾਰੀ ਇੱਕ ਕਮਰੇ ਵਿੱਚ ਇੱਕ ਵੱਡੇ ਬੈਗ ਵਿੱਚੋਂ ਨੋਟਾਂ ਦੇ ਬੰਡਲ ਕੱਢਦੇ ਹੋਏ ਦਿਖਾਈ ਦੇ ਰਹੇ ਹਨ। ਕੇਂਦਰੀ ਬਲ ਦੇ ਕੁਝ ਸੁਰੱਖਿਆ ਕਰਮਚਾਰੀ ਵੀ ਦੇਖੇ ਗਏ ਹਨ। ਕੇਂਦਰੀ ਏਜੰਸੀ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ 25 ਤੋਂ 30 ਕਰੋੜ ਰੁਪਏ ਦੀ ਨਕਦੀ ਹੋ ਸਕਦੀ ਹੈ, ਜਿਸ ਦੀ ਗਿਣਤੀ ਕੀਤੀ ਜਾ ਰਹੀ ਹੈ। ਸਾਰੇ ਬੰਡਲ 500 ਰੁਪਏ ਦੇ ਨੋਟਾਂ ਦੇ ਹਨ। ਇਸ ਤੋਂ ਇਲਾਵਾ ਏਜੰਸੀ ਨੇ ਗਹਿਣੇ ਵੀ ਬਰਾਮਦ ਕੀਤੇ ਹਨ, ਜਿਨ੍ਹਾਂ ਦੀ ਕੀਮਤ ਦਾ ਮੁਲਾਂਕਣ ਕੀਤਾ ਜਾਵੇਗਾ।
ਭਾਜਪਾ ਨੇ ਰਾਹੁਲ ਗਾਂਧੀ ਨੂੰ ਲਿਆ ਪੁੱਠੇ ਹੱਥੀ
ਈਡੀ ਵੱਲੋਂ ਕੀਤੀ ਗਈ ਇਹ ਬਰਾਮਦਗੀ ਝਾਰਖੰਡ ਦੇ ਪੇਂਡੂ ਵਿਕਾਸ ਵਿਭਾਗ ਦੇ ਮੁੱਖ ਇੰਜਨੀਅਰ ਵਰਿੰਦਰ ਰਾਮ ਦੇ ਮਾਮਲੇ ਵਿੱਚ ਚੱਲ ਰਹੀ ਜਾਂਚ ਦੇ ਸਬੰਧ ਵਿੱਚ ਹੈ। ਈਡੀ ਨੇ ਪਿਛਲੇ ਸਾਲ ਫਰਵਰੀ ਵਿੱਚ ਵਰਿੰਦਰ ਰਾਮ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਈਡੀ ਦੀ ਤਾਜ਼ਾ ਕਾਰਵਾਈ ਕਾਂਗਰਸੀ ਆਗੂ ‘ਤੇ ਸਵਾਲ ਖੜ੍ਹੇ ਕਰ ਸਕਦੀ ਹੈ ਕਿਉਂਕਿ ਜਿਸ ਵਿਅਕਤੀ ਦੇ ਘਰੋਂ ਨਕਦੀ ਬਰਾਮਦ ਹੋਈ ਹੈ, ਉਹ ਮੰਤਰੀ ਦਾ ਕਰੀਬੀ ਦੱਸਿਆ ਜਾ ਰਿਹਾ ਹੈ। 70 ਸਾਲਾ ਕਾਂਗਰਸ ਨੇਤਾ ਆਲਮਗੀਰ ਆਲਮ ਸੂਬੇ ਦੀ ਪਾਕੁੜ ਸੀਟ ਤੋਂ ਚੋਣ ਜਿੱਤ ਕੇ ਵਿਧਾਨ ਸਭਾ ਪਹੁੰਚੇ ਹਨ।
ਈਡੀ ਦੀ ਕਾਰਵਾਈ ‘ਤੇ ਭਾਜਪਾ ਨੇ ਕਾਂਗਰਸ ਅਤੇ ਰਾਹੁਲ ਗਾਂਧੀ ‘ਤੇ ਹਮਲਾ ਬੋਲਿਆ ਹੈ। ਭਾਜਪਾ ਨੇ ਕਿਹਾ ਕਿ ਝਾਰਖੰਡ ਵਿੱਚ ਰਾਹੁਲ ਗਾਂਧੀ ਦੇ ਸੱਜੇ ਹੱਥ ਆਲਮਗੀਰ ਆਲਮ ਤੋਂ 25 ਕਰੋੜ ਰੁਪਏ ਤੋਂ ਵੱਧ ਦੀ ਗੈਰ-ਕਾਨੂੰਨੀ ‘ਪ੍ਰਾਪਰਟੀ’ ਬਰਾਮਦ ਕੀਤੀ ਗਈ ਹੈ। ਇੱਕ ਪਾਸੇ ਕਾਂਗਰਸ ਦੇ ਮੰਤਰੀ ਭਾਰਤੀਆਂ ਨੂੰ ਲੁੱਟਦੇ ਹਨ, ਦੂਜੇ ਪਾਸੇ ਰਾਹੁਲ ਗਾਂਧੀ ਹਿੰਦੂਆਂ ਦੀ ਮਿਹਨਤ ਦੀ ਕਮਾਈ ਖੋਹ ਕੇ ਆਪਣੇ ਵੋਟ ਬੈਂਕ ਵਿੱਚ ਵੰਡਣ ਦੀ ਸਹੁੰ ਖਾਂਦੇ ਹਨ। ਇਹ ਰਾਹੁਲ ਗਾਂਧੀ ਦਾ ਦੌਲਤ ਵੰਡਣ ਦਾ ਮਾਡਲ ਹੈ। ਜੇਕਰ ਕਾਂਗਰਸ ਸੱਤਾ ‘ਚ ਆਈ ਤਾਂ ਭਾਰਤੀਆਂ ਤੋਂ ਹਰ ਸਿੱਕਾ ਖੋਹ ਲਵੇਗੀ।
ਇਹ ਵੀ ਪੜ੍ਹੋ – 1-2 ਨਹੀਂ, ਕੀਤੇ 8 ਵਿਆਹ ਫਿਰ ਗਈ ਜੇਲ੍ਹ, ਉੱਥੇ ਵੀ ਕੈਦੀ ਨਾਲ ਕਰ ਲਿਆ ਇੱਕ ਹੋਰ ਵਿਆਹ
ਆਲਮਗੀਰ ਦਾ ਚਾਚਾ ਵੀ ਰਹੇ ਕਾਂਗਰਸੀ ਵਿਧਾਇਕ
ਆਲਮਗੀਰ ਆਲਮ ਦੇ ਚਾਚਾ ਹਾਜੀ ਐਨੁਲ ਹੱਕ ਕਾਂਗਰਸ ਦੇ ਵਿਧਾਇਕ ਰਹਿ ਚੁੱਕੇ ਹਨ। ਆਲਮਗੀਰ ਆਲਮ ਸ਼ੁਰੂ ਤੋਂ ਹੀ ਕਾਂਗਰਸ ਦੀ ਵਿਚਾਰਧਾਰਾ ਤੋਂ ਪ੍ਰੇਰਿਤ ਸਨ ਅਤੇ ਕਾਂਗਰਸ ਦੇ ਸੰਗਠਨ ਵਿਚ ਸਰਗਰਮ ਹਿੱਸਾ ਲੈਂਦੇ ਸਨ। ਰਾਜਨੀਤੀ ਵਿੱਚ ਉਨ੍ਹਾਂ ਦੀ ਵੱਧਦੀ ਸਰਗਰਮੀ ਨੂੰ ਵੇਖਦੇ ਹੋਏ, ਉਨ੍ਹਾਂਦੇ ਚਾਚਾ ਹਾਜੀ ਇਨੁਲ ਹੱਕ ਨੇ ਉਸਨੂੰ ਪਾਕੁਰ ਵਿਧਾਨ ਸਭਾ ਦਾ ਉੱਤਰਾਧਿਕਾਰੀ ਬਣਾਇਆ। 1995 ਵਿੱਚ ਆਲਮਗੀਰ ਆਲਮ ਨੂੰ ਕਾਂਗਰਸ ਦਾ ਉਮੀਦਵਾਰ ਬਣਾਇਆ ਗਿਆ ਸੀ ਪਰ ਭਾਜਪਾ ਉਮੀਦਵਾਰ ਬੇਨੀ ਪ੍ਰਸਾਦ ਗੁਪਤਾ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਆਲਮਗੀਰ ਆਲਮ ਨੇ ਇਸ ਹਾਰ ਨੂੰ ਜਿੱਤ ਵਿੱਚ ਬਦਲਣ ਲਈ ਮੈਦਾਨ ਵਿੱਚ ਲਗਾਤਾਰ ਸਖ਼ਤ ਮਿਹਨਤ ਕੀਤੀ ਅਤੇ ਉਨ੍ਹਾਂ ਦੀ ਮਿਹਨਤ ਨੂੰ ਫਲ ਵੀ ਮਿਲਿਆ। ਉਹ 2000 ਵਿੱਚ ਪਾਕੁੜ ਵਿਧਾਨ ਸਭਾ ਤੋਂ ਬੇਨੀਗੁਪਤਾ ਨੂੰ ਹਰਾ ਕੇ ਪਹਿਲੀ ਵਾਰ ਵਿਧਾਇਕ ਬਣੇ ਸਨ। ਉਸ ਸਮੇਂ ਝਾਰਖੰਡ ਏਕੀਕ੍ਰਿਤ ਬਿਹਾਰ ਰਾਜ ਵਿੱਚ ਸੀ। ਇਸ ਤੋਂ ਬਾਅਦ ਉਹ 2004, 2014 ਅਤੇ 2019 ਵਿੱਚ ਇਸੇ ਸੀਟ ਤੋਂ ਜਿੱਤੇ ਸਨ। ਉਹ ਚਾਰ ਵਾਰ ਵਿਧਾਇਕ ਰਹਿ ਚੁੱਕੇ ਹਨ। ਹਾਲਾਂਕਿ 2009 ਦੀਆਂ ਚੋਣਾਂ ‘ਚ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਆਲਮ 2006 ਤੋਂ 2009 ਦਰਮਿਆਨ ਝਾਰਖੰਡ ਵਿਧਾਨ ਸਭਾ ਦੇ ਸਪੀਕਰ ਰਹਿ ਚੁੱਕੇ ਹਨ।
ਕਾਂਗਰਸ ਨੇ ਚੁਣਿਆ ਸੀ ਪਾਰਟੀ ਵਿਧਾਇਕ ਦਲ ਦਾ ਨੇਤਾ
2019 ਦੀਆਂ ਵਿਧਾਨ ਸਭਾ ਚੋਣਾਂ ‘ਚ ਆਲਮ ਨੇ ਅਕੀਲ ਅਖਤਰ ਨੂੰ ਹਰਾ ਕੇ ਸੀਟ ‘ਤੇ ਆਪਣੀ ਪਕੜ ਬਣਾਈ ਰੱਖੀ ਸੀ। ਚੋਣਾਂ ਤੋਂ ਬਾਅਦ ਕਾਂਗਰਸ ਨੇ ਉਨ੍ਹਾਂ ‘ਤੇ ਭਰੋਸਾ ਪ੍ਰਗਟਾਇਆ ਅਤੇ ਉਨ੍ਹਾਂ ਨੂੰ ਪਾਰਟੀ ਵਿਧਾਇਕ ਦਲ ਦਾ ਨੇਤਾ ਚੁਣ ਲਿਆ। ਕਾਂਗਰਸ ਰਾਜ ਵਿੱਚ ਜੇਐਮਐਮ ਅਤੇ ਆਰਜੇਡੀ ਨਾਲ ਗੱਠਜੋੜ ਵਿੱਚ ਹੈ। ਚੋਣਾਂ ਜਿੱਤਣ ਤੋਂ ਬਾਅਦ ਆਲਮ ਨੂੰ 29 ਦਸੰਬਰ 2019 ਨੂੰ ਮੰਤਰੀ ਬਣਾਇਆ ਗਿਆ ਸੀ। ਉਹ ਸੂਬੇ ਵਿੱਚ ਕਾਂਗਰਸ ਦਾ ਵੱਡਾ ਚਿਹਰਾ ਹਨ।