ਪਹਿਲਾਂ ਕਰਵਾਇਆ ਗਰਭਪਾਤ, ਫਿਰ ਕੀਤਾ ਕਤਲ, ਪੁਜਾਰੀ ਨੇ ਮੰਦਿਰ ਦੇ ਪਿੱਛੇ ਦੱਬੀ ਗਰਲਫਰੈਂਡ ਦੀ ਲਾਸ਼

Priest kills Girlfriend: ਹੈਦਰਾਬਾਦ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਪੁਜਾਰੀ ਨੇ ਆਪਣੀ ਪ੍ਰੇਮਿਕਾ ਦਾ ਕਤਲ ਕਰਕੇ ਉਸਦੀ ਲਾਸ਼ ਨੂੰ ਮੰਦਿਰ ਦੇ ਪਿੱਛੇ ਦਫ਼ਨਾ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਸਾਈਂ ਕ੍ਰਿਸ਼ਨ ਨਾਂ ਦਾ ਪੁਜਾਰੀ ਅਤੇ ਅਪਸਰਾ ਨਾਂ ਦੀ ਲੜਕੀ ਇਕ ਦੂਜੇ ਨੂੰ ਪਿਆਰ ਕਰਦੇ ਸਨ। ਵੱਡੀ ਗੱਲ ਇਹ ਹੈ ਕਿ ਪੁਜਾਰੀ ਸਾਈ ਕ੍ਰਿਸ਼ਨਾ ਵਿਆਹਿਆ ਹੋਇਆ ਹੈ ਅਤੇ ਉਸ ਦਾ ਇੱਕ ਬੱਚਾ ਵੀ ਹੈ।

ਮਾਮਲਾ ਹੈਦਰਾਬਾਦ ਦੇ ਸ਼ਮਸ਼ਾਬਾਦ ਨੇੜੇ ਨਾਰਕੁਡਾ ਪਿੰਡ ਦਾ ਹੈ। ਕਤਲ ਦਾ ਖੁਲਾਸਾ ਹੋਣ ਤੋਂ ਬਾਅਦ ਅਪਸਰਾ ਦੇ ਰਿਸ਼ਤੇਦਾਰਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਅਪਸਰਾ ਗਰਭਵਤੀ ਸੀ। ਸਾਈ ਕ੍ਰਿਸ਼ਨਾ ਨੇ ਵੀ ਉਸਦਾ ਗਰਭਪਾਤ ਕਰਵਾ ਦਿੱਤਾ ਸੀ। ਰਿਸ਼ਤੇਦਾਰਾਂ ਮੁਤਾਬਕ ਅਪਸਰਾ ਪੁਜਾਰੀ ‘ਤੇ ਵਿਆਹ ਲਈ ਦਬਾਅ ਬਣਾ ਰਹੀ ਸੀ। ਇਸੇ ਕਾਰਨ ਸਾਈਂ ਕ੍ਰਿਸ਼ਨਾ ਨੇ ਸਾਜ਼ਿਸ਼ ਰਚ ਕੇ ਉਸ ਦਾ ਕਤਲ ਕਰ ਦਿੱਤਾ।

ਪ੍ਰਾਈਵੇਟ ਕੰਪਨੀ ਵਿੱਚ ਕੰਮ ਕਰਦੀ ਸੀ ਅਪਸਰਾ

ਪੁਜਾਰੀ ਦਾ ਕੰਮ ਕਰਨ ਵਾਲਾ ਸਾਈ ਕ੍ਰਿਸ਼ਨਾ ਸ਼ਰੂਰਨਗਰ ਇਲਾਕੇ ਵਿੱਚ ਰਹਿੰਦਾ ਸੀ। ਪੁਲਿਸ ਨੇ ਦੱਸਿਆ ਕਿ ਨਾਰਕੁਡਾ ਪਿੰਡ ਦੀ ਰਹਿਣ ਵਾਲੀ 30 ਸਾਲਾ ਅਪਸਰਾ ਇਕ ਪ੍ਰਾਈਵੇਟ ਕੰਪਨੀ ‘ਚ ਕੰਮ ਕਰਦੀ ਸੀ। ਉੱਥੇ ਹੀ 36 ਸਾਲਾ ਸੂਰਜ ਸਾਈ ਕ੍ਰਿਸ਼ਨਾ ਬਿਲਡਿੰਗ ਠੇਕੇਦਾਰ ਵਜੋਂ ਵੀ ਕੰਮ ਕਰਦਾ ਹੈ, ਜੋ ਸ਼ਰੂਰਨਗਰ ਖੇਤਰ ਵਿੱਚ ਬੰਗਾਰੂ ਮੈਸੰਮਾ ਮੰਦਿਰ ਵਿੱਚ ਪੁਜਾਰੀ ਵਜੋਂ ਵੀ ਕੰਮ ਕਰਦਾ ਹੈ।

ਪੁਲਿਸ ਨੇ ਦੱਸਿਆ ਕਿ ਅਪਸਰਾ ਸਾਈਂ ਕ੍ਰਿਸ਼ਨਾ ਦੇ ਨਾਲ ਸੁਲਤਾਨਪੱਲੀ ਵਿੱਚ ਇੱਕ ਗਊਸ਼ਾਲਾ ਵਿੱਚ ਗਈ ਸੀ ਅਤੇ ਕ੍ਰਿਸ਼ਨਾ ਨੇ ਉੱਥੇ ਉਸ ਦੀ ਹੱਤਿਆ ਕਰ ਦਿੱਤੀ। ਕਤਲ ਤੋਂ ਬਾਅਦ ਸਾਈ ਕ੍ਰਿਸ਼ਨਾ ਨੇ ਅਪਸਰਾ ਦੀ ਲਾਸ਼ ਨੂੰ ਮੰਦਿਰ ਦੇ ਪਿੱਛੇ ਹੀ ਦਬਾ ਦਿੱਤਾ। ਦਿਲਚਸਪ ਗੱਲ ਇਹ ਹੈ ਕਿ ਕਾਤਲ ਸਾਈ ਕ੍ਰਿਸ਼ਨਾ ਨੇ ਖੁਦ ਥਾਣੇ ਜਾ ਕੇ ਅਪਸਰਾ ਦੇ ਗੁੰਮ ਹੋਣ ਦੀ ਰਿਪੋਰਟ ਵੀ ਦਰਜ ਕਰਵਾਈ ਸੀ।

ਪੁਜਾਰੀ ਨੇ ਪੁਲਿਸ ਦੇ ਸਾਹਮਣੇ ਕਬੂਲਿਆ ਜੁਰਮ

ਇਸ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ ਅਤੇ ਸਾਈ ਕ੍ਰਿਸ਼ਨਾ ਤੋਂ ਪੁੱਛਗਿੱਛ ਕਰਨ ‘ਤੇ ਉਸ ਨੇ ਪੁਲਿਸ ਦੇ ਸਾਹਮਣੇ ਕਤਲ ਦਾ ਗੁਨਾਹ ਕਬੂਲ ਕਰ ਲਿਆ। ਹੁਣ ਹੈਦਰਾਬਾਦ ਪੁਲਿਸ ਨੇ ਗੁੰਮਸ਼ੁਦਗੀ ਮਾਮਲੇ ਨੂੰ ਕਤਲ ਕੇਸ ਵਿੱਚ ਤਬਦੀਲ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ