Bajinder Singh: ਕੌਣ ਹੈ ਪਾਸਟਰ ਬਜਿੰਦਰ ਸਿੰਘ, ਰੇਪ ਮਾਮਲੇ ਵਿੱਚ ਪਹੁੰਚਿਆ ਜੇਲ੍ਹ… ਪਾਪਾਜੀ ਦੇ ਨਾਂ ਨਾਲ ਸੀ ਮਸ਼ਹੂਰ?

ਪਾਸਟਰ ਬਜਿੰਦਰ ਸਿੰਘ

Follow Us On

ਮੋਹਾਲੀ ਦੀ ਅਦਾਲਤ ਵੱਲੋਂ ਰੇਪ ਦੇ ਇੱਕ ਮਾਮਲੇ ਵਿੱਚ ਉਮਰ ਕੈਦ ਦੀ ਸਜ਼ਾ ਪਾਉਣ ਵਾਲਾ ਪਾਸਟਰ ਬਜਿੰਦਰ ਸਿੰਘ ਮੂਲ ਰੂਪ ਤੋਂ ਹਰਿਆਣਾ ਦਾ ਰਹਿਣ ਵਾਲਾ ਹੈ। ਉਸਦਾ ਜਨਮ ਯਮੁਨਾਨਗਰ ਦੇ ਇੱਕ ਜਾਟ ਪਰਿਵਾਰ ਵਿੱਚ ਹੋਇਆ ਸੀ। ਉਸਨੂੰ 2000 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਕਤਲ ਦੇ ਆਰੋਪ ਹੇਠ ਜੇਲ੍ਹ ਭੇਜਿਆ ਗਿਆ ਸੀ।

ਉਸਨੇ ਬਹੁਤ ਸਾਰੇ ਰਾਜਨੀਤਿਕ ਲੋਕਾਂ ਅਤੇ ਅਧਿਕਾਰੀਆਂ ਨਾਲ ਸਬੰਧ ਬਣਾਏ ਅਤੇ ਉਸਦੀਆਂ ਮੀਟਿੰਗਾਂ ਵਿੱਚ ਆਉਣ ਵਾਲੇ ਲੋਕਾਂ ਦੀ ਗਿਣਤੀ ਵਧਦੀ ਗਈ। ਬਜਿੰਦਰ ਨੇ ਜੇਲ੍ਹ ਵਿੱਚ ਹੀ ਈਸਾਈ ਧਰਮ ਅਪਣਾ ਲਿਆ। ਰਿਹਾਈ ਤੋਂ ਬਾਅਦ, ਬਜਿੰਦਰ ਸਿੰਘ ਨੇ 2012 ਵਿੱਚ ਪ੍ਰਾਰਥਨਾ ਸਭਾਵਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ।

2016 ਵਿੱਚ ਕੀਤੀ ਸੀ ਚਰਚ ਆਫ਼ ਗਲੋਰੀ ਦੀ ਸਥਾਪਨਾ

ਬਜਿੰਦਰ ਸਿੰਘ ਨੇ ਸਾਲ 2016 ਵਿੱਚ ਜਲੰਧਰ ਦੇ ਤਾਜਪੁਰ ਪਿੰਡ ਵਿੱਚ ਚਰਚ ਆਫ਼ ਗਲੋਰੀ ਐਂਡ ਵਿਜ਼ਡਮ ਦੀ ਸਥਾਪਨਾ ਕੀਤੀ ਸੀ। ਉਸ ਦੇ ਚਰਚ ਦੀਆਂ ਦੇਸ਼ ਭਰ ਵਿੱਚ 260 ਸ਼ਾਖਾਵਾਂ ਹਨ। ਸਭ ਤੋਂ ਵੱਡਾ ਚਰਚ ਮੋਹਾਲੀ ਦੇ ਨਿਊ ਚੰਡੀਗੜ੍ਹ ਵਿੱਚ ਹੈ। ਉਹ ਚਮਤਕਾਰੀ ਇਲਾਜ ਕਰਨ ਦਾ ਦਾਅਵਾ ਕਰਦਾ ਹੈ, ਅਤੇ ਹਜ਼ਾਰਾਂ ਲੋਕ ਉਸ ਦੀਆਂ ਸਭਾਵਾਂ ਵਿੱਚ ਸ਼ਾਮਲ ਹੁੰਦੇ ਹਨ। ਪ੍ਰੋਫੇਟ ਬਜਿੰਦਰ ਸਿੰਘ ਦੇ ਨਾਮ ‘ਤੇ ਇੱਕ ਯੂਟਿਊਬ ਚੈਨਲ ਵੀ ਹੈ ਜਿਸਦੇ ਲਗਭਗ 37 ਲੱਖ ਸਬਸਕ੍ਰਾਈਬਰ ਹਨ। ਬਜਿੰਦਰ ਸਿੰਘ ਦੀਆਂ ਵਿਦੇਸ਼ਾਂ ਵਿੱਚ ਵੀ ਸ਼ਾਖਾਵਾਂ ਹਨ, ਜਿਨ੍ਹਾਂ ਵਿੱਚ ਅਮਰੀਕਾ, ਇਜ਼ਰਾਈਲ, ਮਾਰੀਸ਼ਸ, ਮਲੇਸ਼ੀਆ ਅਤੇ ਆਸਟ੍ਰੇਲੀਆ ਸ਼ਾਮਲ ਹਨ। ਉਸਦੇ ਪੈਰੋਕਾਰ ਉਸਨੂੰ ‘ਪਾਪਾਜੀ’ ਕਹਿੰਦੇ ਸਨ।

ਮੇਰੇ ਯਸ਼ੂ-ਯਸ਼ੂ ਤੋਂ ਮਿਲੀ ਸੀ ਪ੍ਰਸਿੱਧੀ

ਆਪਣੇ ਆਪ ਨੂੰ ਪ੍ਰੋਫੇਟ ਦੱਸਣ ਵਾਲਾ ਬਜਿੰਦਰ ਲੋਕਾਂ ਨੂੰ ਐੱਚਆਈਵੀ, ਗੂੰਗੇਪਣ ਅਤੇ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਤੋਂ ਠੀਕ ਕਰਨ ਦਾ ਦਾਅਵਾ ਕਰਦਾ ਹੈ। ਉਸਨੂੰ ਮੇਰੇ ਯਸ਼ੂ-ਯਸ਼ੂ ਤੋਂ ਬਹੁਤ ਪ੍ਰਸਿੱਧੀ ਮਿਲੀ। ਜਲੰਧਰ ਵਿੱਚ ‘ਦਿ ਚਰਚ ਆਫ਼ ਗਲੋਰੀ ਐਂਡ ਵਿਜ਼ਡਮ’ ਦੇ ਸੰਸਥਾਪਕ ਪਾਸਟਰ ਬਜਿੰਦਰ ਵਿਵਾਦਾਂ ਵਿੱਚ ਰਿਹਾ ਹੈ।

ਇਹ ਵੀ ਪੜ੍ਹੋ: ਪਾਦਰੀ ਬਜਿੰਦਰ ਸਿੰਘ ਨੂੰ ਉਮਰ ਕੈਦ: ਮੋਹਾਲੀ ਦੀ ਅਦਾਲਤ ਨੇ ਬਲਾਤਕਾਰ ਮਾਮਲੇ ਵਿੱਚ ਸੁਣਾਈ ਸਜ਼ਾ, ਸਾਰੀ ਉਮਰ ਰਹੇਗਾ ਜੇਲ੍ਹ ਵਿੱਚ

ਔਰਤ ਨੂੰ ਕਈ ਵਾਰ ਭੇਜੇ ਗਲਤ ਮੈਸੇਜ

ਦਰਜ ਕੀਤੀ ਗਈ ਐਫਆਈਆਰ ਵਿੱਚ, ਔਰਤ ਨੇ ਕਿਹਾ ਹੈ ਕਿ ਉਹ ਸਾਲ 2017 ਵਿੱਚ ਬਜਿੰਦਰ ਸਿੰਘ ਦੇ ਚਰਚ ਦੀ ਟੀਮ ਵਿੱਚ ਸ਼ਾਮਲ ਹੋਈ ਸੀ। ਐਫਆਈਆਰ ਵਿੱਚ ਆਰੋਪ ਲਗਾਇਆ ਗਿਆ ਹੈ ਕਿ ਸਾਲ 2022 ਵਿੱਚ, ਦੋਸ਼ੀ ਨੇ ਪੀੜਤਾ ਨੂੰ ਤੰਗ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਕਈ ਵਾਰ ਅਸ਼ਲੀਲ ਮੈਸੇਜ ਵੀ ਭੇਜੇ। ਔਰਤ ਨੇ ਦੱਸਿਆ ਕਿ ਦਸੰਬਰ 2017 ਵਿੱਚ, ਉਸਨੇ ਜਲੰਧਰ ਜ਼ਿਲ੍ਹੇ ਦੇ ਤਾਜਪੁਰ ਪਿੰਡ ਵਿੱਚ ਸਥਿਤ ਗਲੋਰੀ ਆਫ਼ ਵਿਜ਼ਡਮ ਚਰਚ ਨਾਮਕ ਇੱਕ ਸਤਿਸੰਗ ਵਿੱਚ ਜਾਣਾ ਸ਼ੁਰੂ ਕੀਤਾ, 2020 ਵਿੱਚ ਉਹ ਇਸ ਚਰਚ ਦੀ ਟੀਮ ਵਿੱਚ ਸ਼ਾਮਲ ਹੋ ਗਈ ਅਤੇ ਪਾਸਟਰ ਬਜਿੰਦਰ ਦੇ ਧਿਆਨ ਵਿੱਚ ਆਈ। ਪਾਦਰੀ ਨੇ ਉਸਦਾ ਮੋਬਾਈਲ ਨੰਬਰ ਲਿਆ ਅਤੇ ਉਸ ਨਾਲ ਗੱਲਬਾਤ ਕਰਨੀ ਸ਼ੁਰੂ ਕਰ ਦਿੱਤੀ, ਦੋਸ਼ੀ ਨੇ ਕਈ ਵਾਰ ਫੋਨ ‘ਤੇ ਅਣਉਚਿਤ ਮੈਸੇਜ ਵੀ ਭੇਜੇ।

ਪਾਸਟਰ ਬਜਿੰਦਰ ਸਿੰਘ ਨੂੰ ਉਮਰ ਕੈਦ

ਔਰਤ ਨੂੰ ਜੱਫੀ ਪਾਉਣ ਦੀ ਕੋਸ਼ਿਸ਼

ਔਰਤ ਦੇ ਅਨੁਸਾਰ, ਪਾਸਟਰ ਬਜਿੰਦਰ ਸਿੰਘ ਨੇ ਉਸਨੂੰ ਧਮਕੀ ਦਿੱਤੀ ਸੀ ਕਿ ਜੇਕਰ ਉਸਨੇ ਇਸ ਬਾਰੇ ਕਿਸੇ ਨੂੰ ਦੱਸਿਆ ਤਾਂ ਉਸਨੂੰ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨੂੰ ਮਾਰ ਦਿੱਤਾ ਜਾਵੇਗਾ। ਸਾਲ 2022 ਵਿੱਚ, ਪਾਸਟਰ ਬਜਿੰਦਰ ਸਿੰਘ ਨੇ ਇਸ ਔਰਤ ਨੂੰ ਜੱਫੀ ਪਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਉਸਨੂੰ ਅਸ਼ਲੀਲ ਢੰਗ ਨਾਲ ਛੂਹਿਆ। ਪਾਦਰੀ ਨੂੰ ਦਿੱਲੀ ਹਵਾਈ ਅੱਡੇ ‘ਤੇ ਉਸ ਸਮੇਂ ਗ੍ਰਿਫਤਾਰ ਕੀਤਾ ਗਿਆ ਜਦੋਂ ਉਹ ਲੰਡਨ ਜਾ ਰਿਹਾ ਸੀ ਅਤੇ ਆਰੋਪ ਸਾਬਤ ਨਾ ਹੋਣ ਕਾਰਨ ਉਸਨੂੰ ਬਰੀ ਕਰ ਦਿੱਤਾ ਗਿਆ। ਸਤੰਬਰ 2022 ਵਿੱਚ, ਦਿੱਲੀ ਦੇ ਇੱਕ ਪਰਿਵਾਰ ਨੇ ਇਲਜ਼ਾਮ ਲਗਾਇਆ ਸੀ ਕਿ ਬਜਿੰਦਰ ਨੇ ਉਨ੍ਹਾਂ ਤੋਂ ਉਨ੍ਹਾਂ ਦੀ ਕੈਂਸਰ ਪੀੜਤ ਧੀ ਦਾ ਇਲਾਜ ਪ੍ਰਾਰਥਨਾਵਾਂ ਨਾਲ ਕਰਨ ਲਈ ਪੈਸੇ ਮੰਗੇ ਸਨ, ਪਰ ਉਹ ਬੱਚ ਨਹੀਂ ਸਕੀ। ਸਾਲ 2023 ਵਿੱਚ, ਆਮਦਨ ਕਰ ਵਿਭਾਗ ਨੇ ਜਲੰਧਰ ਵਿੱਚ ਬਜਿੰਦਰ ਸਿੰਘ ਨਾਲ ਜੁੜੇ ਟਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ।

ਪਾਸਟਰ ਬਲਜਿੰਦਰ ਸਿੰਘ

ਪੀੜਤਾ ਨੇ ਦੱਸਿਆ ਸੀ ਸਾਈਕੋ

ਪਾਦਰੀ ਨੂੰ ਦੋਸ਼ੀ ਠਹਿਰਾਏ ਜਾਣ ਤੋਂ ਬਾਅਦ, ਪੀੜਤ ਔਰਤ ਨੇ ਆਰੋਪ ਲਗਾਇਆ ਸੀ ਕਿ ਪਾਦਰੀ ਬਜਿੰਦਰ ਸਿੰਘ ਇੱਕ ਸਾਈਕੋ ਸ਼ਖਸ ਸੀ। ਜੇ ਉਹ ਜੇਲ੍ਹ ਤੋਂ ਬਾਹਰ ਆਇਆ ਤਾਂ ਉਹ ਦੁਬਾਰਾ ਅਪਰਾਧ ਕਰੇਗਾ। ਇਸੇ ਲਈ ਮੈਂ ਚਾਹੁੰਦੀ ਹਾਂ ਕਿ ਉਹ ਹਮੇਸ਼ਾ ਲਈ ਜੇਲ੍ਹ ਵਿੱਚ ਰਹੇ।