ਪਤਾ ਨਹੀਂ ਸੀ ਇਹ ਰਾਤ ਹੋਵੇਗੀ ਆਖਰੀ! ਨਿੱਕੀ ਦੇ ਕਤਲ ਤੋਂ ਪਹਿਲਾਂ ਦੀ ਵੀਡੀਓ ਆਈ ਸਾਹਮਣੇ

ਪਤਾ ਨਹੀਂ ਸੀ ਇਹ ਰਾਤ ਹੋਵੇਗੀ ਆਖਰੀ! ਨਿੱਕੀ ਦੇ ਕਤਲ ਤੋਂ ਪਹਿਲਾਂ ਦੀ ਵੀਡੀਓ ਆਈ ਸਾਹਮਣੇ। NIcky last night video

ਦੇਸ਼ ਦੀ ਰਾਜਧਾਨੀ ਦਿੱਲੀ ‘ਚ ਸ਼ਰਧਾ ਦੇ ਕਤਲ ਤੋਂ ਬਾਅਦ ਇਕ ਵਾਰ ਫਿਰ ਪਿਆਰ ਦੀ ਖੌਫਨਾਕ ਕਹਾਣੀ ਸਾਹਮਣੇ ਆਈ ਹੈ। ਜਿਸ ਵਿੱਚ ਸਾਹਿਲ ਗਹਿਲੋਤ ਨਾਮਕ ਪ੍ਰੇਮੀ ਨੇ ਆਪਣੀ 22 ਸਾਲਾ ਪ੍ਰੇਮਿਕਾ ਨਿੱਕੀ ਯਾਦਵ ਵਾਸੀ ਝੱਜਰ ਦਾ ਮੋਬਾਈਲ ਦੀ ਬੇਰਹਿਮੀ ਨਾਲ ਮੋਬਾਈਲ ਦੇ ਤਾਰ ਨਾਲ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ। ਹੁਣ ਇਸ ਕਤਲ ਕੇਸ ਵਿੱਚ ਹੈਰਾਨ ਕਰਨ ਵਾਲੇ ਖੁਲਾਸੇ ਹੋ ਰਹੇ ਹਨ। ਨਿੱਕੀ ਦੇ ਕਤਲ ਤੋਂ ਕੁਝ ਸਮਾਂ ਪਹਿਲਾਂ ਦੀ ਇੱਕ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ।

ਉੱਤਮ ਨਗਰ ‘ਚ ਨਿੱਕੀ ਯਾਦਵ ਜਿਸ ਮਕਾਨ ‘ਚ ਕਿਰਾਏ ‘ਤੇ ਰਹਿੰਦੀ ਸੀ। ਉੱਥੇ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਉਹ ਛੱਤ ਵੱਲ ਜਾਂਦੀ ਨਜਰ ਆ ਰਹੀ ਹੈ। ਉਸ ਨੇ ਇੱਕ ਹੱਥ ਵਿੱਚ ਕੱਪੜੇ ਫੜੇ ਹੋਏ ਸਨ। ਵੀਡੀਓ ‘ਚ ਨਿੱਕੀ ਦੇ ਚਿਹਰੇ ‘ਤੇ ਕੋਈ ਚਿੰਤਾ ਨਜ਼ਰ ਨਹੀਂ ਆ ਰਹੀ ਹੈ। ਉਹ ਚਿੱਲ ਅੰਦਾਜ਼ ‘ਚ ਛੱਤ ਦੀਆਂ ਪੌੜੀਆਂ ‘ਤੇ ਜਾਂਦੀ ਦਿਖਾਈ ਦੇ ਰਹੀ ਹੈ। ਦੂਜੇ ਪਾਸੇ ਇਕ ਹੋਰ ਫੁਟੇਜ ‘ਚ ਨਿੱਕੀ ਰਾਤ ਨੂੰ 9 ਵਜੇ ਦੇ ਕਰੀਬ ਦੂਜੀ ਵਾਰ ਬਾਹਰ ਜਾਂਦੀ ਦਿਖਾਈ ਦੇ ਰਹੀ ਹੈ। ਨੀਤੂ ਯਾਦਵ ਆਪਣੀ ਇਕ ਭੈਣ ਨਾਲ ਇਸ ਫਲੈਟ ‘ਚ ਪਿਛਲੇ 5 ਮਹੀਨਿਆਂ ਤੋਂ ਰਹਿ ਰਹੀ ਸੀ ਅਤੇ ਦੋਸ਼ੀ ਸਾਹਿਲ ਗਹਿਲੋਤ ਲਗਾਤਾਰ ਇੱਥੇ ਆਇਆ-ਜਾਇਆ ਕਰਦੀ ਸੀ।

ਗੁਆਂਢੀਆਂ ਨਾਲ ਬਹੁਤੀ ਗੱਲ ਨਹੀਂ ਕਰਦੀ ਸੀ ਨਿੱਕੀ

ਦੱਸਿਆ ਜਾ ਰਿਹਾ ਹੈ ਕਿ ਨਿੱਕੀ ਨੇ ਆਪਣੇ ਗੁਆਂਢੀਆਂ ਨੂੰ ਦੱਸਿਆ ਸੀ ਕਿ ਉਹ ਪੜ੍ਹਾਈ ਕਰ ਰਹੀ ਹੈ ਅਤੇ ਜ਼ਿਆਦਾਤਰ ਉਹ ਲੋਕਾਂ ਨਾਲ ਗੱਲ ਨਹੀਂ ਕਰਦੀ ਸੀ। ਪਰ ਇੱਥੇ ਮੌਜੂਦ ਲੋਕਾਂ ਨੇ ਸਾਹਿਲ ਨੂੰ ਵੀ ਕਈ ਵਾਰ ਇਸ ਫਲੈਟ ‘ਚ ਆਉਂਦੇ ਦੇਖਿਆ ਹੈ। ਨਿੱਕੀ ਦੇ ਦਾਦਾ ਰਾਮਕਿਸ਼ਨ ਨੇ ਦੱਸਿਆ ਕਿ ਨਿੱਕੀ ਅਤੇ ਉਸ ਦੀ ਛੋਟੀ ਭੈਣ ਆਖਰੀ ਵਾਰ 23 ਦਸੰਬਰ ਨੂੰ ਘਰ ਆਈਆਂ ਸਨ। 5 ਦਿਨ ਘਰ ਹੀ ਰਹੀਆਂ ਸ। ਉਹ ਬਹੁਤ ਖੁਸ਼ ਸਨ। ਦੋਵੇਂ ਭੈਣਾਂ ਬਾਹਰ ਵੱਖ-ਵੱਖ ਕਾਲਜਾਂ ਵਿੱਚ ਪੜ੍ਹਦੀਆਂ ਹਨ। ਦਾਦਾ ਰਾਮਕਿਸ਼ਨ ਨੇ ਕਿਹਾ ਹੈ ਕਿ ਸਾਹਿਲ ਨੂੰ ਫਾਂਸੀ ਹੋਣੀ ਚਾਹੀਦੀ ਹੈ।ਉੱਧਰ ਕਤਲ ਦੀ ਖਬਰ ਮਿਲਣ ਤੋਂ ਬਾਅਦ ਨਿੱਕੀ ਦੀ ਮਾਂ ਦੀ ਸਿਹਤ ਵਿਗੜ ਗਈ ਹੈ। ਉਨ੍ਹਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।

ਸਾਹਿਲ ਨੂੰ ਨਹੀਂ ਹੈ ਪਛਤਾਵਾ

ਸਾਹਿਲ ਅਤੇ ਨਿੱਕੀ ਦਾ ਪ੍ਰੇਮ ਸਬੰਧ ਸਾਲ 2018 ਤੋਂ ਚੱਲ ਰਿਹਾ ਸੀ। ਸਾਹਿਲ ਐਸਐਸਸੀ ਕੋਚਿੰਗ ਲਈ ਜਾਂਦਾ ਸੀ ਜਦੋਂ ਕਿ ਨਿੱਕੀ ਮੈਡੀਕਲ ਦੀ ਤਿਆਰੀ ਲਈ ਕੋਚਿੰਗ ਲੈ ਰਹੀ ਸੀ। ਦੋਵੇਂ ਇੱਕੋ ਬੱਸ ਵਿੱਚ ਸਫ਼ਰ ਕਰਦੇ ਸਨ। ਇਸ ਦੌਰਾਨ ਦੋਹਾਂ ‘ਚ ਪਿਆਰ ਹੋ ਗਿਆ। ਫਿਲਹਾਲ ਪੁਲਿਸ ਨੇ ਦੋਸ਼ੀ ਸਾਹਿਲ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਸਾਹਿਲ ਨੇ ਪੁਲਿਸ ਨੂੰ ਦੱਸਿਆ ਹੈ ਕਿ ਉਸਨੂੰ ਆਪਣੇ ਕੀਤੇ ਦਾ ਕੋਈ ਪਛਤਾਵਾ ਨਹੀਂ ਹੈ।