ਜਲੰਧਰ ‘ਚ ਪੈਰੋਲ ‘ਤੇ ਜੇਲ੍ਹ ਤੋਂ ਬਾਹਰ ਆਏ ਵਿਅਕਤੀ ਨੇ ਕੀਤਾ ਡਬਲ ਕਤਲ, ਵਜ੍ਹਾ ਕਰ ਦੇਵੇਗੀ ਹੈਰਾਨ
29 Apr 2025 18:32 PM
ਜਲੰਧਰ ਵਿੱਚ, ਪੈਰੋਲ 'ਤੇ ਜੇਲ੍ਹ ਤੋਂ ਬਾਹਰ ਆਏ ਇੱਕ ਵਿਅਕਤੀ ਨੇ ਦੋਹਰਾ ਕਤਲ ਕਰ ਦਿੱਤਾ। ਹਾਲਾਂਕਿ, ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮ ਦੀ ਪਛਾਣ ਹਰਵਿੰਦਰ ਸਿੰਘ ਬਿੰਦਰ ਵਜੋਂ ਹੋਈ ਹੈ। ਪੁਲਿਸ ਨੇ ਭਿੰਡਰ ਨੂੰ ਗੁਜਰਾਤ ਦੇ ਕੱਛ ਤੋਂ ਗ੍ਰਿਫ਼ਤਾਰ ਕੀਤਾ।
ਸੰਕੇਤਕ ਤਸਵੀਰ
Jalandhar Double Murder: ਜਲੰਧਰ ਦੇ ਪਰਾਗਪੁਰ ਤੋਂ 19 ਅਪ੍ਰੈਲ ਦੀ ਰਾਤ ਨੂੰ 44 ਸਾਲਾ ਵਕੀਲ ਸੰਜੀਵ ਕੁਮਾਰ ਅਤੇ ਉਸਦੀ ਮਹਿਲਾ ਦੋਸਤ ਅੰਜੂ ਪਾਲ ਦੇ ਅਗਵਾ ਹੋਣ ਦਾ ਇੱਕ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ। ਦੋਵਾਂ ਨੂੰ ਅਗਵਾ ਕਰ ਲਿਆ ਗਿਆ ਸੀ ਅਤੇ ਉਹ ਪਰਾਗਪੁਰ ਨੇੜੇ ਏਜੀਆਈ ਇਮਾਰਤ ਦੀ ਸੱਤਵੀਂ ਮੰਜ਼ਿਲ ‘ਤੇ ਫਲੈਟ ਨੰਬਰ 711 (ਈ) ਵਿੱਚ ਰਹਿੰਦੇ ਸਨ। ਹੁਣ ਇਸ ਮਾਮਲੇ ਨੂੰ ਕਪੂਰਥਲਾ ਪੁਲਿਸ ਨੇ ਹੱਲ ਕਰ ਲਿਆ ਹੈ। ਪੁਲਿਸ ਨੇ ਇਸ ਮਾਮਲੇ ਦੇ ਮੁੱਖ ਦੋਸ਼ੀ ਨੂੰ ਗੁਜਰਾਤ ਦੇ ਕੱਛ ਤੋਂ ਗ੍ਰਿਫ਼ਤਾਰ ਕੀਤਾ ਹੈ।
ਮੁਲਜ਼ਮ ਦੀ ਪਛਾਣ ਹਰਵਿੰਦਰ ਸਿੰਘ ਬਿੰਦਰ ਵਜੋਂ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬੰਦਿਰ ਦੋ ਮਹੀਨੇ ਪਹਿਲਾਂ ਹੀ ਪੈਰੋਲ ‘ਤੇ ਜੇਲ੍ਹ ਤੋਂ ਬਾਹਰ ਆਇਆ ਸੀ। ਉਸ ਨੇ 13 ਸਾਲ ਪਹਿਲਾਂ ਮੋਗਾ ਵਿੱਚ ਤਾਇਨਾਤ ਡੀਐਸਪੀ ਬਲਰਾਜ ਸਿੰਘ ਗਿੱਲ ਤੇ ਉਸ ਦੀ ਪ੍ਰੇਮਿਕਾ ਮੋਨਿਕਾ ਕਪਿਲਾ ਦਾ ਕਤਲ 1 ਫਰਵਰੀ 2012 ਦੀ ਰਾਤ ਨੂੰ ਲੁਧਿਆਣਾ ਦੇ ਗੋਲਫ ਲਿੰਕਸ ਸਥਿਤ ਇੱਕ ਫਾਰਮ ਹਾਊਸ ਵਿੱਚ ਕੀਤਾ ਸੀ।
ਪੁਲਿਸ ਪੁੱਛਗਿੱਛ ਦੌਰਾਨ ਮੁਲਜ਼ਮ ਨੇ ਕੀ ਦੱਸਿਆ?
ਉਹ ਡੀਐਸਪੀ ਬਲਰਾਜ ਸਿੰਘ ਗਿੱਲ ਅਤੇ ਮੋਨਿਕਾ ਕਪਿਲਾ ਦੇ ਕਤਲ ਦੇ ਇਲਜ਼ਾਮ ਵਿੱਚ ਦੋਹਰੀ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਸੀ। ਭਿੰਡਰ ਨੇ 23 ਅਪ੍ਰੈਲ ਨੂੰ ਜੇਲ੍ਹ ਵਾਪਸ ਜਾਣਾ ਸੀ, ਪਰ ਜੇਲ੍ਹ ਜਾਣ ਤੋਂ ਪਹਿਲਾਂ ਉਸ ਨੇ ਇੱਕ ਹੋਰ ਦੋਹਰਾ ਕਤਲ ਕਰ ਦਿੱਤਾ। ਜਦੋਂ ਪੁਲਿਸ ਨੇ ਭਿੰਡਰ ਨੂੰ ਪੁੱਛਿਆ ਕਿ ਸੰਜੀਵ ਤੇ ਅੰਜੂ ਕਿੱਥੇ ਹਨ, ਤਾਂ ਮੁਲਜ਼ਮ ਨੇ ਦੱਸਿਆ ਕਿ ਉਸ ਨੇ ਦੋਵਾਂ ਨੂੰ ਮਾਰ ਦਿੱਤਾ ਹੈ। ਜਦੋਂ ਪੁਲਿਸ ਨੇ ਦੋਵਾਂ ਦੀਆਂ ਲਾਸ਼ਾਂ ਬਾਰੇ ਪੁੱਛਿਆ ਤਾਂ ਉਸ ਨੇ ਕਿਹਾ ਕਿ ਤੁਸੀਂ ਕਿਉਂ ਚਿੰਤਤ ਹੋ। ਮੈਂ ਤੁਹਾਨੂੰ ਲੁਧਿਆਣੇ ਵਿੱਚ ਦੱਸਾਂਗਾ।
ਇਸ ਲਈ ਕੀਤਾ ਕਤਲ
ਪੁਲਿਸ ਨੇ ਮ੍ਰਿਤਕ ਸੰਜੀਵ ਕੁਮਾਰ ਦੀ ਕਾਰ ਪਹਿਲਾਂ ਹੀ ਲੁਧਿਆਣਾ ਤੋਂ ਬਰਾਮਦ ਕਰ ਲਈ ਹੈ। ਭਿੰਡਰ ਨੇ ਕਿਹਾ ਕਿ ਉਸ ਨੇ ਜੇਲ੍ਹ ਵਿੱਚ ਚਿੱਟਾ ਵੇਚਿਆ ਅਤੇ ਆਪਣੀ ਕਮਾਈ ਅੰਜੂ ਨੂੰ ਦਿੰਦਾ ਰਿਹਾ। ਮੁਲਜ਼ਮ ਨੇ ਕਿਹਾ ਕਿ ਅੰਜੂ ਪਹਿਲਾਂ ਸੰਤੋਸ਼ਪੁਰਾ ਵਿੱਚ ਰਹਿੰਦੀ ਸੀ, ਪਰ ਉਸ ਦੇ ਪੈਸੇ ਭੇਜਣ ਤੋਂ ਬਾਅਦ, ਉਸ ਨੇ ਇੱਕ ਫਲੈਟ ਖਰੀਦ ਲਿਆ ਪਰ ਫਿਰ ਉਹ ਉਸਨੂੰ ਛੱਡ ਗਈ ਅਤੇ ਹੁਣ ਇੱਕ ਵਕੀਲ ਨਾਲ ਰਹਿ ਰਹੀ ਸੀ। ਦੋਸ਼ੀ ਨੇ ਕਿਹਾ ਕਿ ਉਹ ਇਹ ਬਰਦਾਸ਼ਤ ਨਹੀਂ ਕਰ ਸਕਦਾ। ਇਸ ਲਈ, ਉਸਨੇ ਆਪਣੇ ਦੋ ਦੋਸਤਾਂ ਨਾਲ ਮਿਲ ਕੇ ਦੋਵਾਂ ਨੂੰ ਮਾਰ ਦਿੱਤਾ।