CBSE ਦੇ OnMark ਪੋਰਟਲ ਤੋਂ ਟਲਿਆ ਹੈਕਿੰਗ ਦਾ ਖਤਰਾ, 19 ਲੱਖ ਵਿਦਿਆਰਥੀਆਂ ਨੂੰ ਰਾਹਤ
CBSE OnMark Portal: CBSE ਦੇ 'OnMark' (ਆਨ-ਸਕ੍ਰੀਨ ਮਾਰਕਿੰਗ) ਪੋਰਟਲ ਉੱਤੇ ਮੰਡਰਾ ਰਿਹਾ ਹੈਕਿੰਗ ਦਾ ਖਤਰਾ ਹੁਣ ਪੂਰੀ ਤਰ੍ਹਾਂ ਟਲ ਗਿਆ ਹੈ। CBSE ਨੇ ਆਪਣੇ X ਹੈਂਡਲ ਤੇ ਇੱਕ ਪੋਸਟ ਰਾਹੀਂ ਜਾਣਕਾਰੀ ਦਿੱਤੀ ਹੈ ਕਿ 'OnMark' ਪੋਰਟਲ ਵਿੱਚ ਮੌਜੂਦ ਸੁਰੱਖਿਆ ਖਾਮੀਆਂ ਨੂੰ IIT ਦੇ ਸਾਈਬਰ ਸੁਰੱਖਿਆ ਮਾਹਿਰਾਂ ਵੱਲੋਂ ਦੂਰ ਕਰ ਦਿੱਤਾ ਗਿਆ ਹੈ।
CBSE ਦੇ ‘OnMark’ (ਆਨ-ਸਕ੍ਰੀਨ ਮਾਰਕਿੰਗ) ਪੋਰਟਲ ਉੱਤੇ ਮੰਡਰਾ ਰਿਹਾ ਹੈਕਿੰਗ ਦਾ ਖਤਰਾ ਹੁਣ ਪੂਰੀ ਤਰ੍ਹਾਂ ਟਲ ਗਿਆ ਹੈ। CBSE ਨੇ ਆਪਣੇ X ਹੈਂਡਲ ਤੇ ਇੱਕ ਪੋਸਟ ਰਾਹੀਂ ਜਾਣਕਾਰੀ ਦਿੱਤੀ ਹੈ ਕਿ ‘OnMark’ ਪੋਰਟਲ ਵਿੱਚ ਮੌਜੂਦ ਸੁਰੱਖਿਆ ਖਾਮੀਆਂ ਨੂੰ IIT ਦੇ ਸਾਈਬਰ ਸੁਰੱਖਿਆ ਮਾਹਿਰਾਂ ਵੱਲੋਂ ਦੂਰ ਕਰ ਦਿੱਤਾ ਗਿਆ ਹੈ। CBSE ਦੇ ਇਸ ਦਾਅਵੇ ਨਾਲ ਇਸ ਸਾਲ 12ਵੀਂ ਕਲਾਸ ਪਾਸ ਕਰਨ ਵਾਲੇ ਲੁਧਿਆਣਾ ਰੀਜਨ ਦੇ ਕਰੀਬ 1.25 ਲੱਖ ਵਿਦਿਆਰਥੀਆਂ ਅਤੇ ਦੇਸ਼ ਭਰ ਦੇ ਲਗਭਗ 19 ਲੱਖ ਵਿਦਿਆਰਥੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ। OnMark ਪੋਰਟਲ ਵਿੱਚ ਖਾਮੀਆਂ ਦੀਆਂ ਖ਼ਬਰਾਂ ਕਾਰਨ ਵਿਦਿਆਰਥੀ ਕਾਫ਼ੀ ਚਿੰਤਤ ਸਨ, ਪਰ ਹੁਣ CBSE ਦੇ ਇਸ ਐਲਾਨ ਤੋਂ ਬਾਅਦ ਉਨ੍ਹਾਂ ਦੀ ਚਿੰਤਾ ਦੂਰ ਹੋ ਗਈ ਹੈ।
CBSE ਦਾ ਦਾਅਵਾ ਹੈ ਕਿ ਸੁਰੱਖਿਆ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਬਣਾਉਣ ਤੋਂ ਬਾਅਦ ਵਿਦਿਆਰਥੀਆਂ ਦਾ ਸਾਰਾ ਡਾਟਾ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ ਅਤੇ ਉਨ੍ਹਾਂ ਦੇ ਅੰਕਾਂ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਹੇਰਾਫੇਰੀ ਨਹੀਂ ਕੀਤੀ ਜਾ ਸਕਦੀ। ਇਸ ਤੋਂ ਪਹਿਲਾਂ 19 ਸਾਲਾ ਵਿਦਿਆਰਥੀ ਅਤੇ ਸਾਈਬਰ ਸੁਰੱਖਿਆ ਖੋਜਕਾਰ ਨਿਸਰਗ ਅਧਿਕਾਰੀ ਨੇ ਦਾਅਵਾ ਕੀਤਾ ਸੀ ਕਿ CBSE ਦੀ ਵੈੱਬਸਾਈਟ ਨੂੰ ਆਸਾਨੀ ਨਾਲ ਹੈਕ ਕੀਤਾ ਜਾ ਸਕਦਾ ਹੈ।
ਨਿਸਰਗ ਅਧਿਕਾਰੀ ਦੇ ਦਾਵਿਆਂ ਤੋਂ ਬਾਅਦ CBSE ਨੇ ਕੇਂਦਰ ਸਰਕਾਰ ਦੇ ਵੱਖ-ਵੱਖ ਵਿਭਾਗਾਂ ਅਤੇ ਦੇਸ਼ ਦੇ ਪ੍ਰਮੁੱਖ ਸੰਸਥਾਨ IIT ਦੇ ਸਾਈਬਰ ਸੁਰੱਖਿਆ ਮਾਹਿਰਾਂ ਦੀ ਇੱਕ ਹਾਈ-ਟੈਕ ਟੀਮ ਨੂੰ ਇਸ ਮਾਮਲੇ ਦੀ ਜਾਂਚ ਅਤੇ ਹੱਲ ਲਈ ਤਾਇਨਾਤ ਕੀਤਾ ਸੀ। ਇਸ ਟੀਮ ਨੇ ਲੀਕ ਹੋਏ ਮਾਸਟਰ ਪਾਸਵਰਡ ਨਾਲ ਜੁੜੀ ਸੁਰੱਖਿਆ ਖਾਮੀ ਨੂੰ ਦੂਰ ਕਰ ਦਿੱਤਾ ਹੈ ਅਤੇ ਪੂਰੇ ਡਿਜ਼ਿਟਲ ਮਾਰਕਿੰਗ ਸਿਸਟਮ ਨੂੰ ਹੋਰ ਵੱਧ ਸੁਰੱਖਿਅਤ ਨਵੇਂ ਸਰਵਰ ਅਤੇ ਤਕਨੀਕੀ ਢਾਂਚੇ ਤੇ ਤਬਦੀਲ ਕਰ ਦਿੱਤਾ ਹੈ।
ਇਸ ਦੇ ਨਾਲ ਹੀ CBSE ਨੇ ਪੂਰੀ ਪਾਰਦਰਸ਼ਤਾ ਦਿਖਾਉਂਦੇ ਹੋਏ ਇੱਕ ਅਧਿਕਾਰਿਕ ਈਮੇਲ ਆਈਡੀ (secy-cbse@nic.in) ਵੀ ਜਾਰੀ ਕੀਤੀ ਹੈ। ਜੇਕਰ ਕਿਸੇ ਆਮ ਨਾਗਰਿਕ ਜਾਂ ਤਕਨੀਕੀ ਮਾਹਿਰ ਕੋਲ ਸੁਰੱਖਿਆ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਕੋਈ ਮਹੱਤਵਪੂਰਨ ਜਾਣਕਾਰੀ ਜਾਂ ਲਾਭਦਾਇਕ ਸੁਝਾਅ ਹੋਵੇ, ਤਾਂ ਉਹ ਇਸ ਨੂੰ ਸਿੱਧੇ CBSE ਦੀ ਕੋਰ ਸੁਰੱਖਿਆ ਟੀਮ ਤੱਕ ਪਹੁੰਚਾ ਸਕਦੇ ਹਨ।
ਕਿਵੇਂ ਸਾਹਮਣੇ ਆਈ ਵੈਂਡਰ ਕੰਪਨੀ ਦੀ ਲਾਪਰਵਾਹੀ?
ਇਹ ਪੂਰਾ ਮਾਮਲਾ CBSE ਦੇ ਉਸ ਡਿਜ਼ਿਟਲ ਮੁਲਾਂਕਣ ਸਿਸਟਮ ਨਾਲ ਜੁੜਿਆ ਹੋਇਆ ਸੀ, ਜਿਸ ਰਾਹੀਂ 12ਵੀਂ ਜਮਾਤ ਦੀਆਂ Answer Sheet ਦੀ ਜਾਂਚ ਅਤੇ ਅੰਕਾਂ ਨੂੰ ਆਨਲਾਈਨ ਅਪਲੋਡ ਕਰਨ ਦਾ ਕੰਮ ਕੀਤਾ ਜਾ ਰਿਹਾ ਸੀ। ਸ਼ੁਰੂਆਤੀ ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਜਿਸ ਥਰਡ-ਪਾਰਟੀ ਵੈਂਡਰ ਕੰਪਨੀ ਨੂੰ ਇਸ ਬਹੁਤ ਹੀ ਸੰਵੇਦਨਸ਼ੀਲ ਕੰਮ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਸੀ, ਉਸ ਦੇ ਸੁਰੱਖਿਆ ਪ੍ਰਬੰਧ ਕਾਫ਼ੀ ਕਮਜ਼ੋਰ ਅਤੇ ਲਾਪਰਵਾਹੀ ਭਰੇ ਸਨ। ਇਸ ਤੋਂ ਇਲਾਵਾ ਜ਼ਮੀਨੀ ਪੱਧਰ ਤੇ ਵੀ ਤਕਨੀਕੀ ਪ੍ਰਬੰਧਨ ਵਿੱਚ ਗੰਭੀਰ ਖਾਮੀਆਂ ਪਾਈਆਂ ਗਈਆਂ।
ਇਹ ਵੀ ਪੜ੍ਹੋ
ਵੈਂਡਰ ਕੰਪਨੀ ਵੱਲੋਂ ਲਗਭਗ 5,000 ਵਿਦਿਆਰਥੀਆਂ ਦੀਆਂ Answer Sheet ਨੂੰ ਬਹੁਤ ਧੁੰਦਲੇ ਢੰਗ ਨਾਲ ਸਕੈਨ ਕੀਤਾ ਗਿਆ ਸੀ, ਜਿਸ ਕਾਰਨ ਅਧਿਆਪਕਾਂ ਨੂੰ ਮੁਲਾਂਕਣ ਕਰਨ ਦੌਰਾਨ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।
ਇਸ ਤੋਂ ਇਲਾਵਾ, ਘੱਟੋ-ਘੱਟ 23 ਅਜਿਹੇ ਗੰਭੀਰ ਮਾਮਲੇ ਸਾਹਮਣੇ ਆਏ, ਜਿੱਥੇ ਇੱਕ ਵਿਦਿਆਰਥੀ ਦੀ Answer Sheet ਨੂੰ ਕਿਸੇ ਹੋਰ ਵਿਦਿਆਰਥੀ ਦੇ ਰੋਲ ਨੰਬਰ ਅਤੇ ਮਾਰਕਸ਼ੀਟ ਨਾਲ ਜੋੜ ਦਿੱਤਾ ਗਿਆ ਸੀ। ਹਾਲਾਂਕਿ ਵਿਵਾਦ ਵੱਧਣ ਤੋਂ ਬਾਅਦ CBSE ਨੇ ਸਫ਼ਾਈ ਦਿੰਦਿਆਂ ਕਿਹਾ ਸੀ ਕਿ ਜਿੱਥੇ ਇਹ ਖਾਮੀਆਂ ਮਿਲੀਆਂ ਸਨ, ਉਹ ਮੁੱਖ ਲਾਈਵ ਵੈੱਬਸਾਈਟ ਨਹੀਂ ਸੀ, ਸਗੋਂ ਸਿਰਫ਼ ਇੱਕ ਟੈਸਟਿੰਗ ਜਾਂ ਸੈਂਪਲ ਸਾਈਟ ਸੀ। ਫਿਰ ਵੀ, ਕਿਸੇ ਵੀ ਤਰ੍ਹਾਂ ਦਾ ਜੋਖ਼ਮ ਨਾ ਲੈਂਦੇ ਹੋਏ ਬੋਰਡ ਨੇ ਪੂਰੇ ਸਿਸਟਮ ਨੂੰ ਅਪਗ੍ਰੇਡ ਕਰਨ ਦਾ ਫੈਸਲਾ ਕੀਤਾ ਅਤੇ ਸੁਰੱਖਿਆ ਪ੍ਰਬੰਧਾਂ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਲੋੜੀਂਦੇ ਤਕਨੀਕੀ ਸੁਧਾਰ ਕੀਤੇ।
