ਸਿਰਫ਼ 5.65 ਲੱਖ ‘ਚ ਮਿਲੇਗੀ 7-ਸੀਟਰ ਕਾਰ, ਬੇਸ ਮਾਡਲ ‘ਚ ਵੀ ਮਿਲਣਗੇ ਇਹ ਸ਼ਾਨਦਾਰ ਫੀਚਰਸ

ਭਾਰਤੀ ਆਟੋਮੋਬਾਈਲ ਮਾਰਕੀਟ ਵਿੱਚ ਆਪਣੀ ਪਛਾਣ ਮਜ਼ਬੂਤ ਕਰਦੇ ਹੋਏ, ਨਿਸਾਨ (Nissan) ਨੇ ਆਪਣੀ ਨਵੀਂ ਬਹੁ-ਉਦੇਸ਼ੀ ਗੱਡੀ (MPV) Gravite ਨੂੰ ਅਧਿਕਾਰਤ ਤੌਰ ‘ਤੇ ਲਾਂਚ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਕੰਪਨੀ ਦਾ ਪੋਰਟਫੋਲੀਓ ਹੁਣ ਮੈਗਨਾਈਟ (Magnite) ਤੋਂ ਅੱਗੇ ਵਧ ਗਿਆ ਹੈ। ਇਸ 7-ਸੀਟਰ ਕਾਰ ਦੀ ਸ਼ੁਰੂਆਤੀ ਕੀਮਤ 5.65 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਰੱਖੀ ਗਈ ਹੈ। ਕੰਪਨੀ ਨੇ ਇਸ ਨੂੰ 5 ਮੁੱਖ ਮਾਡਲਾਂ ਵਿੱਚ ਉਤਾਰਿਆ ਹੈ, ਜਿਨ੍ਹਾਂ ਵਿੱਚ ਵਿਸੀਆ (Visia), ਐਸੈਂਟਾ (Acenta), ਐਨ-ਕਨੈਕਟਾ (N-Connecta), ਟੇਕਨਾ (Tekna) ਅਤੇ ਇੱਕ ਲਿਮਟਿਡ ‘ਲਾਂਚ ਐਡੀਸ਼ਨ’ ਸ਼ਾਮਲ ਹਨ। ਖ਼ਾਸ ਗੱਲ ਇਹ ਹੈ ਕਿ ‘ਲਾਂਚ ਐਡੀਸ਼ਨ’ ਸਿਰਫ਼ ਪਹਿਲੇ 1001 ਗਾਹਕਾਂ ਲਈ ਹੀ ਉਪਲਬਧ ਹੋਵੇਗਾ।

ਬੇਸ ਮਾਡਲ

Visia ਇਸ ਗ੍ਰੈਵਾਈਟ ਲਾਈਨਅੱਪ ਦਾ ਸ਼ੁਰੂਆਤੀ ਵੇਰੀਐਂਟ ਹੈ, ਜੋ ਸਿਰਫ਼ ਮੈਨੂਅਲ ਗਿਅਰਬਾਕਸ ਦੇ ਨਾਲ ਆਉਂਦਾ ਹੈ। ਬੇਸ ਮਾਡਲ ਹੋਣ ਦੇ ਬਾਵਜੂਦ, ਨਿਸਾਨ ਨੇ ਇਸ ਵਿੱਚ ਪ੍ਰੋਜੈਕਟਰ ਹੈੱਡਲੈਂਪਸ, ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ ਅਤੇ ਚਾਰੇ ਪਾਵਰ ਵਿੰਡੋਜ਼ ਦਿੱਤੀਆਂ ਹਨ। ਇਸ ਦੀਆਂ ਪਿਛਲੀਆਂ ਸੀਟਾਂ ਨੂੰ ਫੋਲਡ, ਸਲਾਈਡ ਅਤੇ ਰਿਕਲਾਈਨ ਕੀਤਾ ਜਾ ਸਕਦਾ ਹੈ। ਲੋੜ ਪੈਣ ‘ਤੇ ਤੀਜੀ ਲਾਈਨ ਦੀਆਂ ਸੀਟਾਂ ਨੂੰ ਪੂਰੀ ਤਰ੍ਹਾਂ ਹਟਾਇਆ ਵੀ ਜਾ ਸਕਦਾ ਹੈ ਤਾਂ ਜੋ ਸਾਮਾਨ ਰੱਖਣ ਲਈ ਜ਼ਿਆਦਾ ਜਗ੍ਹਾ (Boot Space) ਬਣ ਸਕੇ। ਸੁਰੱਖਿਆ ਲਈ ਇਸ ਵਿੱਚ 6 ਏਅਰਬੈਗ, ESP ਅਤੇ ਸਟੈਬਿਲਿਟੀ ਪ੍ਰੋਗਰਾਮ ਵਰਗੇ ਮਿਆਰੀ ਫੀਚਰਸ ਦਿੱਤੇ ਗਏ ਹਨ।

ਸੈਕਿੰਡ ਬੇਸ ਮਾਡਲ

Acenta ਵੇਰੀਐਂਟ ਵੀ ਮੈਨੂਅਲ ਗਿਅਰਬਾਕਸ ਵਿੱਚ ਉਪਲਬਧ ਹੈ, ਪਰ ਇਸ ਵਿੱਚ ਵਿਸੀਆ ਦੇ ਮੁਕਾਬਲੇ ਕੁਝ ਵਾਧੂ ਸੁਵਿਧਾਵਾਂ ਮਿਲਦੀਆਂ ਹਨ। ਇਸ ਵਿੱਚ ਸਭ ਤੋਂ ਖ਼ਾਸ 8.0-ਇੰਚ ਦੀ ਟੱਚਸਕ੍ਰੀਨ ਇੰਫੋਟੇਨਮੈਂਟ ਪ੍ਰਣਾਲੀ ਹੈ, ਜੋ ਵਾਇਰਲੈੱਸ ਫੋਨ ਮਿਰਰਿੰਗ ਨੂੰ ਸਪੋਰਟ ਕਰਦੀ ਹੈ। ਇਸ ਤੋਂ ਇਲਾਵਾ, ਸਟੀਅਰਿੰਗ ‘ਤੇ ਆਡੀਓ ਕੰਟਰੋਲ ਬਟਨ ਅਤੇ ਪਿਛਲੀਆਂ ਸੀਟਾਂ ਲਈ ਰੀਅਰ ਏਸੀ ਵੈਂਟਸ ਵੀ ਦਿੱਤੇ ਗਏ ਹਨ।

ਸੈਕਿੰਡ ਟਾਪ ਮਾਡਲ

N-Connecta ਵੇਰੀਐਂਟ ਵਧੇਰੇ ਪ੍ਰੀਮੀਅਮ ਅਨੁਭਵ ਪ੍ਰਦਾਨ ਕਰਦਾ ਹੈ। ਇਹ ਪਹਿਲਾ ਅਜਿਹਾ ਵੇਰੀਐਂਟ ਹੈ ਜਿਸ ਵਿੱਚ ਗਾਹਕਾਂ ਨੂੰ ਮੈਨੂਅਲ (MT) ਅਤੇ ਆਟੋਮੇਟਿਡ ਮੈਨੂਅਲ (AMT) ਦੋਵਾਂ ਗਿਅਰਬਾਕਸਾਂ ਦਾ ਵਿਕਲਪ ਮਿਲਦਾ ਹੈ। ਬਾਹਰੀ ਦਿੱਖ ਦੀ ਗੱਲ ਕਰੀਏ ਤਾਂ ਇਸ ਵਿੱਚ ਕ੍ਰਿਸਟਲ-ਐਜ LED ਟੇਲਲੈਂਪਸ, 50 ਕਿਲੋ ਤੱਕ ਭਾਰ ਚੁੱਕਣ ਵਾਲੀਆਂ ਰੂਫ ਰੇਲਜ਼ ਅਤੇ ਰੀਅਰ ਵਾਈਪਰ ਦੇ ਨਾਲ ਡੀਫੌਗਰ ਮਿਲਦਾ ਹੈ। ਅੰਦਰਲੇ ਹਿੱਸੇ ਵਿੱਚ ਡਿਊਲ-ਟੋਨ ਬੇਜ ਅਤੇ ਬਲੈਕ ਇੰਟੀਰੀਅਰ, ਕੂਲਡ ਗਲਵਬਾਕਸ ਅਤੇ ਰਿਵਰਸ ਕੈਮਰਾ ਵਰਗੇ ਫੀਚਰਸ ਇਸ ਨੂੰ ਖ਼ਾਸ ਬਣਾਉਂਦੇ ਹਨ।

ਟਾਪ ਮਾਡਲ

ਟੇਕਨਾ ਇਸ ਗੱਡੀ ਦਾ ਸਭ ਤੋਂ ਉੱਚਾ ਵੇਰੀਐਂਟ ਹੈ। ਇਸ ਵਿੱਚ N-Connecta ਦੇ ਸਾਰੇ ਫੀਚਰਸ ਦੇ ਨਾਲ-ਨਾਲ 7.0-ਇੰਚ ਦਾ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, LED ਹੈੱਡਲਾਈਟਸ ਅਤੇ 15-ਇੰਚ ਦੇ ਡਿਊਲ-ਟੋਨ ਫਲੈਕਸ ਵ੍ਹੀਲਜ਼ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ, ਪੁਸ਼-ਬਟਨ ਸਟਾਰਟ, ਫਰੰਟ ਪਾਰਕਿੰਗ ਸੈਂਸਰ ਅਤੇ ਵਾਇਰਲੈੱਸ ਚਾਰਜਰ ਵਰਗੀਆਂ ਸੁਵਿਧਾਵਾਂ ਇਸ ਨੂੰ ਬਹੁਤ ਆਧੁਨਿਕ ਅਤੇ ਆਰਾਮਦਾਇਕ ਬਣਾਉਂਦੀਆਂ ਹਨ।

ਇਹ ਵੀ ਪੜ੍ਹੋ

ਸਿਰਫ਼ 30 ਮਿੰਟਾਂ ਵਿੱਚ ਘਰ ਬੈਠੇ ਬਦਲੋ ਆਪਣੀ ਬਾਈਕ ਦਾ ਇੰਜਣ ਆਇਲ

ਦਿੱਲੀ ਵਾਲਿਓ ਹੋ ਜਾਓ ਸਾਵਧਾਨ... EOL ਵਾਹਨਾਂ 'ਤੇ ਸਰਕਾਰ ਦਾ ਨੋਟਿਸ

ਗੰਦੇ ਟਾਇਲਟ ਦੀ ਫੋਟੋ ਭੇਜੋ, ਕਮਾਓ 1,000 ਰੁਪਏ

ਵਿਸ਼ੇਸ਼ ਐਡੀਸ਼ਨ

ਗ੍ਰੈਵਾਈਟ ਦੀ ਲਾਂਚਿੰਗ ਨੂੰ ਯਾਦਗਾਰ ਬਣਾਉਣ ਲਈ ਨਿਸਾਨ ਨੇ ਟੇਕਨਾ ਟ੍ਰਿਮ ‘ਤੇ ਅਧਾਰਤ ਇੱਕ ਸਪੈਸ਼ਲ ‘ਲਾਂਚ ਐਡੀਸ਼ਨ’ ਪੇਸ਼ ਕੀਤਾ ਹੈ। ਇਸ ਵਿੱਚ ਕੁਝ ਵਾਧੂ ਲਗਜ਼ਰੀ ਫੀਚਰਸ ਸ਼ਾਮਲ ਕੀਤੇ ਗਏ ਹਨ ਜਿਵੇਂ ਕਿ JBL ਸਾਊਂਡ ਸਿਸਟਮ, ਡਿਊਲ ਡੈਸ਼ਕੈਮ, ਏਅਰ ਪਿਊਰੀਫਾਇਰ, ਐਂਬੀਐਂਟ ਲਾਈਟਿੰਗ ਅਤੇ ਸੀਟਾਂ ਲਈ ਖ਼ਾਸ ਕੁਸ਼ਨ। ਗੱਡੀ ਦੀ ਬਾਹਰੀ ਬਾਡੀ ‘ਤੇ ਦਿੱਤੇ ਗਏ ਗ੍ਰਾਫਿਕਸ ਇਸ ਨੂੰ ਬਾਕੀ ਮਾਡਲਾਂ ਨਾਲੋਂ ਵੱਖਰਾ ਅਤੇ ਸਟਾਈਲਿਸ਼ ਬਣਾਉਂਦੇ ਹਨ।