ਕੀ ਮੁਸਲਿਮ ਦੇਸ਼ ਕਰਨਗੇ ਇਜ਼ਰਾਈਲ ਨਾਲ ਸਿੱਧਾ ਮੁਕਾਬਲਾ ? ਜਾਣੋ ਈਰਾਨ ਦੀ ਗੁਪਤ ਮੀਟਿੰਗ ‘ਚ ਕੀ ਹੋਇਆ

ਆਖਿਰ ਅੰਡਰਗਰਾਊਂਡ ਕਿਉਂ ਹਨ ਖਮੇਨੀ, ਯੁੱਧ ਦੀ ਤਿਆਰੀ ਜਾਂ ਜਾਨ ਗੁਆਉਣ ਦਾ ਡਰ? ਅਮਰੀਕਾ-ਇਜ਼ਰਾਈਲ ਦੀ ਕੀ ਯੋਜਨਾ?

ਇੱਕ ਪਾਸੇ ਅਮਰੀਕਾ (America) ਆਪਣੇ ਹਥਿਆਰ ਤਿਆਰ ਕਰ ਰਿਹਾ ਹੈ, ਦੂਜੇ ਪਾਸੇ ਸਾਊਦੀ ਅਰਬ ਦੀ ਰਾਜਧਾਨੀ ਰਿਆਦ ‘ਚ ਆਰਗੇਨਾਈਜ਼ੇਸ਼ਨ ਆਫ ਇਸਲਾਮਿਕ ਕੋਆਪਰੇਸ਼ਨ ਅਤੇ ਅਰਬ ਲੀਗ ਦੀ ਸਾਂਝੀ ਬੈਠਕ ਹੋਈ ਹੈ। ਹਾਲਾਂਕਿ ਇਸ ਬੈਠਕ ਦੌਰਾਨ ਈਰਾਨ ਅਤੇ ਸਾਊਦੀ ਅਰਬ ਨੇ ਵੱਖ-ਵੱਖ ਗੱਲਾਂ ਕਹੀਆਂ ਹਨ। ਸਾਊਦੀ ਅਰਬ ਨੇ ਜਿੱਥੇ ਇਜ਼ਰਾਈਲ ਨੂੰ ਤੁਰੰਤ ਹਮਲਾ ਰੋਕਣ ਲਈ ਕਿਹਾ ਹੈ, ਉੱਥੇ ਈਰਾਨ ਦੇ ਰਾਸ਼ਟਰਪਤੀ ਇਬਰਾਹਿਮ ਰਾਇਸੀ ਨੇ ਇਸ ਨੂੰ ਇਜ਼ਰਾਈਲ ਵਿਰੁੱਧ ਕਾਰਵਾਈ ਕਰਨ ਦਾ ਸਮਾਂ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਗੱਲਬਾਤ ਦਾ ਨਹੀਂ, ਕਾਰਵਾਈ ਦਾ ਸਮਾਂ ਹੈ।

ਈਰਾਨ (Iran) ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖੁਮੇਨੀ ਨੇ ਗੁਪਤ ਮੀਟਿੰਗ ਕੀਤੀ ਹੈ। ਇਸ ਬੈਠਕ ‘ਚ ਲੇਬਨਾਨ, ਇਰਾਕ, ਸੀਰੀਆ, ਯਮਨ, ਫਲਸਤੀਨ ਅਤੇ ਹਿਜ਼ਬੁੱਲਾ ਦੀ ਕਾਰਜਕਾਰੀ ਪ੍ਰੀਸ਼ਦ ਦੇ ਪ੍ਰਤੀਨਿਧੀ ਸ਼ਾਮਲ ਸਨ। ਇਸ ਗੁਪਤ ਮੀਟਿੰਗ ਵਿੱਚ ਸਿਰਫ਼ ਗਾਜ਼ਾ ਜੰਗ ਬਾਰੇ ਹੀ ਚਰਚਾ ਹੋਈ। ਮੀਟਿੰਗ ਵਿੱਚ ਇਜ਼ਰਾਈਲ ਨਾਲ ਸਿੱਧੀ ਜੰਗ ਨਾ ਕਰਨ ਦਾ ਫੈਸਲਾ ਕੀਤਾ ਗਿਆ। ਇਸ ਗੁਪਤ ਬੈਠਕ ‘ਚ ਈਰਾਨ ਦੇ ਸੁਪਰੀਮ ਲੀਡਰ ਅਤੇ ਸਭ ਤੋਂ ਵੱਡੇ ਮੌਲਾਨਾ ਅਯਾਤੁੱਲਾ ਖੁਮੇਨੀ ਨੇ ਹਮਾਸ ਸਮਰਥਕਾਂ ਨੂੰ ਕਿਹਾ ਕਿ ਗਾਜ਼ਾ ‘ਚ ਨੁਕਸਾਨ ਦੇ ਬਾਵਜੂਦ ਸਥਿਤੀ ਫਲਸਤੀਨੀਆਂ ਦੇ ਪੱਖ ‘ਚ ਹੈ।

‘ਇਜ਼ਰਾਈਲ ਆਪਣੀ ਭਰੋਸੇਯੋਗਤਾ ਗੁਆ ਰਿਹਾ ਹੈ’

ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਥਿਤੀ ਫਲਸਤੀਨ ਮੁਹਿੰਮ ਨੂੰ ਹੋਰ ਮਜ਼ਬੂਤ ​​ਕਰੇਗੀ। ਇਜ਼ਰਾਈਲ ਆਪਣੀਆਂ ਕਾਰਵਾਈਆਂ ਕਾਰਨ ਆਪਣੀ ਭਰੋਸੇਯੋਗਤਾ ਗੁਆ ਰਿਹਾ ਹੈ। ਅੰਤਰਰਾਸ਼ਟਰੀ ਭਾਈਚਾਰਾ ਇਜ਼ਰਾਈਲ ਦਾ ਜ਼ਿਆਦਾ ਸਮੇਂ ਤੱਕ ਸਮਰਥਨ ਨਹੀਂ ਕਰੇਗਾ। ਸਿੱਧੇ ਲੜਾਈ ਵਿੱਚ ਜਾਣ ਦੀ ਬਜਾਏ, ਆਪਣੀ ਰਣਨੀਤੀ ਨਾਲ ਅੱਗੇ ਵਧੋ। ਗਾਜ਼ਾ ਦੀਆਂ ਖ਼ਬਰਾਂ ਨੂੰ ਵੱਧ ਤੋਂ ਵੱਧ ਪ੍ਰਮੁੱਖਤਾ ਦਿਓ। ਦੁਨੀਆ ਦਾ ਧਿਆਨ ਗਾਜ਼ਾ ਦੀਆਂ ਘਟਨਾਵਾਂ ਤੋਂ ਦੂਰ ਰੱਖਣ ਲਈ ਸਾਨੂੰ ਪ੍ਰਚਾਰ ਕਰਦੇ ਰਹਿਣਾ ਹੋਵੇਗਾ।

ਇਜ਼ਰਾਈਲ ‘ਤੇ ਦਬਾਅ ਵਧ ਰਿਹਾ ਹੈ, ਇਸ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਇਜ਼ਰਾਈਲ ਦੇ ਇੱਕ ਸਹਿਯੋਗੀ ਨੇ ਬੈਂਜਾਮਿਨ ਨੇਤਨਯਾਹੂ ਨੂੰ ਔਰਤਾਂ ਅਤੇ ਬੱਚਿਆਂ ਨੂੰ ਨਿਸ਼ਾਨਾ ਨਾ ਬਣਾਉਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਇਜ਼ਰਾਈਲ ਤੁਰੰਤ ਬੱਚਿਆਂ ਅਤੇ ਔਰਤਾਂ ਦੀ ਹੱਤਿਆ ਬੰਦ ਕਰੇ। ਹਾਲਾਂਕਿ ਬੈਂਜਾਮਿਨ ਨੇਤਨਯਾਹੂ ਨੇ ਇਸ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ।

‘ਹਮਾਸ ਨਾਗਰਿਕਾਂ ਦੇ ਨੁਕਸਾਨ ਲਈ ਜ਼ਿੰਮੇਵਾਰ’

ਉਨ੍ਹਾਂ ਕਿਹਾ ਕਿ ਨਾਗਰਿਕਾਂ ਨੂੰ ਹੋਏ ਨੁਕਸਾਨ ਦੀ ਜ਼ਿੰਮੇਵਾਰੀ ਹਮਾਸ ਦੀ ਹੈ। ਇਜ਼ਰਾਈਲ ਇਸ ਲਈ ਜ਼ਿੰਮੇਵਾਰ ਨਹੀਂ ਹੈ। ਉਹ ਮਜ਼ਬੂਰੀ ਵਿੱਚ ਜੰਗ ਵਿੱਚ ਸ਼ਾਮਲ ਹੋਏ ਹਨ। ਅੱਤਵਾਦੀ ਸੰਗਠਨ ਨੇ ਪਹਿਲਾਂ ਹਮਲਾ ਕੀਤਾ ਹੈ। ਉਹ ਕੱਲ੍ਹ ਪੈਰਿਸ-ਨਿਊਯਾਰਕ ਜਾਂ ਹੋਰ ਕਿਤੇ ਵੀ ਅਪਰਾਧ ਕਰ ਸਕਦੇ ਹਨ, ਇਸ ਲਈ ਇਨ੍ਹਾਂ ਨੂੰ ਜੜ੍ਹੋਂ ਪੁੱਟਣਾ ਜ਼ਰੂਰੀ ਹੈ। ਇਸ ਦੌਰਾਨ ਬੈਂਜਾਮਿਨ ਨੇਤਨਯਾਹੂ ਨੇ ਜੰਗ ਵਿੱਚ ਸ਼ਾਮਲ ਇਜ਼ਰਾਈਲੀ ਸੈਨਿਕਾਂ ਨਾਲ ਮੁਲਾਕਾਤ ਕੀਤੀ ਹੈ। ਯੁੱਧ ਖੇਤਰ ‘ਚ ਜਾ ਕੇ ਜਵਾਨਾਂ ਨੂੰ ਮਿਲਣ ਦੀ ਉਨ੍ਹਾਂ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।

ਬਿਊਰੋ ਰਿਪੋਰਟ, TV9