ਸਰਬਜੀਤ ਦੇ ਕਾਤਲ ਦੀ ਮੌਤ ‘ਤੇ ਧੀ ਨੇ ਕਹੀ ਇਹ ਵੱਡੀ ਗੱਲ

ਅੱਜ ਲਾਹੌਰ ਚ ਗੋਲੀ ਲੱਗਣ ਨਾਲ ਸਰਫਰਾਜ਼ ਦੀ ਮੌਤ ਤੋਂ ਬਾਅਦ ਸ਼ਹੀਦ ਸਰਬਜੀਤ ਸਿੰਘ ਦੀ ਧੀ ਦਾ ਕਹਿਣਾ ਹੈ ਕਿ ਇਹ ਵੀ ਪਾਕਿਸਤਾਨ ਸਰਕਾਰ ਦੀ ਚਾਲ ਹੈ। ਪਹਿਲਾਂ ਉਨ੍ਹਾਂ ਨੇ ਸਰਫਰਾਜ਼ ਵਰਗੇ ਅਪਰਾਧੀ ਨੂੰ ਕਹਿ ਕੇ ਉਸ ਦੇ ਪਿਤਾ ਨੂੰ ਤਮਾਰਵਾ ਦਿੱਤਾ ਅਤੇ ਹੁਣ ਅੰਡਰਵਰਲਡ ਡਾਨ ਆਮਿਰ ਸਰਫਰਾਜ਼ ਨੂੰ ਮਾਰਿਆ ਹੈ। ਇਹ ਪਾਕਿਸਤਾਨੀ ਸਰਕਾਰ ਦਾ ਕੰਮ ਹੈ। ਜਲੰਧਰ ਸ਼ਹਿਰ ਚ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਸ਼ਹੀਦ ਸਰਬਜੀਤ ਸਿੰਘ ਦੀ ਬੇਟੀ ਸਵਪਨਦੀਪ ਨੇ ਕਿਹਾ ਕਿ ਇਹ ਉਨ੍ਹਾਂ ਦੇ ਖੁਦ ਦੇ ਕਰਮ ਦਾ ਨਤੀਜਾ ਹੈ। ਜਿਵੇਂ ਉਸ ਨੇ ਕੁਝ ਹੋਰ ਲੋਕਾਂ ਨਾਲ ਮਿਲ ਕੇ ISI ਅਤੇ ਪਾਕਿਸਤਾਨ ਸਰਕਾਰ ਦੇ ਹੁਕਮਾਂ ਤੇ ਉਸ ਦੇ ਪਿਤਾ ਨੂੰ ਜੇਲ੍ਹ ਵਿੱਚ ਕਤਲ ਕਰ ਦਿੱਤਾ ਸੀ। ਸੰਭਵ ਹੈ ਕਿ ਇਨ੍ਹਾਂ ਸਾਰੀਆਂ ਸਾਜ਼ਿਸ਼ਾਂ ਨੂੰ ਲੁਕਾਉਣ ਲਈ ਸਰਕਾਰ ਅਤੇ ਆਈਐੱਸਆਈ ਨੇ ਉਸ ਦਾ ਕਤਲ ਕਰਵਾਇਆ ਹੋਵੇ।