Zomato ਨੇ ਸਾਵਣ ‘ਚ ਕੀਤੀ ਅਜਿਹੀ ਗੜਬੜ, ਇੰਟਰਨੈੱਟ ‘ਤੇ ਮਚਿਆ ਹੰਗਾਮਾ, ਲੋਕਾਂ ਨੇ ਕਿਹਾ- ਬਰਦਾਸ਼ਤ ਨਹੀਂ ਕਰਨਗੇ ਇਹ ਜਵਾਬ…
ਦਿੱਲੀ ਦੀ ਇੱਕ ਔਰਤ ਨੇ ਜ਼ੋਮੈਟੋ ਤੋਂ ਵੈਜ ਮੀਲ ਮੰਗਵਾਇਆ ਸੀ, ਪਰ ਸਾਵਣ ਦੇ ਮਹੀਨੇ ਵਿੱਚ ਉਸਨੂੰ ਨਾਨ-ਵੈਜ ਡਿਲੀਵਰੀ ਕਰ ਦਿੱਤਾ ਗਿਆ। ਇਸ ਘਟਨਾ ਨੇ ਇੰਟਰਨੈੱਟ 'ਤੇ ਖਲਬਲੀ ਮਚਾ ਦਿੱਤੀ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਫੂਡ ਡਿਲੀਵਰੀ ਕੰਪਨੀਆਂ ਨੂੰ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਉਹ ਗਾਹਕਾਂ ਦੀ ਭੋਜਨ ਪਸੰਦ ਦਾ ਸਨਮਾਨ ਕਰਨ ਅਤੇ ਅਜਿਹੀਆਂ ਗਲਤੀਆਂ ਤੋਂ ਬਚਣ।
Zomato
ਫੂਡ ਡਿਲੀਵਰੀ ਕੰਪਨੀਆਂ ਨੇ ਸਾਡੀ ਜੀਵਨ ਸ਼ੈਲੀ ਨੂੰ ਸੁਵਿਧਾਜਨਕ ਬਣਾ ਦਿੱਤਾ ਹੈ, ਪਰ ਕਈ ਵਾਰ ਗਲਤ ਡਿਲੀਵਰੀ ਗਾਹਕਾਂ ਦੀ ਅਸੁਵਿਧਾ ਦਾ ਕਾਰਨ ਬਣ ਜਾਂਦੀ ਹੈ ਅਤੇ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਮਚਾ ਦਿੰਦੀ ਹੈ। ਹਾਲ ਹੀ ‘ਚ ਦਿੱਲੀ ਦੀ ਇਕ ਔਰਤ ਨੇ ਦੋਸ਼ ਲਾਇਆ ਕਿ ਉਸ ਨੇ ਸ਼ਾਕਾਹਾਰੀ ਭੋਜਨ ਦਾ ਆਰਡਰ ਦਿੱਤਾ ਸੀ ਪਰ ਡਿਲੀਵਰੀ ਏਜੰਟ ਨੇ ਉਸ ਨੂੰ ਨਾਨ-ਵੈਜ ਖਾਣਾ ਦਿੱਤਾ। ਔਰਤ ਦਾ ਕਹਿਣਾ ਹੈ ਕਿ ਸਾਵਣ ਦੇ ਮਹੀਨੇ ਕੀਤੀ ਅਜਿਹੀ ਗਲਤੀ ਉਸ ਲਈ ਬਰਦਾਸ਼ਤ ਨਹੀਂ ਹੈ।
ਹਿਮਾਂਸ਼ੀ ਨਾਂ ਦੀ ਮਹਿਲਾ ਨੇ ਐਕਸ ‘ਤੇ ਆਪਣੀ ਸ਼ਿਕਾਇਤ ਵਿੱਚ ਕਿਹਾ- Zomato ਐਪ ‘ਤੇ EatFit ਤੋਂ ਪਾਲਕ ਪਨੀਰ, ਸੋਯਾ ਮਟਰ ਅਤੇ ਮਿਲੇਟ ਪੁਲਾਵ ਆਰਡਰ ਕੀਤਾ, ਪਰ ਪਾਲਕ ਪਨੀਰ ਦੀ ਜਗ੍ਹਾ ਚਿਕਨ ਪਾਲਕ ਡਿਲੀਵਰ ਕੀਤਾ ਗਿਆ। ਮਹਿਲਾ ਦਾ ਕਹਿਣ ਹੈ ਕਿ ਸਾਵਣ ਦੇ ਮਹੀਨੇ ਵਿੱਚ ਅਜਿਹੀ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ ਹੈ, ਕਿਉਂਕਿ ਉਨ੍ਹਾਂ ਨੇ ਵੈਜ ਆਰਡਰ ਕੀਤਾ ਸੀ।
ਇਸ ਘਟਨਾ ਨੇ ਸੋਸ਼ਲ ਮੀਡੀਆ ‘ਤੇ ਖਲਬਲੀ ਮਚਾ ਦਿੱਤੀ ਹੈ। ਜ਼ੋਮੈਟੋ ਦੀ ਇਸ ਗਲਤੀ ਨੂੰ ਲੈ ਕੇ ਲੋਕਾਂ ਨੇ ਭਾਰੀ ਨਾਰਾਜ਼ਗੀ ਜਤਾਈ। ਇਸ ਦੇ ਨਾਲ ਹੀ Zomato ਅਤੇ EatFit ਨੇ ਹਿਮਾਂਸ਼ੀ ਤੋਂ ਮੁਆਫੀ ਮੰਗੀ ਹੈ ਅਤੇ ਇਸ ਗਲਤੀ ਨੂੰ ਸੁਧਾਰਨ ਲਈ ਉਚਿਤ ਕਦਮ ਚੁੱਕਣ ਦਾ ਭਰੋਸਾ ਦਿੱਤਾ ਹੈ। Zomato ਦਾ ਕਹਿਣਾ ਹੈ ਕਿ ਉਹ ਭੋਜਨ ਸੰਬੰਧੀ ਤਰਜੀਹਾਂ ਨੂੰ ਗੰਭੀਰਤਾ ਨਾਲ ਲੈਂਦੇ ਹਨ ਅਤੇ ਮਾਮਲੇ ਦੀ ਜਾਂਚ ਕਰਨਗੇ।
Have ordered the Palak Paneer soya matar and millet Pulao thru Zomato from Eatfit. Instead of Palak Paneer they have served chicken Palak. Delivering Chicken in Saawan is not acceptable when I have selected only vegetarian food.@zomato @zomatocare @deepigoyal @the_eatfit pic.twitter.com/pv46hoOXjT
— himanshi (@himisingh01) July 28, 2024
ਇਹ ਵੀ ਪੜ੍ਹੋ
ਫੂਡ ਡਿਲਿਵਰੀ ਕੰਪਨੀਆਂ ਨੂੰ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਉਹ ਗਾਹਕਾਂ ਦੀਆਂ ਭੋਜਨ ਤਰਜੀਹਾਂ ਦਾ ਸਨਮਾਨ ਕਰਨ ਅਤੇ ਅਜਿਹੀਆਂ ਗਲਤੀਆਂ ਤੋਂ ਬਚਣ ਲਈ ਸਖਤ ਨਿਗਰਾਨੀ ਰੱਖਣ।