Shocking Video: ਡੌਗੀ ਨੇ ਜੰਮੇ ਬਿੱਲੀ ਦੀ ਸ਼ਕਲ ਵਾਲੇ ਦੋ ਕਤੂਰੇ, ਤੁਸੀਂ ਵੀ ਨਹੀਂ ਕਰ ਸਕੋਗੇ ਯਕੀਨ, ਦੇਖੋ Video

ਡੌਗੀ ਨੇ ਜੰਮੇ ਬਿੱਲੀ ਦੀ ਸ਼ਕਲ ਵਾਲੇ ਕਤੂਰੇ

ਮੱਧ ਪ੍ਰਦੇਸ਼ ਦੇ ਰੀਵਾ ਤੋਂ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਮਾਦਾ ਕੁੱਤੇ ਨੇ ਤਿੰਨ ਕਤੂਰਿਆਂ ਨੂੰ ਜਨਮ ਦਿੱਤਾ, ਜਿਨ੍ਹਾਂ ਵਿੱਚੋਂ ਦੋ ਬਿਲਕੁਲ ਬਿੱਲੀ ਵਰਗੇ ਹਨ। ਕੋਈ ਵੀ ਉਨ੍ਹਾਂ ਨੂੰ ਦੇਖ ਕੇ ਇਹ ਨਹੀਂ ਕਹਿ ਸਕਦਾ ਕਿ ਉਹ ਡੌਗੀ ਦੇ ਕਤੂਰੇ ਹਨ। ਇਨ੍ਹਾਂ ਕਤੂਰਿਆਂ ਨੂੰ ਦੇਖਣ ਲਈ ਪਿੰਡ ਵਿੱਚ ਲੋਕਾਂ ਦੀ ਭੀੜ ਇਕੱਠੀ ਹੋ ਰਹੀ ਹੈ। ਇਸ ਦਾ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ।

ਮਾਮਲਾ ਗੋਵਿੰਦਗੜ੍ਹ ਥਾਣਾ ਖੇਤਰ ਦੇ ਪਾਂਚੀ ਟੋਲਾ ਦਾ ਹੈ। ਇੱਥੇ ਹਾਲ ਹੀ ਵਿੱਚ ਮਾਦਾ ਡੌਗੀ ਨੇ ਤਿੰਨ ਕਤੂਰਿਆਂ ਨੂੰ ਜਨਮ ਦਿੱਤਾ ਹੈ। ਲੋਕ ਹੈਰਾਨ ਰਹਿ ਗਏ ਜਦੋਂ ਤਿੰਨਾਂ ਵਿੱਚੋਂ ਦੋ ਕਤੂਰੇ ਬਿੱਲੀ ਵਰਗੇ ਦਿਖਾਈ ਦਿੱਤੇ। ਪਹਿਲਾਂ ਤਾਂ ਲੋਕਾਂ ਨੇ ਸੋਚਿਆ ਕਿ ਸ਼ਾਇਦ ਕੁੱਤੇ ਨੇ ਗਲਤੀ ਨਾਲ ਕਿਧਰੇ ਬਿੱਲੀ ਦੇ ਬੱਚਿਆਂ ਨੂੰ ਚੁੱਕ ਲਿਆ ਹੈ। ਪਰ ਜਿਸ ਤਰ੍ਹਾਂ ਮਾਦਾ ਕੁੱਤਾ ਉਨ੍ਹਾਂ ਦੀ ਦੇਖਭਾਲ ਕਰ ਰਿਹਾ ਹੈ। ਉਸ ਤੋਂ ਲੱਗਦਾ ਹੈ ਕਿ ਤਿੰਨੋਂ ਉਸੇ ਦੇ ਹੀ ਕਤੂਰੇ ਹਨ।

ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਨ੍ਹਾਂ ਕਤੂਰਿਆਂ ਦੀ ਆਵਾਜ਼ ਵੀ ਬਿੱਲੀ ਦੇ ਬੱਚਿਆਂ ਵਰਗੀ ਹੈ। ਜਾਣਕਾਰੀ ਮੁਤਾਬਕ ਰਾਮਪਾਲ ਪਟੇਲ ਦੀ ਪਾਲਤੂ ਡੌਗੀ ਨੇ ਤਿੰਨ ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਜਿਨ੍ਹਾਂ ਵਿੱਚੋਂ ਇੱਕ ਬੱਚਾ ਤਾਂ ਡੌਗੀ ਵਾਂਗ ਹੈ। ਪਰ ਦੋ ਬੱਚੇ ਬਿਲਕੁਲ ਬਿੱਲੀ ਦੇ ਬੱਚਿਆਂ ਵਰਗੇ ਹਨ। ਉਨ੍ਹਾਂ ਦੀਆਂ ਹਰਕਤਾਂ ਅਤੇ ਆਵਾਜ਼ਾਂ ਵੀ ਬਿੱਲੀਆਂ ਦੇ ਬੱਚਿਆਂ ਵਰਗੀਆਂ ਹਨ। ਕੁੱਤੇ ਵਾਂਗ ਦਿਸਣ ਵਾਲੇ ਬੱਚੇ ਦੀਆਂ ਅੱਖਾਂ ਅਜੇ ਤੱਕ ਨਹੀਂ ਖੁੱਲ੍ਹੀਆਂ ਹਨ। ਜਦੋਂ ਕਿ ਬਿੱਲੀ ਵਰਗੇ ਦਿਖਣ ਵਾਲੇ ਬੱਚਿਆਂ ਦੀਆਂ ਅੱਖਾਂ ਖੁੱਲ੍ਹ ਗਈਆਂ ਹਨ। ਉਨ੍ਹਾਂ ਦੀ ਮਾਂ ਵੀ ਤਿੰਨਾਂ ਬੱਚਿਆਂ ਨੂੰ ਬਰਾਬਰ ਪਿਆਰ ਕਰਦੀ ਹੈ ਅਤੇ ਉਨ੍ਹਾਂ ਦੀ ਬਰਾਬਰ ਦੇਖਭਾਲ ਕਰਦੀ ਹੈ।

ਤਿੰਨਾਂ ਕਤੂਰਿਆਂ ਨੂੰ ਇਕੱਠੇ ਦੁੱਧ ਪਿਲਾ ਰਹੀ ਡੌਗੀ

ਮਾਦਾ ਡੌਗੀ ਪਿਆਰ ਨਾਲ ਆਪਣੇ ਤਿੰਨ ਕਤੂਰੇ ਆਪਣੇ ਮੂੰਹ ਵਿੱਚ ਫੜ ਕੇ ਲੈ ਜਾਂਦੀ ਹੈ। ਫਿਰ ਉਹ ਤਿੰਨਾਂ ਨੂੰ ਇਕੱਠੇ ਦੁੱਧ ਪਿਲਾਉਂਦੀ ਹੈ। ਉਨ੍ਹਾਂ ਨੂੰ ਵੱਖ ਤੋਂ ਖਾਣ ਲਈ ਕੁਝ ਨਹੀਂ ਦੇ ਰਹੀ। ਉਨ੍ਹਾਂ ਦੀ ਮਾਂ ਕਿਸੇ ਨੂੰ ਨੇੜੇ ਨਹੀਂ ਆਉਣ ਦੇ ਰਹੀ। ਅਤੇ ਜੇ ਕੋਈ ਉਸ ਨੂੰ ਫੜਨ ਦੀ ਕੋਸ਼ਿਸ਼ ਕਰਦਾ ਹੈ, ਤਾਂ ਉਹ ਉਸ ਨੂੰ ਵੱਢਣ ਲਈ ਦੌੜਦੀ ਹੈ। ਇਸ ਅਜੂਬੇ ਨੂੰ ਦੇਖਣ ਲਈ ਪਿੰਡਾਂ ਦੇ ਲੋਕ ਵੀ ਇੱਥੇ ਪਹੁੰਚ ਰਹੇ ਹਨ। ਹਰ ਕੋਈ ਇਨ੍ਹਾਂ ਨੂੰ ਦੇਖ ਕੇ ਹੈਰਾਨ ਹੈ।

ਡਾਕਟਰਾਂ ਨੇ ਕਹੀ ਜਾਂਚ ਦੀ ਗੱਲ

ਲੋਕਾਂ ਦੇ ਮਨਾਂ ਵਿੱਚ ਇੱਕ ਹੀ ਸਵਾਲ ਹੈ ਕਿ ਇੱਕ ਡੌਗੀ ਬਿੱਲੀ ਦੇ ਬੱਚਿਆਂ ਨੂੰ ਕਿਵੇਂ ਜਨਮ ਦੇ ਸਕਦੀ ਹੈ? ਖੁਦ ਵੈਟਰਨਰੀ ਡਾਕਟਰ ਵੀ ਇਸ ਗੱਲ ਨੂੰ ਨਹੀਂ ਮੰਨ ਰਹੰ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਹ ਇਨ੍ਹਾਂ ਨੂੰ ਦੇਖ ਕੇ ਅਤੇ ਜਾਂਚ ਤੋਂ ਬਾਅਦ ਹੀ ਕੁਝ ਕਹਿ ਸਕਣਗੇ।