Viral Video: ਕੁੜੀਆਂ ਨੇ ਲਾੜੇ-ਲਾੜੀ ਨੂੰ ਦਿੱਤਾ ਅਜਿਹਾ ਤੋਹਫ਼ਾ, ਭੜਕ ਗਈ ਜਨਤਾ

Image Credit source: Instagram/@bridal_lehenga_designn

ਵਿਆਹ ਸਮਾਰੋਹ ਦਾ ਇੱਕ ਹੈਰਾਨ ਕਰਨ ਵਾਲਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਕੁਝ ਕੁੜੀਆਂ ਨੇ ਲਾੜੇ-ਲਾੜੀ ਨੂੰ ਅਜਿਹਾ ਤੋਹਫ਼ਾ ਦਿੱਤਾ ਹੈ, ਜਿਸ ਨਾਲ ਇੰਟਰਨੈੱਟ ਦੀ ਜਨਤਾ ਦਾ ਗੁੱਸਾ ਭੜਕ ਗਿਆ ਹੈ। ਨੇਟੀਜ਼ਨਸ ਨੇ ਇਸਨੂੰ ‘ਬੇਤੁਕਾ’ ਅਤੇ ਸੰਵੇਦਨਸ਼ੀਲ ਮੁੱਦੇ ਦਾ ਮਜ਼ਾਕ’ ਕਿਹਾ ਹੈ। ਵਾਇਰਲ ਹੋ ਰਹੇ ਇਸ ਵੀਡੀਓ ਵਿੱਚ, ਲਾੜਾ-ਲਾੜੀ ਸਟੇਜ ‘ਤੇ ਬੈਠੇ ਦਿਖਾਈ ਦੇ ਰਹੇ ਹਨ, ਅਤੇ ਉਨ੍ਹਾਂ ਦੇ ਪਿੱਛੇ ਕੁਝ ਕੁੜੀਆਂ ਕਾਲਾ ਚਸ਼ਮਾ ਪਾ ਕੇ ਅਜੀਬ ਮੁਸਕਰਾਹਟ ਨਾਲ ਖੜ੍ਹੀਆਂ ਹਨ। ਜਿਵੇਂ ਹੀ ਕੈਮਰੇ ਦਾ ਐਂਗਲ ਬਦਲਦਾ ਹੈ, ਸਟੇਜ ‘ਤੇ ਰੱਖੇ ਲਾੜੇ-ਲਾੜੀ ਦੇ ਸਾਹਮਣੇ ਇੱਕ ਨੀਲਾ ਪਲਾਸਟਿਕ ਦਾ ਡਰੱਮ ਦਿਖਾਈ ਦਿੰਦਾ ਹੈ, ਜੋ ਕਥਿਤ ਤੌਰ ‘ਤੇ ਉਨ੍ਹਾਂ ਕੁੜੀਆਂ ਦੁਆਰਾ ਤੋਹਫ਼ੇ ਵਜੋਂ ਦਿੱਤਾ ਗਿਆ ਸੀ। See more

ਕੀ ਹੈ ਨੀਲੇ ਡਰੱਮ ਦਾ ਮਾਮਲਾ ?

ਦਰਅਸਲ, ਇਹ ਨੀਲਾ ਡਰੱਮ ਇਸ ਸਾਲ ਮਾਰਚ 2025 ਦੇ ਉੱਤਰ ਪ੍ਰਦੇਸ਼ ਮੇਰਠ ਵਿੱਚ ਵਾਪਰੇ ਇੱਕ ਦਿਲ ਦਹਿਲਾ ਦੇਣ ਵਾਲੇ ਕਤਲ ਕੇਸ ਨਾਲ ਜੁੜਿਆ ਹੋਇਆ ਹੈ। ਜਿੱਥੇ ਸੌਰਭ ਰਾਜਪੂਤ ਨਾਮ ਦੇ ਇੱਕ ਵਿਅਕਤੀ ਦੀ ਉਸਦੀ ਪਤਨੀ ਅਤੇ ਪ੍ਰੇਮੀ ਨੇ ਹੱਤਿਆ ਕਰ ਦਿੱਤੀ ਸੀ, ਅਤੇ ਉਸਦੀ ਲਾਸ਼ ਨੂੰ ਟੁਕੜਿਆਂ ਵਿੱਚ ਕੱਟ ਕੇ ਨੀਲੇ ਡਰੱਮ ਵਿੱਚ ਭਰ ਕੇ ਸੀਮੈਂਟ ਨਾਲ ਸੀਲ ਕਰ ਦਿੱਤਾ ਗਿਆ ਸੀ। ਇਸ ਘਟਨਾ ਤੋਂ ਬਾਅਦ, ‘ਨੀਲਾ ਡਰੱਮ ‘ ਬਾਰੇ ਪਤੀਆਂ ਨਾਲ ਸਬੰਧਤ ਕਈ ਮੀਮਜ਼ ਅਤੇ ਰੀਲ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਏ। ਜਿਵੇਂ ਹੀ ਇਹ ਵੀਡੀਓ ਇੰਸਟਾਗ੍ਰਾਮ ਅਕਾਊਂਟ @bridal_lehenga_designn ਰਾਹੀਂ ਸਾਹਮਣੇ ਆਇਆ, ਨੇਟੀਜ਼ਨਸ ਨੇ ਇਸ ‘ਤੇ ਸਖ਼ਤ ਨਿੰਦਾ ਕਰਨੀ ਸ਼ੁਰੂ ਕਰ ਦਿੱਤੀ। ਗੁੱਸੇ ਵਿੱਚ ਆਏ ਇੱਕ ਯੂਜ਼ਰ ਨੇ ਲਿਖਿਆ, ਇਹ ਕੀ ਬੇਹੁਦਾ ਤਰੀਕਾ ਹੈ? ਸੰਵੇਦਨਸ਼ੀਲ ਮੁੱਦੇ ਦਾ ਮਜ਼ਾਕ ਉਡਾਇਆ ਜਾ ਰਹਿਆਂ ਹੈ। ਉਸੇ ਸਮੇਂ, ਇੱਕ ਹੋਰ ਯੂਜ਼ਰ ਨੇ ਸਵਾਲ ਉਠਾਇਆ, ਸੋਚੋ ਕਿ ਜਿਨ੍ਹਾਂ ਦੇ ਪੁੱਤਰ ਨਾਲ ਅਜਿਹਾ ਹੋਇਆ ਉਨ੍ਹਾਂ ਤੇ ਕੀ ਬੀਤੀ ਹੋਵੇਗੀ।