Viral Video: ਇਸ ਨੂੰ ਕਹਿੰਦੇ ਹਨ ਸੱਚੀ ਇਨਸਾਨੀਅਤ! ਆਦਮੀ ਨੇ ਕੀਤੀ ਕੇਲੇ ਵੇਚਣ ਵਾਲੀ ਔਰਤ ਦੀ ਮਦਦ, ਦਿਲ ਨੂੰ ਛੂਹ ਲਵੇਗੀ ਇਹ ਵੀਡੀਓ

Viral Video: ਹਰ ਰੋਜ਼ ਸੋਸ਼ਲ ਮੀਡੀਆ 'ਤੇ ਕਈ ਤਰ੍ਹਾਂ ਦੀਆਂ ਵੀਡੀਓ ਵਾਇਰਲ ਹੁੰਦੀਆਂ ਹਨ, ਪਰ ਕੁਝ ਵੀਡੀਓ ਅਜਿਹੀਆਂ ਹੁੰਦੀਆਂ ਹਨ ਜੋ ਸੱਚਮੁੱਚ ਦਿਲ ਜਿੱਤ ਲੈਂਦੀਆਂ ਹਨ। ਹੁਣ ਇਸ ਵੀਡੀਓ ਨੂੰ ਹੀ ਦੇਖੋ, ਜਿਸ ਵਿੱਚ ਇੱਕ ਆਦਮੀ ਕੇਲੇ ਵੇਚਣ ਵਾਲੀ ਇੱਕ ਗਰੀਬ ਔਰਤ ਦੀ ਮਦਦ ਕਰਕੇ ਸੱਚੀ ਇਨਸਾਨੀਅਤ ਦਿਖਾਉਂਦਾ ਨਜ਼ਰ ਆ ਰਿਹਾ ਹੈ।

ਇਸ ਨੂੰ ਕਹਿੰਦੇ ਹਨ ਸੱਚੀ ਇਨਸਾਨੀਅਤ! ਆਦਮੀ ਨੇ ਕੀਤੀ ਕੇਲੇ ਵੇਚਣ ਵਾਲੀ ਔਰਤ ਦੀ ਮਦਦ ( Image Credit source: X/@Vini____007 )

TV9 Punjabi | Published: 08 Feb 2026 11:50 AM IST

ਇਸ ਦੁਨੀਆਂ ਵਿੱਚ ਅਜਿਹੇ ਲੋਕਾਂ ਦੀ ਕੋਈ ਕਮੀ ਨਹੀਂ ਹੈ ਜੋ ਦੂਜਿਆਂ ਨੂੰ ਦੁੱਖ ਝੱਲਦੇ ਨਹੀਂ ਦੇਖ ਸਕਦੇ ਅਤੇ ਉਹ ਉਹਨਾਂ ਦੀ ਮਦਦ ਕਰਨ ਲਈ ਹਮੇਸ਼ਾ ਉਤਸੁਕ ਰਹਿੰਦੇ ਹਨ। ਅਜਿਹੇ ਵਿਅਕਤੀਆਂ ਦੇ ਵੀਡੀਓ ਅਕਸਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੇ ਹਨ, ਬਿਨਾਂ ਕਿਸੇ ਸ਼ੋਰ -ਸ਼ਰਾਬੇ ਤੋਂ ਹੀ ਦਿਲਾਂ ਨੂੰ ਛੂਹ ਲੈਂਦੇ ਹਨ। ਅਜਿਹਾ ਹੀ ਇੱਕ ਵੀਡੀਓ ਇਸ ਸਮੇਂ ਇੰਟਰਨੈੱਟ ਤੇ ਹਲਚਲ ਮਚਾ ਰਹੀ ਹੈ, ਜਿਸ ਵਿੱਚ ਇੱਕ ਆਦਮੀ ਸੜਕ ਕਿਨਾਰੇ ਕੇਲੇ ਵੇਚ ਰਹੀ ਇੱਕ ਔਰਤ ਦੀ ਮਦਦ ਕਰਦਾ ਦਿਖਾਈ ਦੇ ਰਿਹਾ ਹੈ। ਇਸ ਛੋਟੇ ਜਿਹੀ ਮਦਦ ਨੇ ਆਦਮੀ ਦੀ ਛੁਪੀ ਹੋਈ ਮਨੁੱਖਤਾ ਨੂੰ ਉਜਾਗਰ ਕੀਤਾ ਹੈ ਅਤੇ ਸੋਸ਼ਲ ਮੀਡੀਆ ਯੂਜਰਸ ਦੇ ਦਿਲ ਜਿੱਤ ਲਏ ਹਨ।

ਵੀਡੀਓ ਇੱਕ ਔਰਤ ਦੇ ਕੇਲੇ ਵੇਚਦੇ ਹੋਏ, ਰੋਣ ਨਾਲ ਸ਼ੁਰੂ ਹੁਂਦੀ ਹੈ। ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਆਰਥਿਕ ਤੌਰ ‘ਤੇ ਸੰਘਰਸ਼ ਕਰ ਰਹੀ ਸੀ, ਪਰ ਫਿਰ ਉਹ ਗਾਹਕਾਂ ਦੇ ਆਉਣ ਅਤੇ ਕੇਲੇ ਖਰੀਦਣ ਦੀ ਉਡੀਕ ਵਿੱਚ ਬੈਠੀ ਰਹਿੰਦੀ ਹੈ, ਤਾਂ ਜੋ ਉਹ ਕੁਝ ਪੈਸੇ ਕਮਾ ਸਕੇ। ਇਸ ਤੋਂ ਬਾਅਦ ਆਪਣੇ ਹੰਝੂ ਪੂੰਝਦੇ ਹੋਏ, ਮਹਿਲਾ ਖਾਣਾ ਖਾਣ ਲੱਗ ਪੈਂਦੀ ਹੈ। ਇਸ ਦੌਰਾਨ, ਇੱਕ ਆਦਮੀ ਉਸਦੇ ਕੋਲ ਆਂਦਾ ਹੈ, ਉਸਦੇ ਹੱਥੋਂ ਰੋਟੀ ਲੈ ਕੇ ਉਹ ਵੀ ਖਾਣ ਲੱਗ ਪੈਂਦਾ ਹੈ।

ਇਹ ਉਹ ਪਲ ਸੀ ਜਿਸਨੇ ਔਰਤ ਦੇ ਚਿਹਰੇ ‘ਤੇ ਮੁਸਕਰਾਹਟ ਲਿਆ ਦਿੱਤੀ। ਫਿਰ, ਥੋੜ੍ਹੀ ਦੇਰ ਬਾਅਦ, ਜਦੋਂ ਉਸਨੇ ਉਸਨੂੰ ਆਪਣੀ ਕਹਾਣੀ ਸੁਣਾਈ, ਤਾਂ ਉਸਨੇ ਸਾਰੇ ਕੇਲੇ ਖਰੀਦ ਲਏ ਅਤੇ ਉਸਨੂੰ ਇੱਕ ਵੱਡੀ ਰਕਮ ਦੇ ਕੇ ਚਲਾ ਗਿਆ ਤਾਂ ਜੋ ਉਹ ਆਪਣੀਆਂ ਵਿੱਤੀ ਸਮੱਸਿਆਵਾਂ ਨੂੰ ਦੂਰ ਕਰ ਸਕੇ। ਅਜਿਹੀ ਇਨਸਾਨੀਅਤ ਹੋਰ ਕਿੱਥੇ ਮਿਲ ਸਕਦੀ ਹੈ?

ਆਦਮੀ ਦੀ ਇਨਸਾਨੀਅਤ ਨੇ ਜਿੱਤ ਲਿਆ ਦਿਲ

ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @Vini____007 ਯੂਜ਼ਰਨੇਮ ਦੁਆਰਾ ਕੈਪਸ਼ਨ ਦੇ ਨਾਲ ਸਾਂਝਾ ਕੀਤਾ ਗਿਆ ਸੀ, “ਤੁਸੀਂ ਸਿਰਫ਼ ਆਸ਼ੀਰਵਾਦ ਕਮਾਓ, ਫਿਰ ਤੁਹਾਡੇ ਤੋਂ ਅਮੀਰ ਕੋਈ ਨਹੀਂ।” ਇਸ ਇੱਕ ਮਿੰਟ ਅਤੇ 30 ਸਕਿੰਟ ਦੇ ਵੀਡੀਓ ਨੂੰ 29,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਅਤੇ ਸੈਂਕੜੇ ਲੋਕਾਂ ਨੇ ਇਸਨੂੰ ਪਸੰਦ ਕੀਤਾ ਹੈ ਅਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਛੱਡੀਆਂ ਹਨ।

ਵੀਡੀਓ ਦੇਖ ਕੇ, ਕਿਸੇ ਨੇ ਕਿਹਾ, “ਰੱਬ ਹਰ ਜਗ੍ਹਾ ਨਹੀਂ ਹੋ ਸਕਦਾ, ਇਸ ਲਈ ਉਸਨੇ ਇਸ ਆਦਮੀ ਨੂੰ ਬਣਾਇਆ। ਉਹ ਆਪਣੇ ਕੰਮ ਲਈ ਬਹੁਤ ਪ੍ਰਸ਼ੰਸਾ ਦਾ ਹੱਕਦਾਰ ਹੈ।” ਇੱਕ ਹੋਰ ਨੇ ਕਿਹਾ, “ਮੈਂ ਉਸਦੇ ਵੀਡੀਓ ਦੇਖੇ ਹਨ, ਉਹ ਸੱਚਮੁੱਚ ਇੱਕ ਵਧੀਆ ਆਦਮੀ ਹੈ।” ਹੋਰ ਉਪਭੋਗਤਾਵਾਂ ਨੇ ਵੀ ਇਸ ਆਦਮੀ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ, “ਇਹ ਆਦਮੀ ਗੋਲਡਨ ਹਾਰਟ ਨਾਲ ਪੈਦਾ ਹੋਇਆ ਹੈ।”