Viral Video: ਆਵਾਰਾ ਕੁੱਤਿਆਂ ਲਈ ਸਜਾਈ ਗਈ ਦਹੀਂ ਹਾਂਡੀ, ਕ੍ਰਿਸ਼ਨਾਂ ਦੇ ਰੰਗ ‘ਚ ਰੰਗੇ ਕੁੱਤੇ
Stray Dogs Dahi Handi: ਇਸ ਵਾਇਰਲ ਵੀਡਿਓ ਵਿੱਚ, ਜਾਨਵਰਾਂ ਨੂੰ ਬਚਾਉਣ ਵਾਲੀ ਅਤੇ ਸਮਾਜਕ ਕਾਰਕੁਨ ਤ੍ਰਿਸ਼ਾ ਜੀਵਦਿਆ ਨੇ ਆਵਾਰਾ ਕੁੱਤਿਆਂ ਲਈ ਇੱਕ ਅਨੋਖੀ ਦਹੀਂ ਹਾਂਡੀ ਦਾ ਆਯੋਜਨ ਕੀਤਾ। ਇਸ ਵਿੱਚ, ਹਾਂਡੀ ਦਹੀਂ ਦੀ ਬਜਾਏ ਕੁੱਤਿਆਂ ਦੇ ਖਾਣੇ ਨਾਲ ਭਰੀ ਹੋਈ ਸੀ। ਵੀਡਿਓ ਵਿੱਚ, ਤੁਸੀਂ ਦੇਖੋਗੇ ਕਿ ਜਿਵੇਂ ਹੀ ਹਾਂਡੀ ਟੁੱਟੀ, ਸਾਰੇ ਆਵਾਰਾ ਕੁੱਤੇ ਖੁਸ਼ੀ ਨਾਲ ਨੱਚਣ ਲੱਗ ਪਏ ਅਤੇ ਖਾਣੇ ਦਾ ਆਨੰਦ ਲੈਣ ਲੱਗ ਪਏ।
Image Credit source: Instagram/@wrappedinpaws_
ਭਾਰਤ ਵਿੱਚ, ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਤਿਉਹਾਰ ਦਹੀਂ ਹਾਂਡੀ ਦੀ ਰਸਮ ਨਾਲ ਬਹੁਤ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਇਸ ਦੌਰਾਨ, ਲੋਕ ਇੱਕ ਮਨੁੱਖੀ ਪਿਰਾਮਿਡ ਬਣਾਉਂਦੇ ਹਨ ਅਤੇ ਰੱਸੀ ਨਾਲ ਲਟਕਦੇ ਮਿੱਟੀ ਦੇ ਘੜੇ, ਯਾਨੀ ਹਾਂਡੀ ਤੱਕ ਪਹੁੰਚਦੇ ਹਨ, ਅਤੇ ਫਿਰ ਇਸ ਨੂੰ ਤੋੜ ਕੇ ਜਸ਼ਨ ਮਨਾਉਂਦੇ ਹਨ। ਪਰ ਗੁਜਰਾਤ ਦੇ ਸੂਰਤ ਤੋਂ ਇੱਕ ਵੀਡਿਓ ਵਾਇਰਲ ਹੋਇਆ ਹੈ, ਜਿਸ ਨੇ ਲੋਕਾਂ ਦੇ ਦਿਲਾਂ ਨੂੰ ਛੂਹ ਲਿਆ ਹੈ। ਇਸ ਵਿੱਚ, ਰਵਾਇਤੀ ਦਹੀਂ ਹਾਂਡੀ ਤਿਉਹਾਰ ਨੂੰ ਦਿਲ ਨੂੰ ਛੂਹ ਲੈਣ ਵਾਲੇ ਰੂਪ ਵਿੱਚ ਦਿਖਾਇਆ ਗਿਆ ਹੈ।
ਹਾਂਡੀ ਵਿਚ ਦਹੀਂ ਦੀ ਜਗ੍ਹਾਂ ਭਰਿਆ ਕੁੱਤਿਆਂ ਲਈ ਭੋਜਨ
ਇਸ ਵਾਇਰਲ ਵੀਡਿਓ ਵਿੱਚ, ਜਾਨਵਰਾਂ ਨੂੰ ਬਚਾਉਣ ਵਾਲੀ ਅਤੇ ਸਮਾਜਕ ਕਾਰਕੁਨ ਤ੍ਰਿਸ਼ਾ ਜੀਵਦਿਆ ਨੇ ਆਵਾਰਾ ਕੁੱਤਿਆਂ ਲਈ ਇੱਕ ਅਨੋਖੀ ਦਹੀਂ ਹਾਂਡੀ ਦਾ ਆਯੋਜਨ ਕੀਤਾ। ਇਸ ਵਿੱਚ, ਹਾਂਡੀ ਦਹੀਂ ਦੀ ਬਜਾਏ ਕੁੱਤਿਆਂ ਦੇ ਖਾਣੇ ਨਾਲ ਭਰੀ ਹੋਈ ਸੀ। ਵੀਡਿਓ ਵਿੱਚ, ਤੁਸੀਂ ਦੇਖੋਗੇ ਕਿ ਜਿਵੇਂ ਹੀ ਹਾਂਡੀ ਟੁੱਟੀ, ਸਾਰੇ ਆਵਾਰਾ ਕੁੱਤੇ ਖੁਸ਼ੀ ਨਾਲ ਨੱਚਣ ਲੱਗ ਪਏ ਅਤੇ ਖਾਣੇ ਦਾ ਆਨੰਦ ਲੈਣ ਲੱਗ ਪਏ।
‘ਡੌਗ ਕ੍ਰਿਸ਼ਨਾ‘ ਨੇ ਜਿੱਤਿਆ ਦਿਲ
ਇਸ ਜਸ਼ਨ ਨੂੰ ਖਾਸ ਅਤੇ ਯਾਦਗਾਰ ਬਣਾਉਣ ਲਈ, ਤ੍ਰਿਸ਼ਾ ਨੇ ਰੈਸਕਿਉਂ ਕੀਤੇ ਗਏ ਅਵਾਰਾ ਕੁੱਤਿਆਂ ਨੂੰ ਭਗਵਾਨ ਕ੍ਰਿਸ਼ਨ ਵਰਗੇ ਵਸਤਰਾਂ ਨਾਲ ਸਜਾਇਆ। ਛੋਟੇ ਤਾਜ ਅਤੇ ਰੰਗੀਨ ਕੱਪੜੇ ਪਹਿਨ ਕੇ, ਇਨ੍ਹਾਂ ‘ਡੌਗ ਕ੍ਰਿਸ਼ਨਾਂ‘ ਨੇ ਲੋਕਾਂ ਦਾ ਬਹੁਤ ਧਿਆਨ ਆਪਣੇ ਵੱਲ ਖਿੱਚਿਆ। ਇਨ੍ਹਾਂ ‘ਡੌਗ ਕ੍ਰਿਸ਼ਨਾਂ‘ ਦੀਆਂ ਤਸਵੀਰਾਂ ਅਤੇ ਵੀਡਿਓਜ਼ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ ਨੂੰ ਲੋਕ ਬਹੁਤ ਪਸੰਦ ਕਰ ਰਹੇ ਹਨ।
ਜਾਗਰੂਕਤਾ ਪੈਦਾ ਕਰਨ ਲਈ ਕੀਤਾ ਇਹ
ਤ੍ਰਿਸ਼ਾ ਨੇ ਕਿਹਾ ਕਿ ਉਨ੍ਹਾਂ ਇਸ ਮੌਕੇ ਦੀ ਵਰਤੋਂ ਸੜਕਾਂ ‘ਤੇ ਰਹਿਣ ਵਾਲੇ ਅਵਾਰਾ ਜਾਨਵਰਾਂ ਦੀ ਦੇਖਭਾਲ ਅਤੇ ਅਧਿਕਾਰਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਕੀਤਾ। ਉਨ੍ਹਾਂ ਨੇ ਦਿੱਲੀ ਅਤੇ ਐਨਸੀਆਰ ਦੀਆਂ ਗਲੀਆਂ ਤੋਂ ਅਵਾਰਾ ਕੁੱਤਿਆਂ ਨੂੰ ਹਟਾਉਣ ਅਤੇ ਉਨ੍ਹਾਂ ਨੂੰ ਆਸਰਾ ਘਰਾਂ ਵਿੱਚ ਭੇਜਣ ਦੇ ਸੁਪਰੀਮ ਕੋਰਟ ਦੇ ਹਾਲ ਹੀ ਦੇ ਹੁਕਮਾਂ ਵਿਰੁੱਧ ਇੱਕ ਰੈਲੀ ਵਿੱਚ ਸ਼ਾਮਲ ਹੋਣ ਦਾ ਐਲਾਨ ਵੀ ਕੀਤਾ ਸੀ ।