Viral Video: ਬੱਸ ਨਾਲ Prank ਕਰਕੇ ਭੱਜ ਰਿਹਾ ਸੀ Couple, ਵਿਚਕਾਰ ਸੜਕ ਦੇ ਮਿਲਿਆ ਇਨਾਮ! VIDEO ਵਾਇਰਲ

Image Credit source: Social Media

ਇੱਕ ਕਪਲ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨਾਲ ਲੋਕ ਹੈਰਾਨ ਵੀ ਹਨ ਤੇ ਕੀਤੇ ਨਾ ਕੀਤੇ ਹਾਸਾ ਵੀ ਰੋਕ ਨਹੀਂ ਪਾ ਰਹੇ ਹਨ। ਵੀਡੀਓ ਵਿੱਚ,ਕਪਲ ਸੜਕ ਦੇ ਵਿਚਕਾਰ ਇੱਕ ਸਿਟੀ ਬੱਸ ਰੋਕਦਾ ਹੈ ਅਤੇ Prank ਕਰਦਾ ਹੈ ਜੋ ਸਕਿੰਟਾਂ ਵਿੱਚ ਗੰਭੀਰ ਹਾਦਸੇ ਵਿੱਚ ਬਦਲ ਜਾਂਦਾ ਹੈ। ਸ਼ਹਿਰ ਦੀ ਭੀੜਭਾੜ ਵਾਲੀ ਸੜਕ ‘ਤੇ ਵਾਪਰੀ ਇਸ ਘਟਨਾ ਨੇ ਇੰਟਰਨੈਟ ਯੂਜਰਸ ਵਿੱਚ ਗਰਮ ਬਹਿਸ ਛੇੜ ਦਿੱਤੀ ਹੈ। ਕੁਝ ਇਸ ਨੂੰ ਮੂਰਖਤਾ ਕਹਿ ਰਹੇ ਹਨ, ਜਦੋਂ ਕਿ ਕੁਝ ਇਸ ਨੂੰ ਰੀਲ ਬਨਾਉਣ ਲਈ ਆਪਣੀ ਜਾਨ ਖਤਰੇ ਵਿੱਚ ਪਾਉਣਾ ਕਹਿ ਰਹੇ ਹਨ।

ਵੀਡੀਓ ਦੀ ਸ਼ੁਰੂਆਤ ਇੱਕ ਮੁੰਡੇ ਅਤੇ ਕੁੜੀ ਨਾਲ ਹੁੰਦੀ ਹੈ ਜੋ ਬੱਸ ਦੇ ਪਿਛਲੇ ਦਰਵਾਜ਼ੇ ਕੋਲ ਖੜ੍ਹੇ ਹੁੰਦੇ ਹਨ। ਉਹ ਕੈਮਰੇ ਦੇ ਸਾਹਮਣੇ ਮਸਤੀ ਵਿੱਚ ਹੁੰਦੇ ਹਨ, ਜਿਵੇਂ ਕਿਸੇ ਫਿਲਮ ਦਾ ਕੋਈ ਰੋਮਾਂਟਿਕ ਸੀਨ ਸ਼ੂਟ ਕਰ ਰਹੇ ਹੋਣ। ਕੁੜੀ ਬੱਸ ਦੀਆਂ ਪੌੜੀਆਂ ਚੜ੍ਹਦੀ ਹੈ ਅਤੇ ਮੁੰਡਾ ਉਸ ਨੂੰ ਪਿੱਛੇ ਤੋਂ ਆਪਣੀ ਪਿੱਠ ‘ਤੇ ਚੁੱਕ ਲੈਂਦਾ ਹੈ। ਇਹ ਦ੍ਰਿਸ਼ ਹਲਕਾ-ਫੁਲਕਾ ਅਤੇ ਮਜ਼ੇਦਾਰ ਲੱਗਦਾ ਹੈ, ਪਰ ਅਗਲੇ ਹੀ ਪਲ ਕੁਝ ਅਜਿਹਾ ਵਾਪਰਦਾ ਹੈ ਜੋ ਕਿਸੇ ਨੂੰ ਵੀ ਹੈਰਾਨ ਕਰ ਦੇਵੇਗਾ।

ਹੋਈ ਜੋਰਦਾਰ ਟੱਕਰ

ਜਿਵੇਂ ਹੀ ਮੁੰਡਾ ਕੁੜੀ ਨੂੰ ਆਪਣੀ ਪਿੱਠ ‘ਤੇ ਬਿਠਾ ਕੇ ਦੌੜਨਾ ਸ਼ੁਰੂ ਕਰਦਾ ਹੈ, ਸਾਹਮਣੇ ਤੋਂ ਇੱਕ ਸਾਈਕਲ ਸਵਾਰ ਆ ਜਾਂਦਾ ਹੈ। ਟੱਕਰ ਇੰਨੀ ਭਿਆਨਕ ਹੁੰਦੀ ਹੈ ਕਿ ਤਿੰਨੋਂ ਸੜਕ ‘ਤੇ ਡਿੱਗ ਜਾਂਦੇ ਹਨ। ਕੁੜੀ ਮੁੰਡੇ ਦੇ ਉੱਪਰ ਡਿੱਗ ਜਾਂਦੀ ਹੈ ਅਤੇ ਮੁੰਡਾ ਸਿੱਧਾ ਸੜਕ ਦੇ ਵਿਚਕਾਰ ਡਿੱਗ ਜਾਂਦਾ ਹੈ। ਟੱਕਰ ਇੰਨੀ ਜ਼ਬਰਦਸਤ ਹੁੰਦੀ ਹੈ ਕਿ ਉੱਥੇ ਮੌਜੂਦ ਲੋਕ ਵੀ ਡਰ ਜਾਂਦੇ ਹਨ। ਇੱਕ ਪਲ ਲਈ, ਸੜਕ ਤੇ ਹਫੜਾ-ਦਫੜੀ ਵਾਲਾ ਮਾਹੋਲ ਪੈਦਾ ਹੋ ਜਾਂਦਾ ਹੈ।

ਇਹ ਵੀਡੀਓ ਇੰਸਟਾਗ੍ਰਾਮ ‘ਤੇ @Ramanand06 ਨਾਮ ਦੇ ਯੂਜ਼ਰ ਵਲੋਂ ਸ਼ੇਅਰ ਕੀਤਾ ਗਿਆ ਸੀ। ਲੋਕ ਕਹਿ ਰਹੇ ਹਨ ਕਿ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਦੀ ਇੱਛਾ ਨੇ ਬਹੁਤ ਸਾਰੇ ਨੌਜਵਾਨਾਂ ਨੂੰ ਅਸਲ ਜ਼ਿੰਦਗੀ ਤੋਂ ਵੱਖ ਕਰ ਦਿੱਤਾ ਹੈ। ਉਹ ਭੁੱਲ ਜਾਂਦੇ ਹਨ ਕਿ ਇੱਕ ਗਲਤ ਹਰਕਤ ਕਿਸੇ ਦੀ ਜ਼ਿੰਦਗੀ ਦਾ ਰੁਖ ਬਦਲ ਸਕਦੀ ਹੈ। ਸੜਕ ‘ਤੇ ਸਟੰਟ ਕਰਨਾ ਜਾਂ ਕੁਝ ਸਕਿੰਟਾਂ ਦੀ ਵੀਡੀਓ ਲਈ ਦੂਜਿਆਂ ਦੀ ਸੁਰੱਖਿਆ ਨੂੰ ਨਜ਼ਰਅੰਦਾਜ਼ ਕਰਨਾ ਬਿਲਕੁਲ ਵੀ ਸਿਆਣਪ ਨਹੀਂ ਹੈ।

ਵੀਡੀਓ ਇਥੇ ਦੇਖੋ :

ਇਹ ਘਟਨਾ ਇੱਕ ਵਾਰ ਫਿਰ ਇਹ ਸਵਾਲ ਖੜ੍ਹਾ ਕਰਦੀ ਹੈ ਕਿ ਵਾਇਰਲ ਹੋਣ ਦੀ ਇੱਛਾ ਦੇ ਸਾਹਮਣੇ ਹੁਣ ਜਿੰਦਗੀ ਦੀ ਵੀ ਕੋਈ ਕੀਮਤ ਨਹੀਂ ਹੈ? ਕੀ ਲੋਕ ਕੁਝ ਸਕਿੰਟਾਂ ਦੀ ਪ੍ਰਸਿੱਧੀ ਲਈ ਆਪਣੀਆਂ ਅਤੇ ਦੂਜਿਆਂ ਦੀਆਂ ਜਾਨਾਂ ਨੂੰ ਖਤਰੇ ਵਿੱਚ ਪਾ ਦੇਣਗਹੇ? ਇਹ ਵੀਡੀਓ ਸਿਰਫ਼ ਹਾਸੇ ਦੀ ਗੱਲ ਨਹੀਂ ਹੈ, ਸਗੋਂ ਇੱਕ ਚੇਤਾਵਨੀ ਹੈ ਕਿ ਲਾਪਰਵਾਹੀ ਕਈ ਵਾਰ ਬਹੁਤ ਮਹਿੰਗੀ ਸਾਬਤ ਹੋ ਸਕਦੀ ਹੈ।