YouTuber ਨੇ ਠੋਕ ਦਿੱਤੀ 1.7 ਕਰੋੜ ਰੁਪਏ ਦੀ ਆਪਣੀ ਸੁਪਰਕਾਰ, ਡਰਾਈਵਿੰਗ ਦੌਰਾਨ ਕਰ ਰਿਹਾ ਸੀ ਲਾਈਵ ਸਟ੍ਰੀਮ; ਵੀਡੀਓ ਵਾਇਰਲ

YouTuber ਨੇ ਡਰਾਈਵਿੰਗ ਦੌਰਾਨ ਠੋਕ ਦਿੱਤੀ 1.7 ਕਰੋੜ ਦੀ ਸੁਪਰਕਾਰ

ਅਮਰੀਕਾ ਵਿੱਚ ਇੱਕ ਯੂਟਿਊਬਰ ਆਪਣੀ ਸੁਪਰਕਾਰ ਚਲਾਉਂਦੇ ਸਮੇਂ ਲਾਈਵਸਟ੍ਰੀਮ ਕਰ ਰਿਹਾ ਸੀ ਜਦੋਂ ਕਾਰ ਕੰਟਰੋਲ ਤੋਂ ਬਾਹਰ ਹੋ ਗਈ ਅਤੇ ਸੜਕ ਕਿਨਾਰੇ ਰੇਲਿੰਗ ਨਾਲ ਸਿੱਧੀ ਟਕਰਾ ਗਈ। ਹਾਦਸੇ ‘ਚ ਕਾਰ ‘ਚ ਸਵਾਰ ਇਕ ਹੋਰ ਨੌਜਵਾਨ ਗੰਭੀਰ ਜ਼ਖਮੀ ਹੋ ਗਿਆ, ਜਦਕਿ ਯੂਟਿਊਬਰ ਵਾਲ-ਵਾਲ ਬਚ ਗਿਆ। ਯੂਟਿਊਬਰ ਦੀ ਪਛਾਣ ਜੈਕ ਡੋਹਰਟੀ ਵਜੋਂ ਹੋਈ ਹੈ, ਜੋ ਕਿ ਯੂਟਿਊਬ ਅਤੇ ਕਿੱਕਸਟ੍ਰੀਮਰ ‘ਤੇ ਆਪਣੇ ਦਲੇਰ ਸਟੰਟ ਲਈ ਜਾਣਿਆ ਜਾਂਦਾ ਹੈ। ਇਹ ਹਾਦਸਾ ਫਲੋਰੀਡਾ ਦੇ ਮਿਆਮੀ ਹਾਈਵੇਅ ‘ਤੇ ਉਸ ਸਮੇਂ ਵਾਪਰਿਆ, ਜਦੋਂ ਭਾਰੀ ਮੀਂਹ ਪੈ ਰਿਹਾ ਸੀ। ਹਾਦਸੇ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਹੈ, ਜਿਸ ਕਾਰਨ ਲੋਕਾਂ ‘ਚ ਗੁੱਸਾ ਪਾਇਆ ਜਾ ਰਿਹਾ ਹੈ।

ਵਾਇਰਲ ਹੋ ਰਹੀ ਵੀਡੀਓ ਵਿੱਚ, 20 ਸਾਲ ਦੇ ਕੰਟੇਂਟ ਕ੍ਰਿਏਟਰ ਜੈਕ ਡੋਹਰਟੀ ਨੂੰ 1.7 ਕਰੋੜ ਰੁਪਏ ਦੀ ਆਪਣੀ ਮੈਕਲਾਰੇਨ ਸੁਪਰਕਾਰ ਚਲਾਉਂਦੇ ਦੇਖਿਆ ਜਾ ਸਕਦਾ ਹੈ। ਵੀਡੀਓ ‘ਚ ਤੁਸੀਂ ਦੇਖੋਗੇ ਕਿ ਜੈਕ ਡਰਾਈਵਿੰਗ ਕਰਦੇ ਹੋਏ ਲਾਈਵਸਟ੍ਰੀਮਿੰਗ ਵੀ ਕਰ ਰਿਹਾ ਹੈ। ਫਿਰ ਉਹ ਕਾਰ ‘ਤੇ ਕਾਬੂ ਗੁਆ ਬੈਠਦਾ ਹੈ ਅਤੇ ਕਾਰ ਤਿਲਕਣ ਵਾਲੀ ਸੜਕ ‘ਤੇ ਅੱਗੇ ਵਧ ਜਾਂਦੀ ਹੈ ਅਤੇ ਰੇਲਿੰਗ ਨਾਲ ਟਕਰਾ ਜਾਂਦੀ ਹੈ। ਵੀਡੀਓ ਵਿੱਚ YouTuber ਨੂੰ ਚੀਕਦੇ ਸੁਣਿਆ ਜਾ ਸਕਦਾ ਹੈ।

ਜੈਕ ਨੇ ਮੈਕਲਾਰੇਨ ਸੁਪਰਕਾਰ ਨੂੰ 2,02,850.10 ਡਾਲਰ (ਭਾਵ 1.7 ਕਰੋੜ ਰੁਪਏ ਤੋਂ ਵੱਧ) ਵਿੱਚ ਖਰੀਦਿਆ ਸੀ। ਵੀਡੀਓ ‘ਚ ਜੈਕ ਨੂੰ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਾਅਦ ਆਪਣੀ ਟੁੱਟੀ ਹੋਈ ਕਾਰ ਨੂੰ ਦੇਖ ਕੇ ਅਫਸੋਸ ਕਰਦੇ ਦੇਖਿਆ ਜਾ ਸਕਦਾ ਹੈ। ਉਸ ਨੇ ਖੁਦ ਹਾਦਸੇ ਤੋਂ ਬਾਅਦ ਕਈ ਫੁਟੇਜ ਸਾਂਝੀਆਂ ਕੀਤੀਆਂ, ਜਿਨ੍ਹਾਂ ਵਿੱਚੋਂ ਇੱਕ ਵਿੱਚ ਨੁਕਸਾਨੇ ਵਾਹਨ ਦੇ ਅੰਦਰ ਫਸੇ ਹੋਏ ਮਦਦ ਲਈ ਚੀਕਦੇ ਹੋਏ ਉਸ ਦੀ ਤਣਾਅ ਵਾਲੀ ਕਲਿੱਪ ਵੀ ਸ਼ਾਮਲ ਹੈ। ਦੇਖਿਆ ਜਾ ਸਕਦਾ ਹੈ ਕਿ ਰਾਹਗੀਰ ਜੈਕ ਵੱਲ ਭੱਜਦੇ ਹਨ ਅਤੇ ਟੁੱਟੀ ਹੋਈ ਖਿੜਕੀ ਤੋਂ ਬਾਹਰ ਨਿਕਲਣ ਵਿੱਚ ਉਸਦੀ ਮਦਦ ਕਰਦੇ ਹਨ।

ਇੱਥੇ ਵੀਡੀਓ ਦੇਖੋ

ਯੂਟਿਊਬਰ ਜੈਕ ਡੋਹਰਟੀ ਨੇ ਹਸਪਤਾਲ ਤੋਂ ਸਾਂਝਾ ਕੀਤਾ ਇਹ ਵੀਡੀਓ

ਇਸ ਘਟਨਾ ਲਈ ਸੋਸ਼ਲ ਮੀਡੀਆ ‘ਤੇ ਜੈਕ ਦੀ ਕਾਫੀ ਆਲੋਚਨਾ ਹੋਈ ਸੀ। ਨੇਟੀਜ਼ਨਸ ਨੇ ਉਸਦੀ ਲਾਪਰਵਾਹੀ ‘ਤੇ ਸਵਾਲ ਕੀਤਾ, ਖਾਸ ਤੌਰ ‘ਤੇ ਇਸ ਗੱਲ ‘ਤੇ ਵਿਚਾਰ ਕਰਦੇ ਹੋਏ ਕਿ ਉਸਦੇ ਲੱਖਾਂ ਫਾਲੋਅਰਜ਼ ‘ਤੇ ਕਿੰਨਾ ਪ੍ਰਭਾਵ ਹੈ। ਘਟਨਾ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ, ਸਟ੍ਰੀਮਿੰਗ ਪਲੇਟਫਾਰਮ ਕਿਕ ਨੇ ਤੁਰੰਤ ਕਾਰਵਾਈ ਕੀਤੀ ਅਤੇ ਉਸ ਦੇ ਅਕਾਉਂਟ ਨੂੰ ਬੈਨ ਕਰ ਦਿੱਤਾ।

ਪੀਪਲਜ਼ ਦੀ ਰਿਪੋਰਟ ਮੁਤਾਬਕ ਕਿੱਕ ਦੇ ਬੁਲਾਰੇ ਨੇ ਕਿਹਾ, ‘ਅਸੀਂ ਗਲਤ ਚੀਜ਼ਾਂ ਦਾ ਬਿਲਕੁਲ ਵੀ ਸਮਰਥਨ ਨਹੀਂ ਕਰਦੇ। ਇਸ ਘਟਨਾ ਨੇ ਸੁਰੱਖਿਆ ਅਤੇ ਜ਼ਿੰਮੇਵਾਰੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ।’ ਜੈਕ ਨੇ ਪਿਛਲੇ ਸਾਲ ਦੇ ਅੰਤ ਵਿੱਚ ਮੈਕਲਾਰੇਨ ਨੂੰ ਵੱਡੀ ਰਕਮ ਵਿੱਚ ਖਰੀਦਿਆ ਸੀ, ਜਿਸ ਬਾਰੇ ਉਸਨੇ ਆਪਣੇ ਯੂਟਿਊਬ ਚੈਨਲ ‘ਤੇ ਮਾਣ ਨਾਲ ਦੱਸਿਆ ਸੀ।