Viral: ਛੱਪੜ ਵਿੱਚ ਬੱਚਿਆਂ ਵਾਂਗ ਖੇਡਦਾ ਨਜ਼ਰ ਆਇਆ ਟਾਈਗਰ, Video ਦੇਖ ਕੇ ਲੋਕਾਂ ਨੇ ਕੀਤੇ ਫਨੀ ਕੁਮੈਂਟ

Image Credit source: Social Media

ਗਰਮੀਆਂ ਹੋਣ ਜਾਂ ਬਰਸਾਤ ਦਾ ਮੌਸਮ, ਜਾਨਵਰਾਂ ਨੂੰ, ਮਨੁੱਖਾਂ ਵਾਂਗ, ਪਾਣੀ ਨਾਲ ਬਹੁਤ ਪਿਆਰ ਹੁੰਦਾ ਹੈ। ਇਹ ਕੁਦਰਤੀ ਤੋਹਫ਼ਾ ਨਾ ਸਿਰਫ਼ ਉਨ੍ਹਾਂ ਦੀ ਪਿਆਸ ਬੁਝਾਉਂਦਾ ਹੈ, ਸਗੋਂ ਖੇਡ ਅਤੇ ਆਨੰਦ ਦਾ ਵਧੀਆ ਸਰੋਤ ਵੀ ਬਣਦਾ ਹੈ। ਖਾਸ ਕਰਕੇ ਜਦੋਂ ਉਨ੍ਹਾਂ ਨੂੰ ਖੇਡਣ ਲਈ ਕੁਝ ਨਵਾਂ ਮਿਲਦਾ ਹੈ, ਤਾਂ ਉਨ੍ਹਾਂ ਦਾ ਉਤਸ਼ਾਹ ਦੇਖਣਯੋਗ ਹੁੰਦਾ ਹੈ। ਇਸ ਨਾਲ ਸਬੰਧਤ ਵੀਡੀਓ ਹਾਲ ਹੀ ਵਿੱਚ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਇੱਕ ਬਾਘ ਅਨੌਖੇ ਤਰੀਕੇ ਨਾਲ ਪਾਣੀ ਦਾ ਆਨੰਦ ਮਾਣਦਾ ਦਿਖਾਈ ਦੇ ਰਿਹਾ ਹੈ। ਵੀਡੀਓ ਵਿੱਚ, ਬਾਘ ਇੱਕ ਵੱਡੀ ਲਾਲ ਗੇਂਦ ਨਾਲ ਇਸ ਤਰ੍ਹਾਂ ਖੇਡ ਰਿਹਾ ਹੈ ਜਿਵੇਂ ਉਹ ਕਿਸੇ ਆਲੀਸ਼ਾਨ ਰਿਜ਼ੋਰਟ ਦੇ ਪੂਲ ਵਿੱਚ ਮਜ਼ਾ ਲੈ ਰਿਹਾ ਹੋਵੇ।

ਇਹ ਵੀਡੀਓ ਹਰ ਕਿਸੇ ਦੇ ਚਿਹਰਿਆਂ ‘ਤੇ ਮੁਸਕਰਾਹਟ ਲਿਆਉਂਦਾ ਹੈ। ਇਹ ਸਭ ਨੂੰ ਹੈਰਾਨ ਕਰਦਾ ਹੈ ਕਿ ਸਭ ਤੋਂ ਜੰਗਲੀ ਸ਼ਿਕਾਰੀ ਵੀ ਬੱਚਿਆਂ ਵਾਂਗ ਖੇਡਦੇ ਹੋਏ ਕਿੰਨਾ ਮਾਸੂਮ ਲੱਗ ਸਕਦਾ ਹੈ। ਲੋਕ ਬਾਘ ਦੇ ਇਸ ਖੇਡਣ ਵਾਲੇ ਵੀਡੀਓ ਨੂੰ ਪਸੰਦ ਕਰ ਰਹੇ ਹਨ ਅਤੇ ਸੋਸ਼ਲ ਮੀਡੀਆ ਯੂਜਰ ਫਨੀ ਕਮੈਂਟਸ ਪੋਸਟ ਕਰ ਰਹੇ ਹਨ।

ਆਖ਼ਿਰਕਾਰ ਬਾਘ ਨੇ ਕੀਤਾ ਕੀ ?

ਵੀਡੀਓ ਵਿੱਚ, ਬਾਘ ਇੱਕ ਛੋਟੇ ਜਿਹੇ ਤਲਾਬ ਜਾਂ ਝੀਲ ਵਰਗੀ ਜਗ੍ਹਾਂ ਵਿੱਚ ਉਤਰਦਾ ਹੈ ਜੋ ਪਾਣੀ ਨਾਲ ਭਰੀ ਹੁੰਦਾ ਹੈ। ਉੱਥੇ, ਉਸ ਨੂੰ ਇੱਕ ਚਮਕਦਾਰ ਲਾਲ ਗੇਂਦ ਦਿਖਾਈ ਦਿੰਦੀ ਹੈ। ਜਿਵੇਂ ਹੀ ਉਹ ਇਸ ਨੂੰ ਵੇਖਦਾ ਹੈ, ਉਸ ਦੀ ਦਿਲਚਸਪੀ ਜਾਗ ਜਾਂਦੀ ਹੈ। ਉਹ ਪਹਿਲਾਂ ਆਪਣੇ ਪੰਜੇ ਨਾਲ ਗੇਂਦ ਨੂੰ ਛੂਹਦਾ ਹੈ, ਫਿਰ ਹੌਲੀ-ਹੌਲੀ ਇਸ ਨੂੰ ਆਪਣੇ ਵੱਲ ਖਿੱਚਦਾ ਹੈ।

ਕੁਝ ਹੀ ਪਲਾਂ ਵਿੱਚ, ਉਹ ਗੇਂਦ ਨੂੰ ਫੜਕੇ ਘੁੰਮਣ ਲੱਗ ਜਾਂਦਾ ਹੈ, ਕਦੇ ਗੇਂਦ ਨੂੰ ਆਪਣੇ ਪੰਜਿਆਂ ਵਿੱਚ ਫੜਦਾ ਹੈ, ਕਦੇ ਇਸ ਨੂੰ ਆਪਣੀ ਠੋਡੀ ਨਾਲ ਮਾਰਦਾ ਹੈ, ਅਤੇ ਕਦੇ ਆਪਣੀ ਛਾਤੀ ਨਾਲ ਇਸ ਤਰ੍ਹਾਂ ਜੱਫੀ ਪਾਉਂਦਾ ਹੈ ਜਿਵੇਂ ਇਹ ਉਸ ਦੀ ਸਭ ਤੋਂ ਕੀਮਤੀ ਜਾਇਦਾਦ ਹੋਵੇ।

ਟਾਈਗਰ ਬੱਚਿਆਂ ਵਾਂਗ ਖੇਡਦਾ ਦਿਖਾਈ ਦਿੱਤਾ

ਇਹ ਦ੍ਰਿਸ਼ ਇੱਕ ਛੋਟੇ ਬੱਚੇ ਵਾਂਗ ਮਹਿਸੂਸ ਹੁੰਦਾ ਹੈ ਜੋ ਕਿਸੇ ਪਾਰਕ ਜਾਂ ਖੇਡ ਦੇ ਮੈਦਾਨ ਵਿੱਚ ਆਪਣੀ ਮਨਪਸੰਦ ਗੇਂਦ ਨਾਲ ਖੇਡ ਰਿਹਾ ਹੋਵੇ। ਫਰਕ ਸਿਰਫ਼ ਇਹ ਹੈ ਕਿ ਇੱਥੇ, ਇਹ ਕੋਈ ਬੱਚਾ ਨਹੀਂ ਹੈ, ਸਗੋਂ ਜੰਗਲ ਦਾ ਸਭ ਤੋਂ ਸ਼ਕਤੀਸ਼ਾਲੀ ਅਤੇ ਡਰਾਉਣਾ ਸ਼ਿਕਾਰੀ, ਬਾਘ ਹੈ।

ਵੀਡੀਓ ਇੱਥੇ ਦੇਖੋ।

ਇਸ ਵੀਡੀਓ ਦੀ ਖਾਸੀਅਤ ਸਿਰਫ਼ ਬਾਘ ਦਾ ਖੇਡ ਹੀ ਨਹੀਂ ਹੈ, ਸਗੋਂ ਉਸ ਦਾ ਵਿਵਹਾਰ ਵੀ ਹੈ। ਅਸੀਂ ਆਮ ਤੌਰ ‘ਤੇ ਬਾਘਾਂ ਨੂੰ ਹਮਲਾਵਰ ਅਤੇ ਡਰਾਉਣੇ ਵਜੋਂ ਦਰਸਾਉਂਦੇ ਹਾਂ, ਪਰ ਇਸ ਵੀਡੀਓ ਵਿੱਚ, ਉਹ ਪੂਰੀ ਤਰ੍ਹਾਂ ਸ਼ਾਂਤ ਅਤੇ ਆਰਾਮਦਾਇਕ ਦਿਖਾਈ ਦਿੰਦੇ ਹਨ। ਪਾਣੀ ਵਿੱਚ ਡੁਬਕੀ ਲਗਾਉਣ, ਗੇਂਦ ਸੁੱਟਣ ਅਤੇ ਫਿਰ ਉਸ ਨੂੰ ਫੜਨ ਦਾ ਉਸ ਦਾ ਕੁਦਰਤੀ ਸੁਭਾਅ ਦਿਲ ਨੂੰ ਛੂਹ ਲੈਣ ਵਾਲਾ ਹੈ। ਸ਼ਾਇਦ ਇਸੇ ਲਈ ਵੀਡੀਓ ਇੰਨੀ ਜਲਦੀ ਵਾਇਰਲ ਹੋ ਗਿਆ ਹੈ।