OMG: AI ਨੂੰ ਅਸਲੀ ਮਾਡਲ ਸਮਝਣ ਦੀ ਗਲਤੀ ਕਰ ਬੈਠੀ ਕੰਪਨੀ, ਹਰ ਮਹੀਨੇ ਕਰਵਾਈ 10 ਲੱਖ ਰੁਪਏ ਦੀ ਕਮਾਈ
ਅੱਜ-ਕੱਲ੍ਹ, AI ਦਾ ਕ੍ਰੇਜ਼ ਲੋਕਾਂ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਬਹੁਤ ਸਾਰੇ ਕੰਮ ਸਨ ਜੋ ਸਿਰਫ ਮਨੁੱਖ ਦੁਆਰਾ ਕੀਤੇ ਜਾਂਦੇ ਸਨ ਪਰ ਅੱਜ AI ਨੇ ਉਨ੍ਹਾਂ ਤੋਂ ਇਹ ਕੰਮ ਖੋਹ ਲਿਆ ਹੈ। ਹੁਣ AI ਦੀ ਵਰਤੋਂ ਮਾਡਲਾਂ ਲਈ ਵੀ ਕੀਤੀ ਜਾ ਰਹੀ ਹੈ। ਦੁਨੀਆ ਵਿੱਚ ਕਈ AI ਮਾਡਲ ਹਨ ਜੋ ਇਨਸਾਨਾਂ ਵਾਂਗ ਕੰਮ ਕਰ ਰਹੇ ਹਨ ਅਤੇ ਹਰ ਮਹੀਨੇ ਲੱਖਾਂ ਰੁਪਏ ਕਮਾ ਰਹੇ ਹਨ।
Pic Credit: Tv9hindi.com
ਟ੍ਰੈਡਿੰਗ ਨਿਊਜ। ਇੱਕ ਸਮਾਂ ਸੀ ਜਦੋਂ ਲੋਕਾਂ ਨੂੰ ਪੈਸਾ ਕਮਾਉਣ ਲਈ ਬਹੁਤ ਮਿਹਨਤ ਕਰਨੀ ਪੈਂਦੀ ਸੀ, ਪਰ ਹੁਣ ਇਹ ਪੂਰੀ ਤਰ੍ਹਾਂ ਬਦਲ ਗਿਆ ਹੈ। ਅੱਜ ਕੱਲ੍ਹ ਸੋਸ਼ਲ ਮੀਡੀਆ ਵੀ ਪੈਸੇ ਕਮਾਉਣ ਦਾ ਇੱਕ ਵਧੀਆ ਸਾਧਨ ਬਣ ਗਿਆ ਹੈ। ਇਸ ਕਾਰਨ, ਦੁਨੀਆ ਹੁਣ ਔਫਲਾਈਨ ਤੋਂ ਆਨਲਾਈਨ ਹੋ ਗਈ ਹੈ। ਦੁਨੀਆ ਭਰ ‘ਚ ਕਈ ਅਜਿਹੇ ਮਾਡਲ ਅਤੇ ਐਕਟਰ (Actor) ਹਨ ਜੋ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਕੇ ਕਰੋੜਾਂ ਰੁਪਏ ਕਮਾ ਲੈਂਦੇ ਹਨ। ਪਰ ਇਹ ਦੁਨੀਆਂ ਬਾਹਰੋਂ ਜਿੰਨੀ ਖੂਬਸੂਰਤ ਹੈ, ਓਨੀ ਹੀ ਦੁੱਖਾਂ ਨਾਲ ਭਰੀ ਹੋਈ ਹੈ। ਹਾਲ ਹੀ ‘ਚ ਇਕ ਅਜਿਹੀ ਹੀ ਮਾਡਲ ਦੀ ਕਹਾਣੀ ਸਾਹਮਣੇ ਆਈ ਹੈ। ਜੋ ਸੋਸ਼ਲ ਮੀਡੀਆ ਤੋਂ ਆਪਣੀ ਕਮਾਈ ਲਈ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ।
ਅਸੀਂ ਗੱਲ ਕਰ ਰਹੇ ਹਾਂ ਬਾਰਸੀਲੋਨਾ ਦੀ ਮਾਡਲ ਏਟਨਾ ਹਾਲ ਹੀ ‘ਚ ਚਰਚਾ ‘ਚ ਰਹੀ ਹੈ। ਇਹ ਮਾਡਲ ਆਪਣੀ ਵਿਗਿਆਪਨ ਕਮਾਈ ਕਾਰਨ ਸੁਰਖੀਆਂ ‘ਚ ਆਈ ਸੀ ਕਿਉਂਕਿ ਕਈ ਕੰਪਨੀਆਂ ਇਸ ਮਾਡਲ ਨੂੰ ਇਨਸਾਨ ਸਮਝ ਕੇ ਉਸ ਨੂੰ ਲੱਖਾਂ ਰੁਪਏ ਦੇ ਠੇਕੇ ਦੇ ਰਹੀਆਂ ਸਨ। ਉਨ੍ਹਾਂ ਦਾ ਕੰਮ ਸਿਰਫ ਇੰਸਟਾਗ੍ਰਾਮ (Instagram) ‘ਤੇ ਉਸ ਬ੍ਰਾਂਡ ਦੇ ਕੱਪੜੇ ਜਾਂ ਜੁੱਤੀਆਂ ਪਾ ਕੇ ਆਪਣੀ ਤਸਵੀਰ ਪੋਸਟ ਕਰਨਾ ਸੀ ਕਿਉਂਕਿ ਇਕ ਲੱਖ ਤੋਂ ਵੱਧ ਲੋਕ ਇਸ ਨੂੰ ਫਾਲੋ ਕਰਦੇ ਹਨ। ਇਨ੍ਹਾਂ ਫਾਲੋਅਰਜ਼ ਦੇ ਦਮ ‘ਤੇ ਏਟਨਾ ਨੇ ਇਕ ਮਹੀਨੇ ‘ਚ 10 ਲੱਖ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ।
ਕੰਪਨੀ ਨੇ ਕੀਤਾ ਇਹ ਵੱਡਾ ਖੁਲਾਸਾ ?
ਹੁਣ ਇਸ ਮਾਡਲ (Model) ਨਾਲ ਜੁੜੀ ਇੱਕ ਅਜਿਹੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਬਾਰੇ ਦੁਨੀਆ ਨੂੰ ਪਤਾ ਵੀ ਨਹੀਂ ਸੀ। ਅਸਲ ਵਿੱਚ ਇਹ ਇੱਕ AI ਮਾਡਲ ਸੀ। ਜਿਸ ਨੂੰ ਮਾਡਲਿੰਗ ਏਜੰਸੀ ਦ ਕਲਿਊਲੈਸ ਨੇ ਬਣਾਇਆ ਹੈ। ਇਹ AI ਮਾਡਲ ਕੰਪਨੀ ਦਾ ਟੈਸਟ ਸੀ ਜੋ ਪੂਰੀ ਤਰ੍ਹਾਂ ਸਫਲ ਰਿਹਾ ਅਤੇ ਹੁਣ ਇਸ ਕੰਪਨੀ ਨੇ ਸੋਚ ਲਿਆ ਹੈ ਕਿ ਉਹ ਸਿਰਫ AI ਮਾਡਲਾਂ ਨਾਲ ਹੀ ਕੰਮ ਕਰੇਗੀ।
ਇਸ ਸਫਲਤਾ ਤੋਂ ਬਾਅਦ, ਏਜੰਸੀ ਨੇ ਮਾਡਲਾਂ ਦੇ ਤੌਰ ‘ਤੇ ਮਨੁੱਖਾਂ ਨੂੰ ਰੁਜ਼ਗਾਰ ਦੇਣਾ ਬੰਦ ਕਰ ਦਿੱਤਾ ਹੈ। ਏਜੰਸੀ ਦਾ ਕਹਿਣਾ ਹੈ ਕਿ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਮਾਡਲਾਂ ਨਾਲ ਕੰਮ ਕਰਨਾ ਬਹੁਤ ਸੌਖਾ ਹੈ ਕਿਉਂਕਿ ਇਹ ਇਨਸਾਨਾਂ ਵਾਂਗ ਮੰਗ ਨਹੀਂ ਕਰਦੇ। ਇਸ ਤੋਂ ਇਲਾਵਾ ਲੋਕ ਹੁਣ ਹੱਥੀਂ ਕੰਮ ਛੱਡ ਕੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਟੈਕਨਾਲੋਜੀ ਵੱਲ ਰੁਖ ਕਰ ਰਹੇ ਹਨ ਅਤੇ ਸਮੇਂ ਦੀ ਮੰਗ ਨਾਲ ਸਾਨੂੰ ਆਪਣੇ ਆਪ ਨੂੰ ਬਦਲਣਾ ਪਵੇਗਾ ਅਤੇ ਇਹ ਸਮੇਂ ਦੀ ਮੰਗ ਹੈ।