Jugaad Viral Video: ਬੱਚਿਆਂ ਨੂੰ ਗੱਡੀ ਵਿੱਚ ਬਿਠਾਉਣ ਲਈ ਕੀਤਾ ਗਿਆ ਅਜਿਹਾ ਜੁਗਾੜ, ਦੇਖ ਕੇ ਭੜਕ ਗਏ ਲੋਕ

Follow Us On

ਕਰਾਚੀ ਤੋਂ ਦੇਸੀ ਜੁਗਾੜ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਨੇਟੀਜ਼ਨ ਕਹਿ ਰਹੇ ਹਨ ਕਿ ਅਜਿਹਾ ਨਜ਼ਾਰਾ ਸਿਰਫ਼ ਪਾਕਿਸਤਾਨ ਵਿੱਚ ਹੀ ਦੇਖਿਆ ਜਾ ਸਕਦਾ ਹੈ। ਇਹ ਵੀਡੀਓ ਇੱਕ ਵਿਲੱਖਣ ਢੰਗ ਨਾਲ ਡਿਜ਼ਾਈਨ ਕੀਤੀ ਗਈ ਕਾਰ ਬਾਰੇ ਹੈ ਜਿੱਥੇ ਬੂਟ ਕੱਟਿਆ ਗਿਆ ਹੈ ਅਤੇ ਇੱਕ ਜਾਲੀ ਨਾਲ ਢੱਕਿਆ ਗਿਆ ਹੈ। ਇੰਨਾ ਹੀ ਨਹੀਂ, ਇਸ ਵਿੱਚ ਤਿੰਨ ਬੱਚੇ ਵੀ ਬੈਠੇ ਹਨ। ਹਾਲਾਂਕਿ, ਇਸ ਜੁਗਾੜ ਨੂੰ ਦੇਖਣ ਤੋਂ ਬਾਅਦ ਪਾਕਿਸਤਾਨੀ ਲੋਕ ਗੁੱਸੇ ਵਿੱਚ ਹਨ ਅਤੇ ਇਸਨੂੰ ਬੱਚਿਆਂ ਲਈ ਖਤਰਨਾਕ ਕਹਿ ਰਹੇ ਹਨ।

ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਇੱਕ ਵਿਲੱਖਣ ਡਿਜ਼ਾਈਨ ਵਾਲੀ ਕਾਰ ਤੇਜ਼ ਰਫ਼ਤਾਰ ਨਾਲ ਚੱਲ ਰਹੀ ਹੈ, ਜਿਸ ਨੂੰ ਇਸ ਤਰੀਕੇ ਨਾਲ Modify ਕੀਤਾ ਗਿਆ ਹੈ ਕਿ ਵੱਧ ਤੋਂ ਵੱਧ ਲੋਕ ਇਸ ਵਿੱਚ ਬੈਠ ਸਕਣ। ਵੀਡੀਓ ਵਿੱਚ, ਤੁਸੀਂ ਦੇਖੋਗੇ ਕਿ ਕਾਰ ਦੇ ਮਾਲਕ ਨੇ ਬੂਟ ਕੱਟ ਕੇ ਉਸ ਵਿੱਚ ਜਾਲ ਲਗਾਇਆ ਹੈ ਅਤੇ ਉਸ ਜਗ੍ਹਾ ਦੀ ਵਰਤੋਂ ਆਪਣੇ ਬੱਚਿਆਂ ਨੂੰ ਬਿਠਾਉਣ ਲਈ ਕੀਤੀ ਹੈ। ਦੂਰੋਂ ਦੇਖਣ ‘ਤੇ ਇੰਝ ਲੱਗਦਾ ਹੈ ਜਿਵੇਂ ਬੱਚੇ ਪਿੰਜਰੇ ਵਿੱਚ ਕੈਦ ਹੋਣ।

ਇਹ ਵੀਡੀਓ ਪਿੱਛੇ ਆ ਰਹੀ ਦੂਜੀ ਕਾਰ ਦੇ ਡਰਾਈਵਰ ਨੇ ਰਿਕਾਰਡ ਕੀਤਾ ਹੈ। ਵੀਡੀਓ ਵਿੱਚ, ਆਦਮੀ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ, ਇਸ ਭਰਾ ਨੂੰ ਦੇਖੋ। ਇਹ ਦ੍ਰਿਸ਼ ਕਰਾਚੀ ਦਾ ਹੈ। ਮਾਸ਼ਾਅੱਲ੍ਹਾ! ਪਿੰਜਰੇ ਵਿੱਚ ਬੰਦ ਕੀਤੇ ਹੋਏ ਹਨ ਭਰਾ।

ਇਹ ਵੀਡੀਓ ਇੰਸਟਾਗ੍ਰਾਮ ‘ਤੇ driveclub.pk ਨਾਮ ਦੇ ਪੇਜ ‘ਤੇ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਨੂੰ ਹੁਣ ਤੱਕ ਸੈਂਕੜੇ ਲਾਈਕਸ ਅਤੇ ਲੱਖਾਂ ਵਿਊਜ਼ ਮਿਲ ਚੁੱਕੇ ਹਨ। ਯੂਜ਼ਰ ਨੇ ਕੈਪਸ਼ਨ ਦੇ ਨਾਲ ਮਜ਼ਾਕ ਉਡਾਇਆ, ਤਕਨਾਲੋਜੀਆ। ਹਾਲਾਂਕਿ, ਕਲਿੱਪ ਦੇਖਣ ਤੋਂ ਬਾਅਦ, ਜ਼ਿਆਦਾਤਰ ਯੂਜ਼ਰਸ ਗੁੱਸੇ ਵਿੱਚ ਹਨ ਅਤੇ ਆਪਣੇ Reactions ਜ਼ੋਰਦਾਰ ਢੰਗ ਨਾਲ ਦਰਜ ਕਰ ਰਹੇ ਹਨ।

ਇਹ ਵੀ ਪੜ੍ਹੋ- ਵੱਡੀਆਂ ਮੱਛੀਆਂ ਨੂੰ ਫਟਾ-ਫੱਟ ਨਿਗਲ ਗਿਆ ਇਹ ਪੰਛੀ, ਦੇਖ ਕੇ ਹੈਰਾਨ ਰਹਿ ਗਏ ਲੋਕ

ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, ਅਗਿਆਨਤਾ ਦੀ ਹੱਦ ਹੈ। ਇੱਕ ਹੋਰ ਯੂਜ਼ਰ ਨੇ ਕਿਹਾ, ਅਜਿਹੇ ਮਾਪਿਆਂ ਨੂੰ ਸਿੱਧਾ ਜੇਲ੍ਹ ਭੇਜ ਦੇਣਾ ਚਾਹੀਦਾ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਇਹ ਸੋਚ ਕੇ ਹੀ ਮੇਰੇ ਲੂਹ ਕੰਡੇ ਖੜ੍ਹੇ ਹੋ ਜਾਂਦੇ ਹਨ ਕਿ ਜੇਕਰ ਕੋਈ ਵਾਹਨ ਪਿੱਛੇ ਤੋਂ ਬੱਚਿਆਂ ਨੂੰ ਟੱਕਰ ਮਾਰਦਾ ਹੈ ਤਾਂ ਉਨ੍ਹਾਂ ਦਾ ਕੀ ਹੋਵੇਗਾ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਇਹ ਕਿਸੇ ਵੀ ਕੋਣ ਤੋਂ ਮਜ਼ਾਕੀਆ ਨਹੀਂ ਹੈ। ਇੱਕ ਗਲਤੀ ਅਤੇ ਖੇਡ ਖਤਮ।