Viral Video: ਐਸਕੇਲੇਟਰ ‘ਤੇ ਮਹਿਲਾ ਦਾ ਖ਼ਤਰਨਾਕ ਸਟੰਟ, ਸੋਸ਼ਲ ਮੀਡੀਆ ‘ਤੇ ਭੜਕਿਆ ਲੋਕਾਂ ਦਾ ਗੁੱਸਾ; ਤੂਸੀ ਵੀ ਦੇਖੋ ਵੀਡੀਓ

Image Credit source: X/@desimojito

ਸ਼ਾਪਿੰਗ ਮਾਲ, ਰੇਲਵੇ ਸਟੇਸ਼ਨ ਅਤੇ ਮੈਟਰੋ ਸਟੇਸ਼ਨਾਂ ‘ਤੇ ਐਸਕੇਲੇਟਰ ਲੋਕਾਂ ਦੀ ਸਹੂਲਤ ਲਈ ਬਣਾਏ ਗਏ ਹਨ, ਪਰ ਕੁਝ ਲੋਕ ਇਸ ਦੀ ਦੁਰਵਰਤੋਂ ਕਰਨ ਤੋਂ ਬਾਜ਼ ਨਹੀਂ ਆ ਰਹੇ। ਸੋਸ਼ਲ ਮੀਡੀਆ ‘ਤੇ ਰੀਲ ਬਣਾਉਣ ਦੇ ਜਨੂਨ ਵਿੱਚ ਲੋਕ ਐਸਕੇਲੇਟਰ ‘ਤੇ ਅਜਿਹੀਆਂ ਖ਼ਤਰਨਾਕ ਹਰਕਤਾਂ ਕਰ ਰਹੇ ਹਨ ਕਿ ਦੇਖਣ ਵਾਲੇ ਵੀ ਹੈਰਾਨ ਰਹਿ ਜਾਂਦੇ ਹਨ।

ਅੱਜ-ਕੱਲ੍ਹ ਅਜਿਹਾ ਹੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਜਿੱਥੇ ਹੈਰਾਨ ਹਨ, ਉੱਥੇ ਹੀ ਭਾਰੀ ਨਾਰਾਜ਼ਗੀ ਵੀ ਜ਼ਾਹਰ ਕਰ ਰਹੇ ਹਨ। ਵੀਡੀਓ ਵਿੱਚ ਸਾੜ੍ਹੀ ਪਹਿਨੀ ਇੱਕ ਮਹਿਲਾ ਐਸਕੇਲੇਟਰ ‘ਤੇ ਅਜਿਹੀ ਲਾਪਰਵਾਹੀ ਭਰੀ ਹਰਕਤ ਕਰਦੀ ਨਜ਼ਰ ਆ ਰਹੀ ਹੈ, ਜਿਸ ਨੂੰ ਬਹੁਤ ਹੀ ਖ਼ਤਰਨਾਕ ਮੰਨਿਆ ਜਾ ਰਿਹਾ ਹੈ।

ਐਸਕੇਲੇਟਰ ‘ਤੇ ਦਿਖਾਇਆ ਜਾਨਲੇਵਾ ਸਟੰਟ

ਇਹ ਨਜ਼ਾਰਾ ਕਿਸੇ ਮਾਲ ਜਾਂ ਮੈਟਰੋ ਸਟੇਸ਼ਨ ਦਾ ਹੋ ਸਕਦਾ ਹੈ। ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਸਾੜ੍ਹੀ ਪਹਿਨੀ ਇੱਕ ਮਹਿਲਾ ਐਸਕੇਲੇਟਰ ਦੇ ਨਾਲ ਲੱਗੀ ਰੇਲਿੰਗ ‘ਤੇ ਚੜ੍ਹ ਜਾਂਦੀ ਹੈ। ਉਸ ਨੂੰ ਅਜਿਹਾ ਕਰਦੇ ਦੇਖ ਕੇ ਉੱਥੇ ਮੌਜੂਦ ਲੋਕ ਵੀ ਦੰਗ ਰਹਿ ਜਾਂਦੇ ਹਨ। ਅਗਲੇ ਹੀ ਪਲ ਉਹ ਸਿੱਧਾ ਚਲਦੇ ਹੋਏ ਐਸਕੇਲੇਟਰ ‘ਤੇ ਛਾਲ ਮਾਰ ਦਿੰਦੀ ਹੈ।

ਇਸ ਤੋਂ ਬਾਅਦ ਉਹ ਐਸਕੇਲੇਟਰ ਦੀ ਦਿਸ਼ਾ ਦੇ ਉਲਟ, ਯਾਨੀ ਪਿੱਛੇ ਵੱਲ ਭੱਜਦੇ ਹੋਏ ਹੇਠਾਂ ਉਤਰਨ ਲੱਗਦੀ ਹੈ। ਉਹ ਅਜੀਬੋ-ਗਰੀਬ ਹਰਕਤਾਂ ਕਰਦੇ ਹੋਏ ਤੇਜ਼ੀ ਨਾਲ ਕਦਮ ਵਧਾਉਂਦੀ ਹੈ ਅਤੇ ਕੁਝ ਹੀ ਸੈਕੰਡਾਂ ਵਿੱਚ ਹੇਠਾਂ ਪਹੁੰਚ ਜਾਂਦੀ ਹੈ। ਭਾਵੇਂ ਇਹ ਨਜ਼ਾਰਾ ਕੁਝ ਸੈਕੰਡਾਂ ਦਾ ਹੈ, ਪਰ ਇਸ ਨੇ ਲੋਕਾਂ ਦਾ ਗੁੱਸਾ ਵਧਾ ਦਿੱਤਾ ਹੈ।

ਲਾਖਾਂ ਵਾਰ ਦੇਖਿਆ ਜਾ ਚੁੱਕਾ ਹੈ ਵੀਡੀਓ

ਇਸ ਹੈਰਾਨ ਕਰਨ ਵਾਲੇ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) ‘ਤੇ @desimojito ਨਾਮ ਦੀ ਆਈਡੀ ਤੋਂ ਸਾਂਝਾ ਕੀਤਾ ਗਿਆ ਹੈ। ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, ਕਿਸੇ ਅਣਹੋਣੀ ਦੀ ਸਥਿਤੀ ਵਿੱਚ ਉਹ ਸਰਕਾਰ ਨੂੰ ਦੋਸ਼ੀ ਠਹਿਰਾਉਣਗੇ। ਮਹਿਜ਼ 20 ਸੈਕੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 6 ਲੱਖ 36 ਹਜ਼ਾਰ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ 3 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਇਸ ਨੂੰ ਲਾਈਕ ਕੀਤਾ ਹੈ।

ਸੋਸ਼ਲ ਮੀਡੀਆ ‘ਤੇ ਲੋਕਾਂ ਦੀ ਤਿੱਖੀ ਪ੍ਰਤੀਕਿਰਿਆ

ਵੀਡੀਓ ਦੇਖ ਕੇ ਇੱਕ ਯੂਜ਼ਰ ਨੇ ਲਿਖਿਆ, ਅਜਿਹੇ ਲੋਕਾਂ ਦਾ ਮਨੋਬਲ ਉਦੋਂ ਹੀ ਵਧਦਾ ਹੈ ਜਦੋਂ ਪ੍ਰਸ਼ਾਸਨ ਕੋਈ ਕਾਰਵਾਈ ਨਹੀਂ ਕਰਦਾ। ਸੋਸ਼ਲ ਮੀਡੀਆ ਕੰਪਨੀਆਂ ਨੂੰ ਅਜਿਹੇ ਖ਼ਤਰਨਾਕ ਵੀਡੀਓ ਹਟਾ ਦੇਣੇ ਚਾਹੀਦੇ ਹਨ। ਇੱਕ ਹੋਰ ਯੂਜ਼ਰ ਨੇ ਨਾਰਾਜ਼ਗੀ ਜ਼ਾਹਰ ਕਰਦਿਆਂ ਕਿਹਾ, ਉਨ੍ਹਾਂ ਲੋਕਾਂ ‘ਤੇ ਸ਼ਰਮ ਆਉਂਦੀ ਹੈ ਜੋ ਸਿਰਫ਼ ਲਾਈਕਸ ਅਤੇ ਵਿਊਜ਼ ਪਾਉਣ ਲਈ ਆਪਣੀ ਜਾਨ ਜ਼ੋਖਮ ਵਿੱਚ ਪਾਉਂਦੇ ਹਨ। ਜੇਕਰ ਕੁਝ ਗਲਤ ਹੋ ਜਾਂਦਾ ਹੈ, ਤਾਂ ਇਹੀ ਲੋਕ ਸਭ ਤੋਂ ਪਹਿਲਾਂ ਸਰਕਾਰ ‘ਤੇ ਇਲਜ਼ਾਮ ਲਗਾਉਂਦੇ ਹਨ। ਜ਼ਿੰਮੇਵਾਰੀ ਦੋਵਾਂ ਪਾਸਿਆਂ ਤੋਂ ਨਿਭਾਉਣੀ ਪੈਂਦੀ ਹੈ।